DO PRESTE

QUI MANJA MORES 1. de Berne, Mis. 354. fol. 14Î 1" à 143 ï'.

%'uït preste conte qui s'esmut |A un marchié o aler dut.

kSa jumant a fait enseler S Et son erre tôt aprester;

Il i voloit estre premiers,

Qu'i avoit mestier de deniers.

Por cest essanple me remanbre

Que tôt aoust et tôt setanbre

En icel tans estoyent mores.

Li prestes vait disant ses ores;

En un boisson avoit gardé :

Mores i vit à grant planté.

Moût errent noires et meures,

Et li prestes tôt à droiture

Sa jumant i a fait ganchir,

Mais il n'i pot pas avenir.

Sor la sele monta en piez.

Li prestes fu messaaisiez :

Il se tint à la main senestre, Les mores cuilloit à la destre.

Qant il en ot assez mangié, Moût fu li prestes bien haitiez; D'une folie est porpansez : (( Deus, » fait il, « qui or diroit : Hez ! » Il lo pansa et dist ensanble, Et la jumant tote trestranble; La jumant fuit a esperon :

Et li prestes jut el sablon.

Qui d'or fin li donast .c. onces, ti prestes jut entre les ronces, Ne se poïst il remuer.

Iluec lo covint sejorner Tote la nuit jusqu'au demain.

La jumant traîne son frain ; Chiés lo preste s'an est alée, La sele de travers tornée.

La maisniée au preste saillirent Q>ntre la jumant que il virent Errant, s'esmurent por lui querre.

Sel quistrent par tote la terre Tote la nuit jusq'al matin, Qu'il sont venu tôt lo chemin ; Par lo chemin vindrent errant :

Le preste i ont trové gisant.

Maintenant li ont demandé :

(( Sire, qui vos a là gité ? »

Dit li prestes, qui escota :

« Grant pechié qui m'i aporta.

i6 DO PRESTE I^CI MANJA MORES

Je aloîe îer disant mes ores; Si me prist si grant fain de mores, Bien sai ice, se n'an maiijasse, Que ja lo jor ne trespassasse.

Qant je en oi assez mangié, Et je fui bien resadiez, El cuer me vint .i. fol pansez, Par quoi je sui si mal menez I n Lo preste ont trait de ce ronçoi :

Moût a esté en grant effroi.

Por cest essanple voil mostrer S'aucuns avoit .i. fol panser, Moût tost puet dire tel parole : Miauz li valdroit, s'ele estoit foie, Taire, san qu'il en deïst mot.

De ce fist H prestes que sot, Qui fist lo pansé et to dire.

Par quoi il fu en grant martire.

DU VILAIN ASNIER

Hr'a, Bibl. nit,, Mis. fr. 191S3, fol. 56 r°.

Sl avint ja à Monpellier SC'un vilein estoit costumier fcDe fiens chargier et amasser SA .11. asnes terre fumer.

.1. jor ot ses asnes chargiez ;

Maintenant ne s'est atargiez :

El bore entra, ses asnes maine,

Devant lui chaçoit à grant paine,

Souvent li estuet dire : k Hez ! »

Tant a fait que il est entrez

Devant la rue as espiciers.

Li vallet bâtent les mortiers,

Et quant il les espices sent,

Qui li donast .c. mars d'argent

Ne marchast il avant .i, pas,

Ainz chiet pasmez isnelepas,

Autres! com se il fust morz.

Iluec fu granz li desconforz

48 DU VILAIN ASNIER 41

Des genz qui dient : « Dieus, merci !

Vez de cest home qu'est morz ci ! »

Et ne sevent dire por quoi.

Et li asne esturent tuit quoi

En mi la rue volentiers,

Quar l'asne n'est pas costumiers

D'aler se l'en nel semonoit.

.1. preudome qu'iluec estoit Qui en la rue avoit esté, Celé part vient, s'a demandé As genz que entor lui se nul veoit :

(( Seignor, » fait il, « se nulvoloit A faire garir cest preudom.

Gel gariroie por du son. »

Maintenant li dit .i. borgois :

« Garissiez le tôt demenois; .Xx. sous avrez de mes deniers. »

Et cil respont : « Moût volantiers! »

Dont prent la forche qu'il portoit, A quoi il ses asnes chaçoit :

Du fien a pris une palée, Si li a au nés aportée.

