O DE CONSTANT DU HAMEL

Mes sires vient, oez le là ; Mes bien sai qu'il s'en rira ja :

Il n'est pas tens de dosnoier.

— Dame, » ce dist le forestier, « Vostre sire vous het de mort, Se ne prenez de moi confort. »

Dist la dame : « Fêtes isnel,

Si en entrez en cel tonnel. »

Ele corut le van oster, Et cil saut enz sanz arester; Le prestre ataint en la poitrine, Au provost fet ploier l'eschine; Mes nus d'aus n'en osa groucier:

« Ha, las ! » ce dist le forestier, a Com sui folement embatuz.

— Qu'est ce? Mal soiez vous venuz, »

Dist le provost, « traiez vous là ;

Je cuit que je crèverai ja,

Se nous sommes ci longuement.

— Ha, las ! » dist le prestre dolent, « Com ci a dolente poitrine !

— Mes je ai brisie l'eschine, »

Dist le provost, « au mien cuidier.

— Ha, las ! » ce dist le forestier, « A poi que li oeil ne me saillent.

Les vies qui tant nous travaillent.

Soient honies hui cest jor,

Que nous vivons à grant dolor ! »

Estes vous dant Constant bruiant.

Une grant hache paumoiant.

igO FABLIAU CVI haq

Dame Ysabiaus l'a acené,

Tout bêlement li a conté

Comme el les a mis el tonel :

« Por Dieu, sire, or en ouvrez bel;

Fêtes en ce que il feïssent

Se au desus de nous venissent.

Il voloient à moi gésir;

Je ferai lor famés venir,

Si ferez samblant, et tout outre

La première vous covient foutre,

Et puis les .II., se vous poez;

Ses avrez honiz et matez.

Je vueil que ainsi le faciez.

Si les avrez à droit paiez.

Et tenez adès ceste hache,

Quar ele vaut une manache ;

Donez lor en, se nus se muet.

~ Dame, » dist il, « fere l'estuet.

— Galestrot, vien ça, pute asnesse, Va moi tost querre la prestresse :

Di li qu'el viegne o moi baingnier.

Et vous alez appareillier

Là dejouste celé grant mait ; Si soiez toz diz en agait.

— Dame, vostre plesir ferai. »

Galestrot s'en va par le tai.

Tant a la prestresse hastée Que a l'ostel l'a amenée.

La dame l'a fet deschaucier.

Et de toz ses dras despoillier.