DE LA MALE HONTE
[par GUILLAUME LE NORMAND]
Paris, Bibl. nat., Mss. fr. 217Î, fol. 9} v» à 94 v", et 191 52, fol. 62 y° i 63 r«.
EiGNOR, oez et entendez .1. flabel qu'est faiz et rimez, D'un roi qui Engleterre tint.
Toz ce fu voirs et si covint
Que en Engleterre ert .i. rois.
En icel tens ert us et droiz
Que, quant .i. hom moroit sanz oir,
Li rois avoit tôt son avoir.
Ce trovon nos avant el conte
Qu'uns preudons morust qu'ot non Honte;
Honte ert le preudom apelez,
Quant vit que tant fu adolez.
Et que il vit qu'il ne vivra,
.1. sien compère en apela :
« Compère, » dit Honte, « prenez
Mon avoir que vos là veez
En celé maie qui là pent;
Por Dieu vos pri omnipotent,
Se ge muir, portez la lou roi.
Si dites que ge li envoi,
Fabl. IV 6
2 FABLIAU XC 5o
Quar ce est raison et droiture. »
Et cil respont, et si li jure Que il la portera sanz faille, Por ce que du convent ne faille.
Honte morut de cel malage :
Si volt garder son comparage ; Maintenant prent la maie Honte, De la vile ist, el chemin monte.
Tant va, tant vient et tant demande.
Tant a erré par Inguelande, Qu'il a trové, desoz en l'onbre, Devant le pin le roi à Londre, O lui grant part de son barnaige :
« Sire, » fait il en son langaige, « La maie Honte vos aport.
Ge li oi covent à sa mort La maie Honte vos dorroie :
Prenez la, qu'il la vos envoie; Sire, prenez la maie Honte. »
Quant li rois l'ot, si a grant honte : - « Vilein, » dit il, « tu me mesdiz.
Mais tu aies honte toz diz !
De honte me puist Dieus défendre !
Près va que je ne te faz pendre. »
Encor voloit li vilains dire.
Mais cil le prenent à grant ire.
Qui environ le roi estoient; Tant le déboutent et desvoient Que tart li est, ce m'est avis, Que il se soit de cort partiz;
8o DEIAMALEHONTE
Bien li avint qu'il ne l'ont mort :
« Ha ! las, » fait il, « or me recort Que mes compères me pria, Quant il morut et defîna, Que cest avoir au roi donasse; Volentiers encor i pallasse, Et donroie la maie Honte; Mais cil chevalier et cil conte M'avroient ja mort, bien le sai.
Mais or sai bien que ge ferai :
Ge gaiterai sempres le roi, Quant au mostier ira par soi, Et il verra devant trestoz ; Encor serai ge si estoz, Que li donrai la maie Honte. »
A ce que ainsi dit et conte, Voit le roi au moutier aler, Et il le recort saluer.
Si con il entroit el mostier, Li commence haut à huschier.
Que tuit l'oïrent prince et conte :
« Sire, » fait il, « la maie Honte Vos aport ge encor et offre :
D'esterlins i a plein .i. coffre. »
Quant li rois l'ot, si a tel raige Avis li est que de duel arge :
Ne set que faire ne que dire.
Du vilein a tel duel et ire Que la maie Honte li baille.
Quant il a dit : « Où sont mi baille,
Et cil qui menjuent mon pain, Quant ne me tuent cel vilain ? »
Quant cil voient irié le roi, Sore li corent à desroi, Ja fust li preudons malbailliz.
Mais il s'estoit entr'aus quatiz ; Si le perdent entre la gent.
Ez vos celui forment dolent, Qui preudom et loiaus estoit.
Du roi qui forment s'en iroit Quant li offroit la maie Honte.
Cil dit que à lui plus ne monte, Mais tierce foiz li offerra, Et puis enprès si s'en ira ; S'or le devoit li rois ocirre, Si li era il encor dire Tierce foiée, quar c'est droiz.
Et, quant par ot mengié li rois Que il fut auques bauz et liez, Li vileins revint toz chargiez De la maie Honte qu'il porte.
A grant paor o chiere morte Li rehuche haut et reconte :
« Sire, sire, la maie Honte, »
Fait li preudons, « quar retenez, Quar par droit avoir la devez ; La maie Honte vos remaigne.
S'en donez à vostre compaigne ; La maie Honte est granz et lée, Ge la vos ai ci aportée.
