QUI MENGA LES MEURES
[par guerin] Paris, Bibl. nat., Mss. fr. 191 5i, fol. 56rȈ56T*.
'ui qu'en ait ire ne despit, ISanz terme prenre ne respit, Vos dirai d'un provoire .i. conte, .Si con GuERiNslenos raconte,
Qui au marchié voloit aler :
Sa jument a fait ensseler,
Qui granz estoit et bien peùe: -- - •
.II. ans l'ot li prestres tenue ;
N'avoit gaires ne soi ne fain,
Assez avoit aveine et fain.
Li prestre son chemin atome,*
Ne fait que monter, si s'entorne
Vers le marchié sor la jument,
Se l'estoire ne nos en ment.
Por icele saison me mambre,
Bien sai que ce fu en setembre,
Qu'il estoit grant plenté de meures.
Li prestre vait disant ses eures.
Ses matines et ses vegiles.
Mais à l'entrée de la vile.
54 FABLIAU XCII 5o
Plus loing que ne giete une fonde, Avoit une rue parfonde ; En .1. buisson avoit gardé, Des meures i vit grant plenté Grosses et noires et meures, Et li prestres tôt à droiture Dist que, se Jhesu li aïst, Si bêles meures mais ne vit.
Grant fain en ot, si ot talent, La jument fait aler plus lent.
Si s'arrestut tôt à estai. Mais une chose li fîst mal, Que les espines li nuisirent.
Et les meures qui si hait furent Les plus bêles el front devant, Qu'avenir n'i pot en séant, Adonc est li prestres dreciez, Sor la sele monte à .11. piez, Sor le buisson s'abaisse et cline.
Puis menjue de grant ravine Des plus bêles qu'il i eslut; Ainz la jument ne se remut.
Et quant il oit mengié assez.
Tant que il en fut tôt lassez, Vers terre garde et ne se mut, Et vit la jument qui s'estut ,^ .. Vers le roschoi trestote quoie; J''^'*^^ ^iy^'"-'-' S'en ot li prestres molt grant joie Qui à .11. piez est sus montez :
« Dieus, » fait il, « qui or diroit hezl »
8o DU PROVOIRE QUI MENGA LES MEURES 55
Il le pensa, et dist ensanble; Et la jument de poor tranble:
.1. saut a fait tôt à bandon, Et li prestres chiet el buisson En tel manière entre les ronces, Qui d'argent li donast .c. onces N'alast arrière ne avant, Et la jument s'en vait fuiant, Chez le provoire est revenue.
Quant li serjant l'ont conneiie, Chascun se maudit et se blasme, Et la feme au prestre se paume, Qu'ele quide que il soit morz.
Ci fu molt granz li desconforz :
Corant s'en vont vers le marchié ; Tant ont aie, et tant marchié, El buisson vienent trestot droit • Où le prestre en malaise esioit.
Et, quant il les ot dementer, Commença lors à escrier :
« Diva, diva, où alez vos ?
Ce sui ici molt doulerous, Pensis, dolenz, molt esmaiez, Quar trop sui malmis et bleciez, ^ Et poinz de ronces et d'espines, Don j'ai sanglentes les eschines. »
Li serjant li ont demandé :
« Sire, qui vos a là monté ?
— « Pechié, » fait il, « m'i embati.
Hui matin quant ge ving par ci,
Que j'aloie disant mes ores,
Si me prist molt grant fain de mores,
Que por rien nule avant n'alasse
Devant que assez en mengasse :
Si m'en est ainsi avenu
Que li buissons m'a retenu.
Quar m'aidiez tant que fors en soie,
Quar autre chose ne querroie.
Mais que ge fusse à garison
Et à repos en ma maison. »
Par cest flabel poez savoir Que cil ne fait mie savoir Qui tôt son pensé dit et conte, Quar maint domaige en vient et honte A mainte gent, ce est la voire, Ainsi con il fîst au provoire.
ExpUcit du Provoire qui menga les meures.
