DE CONSTANT DU HAMEL
Qui a cest tonnel emplumé,
Là où je doi mètre mon blé ?
Par le cuer bieu, je l'ardrai ja. »
Lors prent le feu, se li bouta,
Et la plume prist à bruUer;
Le tonnel fist jus roeler.
Fors s'en issent, chascuns s'en fuit.
Moût mainent grant noise et grant bruit.
Tuit estoient de plume enclos :
Il n'i paroit ventre ne dos.
Teste, ne jambe, ne costé.
Que tuit ne fussent emplumé.
Aus chans issent par une rue.
Et Constans prist une maçue,
Si s'en vait après eus corant;
Toz jors lor vait les chiens huant :
« Houre, Gibet! houre, Manssel!
Par l'ame d'Anquetain Hamel,
Mon chier père qui me norri,
Ainz mes puis l'eure que nasqui,
N'oï mes parler de teus bestes ;
Se j'en peûsse avoir les testes,
Jes presentaisse mon seignor. »
Or ot chascuns d'aus grant paor .
Si s'esploitent de tost fuir.
Et chien commencent à venir;
Baloufart, le chien au provost.
Le sesi aus jambes tantost ;
Si en porta plaine sa goule.
Le prestre rest en maie foule.
iq6 fabliau cvi 920
Quar Esmeraude, sa levriere,
Le sesi aus naces derrière,
Et à la coille merveilleuse;
Por noient i meïst venteuse.
Puisqu' Esmeraude si est prise,
Por trestout l'or qui est .en Frise,
N'en partist ele sanz du sanc.
Li prestres fu las et estanc :
Si se lest cheoir à la terre.
Dant Constant l'est alez requerre ;
O toute la hache danoise
Tel cop li done en la ventoise
Que .III. tors le fist roeler,
Vueille ou non, le iîst jus verser.
Quant il H ot les chiens ostez,
Après les .11. en est alez;
Li provos avoit .1. lévrier
Qui consivi le forestier.
Des cuisses li tret les braons.
Estes vous plus de .vu. gaingnons
Qui vers le provost se hericent;
Sovent le mordent et pelicent.
ConsTans i est venuz corant
O tout .1. grant baston pesant,
Qui pesoit plain .1. vessiau d'orge. ,
Au provost a sauvé la gorge
Que li chien orent adenté ;
Tantost l'eussent estranglé,
Mes il fuient por le baston;
Ja li avoient le crespon
>5o DE CONSTANT DU HAMEL 197
En plus de .xx. lieus deschiré.
Le forestier ont adenté, Et il crie : « Constans, aïe ; Por Dieu, le filz sainte Marie, Ne me lesse mie mengier :
James e: te toudrai denier. »
Et dans Constans les chiens li oste Qui l'ont et devant et d'encoste En plus de .xxx. lieus plaie, Et cil se tient à bien paie.
Quant li chien li furent osté, Forment li sainent li costé.
Es vous la presse qui engroisse, Toute la gent de la paroisse I corurent de toutes pars, Et par buissons et par essars :
Moût i ot grant noise et grant presse, Et chascuns d'aus veoir s'engresse, Por ce que mal atome erent, A poi que li chien nés tuèrent Par lor pechié, par lor envie, Tant qu'il jurèrent sor lor vie, Seur la croiz et seur le sautier, Et seur toz les sainz du moustier, Qu'a sire Constant du Hamel N'a sa famé dame Ysabel, Ne diront mes riens, se bien non.
Et la dame est en sa meson.
Qui deniers a à grant plenté ; Por ce qu'a sagement ouvré,
Les deniers ot et les joiaus; Et si furent quites de ciaus Que dans Constans avoit promis.
En cest fabel n'avra plus mis, Quar atant en fine le conte; Que Dieus nous gart trestoz de honte !
Explicit de Constant du HameL
