DES PUTAINS ET DES LECHEORS

Aler les font sovent deschauz; Mes putains ont peliçons chauz Dobles mantiaus, dobles sorcoz. ^ Petit truevent de tiels escoz Li lecheor as chevaliers ; Et si sont il moût bons parliers, Ne lor donent fors viez drapiaus ; Et petit de lor bons morsiaus, En gitant, con as chiens, lor ruent.

Mes putains sovent robes muent, Avec les clercs cochent et lievent Et sor lor depanses enbrievent.

Li clerc lo font por aus salver.

Mes li chevalier sont aver As lecheors; si se traïssent Quant del commandement Dieu issent, Mes ce ne font li clerc noiant, Il sont large et obediant As putains, l'oevre lo tesmoingne.

Et despendent lor patremoinne, Et les biens au crucefîé.

En tel gent sont il emploie Des rentes, des dismes lo bien.

A cest conte font li clerc bien Desor toz les autres que font.

Si mes fabliaus dit voir, donc sont Par cest commant li clerc sauvé Et li chevalier sont dampné.

FaBL. m 2 3