DE LA DAME QJJ I FIST, ETC. I
Ainz cuideroit que je ce fusse Qui avocque lui mejeùsse :
Moût dot lo blasme de la jant. »
Celé qui covoite l'argent, Li dist tantost que ele iroit, Mais ne voloit en nui endroit Qu'i la foutist ne feïst honte :
« Ja ne tenez de ce nul conte, »
Fait la dame, « ce ne peut estre ! »
Atant celé qui bien sot l'estre En est en la maison venue ; Si se despoille tote nue, Si s'est lez lo borjois cochiée, Mais je dot qui ne l'an meschiée, Car li borjois s'est esveilliez Qui n'est trop las ne trop veilliez Forz sol de coroz et d'anui ; Et qant il sant celé lez lui , Sa famé cuide avoir trovée :
« Qu'est ce, » fait il, « pute provée, Estes vos revenue ci ?
Se je or ai de vos merci, Don sui je bien honiz en terre. »
N'ala pas loin .1. baston querre Q^à son chevez en avoit deus ; Celé saisi par les cheveus Qu' ele avoit moût blondes et sors; Ensi luisanz comme fins ors Lo chief sa famé resenbloit.
Celé qui de peor tranbloit
Fabl. V. 18
N'ose crier, mais moût s'esmaie, Et li borjois granz cous li paie D'une part et d'autre por voir, Que morte la cuida avoir.
Qant de li batre fut lassez, Ne l'an fu pas encor assez; Son cotel prist isnelemant, Si a juré son sairement Tote la honira do cors :
Si li cope les treces hors, Si con il pot près de la teste.
Celé s'an fuit, plus n'i areste, Qui est venue à mal repox ; Son peliçon giete en son dox, Fuiant s'en vait comme chetive.
r^5 A la borjoise fort estrive, Qant en la maison fu venue ; Si conte la desconvenue Que ses maris li avoit faite :
L Tote l'eschine li a fraite; Ne gaaignerai mais .1. pain Que sor li n'a ne braz ne main Ne soit brisié à son avis.
Les lermes li covrent lo vis Et de ses treces a tel duel Qu'ele vousist mourir som voil, Ç'à un costel li ot copées JEt desor son coisin botées.
Qant celé ot bien trestot conté.
Et la borjoise ot escoté ,
230 DE LA DAME QU I FIST, ETC. l3()
Si la conforte à son pooir,
Et dit que ele ira por voir
Sa cote querre et sa chemise.
Tantost s'est à la voie mise ;
Si s'est en l'ostel enbatue.
Cil qui la cuide avoir batue,
Se rest cochiez et si s'andort,
Et celé quiert, cerche moût fort
Tant qu'ele a ses treces trovées
Qui au chevez erent botées.
Adonc les prant tôt belemant.
Donc quiert et cerche coiemant :
La cote trove et la chemise
Don il ne s'estoit garde prise.
Tôt prant et estoie moût bien;
Lors se porpanse d'un engien
Et d'un barat, la traïtesse :
En la maison ot une anesse
Qui se gisoit en mi la cort.
La borjoise celé part cort
Qui ne vost pas estre encorpée ; fta^;
Si li a la coe copée.
Qantotce fait, moût puis s'an torne;
De li cochier moût tost s'atorne,
La coe a soz lo coisin mise,
Puis si despoille sa chemise ;
Lez son mari se bote et coche
Qui se dormoit con une coche ;
Si sonjoit, je dirai tôt oltre,
Qu'i voloit une asnesse foutre,
Et el regiboit contre lui, * Si que li faisoit grant anui; Del pie la feri en Poroille :
De cest cop li borjois s'esvoille.
Ja estoit li jorz esclairiez , Et qant il se fu esveilliez, Sa famé sant, si la regarde :
« Par foi, tu ies foie musarde, »
Fait il, « qui ci t'ies enbatue.
Ja fus tu si très bien batue Que je cuidai, se Deus me voie, Que jamais n'alasses par voie.
Voir dit qui dist ne fu pas fous :
Famé soferoit plus de cous Que une asnesse de .11. anz De mal et de poine .11. tanz.
Or me geïssiez ne porqant, Ja vos bâti je orains tant :
Se trop ne vos dolent les mains, Et se vos avez les os sains, Vérité savoir en voldroie.
— Je, sire ? por qoi m'en dodroie ?
Fait celé, « ne quel mal ai gié ?
Vos avez moût enuit songié Et veù merveilles an songe, Qui me gitez ci tel mançonje Que vos ne me batites onques. »
Li borjois se coreça donques ; Si li respont par mautalant :
« Or me tenez vos trop à lant
