I^O DE PLEINE BOURSE DE SENS
Conques à nul jor de sa vie N'en sot denrée ne demie.
Lors s'en part iriez et penssis, Et par mautalent s'est assis Sus .1. siège delez .i. fust, Et jure s'a poi ne li fust N'enqueïst plus n'avant n'arriére.
Lors vit venir par la charriere .L viel marcheant de Galice :
« Demandez, » dist il, « recolice, Ou clos de girofle ou canele?
De qoi demandez vous novele A ce marcheant de Savoie ?
— Sire, » dist il, « se Diex me voie. Je ne demant pas recolice,
Ne clos de girofle, n'espice, Ainz quier plaine borse d^ sens, Dont je sui en moût grant porpens ; Savez en nule part à vendre ?
— Oïl bien, te ferai entendre.
Se tu veus, comment tu l'auras, Que ja plus avant n'en querras.
Mes di moi se tu as moillier ?
— Oïl, fille de chevalier,
La plus bêle qui soit en terre. Por lui m'estuet cerchier et querre Plaine borse de sens petite.
Or vous ai ma besoingne dite, Et sanz vilonie et sanz noise.
— Tu as amie : s'il en poise,
Par aventure, à ta moillier, Et si t'en voi les iex moillier.
N'as tu amie? — Oïl voir, sire. »
Li preudom commence à sorrire.
De la folie qu'il entent :
« Diva, » fet il, « or di, ne ment : En portes tu riens à t'amie?
— Oïl, ne vous mentirai mie.
Bonne robe de bon pers d'Ypre, Il n'a meillor de ci en Cypre. »
Li preudom qui fu debonere, Li dist : « Il te convendra fere Autre chose que tu ne pensses ; Honiz es, se ne te porpensses Que je te voudrai conseillier :
Sanz toi moût forment traveillier.
Il te covient de ci movoir, Et aler après ton avoir.
Quant près de ton ostel vanras, Ta robe et ton cheval leras En tel lieu où il ait viande, Et pren une robe truande Qui soit depecie et déroute.
Si que parmi perent ti coûte.
Par nuit enterras chiés t'amie, Et li di que tu n'as demie Ne denrée de ton avoir.
Tout as perdu mes icel soir :
Te veus avoec li osteler, Et au main t'en voudras aler
23o DE PLEINE BOURSE DE SENS çS
Ainz jor, por ce c'on ne te voie. Se bel t'aquieut et te fet joie, Bien a la robe deservie; Mes garde, n'i demeure mie, S'ele est orguilleuse ne fîere, Com affiert à tel pautoniere, Qu'el ne te vueille recevoir.
Lors te porras apercevoir Que mal as emploie ton tens, Et le servise et le despens Qu'as por li fet ça en arrière.
Lors te remet à la charriera De ta maison, et si entre enz.
Et quant seras venuz leenz, Et ta famé ert à toi venue.
Se li di ta descouvenue, Sanz joie faire et sanz déduit; Et tu la troveras, je cuit.
De moût plus cortoise manière, Que n'auras fet la pautoniere.
Qpi qu'el te die, c'est ta famé.
Garde ton cors, pensse de t'ame. - Ainsi com je t'ai devisé, Va t'en; je te commant à Dé. »
Atant Tuns de l'autre se part, Reniers monte; moût li est tart Qu'il viegne à Dysise sor Loire ; S'amie, qui n'est mie noire.
Voudra esprover à cel tor.
Et paier selonc son labor.
Adonc chevauche Tambleûre,
Vers Dysise grant aleûre
Tant qu'il ataint ses charretiers.
« Seignor, m dist il, « or est mestiers
Que me gardez mon palefroi,
Ma robe et mon garçon Jofroi,
Car il me covient à chief trere
D'une chose que j'ai à fere. »
Tantost de sa loiere trest
Une hiraudie qu'il vest,
Qui ne valoit pas .vi. deniers.
Ainsi s'en va sire Reniers,
Ne fina, si vint à Dysise,
.1. noble chastel à devise.
En la ville est entrez par nuit,
Ne vout que le veïssent tuit ;
Si vint droit à l'ostel s'amie,
Qui encor n'estoit endormie,
Quar maintenant s'estoit couchie.
Il vint à l'uis, si l'a huchie :
Celé se lieve, et son huis oevre,
Il entre enz, et ele descuevre,
Le feu alume, si le voit;
Lors li demande que ce doit
Qu'il ert ainsi haligotez.
« Bêle suer, » dist il, « escoutez;
J'ai tôt perdu quanques j'avoie,
Demain ainz jor, c'on ne me voie,
M'enfuirai en estrange terre.
— Alez aillors vostre ostel querre, »
