DU PRESTRE ET DES .II. RIBAUS

Quar ainçois ne seroit remis :

Si m'aït Diex et sainz Remis,

En cest an que je plus i mont. »

Li prestres est montez amont,

Atout le frain si le ratache,

Des espérons le cheval daque,

Puis lor escrie à haute vois :

« Adieu, seignor, quar je m'en vois,

Li chevaus n'est hui mes voz ostes,

Quar tost eûst maigres les costes

S'il fust auques en vo baillie;

Sa provende li fust baillie

Plus sovent de cops que d'avaine,

Quar sovent feïst l'etrivaine . »

Atant s'en va, si les degane,

Li prestres ainsi les engane,

Atant s'en va, si les esbuffe ;

Par son malice et par sa buffe

Rot son cheval, si l'ala prendre,

Et por ce fet il bon aprendre

Guile et barat, ce est la somme,

Qiiar mestier ont eu maint homme.

Explicit du Prcstre et des .11. Kibaus.

DU