ENTENDANT SON MARI QU'IL SONJOIT
[par garin]
Bibl. de Berne, Mss. 3 5<j, fol. 90 v° à 93 r°.
uisque Garins l'a entrepris, ^'est droiz que il en ait mal pris A nus de son tans .t. petit.
Or oez que cist livres dit :
.1. borjoisfu preuzet hardiz,
Sages et en faiz et en diz, "De boenes teches entechiez. ?
Delez sa famé fu couchiez ,
.1. joesdi à soir en son lit,
A grant joie et à grant délit,
"Qui bêle estoit à grant mervoille.
Cil s'endormi, et ele voille
Qui atandoit autre avanture.
Atant ez vos grant aleùre,
O fust à tort ou à raison,
Son ami anz en la maison
Qui fu entrez par la fenestre.
Comme cil qui bien savoit l'estre,
So vant au lit, si se deschauce,
Ainz n'i laissa solers ne chauce,
5o DE LA DAME QU I FIST, ETC. 1 33
Braies ne cote ne chemise.
La dame ce fu ademise, dKu«J»i*
Qant lo sant vers lui, s'est tornée.
Son mari fist la bestornée Qui se dormoit, si s'an esloigne, ^Et cil fist de li sa besoigne Qui fu venus novelemant.
Après ce, l'estoire n'en mant, Tant fu la dame o son ami, En son lit se sont endormi.
Tuit .m. botent à une tire Que nus nés bote ne detire.
Li preudom s'esveilla premiers ; Si con il estoit costumiers, Devers sa famé se torna :
Par devers li son braz gita, Si sant la teste d'autre part De celui qui ot en li part.
Bien set que c'est uns hom toz nuz, Mais n'est par por son bien venuz :
Don sailli sus par grant effors.
Li borjois fu et granz et forz :
Celui qui lez sa famé jut Saisi, que foïr ne li nut.
Qant pris se sant, formant li grieve : Li borjois à son col le lieve Qui n'estoit de rien ses amis ; En une grant cuve l'a mis Qui estoit as piez de son lit.
Uuec n'avra point de délit,
Se l'an set por coi il avint.
Li borjois en son lit revint;
Mais la dame estoit sus levée,
Li borjois Tan a amenée
A la cuve o cil estoit seus.
Si Ta saisit par les cheveus;
Sa famé apele, si li dit :
« Or ça, » fait il, « sanz contredit,
Prenez lo moi et saisisiez
Par les chevoux et nel laissiez,
Por rien qu'il vos doie grever.
G'irai la chandoile alumer :
Si conoistrai ce marigaut^ »
A icest mot, la dame saut;
Son ami par les chevous prist,
Se pesa li que tant mesfist
Qu'ele lo fist contre son cuer.
Et li borjois dist : « Bêle suer,
Gardez bien qu'il ne vous eschat :
N'en porroiez avoir rachat
Que vos n'i morissiez à honte. »
Atant s'en va, n'i fait plus conte,
Au feu alumer la chandoile.
La dame son ami apele :
« Or tost, » fait ele, « levez vos,
Ne ne soiez pas peoros,
Ne de cuer mauvais ne failliz. »
Cil est de la cuve sailliz;
Tantost se vest et aparoille.
Or oroiz sa une mervoiUe
O DE LA DAME QV I FIST, ETC. l35
Conme famé set decevoir-
Et dire mançonje por voir.
.1. veel ot en la maison
Qui fut loiez à un baston
Et estachiez à la cordele :
Une jenice fu moût bêle.
La dame vient, si la desnoe,
Puis Ta saisie par la coe,
Et ses amis devers la teste :
En la cuve ruient la beste
Qui estoit en mi la maison.
Li valiez va à garison :
Onques puis la nuit ne revint,
Et la dame lo veel tint
A la coe par le mileu ;
Et li borjois sofloit au feu
Que moût aluma à grant poine.
Tant s'i esforce et tant s'i poinne
Que la chandoile est alumée.
Plorant descent por la fumée;
S'est tant hastez que tôt droit vient
A la cuve o la dame tient
Lo veel; si li prist à dire :
« Tiens lo tu bien ? — Oïl, biau sire ;
Et je aport, » fait il, « m'espée
Don avra la teste copée. »
Lors vint à la dame, et regarde
Lo veel que la dame garde.
Qant il lo vit, tost s'esbahi :
« Haï ! » fait il, « haï ! haï !
Famé, tant sez malavanture, Soz ciel n'a nule criature ; Ne deïssiez por vérité, Tost l'aùstes or tresgité, Vostre lecheor, par ma teste?
Je ne mis pas ci ceste beste.
— Sire, » fait ele, « si feïstes, Ainz autre chose n^ meïstes; No dites mais, ce seroit faus.
— Vos mantez corne desloiaus, »
Fait il, « moût maus jorz vos ajorne ! »
A cest mot la dame s'en torne,
Qant ele entandi la raison;
Tôt droit à une autre maison
S'an vait à son ami gésir
Tôt belemant et à loisir
Qu'ele amoit moût et tenoit chier.
Et li borjois s'ala cochier :
S'est tant iriez ne set que face.
Et la dame tant se porchace
Con ele lo puist décevoir
Et la grâce de lui avoir.
Lors apele une soe amie,
Et li dist : « Sor, -ne vos poist mie,
Mais alez deci que lo jor :
Cochiez vos avoc mon seignor,
Et je vos paierai de main
.V. saus toz saus en vostre main,
Car c'il delez lui vos santoit,
Ja de moi ne s'apercevroit,
