DES PUTAINS ET DES LECHEORS

Bibl. de Berne, Mss. 354, fol. 42 r» à 48 r».

UANT Dieus ot estoré lo monde Si con il est à la reonde, Et quanque il convit dedanz, Trois ordres establi de genz,

Et fîst el siècle demoranz,

Chevaliers, clers et laboranz.

Les chevaliers toz asena

As terres, et as clers dona

Les aumosnes et les dimages;

Puis asena les laborages

As laboranz, por laborer.

Quant ce ot fet, sanz demorer

D'iluec parti et s'en ala.

Quant il s'en partoit, veû a

Une torbe de tricheors,

Si con putains et lecheors;

Poi ot aie, quant l'aprochierent,

A crier entr'aus commencierent :

« Estez, sire, parlez h nos,

Ne nos lessiez, oalez vos?

De rien ne somes asené,

Si avez as autres doné..»

Nostre sire ses esgarda;

Quant les oï, si demanda

Saint Piere, qui o lui estoit, De celé gent qui là estoit :

«C'est une gent,» fet il, « sorfete, Que vos avez autresi fête, Con caus qui de vos moût se fient, Si hucent après vos et crient Que lor faciez asenement.)) Nostre sires, isnelement, Ançois que riens lor respondist.

As chevaliers vint, si lor dist :

« Vos, cui les terres abandoin, Les lecheors vos bail et doin, Que vos d'aus grant cure preigniez Et qu'entor vos les retaigniez.

Que il n'aient de vos soufraite, Ne ma parole ne soit fraite, Mes donez lor à lor demant.

Et à vos, saignor clerc, commant Les putains moût bien à garder, Issi le vos voil commander. »

Selonc cestui commandement Ne font il nul trespassement ; Car il les tienent totes chieres, Si les tienent à bêles chieres Del miaus qu'il ont, et del plus bel.

Selonc lou sens de mon fablel , Se vos l'avez bien entendu, Sont tuit li chevalier perdu Qui les lecheors tienent vis, Et d'aus les font sovent eschis,