DU PRESTRE ET DES .II. RIBAUS

Paris, Bibl. nat., Mss. fr. 837, à 236 r». fol. 235 ro

lui biausmos set conter et dire, Il ne les doit pas escondire Entre bone gent ne repondre, Ainz les doit volentiers despondre

Des meillors et des plus massis

Quant il voit qu'il sont bien assis

Et que chascuns volentiers Tôt,

Si qu'en la fin du tout se lot.

Or fêtes pais, si m'entendez.

Puisque du tout vous atendez

A moi d'oïr aucun biau dit,

Il ne vous est pas escondit :

Si vous dirai de .11. ribaus

Dont li uns ot à non Thibaus

Et l'autre apeloit on Renier;

Onques ne gaaigna denier

Que li dez ne li retousist,

Et ses compains ne revousist

Onques nule autre chose fere.

D'une manière et d'un afere

5o DU PRESTRE ET DES .II. RIBAUS 59

Estoient li dui compaignon,

Quar, s'il eussent .i. paignon,

Si le vendissent il ainçois

.1. alemant ou .i. François,

S'en mi lor chemin Tencontraissent,

Por mètre au geu qu'il en goustaissent.

De lor aferes dire doi.

.1. jor s'en alerent andoi Tout lor chemin grant et plenier, Thibaus en apela Renier Et li dist : « Tu ne sez, compaing, Que je fis ersoir biau gaaing A Briset, le frère Chapel ?

Onques ne li remest drapel Que tout ne perdist sanz recul Comme les braies de son cul.

— Non, por saint Jaque de Galisce.

— Si fet il molt plus de malisce Que ribaus que je veïsse onques.

— Etcommentlecunchiastudonques? »

Fet Reniers; « il est si repoins.

— J'ai », fet Thibaus, «unsdezmespoins.

Qui tuit sont de .11. et de troies, Que j'aportai l'autrier de Troies, Dont j'ai mon ribaut desgagié.

— Ne doivent pas estre engagié » , Fet Reniers, « quant il sont si fet.

— Non certes, plus de bien m'ont fet Qu'en aient trestuit mi parant, Quar il me voient mal parant,

FABLIAU LXII 8o

Et povre et à poi de drapaille; Si n'ont cure de tel frapaille Ne ne vont pas ce souhaidant. »

Si comme il aloient plaidant Li uns à l'autre tout à plain, S'encontrerent .i. chapelain Seur .1. bai palefroi ambiant, Apert et de haitié samblant; Ainçois qu'il les puist saluer, L'ont il aati de juer, Quar d'autre chose ne lor est.

« Trop auroie petit conquest A jouer à vous, ce me samble, Quar andui n'avez mie ensamble Qui vaille .x. tornois clavez.

— Certes mauvesement savez Que nous avons », ce dist Reniers « Encore avons nous de deniers Plus que tel grant beubance maine Que nous avons ceste semaine Gaaigniez à torchier pailleus :

Encore en ai le dos pailleus; Si les avons nous bien gardez. »

Li prestres les a regardez, Si vit lor chemises couées Qui tout entor erent nouées Devant et derrière et encoste; En maint leu lor paroit la coste, Quar petit i avoit d'entir ; Lors cuida bien tout sanz mentir

IIO DU PRESTRE ET DES .II. RIBAUS 6l

Li prestres que tout denier fussent

Qu'en lor drapiaus noez eussent,

Lors se pensse que gaaingnier

Porra bien, sanz lui mehaingnier,

Grant cop à ces .11. ménestrels;

Il ont tant de deniers entr'els

Qu'il ne les sevent ou mucier.

A Renier commence a huchier :

« Je juerai », fet il, « à ti

Puisque tu m'en as aati ;

Alons une minete querre. y>

Et li prestres descent a terre,

Si empasture son cheval.

Tant ont quis amont et aval

Qu'il ont une minete eslite,

Et Thibaus primes s'i alite

Qui de jouer estoit ardant ;

Les dez ataint ains que l'argent,

Quar le geu covoite et désire.

« Quel geu », fet il, « volez vous, sire?

Est ce à la maille de refus?

— Certes onques hardiz ne fus » , Fet li prestres, « mes au tornois.

— Soit bien, ja por ce li tornois Ne faudra. Vez là por le dé.

Qui lait si lait ! soit en non Dé ! » Fet Thibaus, « j'en ai pour tout dis.

— De cheance soit .1. toz dis »,

Fet Reniers, « que Diex vous maintiegne!

— Metez donc à qoi je me tiegne »,

6a FABLIAU LXII i^o

Fet li prestres, « ains que je gel. » Et cil, qui fu de bon aguet, A son argent à la main mise, Puis prent .i. neu à sa chemise, Si en ataint .v. artisiens, .In. tornois et .11. cambrisiens; Ce fu quanqu'il orent vaillant.

Mes de jue; furent taillant.

Si les mistrent molt liement : « Getez », fet il, « hardiement, Ne fêtes mie l'estormi, Encore a tels .x. neus sor mi Dont aine deniers ne fu ostez. »

Puis s'est vers le geu acostez.

Lors cuida bien le chapelain Que tuit li neu fussent tuit plain De deniers si comme estoit cil.

« Vez là; c'est por l'argent », fet il; « Que gaaignier le me lest Diex.

— J'ai .XII. », fet Thibaiàs, «à deus. Je ne vueil mie couchier trop,

Je le tendrai cest premier cop.

