LE DIT DES PERDRIZ

Manuscrit F. Fr. 837, f. 169 r» à 170 v".

OR ce que fabliaus dire sueil, En lieu de fable dire vueil Une aventure qui est vraie, ^^ D'un vilain, qui delèz sa haie

Prist .11. pertris par aventure.

En l'atorner mist moult sa cure ;

Sa famé les fist au feu mètre ;

Ele s'en sot bien entremetre ;

Le feu a fet, la haste atorne,

Et li vilains tantost s'en torne;

Por le prestre s'en va corant.

Mes au revenir tarda tant,

Que cuites furent les pertris ;

La dame a le haste jus mis,

S'en pinça une peléure,

Quar moult ama la lechéure.

Quant Diex li dona à avoir.

Ne béoit pas à grant avoir,

Mes à toz ses bons acomplir;

L'une pertris cort envaïr; Andeus les eles en menjue ;