DE LA PUCELE

QJJl ABEVRA LE POLAIN Paris, Bibl. nat., Mss. fr. 191 52, fol. 55 r° à 56 r».

JACONTER vueil unc aventure [Par joie et par envoiseùre; ;Ele n'est pas vilaine à dire, [Mais moz por la gent faire rire.

11 avint, lonc tans a passé,

C'uns vilains avoit amassé

Grant avoir et grant norreture,

Quar molt avoit large pasture.

Delez .1. bois où il manoit,

Asez de terres i avoit;

N'i repairoient gaire gent.

Une fille ot de bel cors gent,

Qui molt estoit mignote et bêle.

Ne voloit oïr la pucele

De foutre parler à nul fuer,

Qu'ele n'en eiist mal au cuer,

Com s'el eûst vomite prise;

N'il ne tenoit en son servise

Li vilains nul home vivant,

Quar sa fille aloit estrivant

OO FABLIAU CVII 5o

Tant que cil chachiez en estoit, Qui de foutre parler savoit, Ne tenoit covenant ne foiz :

Aler les en fist maintes foiz.

Il n'est nus qui ne prengne some As joenes genz, ce est la some, Et c'est à toz .1. molt doz mot.

El monde n'a sote ne sot, Ne vielle de .iiiixx, anz, Qui ne soit durement joianz, Quant el en oit .i. sol mot dire, Au meins l'en estuet il à rire.

Ainsi cil nul sergant n'avoit.

Qui de quanqu'il onques savoit, Faisoit son bon à la meschine.

Cil qui savoient son covine.

Se gaboient communément, Et trestuit li autre ensement, Tant c'uns clercs parler en oï.

Qui durement s'en esjoï.

Et dit par i'ame de son père Qu'il velt ore que il i père.

Se il-sfet or mais point de guile.

Arroment se part de la vile.

Une coife a mis en sa teste :

Vint au vilein qui molt fu beste ; Salué l'a, et cil li rent Son salu debonairement :

(c Sire, ge vos di à estrous, »

Fait cil qui vistes est et proz,

l8o . DE LA PUCELE

« Que bien ai aie entretant :

N'avez encore nul serjant Qui soit avuec vos qui vos serve ; Si quit que vos i aiez perte, Vez me ci, si me retenez.

— Vos estes molt bien assenez, »

Fait li vilains, « se Dieus me gart, Et vos estes de bone part.

Se volez volentiers servir, Et vostre loier deservir.

Du mien vos donrai bonement; Et si vos métrai en couvent Que, se vos parliez de foutre, Et cest mot deïssiez tôt outre.

Fors iriez isnel le pas.

Ne vos garantiroie pas :

Quar ma fille, com el Toit dire, Si pleure de doleur et d'ire ; Quar ele dit que mal li fait.

Quant en parole de tel fait:

Se de moi volez riens avoir Ne o moi estre en mon voloir, Orendroit me fiancerez Que ja .1. mot n'en parlerez.

— Sire, c'est il bien avenant.

Et ge vos met en covenant, »

Fait se li clers; « se Dieus me saut. N'en parlerai n'en bas n'en haut. » Molt par estoit bien enseigniez :

.In. foiz est hautement seigniez,

Fabl. IV 26

Lors a dit : « Dieus me beneïe,

Il m'est vis que ce soit folie.

En est, dites, sire, sanz faille?

Don est foutre non à deabie ?

Et vos, si me ramentevez.

Et si vos di, g'en sui grevez.

Quant ici est amenteùz :

Toz dis fust mais par moi teûz,

Molt me fait mal quant en parole. »

La pucele entent la parole ;

Molt isnelement avant saut,

Et dist : a Sire, se Dieus me saut,

Icil valiez est retenuz,

Que bien soit il ore venuz.

Cist n'a mie fait lonc marchié,

Tost l'aurion nos rechangié :

Ge dirai que .x. sous avra. »

Et cist dist laborer savra,

Batre et vener et bien hoer;

En la fin s'en porroit loer,

Onques mais n'orent serjant tel.

Ainsinc est remés en l'ostel,

N'i ot noient plus de groucier,

Ainsinc remest trusqu'au coschier.

Lï vilains sa fille en apele, Si li a dit : « Ma damoisele.

Faites à cel vallet .i. lit, Que il est tans d'aler gésir, Là de defors en celé granche. »

La damoisele qui fu franche,

140 DE LA PUCELE 2q3

Et qui cuida auques savoir, Li dist : « Sire, volez savoir?

Ge ai assez lit à nos deus :

Poor avroit se il ert seus. »

Li clers l'oit, forment s'en envoise.