— Et je .VII., voiz comme or l'ai bone ; Ce m'est avis que Diex me done

La pior qu'il i puet eslire.

— Mauvesement seûs eslire », Fet Thibaus, qui fu deslavez ; (f Vez là .XII., perdu l'avez, .Iiii. devez, hasart encore.

— Va », fet il, (c maie mort t'acore.

lyo DU PRESTRE ET DES .II. RIBAUS 63

Hoche le dé, ne laisse mie.

— Certes, sire, n'en sai demie, Quar onques de ce riens n'apris. »

Les dez ainz que l'argent a pris.

Si les estrique, puis li change;

Le geu croist toz dis et engrange.

« Hasart, Diex! » fet il, « j'ai là sis.

— Va, si te pent, tu l'as assis.

Je ne t'en paierai ja point,

Je cuit que ce sont dé mespoint.

Dont tu ici quingné le m'as.

— Non sont, sire, par saint Thomas. »

Si Ten remoustre une autre père.

Et li chapelains les apere,

Si les trueve quarrez et droiz.

« Par le cul Dieu », fet il, « c'est droiz;

Je l'ai perdu, ce m'est avis ;

Or est toz mes argenz ravis

Que plus n'en ai petit ne grande.

Encore l'oi je orains d'offrande :

Si ne l'aurai de qoi secorre

S'au geu ne faz mon cheval corre ;

Mes certes ainçois li metra je

Que je mon argent ne ratra je.

Getez aval, .xii. en i voist! »

Et cil, qui bien les dez connoist,

Tient tout, ne va rien refusant.

Que vous iroie je plus contant?

Si bien fu esforciez li jus Que li prestres a tout mis jus :

Tant exploita li bons vassaus Qiie sor le cheval ot .c. saus.

« Ho! » dist Reniers, « c'est à plentez.

— Certes, ribaus, vous i mentez », Fet li prestres, « il vaut .vu. livres.

— Vous en estes molt bien délivres «, Ce dit Thibaus, » se Diex me saut ! » Et li prestres a fet .i. saut.

Si cuide son cheval ataindre, De mautalent commence à taindre.

Et dist qu'il ne l'en menront mie.

Là veïssiez grant estormie ; Au cheval sont venu tuit troi.

Et dist Reniers : « Pas ne l'otroi, Vous ne monterez jamès sus. »

A force l'ont bouté en sus, Tant l'ont ledengié et foulé A poi qu'il ne l'ont afolé.

Puis prenent le cheval atant.

A poi ne se vont combatant De monter chascuns premerains :

Tant l'ont sachié par les lorains Que bien l'ont estendu .vu. paus.

« Certes », fet Thibaus, « ors crapaus, Je monterai premièrement. »

Reniers se resqueut fièrement, Et dist que non fera, s'il puet.

« Puisqu'ainsi est, il nous estuet Geter à plus poins liquels monte.

Vez là, commencie. — Or les conte »,

23o DU PRESTRE ET DES .II. RIBAUS 65

Fet Thibaus, « j'en ai .ix., je cuit.

— Et je n'en aï tout par tout c'uit », Fet Reniers ; « que maus feus les arde ! » Lors saut Thibaus, plus ne se tarde, Si est montez sor le destrier, Mes trop li sont cort li estrier, Quar il ot une longue jambe Plus noire que forniaus de chambe; Plas piez avoit et agalis, Grans estoit, haingres et alis, Et deschirez de chief en chief, Et li huvès c'ot en son chief Sambloit miex de cuir que de toile; Dès la cuisse jusqu'en l'ortoile N'ot fil de drap, ce vous tesmoing, Ne dès le coûte jusqu'au poing.

Molt ot en lui biau soudoier For aler en guerre ostoier.

Le cheval hurte des talons Qu'il avoit durs et gros et Ions, Tant qu'il le mist du pas en l'amble, Et li ribaus chancelé et tramble, Quar n'avoit chevauchié, ce croi je, Onques mes se ne fu en loge.

Mes ne fu mie sor tel beste.

Et li chevaus contre l'areste D'un fossé vint de tele esclate, Que li ribaus a terre flate Si qu'à poi (ju'il ne se tua, Mes ce qu'il pot s'esvertua

Fabl. mi g

Quar il se tint si fort aus ongles

Qu'il en fist desrompre les cengles

Et le frain si fort empoingna

Que du musel li descoingna.

Thibaus cheï en mi la place,

Et dist Reniers : « Ja Dieu ne place

Que sor tel beste monter puisse,

Quar tost m'auroit brisié la cuisse

Ou la teste par aventure;

Ja n'aie je bone aventure,

Se g'i monte mes au jor d'ui ! »

Au cheval sont venu andui, Se li Guident le frain remetre.

Mes ne s'en sorent entremetre, Quar paor ont qu'il ne les morde Ou qu'à force ne lor estorde.

Au chapelain sont revenu Cui forment est mesavenu ; Penssis le truevent, si ont dit :

« Venez avant, » Thibaus a dit, (c Remetez nous cest frain bien tos.

Ou vous aurez batu vo dos. »

Quant il les vit, s'ot grant peiir, Quar il n'estoit mie asseûr :

« Seignor, » dist il, « trop se desguise Li chevaus : il est de tel guise Qu'il ne feroit riens por nului; Li frains, s'on ne monte sor lui.

Ne li puet estre ou chief boutez. »

Et dist Reniers : « Dont i montez.