Quant cil sent du fîens la flairor.

Et perdi des herbes l'odor.

Les elz oevre, s'est sus sailliz, Et dist que il est toz gariz ; Moût en est liez et joie en a, Et dit par iluec ne vendra Jamais, se aillors puet passer.

Et por ce vos vueil ge monstrer

Fabl. V 6

ABLIAU CXIV

Que cil fait ne sens ne mesure Qui d'orgueil se desennature :

Ne se doit nus desnatufer.

Explicit du Vilein asnitr.

DE L'ESPERVIER

£ne aventure molt petite ^Qui n'a mie esté sovent dite aAi 01 dire, tôt por voir, §Que je vos voil ramentevoir ; Nés puet en mie toutes dire, Ne tretier en romanz, n'escrire; De plusors en et en conter Qui très bien font a remembrer :

Car qui bien i voudroit entendre, Maint bon essample i porroit prendre.

0ui chevalier jadis estoient Qui molt durement s'entramoient :

Onques entre eus n'ot point d'envie , Molt par menoient bêle vie:

Chevalerie maintenoient, Et ensemble toz jors erroient; Li uns n'eûst sanz l'autre rien.

Far tout et au mal et au bien

Partissoient ensemble andui :

Li uns n'eûst sanz l'autre anui ; Lor avoir ert entre eus communs Il avint chose que li uns Espous^ famé molt vaillant, Preuz et cortoise et molt sachant, Par le conseil son compaingnon, Qui Ventilas avoit à non ; Mes n'oï pas l'autre nommer.

Einsi con je l'oï conter Le vous dirai assez briément.

Molt ert de grant afetement La dame et de biauté proisie, Riant et preuz et envoisie ; Mes nus n'i vit mesproiseûre En son gieu n'en s'envoiseûre.

Car bien vous puis dire et conter Que plus puet on de mal noter En famé qui trop se fet coie Qu'en celle qui demainne joie, Et qui parlanz est et haitiée.

La dame estoit molt afaitiée ; Ses sire ot vers li grant amor, Por sa biauté, por sa valor; Et Ventilas molt l'ennoroit, Molt sovent o li sejornoit, Molt par li mostroit bel semblant.

Envers li ot amor molt grant :

Mes n'ert amor se bone non, Car famé estoit son compaingnon.

8 DE L*ESPERVIER 4$

Li sire esgarda son aler Et son venir et son parler, Dont cremi qu'entre eus deus n'eûst Tel chose qu'avoir n'i deûst :

Atant la mescreï li sire.

Par vérité puet en bien dire Qu'en sordit tele par envie Qui n'a cor âge de folie.

Mes par tout sont molt mal parlant ; Et teus remostre bel semblant Por los et por ennor atrere, Qui n'a cure de folor fere.

Li sire ne tint pas à gas :

Avint .1. jor que Ventilas Ert o sa famé, où il parloit, Si com sovent parler soloit.

Molt durement en fu iriez :

« Ventilas », dit il, « ce sachiez Que de cest jeu ne m'est pas bel :

C'est la compaignie Tassel Que vos me fêtes, bien le voi.

— Mar le dites, biau sire, avoi !

Mieux vodroie perdre la vie.

— Tesiez; ne vos creroie mie Por serement ne por jurer.

— Bien voi que trop porroit durer Entre nos .11. la compaingnie :

Dès or veil que soit départie. »

A ces paroles s'en torna.

Adonc à la dame pensa,

Et ele à lui, mainte fiée,

Tant qu'amors li a aliée.

A une liue menant erent;

Par tel achoison s'entramerent :

Ja se desfendu ne lor fust,

Puet estre entre eus amors n'eûst ;

Que c'est de plusors la costume,

Qui les chastie ses alume ;

Et s'est bien droiz, que plusors sont,

Que ce c'on lor desfint ce font.

Et qui lor proieroit del fere.

Tôt tens feroient le contrere.

Il s'entramerent raolt andui :

Cil ama li et ele lui ;

Et molt sovent à lui parloit.

