DE PLEINE BOURSE DE SENS

Fet ele, « ci n'avez que fere.

— Avoi! bele suer debonere, Ja me soliez vous tant amer, Et ami et seignor clamer; Ne soiez pas vers moi si dure.

— Biaus sire, par maie aventure N'ai cure de vostre raison. »

Reniers ist hors de la maison, Quant il oï celé novele ; A son ostel vint, si apele .1. mot, et sa famé Toï, Qui durement s'en esjoï.

Lors corut comme preus et sage L'uis ouvrir sanz autre message ; Son seignour mena contre mont, Qu'ele aime miex que rien du mont.

Et il li dist comme esperdu :

« Dame, » fet il, « j'ai tout perdu Quanques je menai à la foire, Com se tout fust cheû en Loire.

Las 1 que feront cil que je doi ?

Ja ne seront paie par moi, Car je nés porroie paier. »

La dame le vit esmaier.

Et ot qu'il se claime chetiz :

« Sire, » fet ele, « or soiez fîz, S'il i avoit .x. mile livres, Si en serez vous toz délivres; Aiez bon cuer et bon corage.

Et vendez tout mon héritage,

Fabl. m i3

98 FABLIAU IXVII

Vignes, mesons, et prez et terres.

Robes, joaus et clers et serres :

Je Totroi moût bien endroit moi.

Et ceste robe que ci voi, N'est pas bêle, despoilliez la.

Prenez à celé perce là Celé robe de menu ver Que ne vestistes dès yver; Vestez la, et confortez vous; La merci Dieu ja avez vous Plus demie que ceste vile; A Monpellier ne à Saint Gilie N'a plus riches bourjois de nous, Laissiez le duel, confortez vous. »

Lors le fist vestir comme roi.

Et du mangier a pris conroi.

Quant mangié orent par loisir, Si vont reposer et gésir Dusqu'au matin que l'aube crieve.

Que la gent dou chastel se lieve.

Ja fu la parole esmeûe, Qui par la garse fu seûe.

Que venus ert sire Reniers Mal vestuz comme pautoniers, A pié, sanz escu et sanz lance, Et de perdre sont en balance Cil et celés qui plevi l'ont.

Lors se lievent et venuz sont Chiés le borjois por lui veoir.

Il les a fait lés lui seoir.

35o DE PLEINE BOURSE DE SENS 99

Si lor a mostrée sa perte :

« Seignor, c'est veritez aperte, »

Fait il, (( que j'ai perdu le mien, Encor m'en deportaisse bien.

S'il n'i eûst point de l'autrui; Mes por ce desconfortez sui Que de l'autrui i a assez.

Entre vous qui plevi m'avez, Me déporterez, s'il vous plest. »

Chascuns de respondre se test.

Fors que l'uns à l'autre conseille Tout coiement dedenz l'oreille :

« Malement sommes malbailli, Et par icest homme escharni; Nous serons par lui mal mené, Mar le veïsmes onques né. »

A ce qu'il sont en tel esfroi, Si ont veû venir Joffroi Qui le palefroi maine en destre, Et son roncin maine à senestre :

Après lui sont li charretier.

Symons, Aliaumes et Gautier L'ont veû ; si dient entr' aus :

« Gui est or, » font il, « cil chevaus, Et ces charretes, à cui sont.

Qui vienent par desus cel pont?

— Je ne sai qui, » ce dit Guilliaumes,

— Ne je ainsinc, » ce dit Aliaumes.

Quant Reniers vit qu'il sont si près, Si lor dist : « Moût estes engrès

lOO FABLIAU I.XV II 38o

De savoir h cui eles sont ;

Par celui Dieu qui fist le mont,

Moies sont, et ce qui est enz.

Ja nus de vous ne soit dolenz ;

Merci Dieu, bien vous puis paier,

Ne vous covient à esmaier.

Si vous dirai parole voire !

Je fui à Troies à la foire,

Quant j'oi ma besoigne atornée.

Et je fui à la retornée,

Adonc me souvint de Mabile,

Une garce de ceste ville

Que je soel amer par amors.

Mais or va la chose à rebors.

Or escoutez com il avint.

Quant de Mabile me sovint,

Je m'en ving en la haie d'Ypre;

Robe de pers, n'a tele en Cypre,

Achetai por la pautoniere ;

Puis quis à vendre une aumosniere

Plaine de sen; si la trouvai,

Aporté l'ai, encore Pai.

Quant j'oi ce fait, ma voie ting,

Droit à mes charretes m'en ving,

Si lor livrai mon palefroi.

Ma robe et mon garçon Jofroi;

Puis vesti une povre cote

Où il ot mainte haligoie :

Si m'apenssai de bêle guile.

Par nuit m'en entrai en la vile.