DU VILAIN DE BAILLUFL

Envis le fet et tost le lesse,

Et li prestre fîst corte lesse ;

N'avoit soing.de commander l'ame.

Par le poing a prise la dame;

D'une part vont en une açainte,

Desloïe l'a et desçainte :

Sor le fuerre noviau batu

Se sont andui entrabatu,

Cil adenz et celé souvine.

Li vilains vit tout le couvine,

Qui du linçuel ert acouvers,

Quar il tenoit ses ieus ouvers.

Si veoit bien l'estrain hocier,

Et vit le chapelain locier;

Bien sot ce fu li chapelains :

« Ahï ! ahï ! » dist li vilains

Au prestre : « Filz à putain ors i

Certes, se je ne fusse mors,

Mar vous i fussiez embatuz,

Ainz hom ne fu si bien batuz

Com vous seriez ja, sire prestre.*

— Amis, » fet il, « ce puet bien estre,

Et sachiez se vous fussiez vis

G'i venisse moût à envis.

Tant que l'ame vous fust ou cors ;

Mes de ce que vous estes mors.

Me doit il bien estre de mieus.

Gisiez vous cois, cloez vos ieus :

Nés devez mes tenir ouvers. »

Dont a cil ses ieus recouvers ;

Si se recommence à tesir.

Et li prestres fist son plesir Sanz paor et sanz resoingnier.

Ce ne vous sai je tesmoingnier S'il l'enfouirent au matin; Mes li fabliaus dist en la fin C'on doit por fol tenir celui Qui mieus croit sa famé que lui.

Expïicit du Vilain de Bailluel.

Les mots marquis de l'astérisque sont des corrections faites aux manuscrits.