LE CHEVALIER CONFESSEUR

Tu préis abit d'ermitier

Por moi prover à desloial !

Mes, merci Dieu, je sui loial.

Je n'ai voisine ne voisin

Por qui je port le chief enclin ;

Je ne te criem, la merci Dé,

Quar; se seusses la vérité,

Toute ma honte lost fust seue,

Quar m'en estoie apercéue.

Quant je vous en enquis sordois

Tout ce que dis par mon gabois ;

Moult me poise, par saint Symon,

Que ne vous pris au chaperon,

Ne que ne vous deschirai tout.

Sachiez de voir, pas ne vous dout

De rien que onques vous déisse ;

Se Dame Diex mon cors garisse,

Bien vous reconnui au parler.

Je ne vous doi jamès amer;

Non ferai-je, se Diex me gart.

Mauves trahïtre de maie art,

Jà ne vous ert mes pardoné. »

Tant li a dit, et tant conté,

Que li osta tout son espoir.

Et bien cuida que déist voir.

Granz risées et granz gabois

En féirent en Bescinois. ^

Explicit du Chevalier qui fîst sa Famé confesse.