O DE PLEINE BOURSE DE SENS

Isnelement, sanz atargier, De ses charretes rechargier, Mais ce ne fu mie d'estoupes ; Hanas d'or, d'argent et de coupes,

I ot assez et draperie, Ne n'ot cure de freperie.

Mes d'escarlate tainte en graine, De bons pers et de bone laine De Bruges et de Saint Orner :

Nus ne pot dire n'assommer L'avoir c'on mist en .x. charretes; Ne covient pas que soient frètes, Quar à merveille i ot grant somme.

Et à chascune avoit .i. homme Por miex conduire le charroi.

II les comande à Dieu le Roi, Congié demandent, si s'en vont, Et cil acheminé se sont

Tout droit le grant chemin plenier.

Or oez de sire Renier, Com fu de sens vuis et délivres ; Ne deûst pas estre si yvres.

S'il eijst beû vin de Cipre; Il s'en vint en la haie d'Ypre, .1. bastonet en sa main tint, Et de s'amie li souvint.

Achata li robe de pers.

Moût par ot le sens à envers, Si la ploia en .i. troussel :

Desus son palefroi roussel

La trousse et lie derrière soi, Ne veut qu'en le sache que soi, Quant la baillera à sa drue.

Lors s'en vet par la mestre rue Tant qu'il est venus chiés son oste ; Là descendi, et sa chape oste, Si a baillié son palefroi Son garçon qui ot non Jofroi.

Lors li sovint de la proiere Sa famé, qui plaine aumosniere Li ot demandée de sen ; Mes il ne sot mie en quel sen Il puisse de l'avoir chevir.

Devant lui garde et voit venir Son oste q'ot non Alixandre :

« Sire, » fet il, (f savez à vendre Nul lieu plaine borse de sen?

Se le savez, conseilliez m'en. »

Tantost ses ostes li ensaingne Un mercier de terre lontaingne ; « Je cuit, » fet il, « que cil en a. »

Adonc sire Reniers i va ; Son estre conta au mercier, Et cil li dist sans atargier Qu'il n'en a point, mes il l'envoie A un espissier de Savoie, Qui de viellece estoit chenuz.

Sire Reniers est là venuz, Si li demande qu'il li faut; Et cil jure, se Diex le saut.