DE BERENGIER AU LONG CUL

Par^, Bibl. nat., Mss. fr. 83 7, fol. 109 r" à 2 10 v".

'uiSQUE fabloier m'atalente iEt je i ai mise m'entente, Ne lerai qu'encor ne vous die i Jadis avint en Lombardie

D'un chevalier qui avoit famé.

N'ot el pais plus bêle dame

Ne plus cortoise ne plus sage,

Et si estoit de haut parage;

Mes son mari ert de vilains

Et si ert pereceus et vains

Et vanterres après mengier :

Moût se fesoit bon chevalier

Par parole; en .m. ou en quat're

Voudroit il par son cors abatre,

Et chascun jor à l'avesprer

Se fesoit richement armer,

Puis s'en montoit sor . i . destrier ;

Ja ne finast de chevauchier

Dedenz .i. bois toz seus entroit.

Quant dedens ert, si s'arestoit

Et esgardoit tout à loisir

Que nus ne le peùst veïr ;

Fabl. IV 8

Si aloit pendre son escu

A .1. arbre grant et foillu ;

De l'espée nue i feroit

Granz cops que tout le depeçoit;

S'en fesoit les pièces voler

Et depicier et estroer

Que point n'i demoroit d'entier ;

Puis se remetoit el sentier,

L'escu au col, la lance frète.

Con s'il eûst proëce fête

S'en revenoit moût fièrement

Et disoit à toute la gent

Qu'il avoit .11. chevaliers mors;

Par hardement et par esfors,

Moût s'i estoit bien combatus.

De plusors gens estoit creûz

Et disoient qu'il ert moût prouz;

Ainsi les amusoit trestous.

Par mainte foiz ainsi servi,

Tant c^une autre foiz s'en issi ;

Dist qu'il iroit fere cembel.

. I . escu tout frès et novel

Li avoit sa femme baillié,

Mout bien fet et moût bien taillié,

Et une lance longue et droite ;

Et il tant de l'aler esploite

Qu'il est venus el bois ramu;

Maintenant a pris son escu :

Si le pendi à .1. perier,

Puis a féru du branc d'acier,