Mais sanblant fait que il en poise, Et dit : a Ge n'i coucherai pas :

Or m'est avis que ce soit gas ; S'estiez avuec moi couchie, Tost me querriez vilenie :

Mielz vueil en la granche ge»ir, Ne ferai pas vostre plaisir ; N'a mestier que me faciez honte.

— Ice, » fait ele, « rien ne monte : Ge ne vos querrai se bien non, N'en soiez ja en soupeçon. »

Mais sachiez que molt li plaisoijt Ce que cil s'en escondisoit.

S'il i couche ne li soit grief.

Et ele li dist de rechief :

« Amis doz, or n'aiez paor j O moi coucheroiz à sejor.

— Par foi, » fait il, « ge n'en puis mais; Alons couchier, je >ui toz près. »

Isneleraent se deschaucerent, Enbedui en .1. lit couchereat, Estainte fu tost la lumière ;

Et li vilains, com une bière, S'i recoucha de l'autre part.

A poi,U clers. d'angoise n'art

Por la pucele que il sent.

Si atant fait de hardement,

Sor ses mameles mist sa mein :

« Qu'est ce, » fist il, « par seint Germain ?»

La pucele sanz contredit

Li dist : « Frère, se Deus m'aïst,

Ce sont .11. coilles de mouton,

Néant certes ne vos menton, »

Fait ele, « qui pendent iqui. »

Et cil sa mein aval guenchi.

Si li a mis sor le nombril :

« Qui est ce ci, bêle? » fait il.

— Sire, par foi, c'est .i. noel

Où ge me geu quant il m'est bel. »

Puis li mist sa mein sor le con :

« Qu'est ce, » fait il, « par seint Simon?

— Sire, par foi, c'est ma fontaine, Qui toz jors sort et ja n'ert pleine. » .1. petit aval sa mein trait

Vers le treu dont la porte brait :

« Que est ce ci, bêle, » fait il,

« Qui^^st enprès le fontenil ? «

La pucele rien ne li celé :

« C'est li cornerres, voir, » fait ele,

« Qui ainsi garde ma fontaine;

Sovent de corner pert l'aleine,

Seiirement gel vos pramet. «

Cil sor le panil sa mein met,

Sel senti creû et barbé :

« Et qu'est ce ci, por amor Dé ?

DE LA PUCELE 2o5

— Par foi, » fait ele, « c'est .i. bos Dont li mur sont très bien enclos De ma fonteine tôt entor,

N'i a autre mur n'autre tor.

« Sire, » fait el, « or recovient Que vos façoiz .i. poi de bien; Ne soiez pas desconfortez Se requier ce que vos avez. » • Sor le ventre sa mein li lance. Et puis aval molt s'en avance ; Par le vit engorgié et roide Le prist tantost à sa mein froide :

« Que est ice? » fait la meschine, « Qui ci s'en vait. A il mecine ?

Il est plus roides que .i. pel, Ainz mais chose ne senti tel.

— Bêle, » fait il, « c'est mon cheval. > El atrait sa mein contreval.

De sor le vit qui molt fu Ions ; Si a trouvé les deus coilloiis.

Si li a demandé que c'est.

Et cil de respondre fu prest :

« Ce sont, » fait il, « dui mareschal Qui ci me gardent mon cheval.

Et por ce que il est braidis.

Sont aproschié de lui toz dis.

Et par aus maine grant efforz.

— Vostre cheval qui si est forz, Dites moi, » fait el, « qu'i mengue?

Vorroit il aveine batue ? »

FABLIAO CVII

Fait cil : « Aveine n'a foison, Il ne menjue se char non^ Il ne fu onques soolez, Si en est auques adolez.

Si a tel soif que il se muert, Esgardez com il se detuert; Il baaille de fine angoisse, A poi que li cous ne li froisse, A bien poi qu'il n'en pert l'aleine.

— Beveroit il à ma fontaine, »

Fait ele, « se ge li metoie ?

— Oïl, » fait il, « se Dieus me voie ; Mais li corneres grouceroit.

— Par foi, » fait ele, « non feroit, Et, se il groce por nul rnal,

Si soient prest li mareschal :

Si le bâtent errant molt bien Se il grouce de nule rien. »

Abevré l'a, à l'ainz qu'il pot, Mais li corneres n'en dit mot,, Et il fu bien batuz toz dis Et des mareschauz molt laidis.

Par cest essanpie monstrer vueil Que femes n'aient point d'orgueil De foutre palier hautement.

Quant il foutent tôt igalment.

Mieldres raison est que se haucent :

Teus en parolent qui l'essaucent, Quar molt a entre faire et dire ; Mais li eus plus que corde tiçe.