DE BERENGIER AU LONG CUL

Et fesoit .1. si fier martyre.

Qui l'oïst, il peùst bien dire Que plus de .xxx. en i eûst, Et por ce que l'en le creiist, Sa lance ra à .11. poins prise, Si la fraint et si la debrise, Ne l'en remest que .1. tronçon; Puis s'en revient en sa meson, Si descent et se desarma.

Sa famé moût se merveilla Qu'il estoit si tost revenu, S'ert tout depecié son escu Comme s'il venist d'un tornoi :

« Sire, » fit ele, « par ma foi, Ne sai où vous avez esté, Mes vostre escu l'a comparé.

— Dame, j'ai trové chevaliers Plus de .vil., corageus et fiers, Qui me vindrent ferir et batre»; Mes j'en ai si blecié les quatre, Por mon escu que percié onent, Que puis relever ne se porent.

Et li autre troi s'en fuirent De la paor quant il ce virent; Onques ne m'osèrent atendre. »

La dame n'est mie à aprendre :

Maintenant sot et aperçut Comment son seignor le déçut; Bien sot que onques en sa vie Ne fist par sa chevalerie

6o FABLIAU XCIII 112

Ne prouesce ne hardement;

Mes ainsi le dit à la gent

Et lor fet tel mençonge acroire

Dont il n'i a parole voire.

Dès or se porpensse la dame,

Et a juré son cors et s'ame

Que, s'il fet tant que mes i aille,

Ele voudra savoir sanz faille

Con fetement il le fera,

Et comment il s'atornera

Et qui son escu li depiece,

Dont il n'aporte c'une pièce

Chascune nuit quant il repère;

Ainsi porpensse son afere

La dame, mes mot ne sona.

Et li sires la salua.

Maintenant qu'il fu revenuz

Au col li a ses braz tenduz,

Et dist : (c Dame, par saint Omer,

Vous me devez moût bien amer

Et honorer et tenir chier.

Que il n'a si bon chevalier

De moi de si en Normendie.

— -Biaus sire, je ne vous haz mie.

Et encor plus vous ameroie

De tout mon cuer, se je savoie Que tels fussiez con dit m'avez.

— Dame, » dist il, « mes mieus assez, Et plus ai force et hardement

Que je ne di mon escient. »