DE CONSTANT DU HAMEL IC

Fors seulement de sa chemise ;

Li vilains a sa hache prise,

Qui moût bien samble espoentail.

De sa chambre ist a tout .i. mail :

(' Qui est ce là, et qui est ceste ?

Ja n'i querrai ore plus preste :

Couchiez vous tost, si vous foutrai. »

Celé le vit hideus et lai;

Si n'osa parler ne grondir.

Cil la vait aus jambes saisir.

Si l'a couchie toute enverse ;

Ne la prist pas à la traverse,

Ainz l'a acueillie de bout,

Et ele li livra trestout,

Ne li vea jambe ne cuisse.

Mes au prestre que ele puisse.

Ne s'en plaindra mes de semaine

Qui ou tonne! est à grant paine,

Qu'il en fet le verruel voler.

Li provos prist à esgarder; .

Si vit le vilain braoillier;

Au prestre moustre sa moillier :

« Qu'est ce, » dist il, « que je voi là ?

Or esgardez ce que sera :

Ce puet bien estre la prestresse,

La connoistriez vous à la fesse

Et aus estres qui sont entor ?

L'en la demaine à grant dolor. »

Lors n'i a nul des .11. ne rie;

Au prestre est l'alaine faillie

Du duel qu'il a et de la honte.

Mes ne vueil aloingnier mon conte.

Quant dant Constant l'ot bien corbée, Si l'a fors de l'ostel boutée :

Ele s'en va moût coroucie.

Galestrot ert ja envoie Por fere venir la provoste.

Dant Constans d'une part s'acoste, Tant qu'ele fust leenz venue :

Quant ele se fu desvestue, Et el cuida el baing entrer, Dant Constans li va demander :

« Que requiert ceste dame ci ?

— Avoi, dant Constant, Dieu merci.

Ci sui venue mainte foiz.

— Par foi, dame, si est bien droiz Que vous ore i soiez foutue. »

La dame fu toute esperdue;

Si se poroffri à deffendre,

Et cil la vait aus jambes prendre :

Se li a levées amont.

Les genouz li hurta au front.

Por ce qu'ele se deffendoit,

L'a il corbée si estroit

C'on i peûst jouer aus dez.

Se li prestres fu eschaufez

Li provos fu autant ou plus.

Quant il la vit par le pertuis

Démener si vilainement.

Le forestier s'en rist forment,

83o DE CONSTANT DU HAMEL igB

Et le prestre quant il la voit :

« Or en voi une à grant destroit, Provost, connois tu celé là?

Je cuit qu'ele tumbera ja. »

Ainsi chascuns le contralie ; Li provos ne set que il die De duel qu'il ne se puet vengier; Qui li donast tout Monpellier, N'issist il .1. mot de sa bouche.

Dant Constans sovent la retouche D'un fuisil qu'il avoit moût gros; Lor cul erent plus noir que fros Qui moût estoient près à près.

Cil les esgardent tout adès, Qui ou tonnel erent mucié.

Onques celé ne prist congié; Quant sire Constans l'ot corbée, Hors de son ostel l'a boutée, Ainz n'en porta mantel ne cote.

Galestrot par la vile trote, Si amena la forestière :

Celé i vint à poi de proiere.

Quant à l'ostel en fu venue, Et ele se fu desvestue, Se li restuet avoir sa paie.

Dans Constans qui pas ne s'esmaie, Qui moût est d'anieus couvine, Et plus veluz c'une esclavine, Por ce qu'il la vit esbahie :

« Ceste, » dist il, « sera m'amie,

Je la fouterai jusqu'au pas.

— Avoi, dant Constant, est ce gas?

— Gas ? Vous le verrez ja par tans. » A poi qu'ele n'issi du sans,

Quar il la prist de tel ravine,

Qu'il la fist cheoir sor l'eschine ;

Si l'a si durement corbée

C'on i peûst veoir l'entrée

De bien loing, qui s'en preïst garde :

« Esgarde, forestier, esgarde, »

Dist le provost, « ce que puet estre.

— Je le voi bien, » ce dist le prestre : « Lor mireor si sont moût orbes,

Lor cul erent plus noir que torbes. »

Le forestier est si plains d'ire

Que il ne set qu' il doie dire ;

Mes ce le fet reconforter

Que l'un ne puet l'autre gaber ;

Et bien voient qu'il l'a corbée

Et rebessie et restupée ;

Puis l'i renseigne à l'uis la voie.

Si souëf la dame convoie

Qu'il l'a fet voler ou putel

Son peliçon et son mantel,

Et sa cote remest en gage.

Moût par fu dame Ysabiaus sage,

Toz diz tint la hache en sa main.

Or escoutez de son vilain;

Au tonnel vint, sel descouvri :

« Por le cuer bieu, et qu'est ce ci ?