.1. jor avint qu'alez estoit

Li sire por esbanoier,

Ne sai em bois ou en rivier ;

Li chevaliers ne s'atarja,

A la dame tost envoia

Savoir s'il i porra parler.

Cil monta, s'esploita d'aler;

Là vint où la dame manoit;

Il descendi, si ala droit

En la chambre où ele estre seut.

Bel li dist, plus tost que il puet,

Que ses sire venoit à li.

La dame de son lit sailli :

Baignie estoit, si s'atorna

Molt richement et acesma ;

38 DE l'espervier 47

De bel semblant estoit et simple ; Adonc voloit lier sa guimple :

« Biau sire », dit ele, « ça vien; Pren cest mireor, si me tien Ça devant moi, que je le voie, Qu'afublée bêlement soie. »

Cil le prent, si s'agenoilla :

Bêle la vit, si l'esgarda Que plus l'esgarde plus s'esprist; Sa biauté de li le sorprist Que plus près de li s'aproucha, La dame prist, si l'enbraça :

<c Fui, fol, » dit ele, « fui de ci!

Es tu desvez ? — Dame, merci !

Soufrez .i. poi! » Oz du musart, Que plus li desfent et plus art î Car pire est, ce dient les genz, I tel maus que n'est mal des denz.

Einsi con la dame tenoit Et si fièrement la menoit, Atantes vos .i. chevalier.

Qui sire estoit à l'escuier :

« Fui, fous, » dit ele, « fui lechierre :

Oz ton seignor ? — Et las pechierre !

Quel deable l'amainnent ore ?

Mon veul ne venist il encore !

— Fui, » dist la dame, « isnelement ; Si te repon hastivement. »

Cil se repont, mes molt li grieve.

Et la dame bien tost se lieve.

Es VOS son ami aïtant :

Ne s'aperçut ne tant ne quant ;

La dame prent et si l'acole,

A li joe, rit et parole,

Et fet son bon comme il soloit.

Tôt ainsi comme à li parloit,

Es vos son seignor aïtant :

Le chevalier saut pié estant :

« Dame, » dist il, « que porrons fere?

Ne sai à quel chief puissons trere.

Je ne sai nul conseil de nos;

De moi ne me chaut fors de vos.

— De moi, » fet ele, « n'en doutez;

Ja en doute mar en serez :

Se Deuplet, bien eschaperai.

Mes fêtes ce que vos dirai :

Traiez vostre espée erramment.

Si dites itant seulement :

« Par le cuer bieu ! s'or le tenisse,

N'eûst garant, ainz l'oceïsse ; »

Se vos en alez à esploit :

De moi que estre puet si soit ;

Ice dites que je vos ruis;

Mal direz el. » Cil vient à l'uis,

L'espée tret, et va jurant :

« Par le cuer beu ! n'eust garant,

Por tôt le mont, se le trovasse.

Que la teste ne li coupasse ! »

Li sire l'ot, si s'aresrut,

Tret soi ariere, ne se mut.

198 DE l'eSPERVIER 49

Dont cuida qu'il le menaçast, Ainz n'ot talent qu'il l'aprochast.

Quant il vit qu'alez s'en estoit, A sa famé vint lors tôt droit, L'espée trete, toz irez :

« Par le cuer beu! or i morrez!

— Dieu! sainte croiz ! nomini Dame!

Qu'avez vos, sire? » dîst la dame.

— Que j'ai? c'or ne savez? ahi!

Mar m'i avez certes trahi.

— Traï, sire ? Sainte Marie !

Avoi ! por Deu, nu dites mie !

— Ne die ce que j'ai veu?

Vostre chaulant qui ici fu Pis me fasoit, que il disoit.

S'il me tenist, il m'ocirroit.

— Biau sire, se Deus me sequeure, A tort me metez rage seure.

Mes por ce que estes irez Direz tout ce que vos vorrez ; Et se parler me lessiez, La vérité en orriez.

— Vérité? ce vos ert mestiers.

Or dites. — Sire, volentiers.

Li chevaliers qui de ci va Orendroit en rivière ala :

Baillié avoit son escuier,

Si comme il dit, son espervier , Et cil, quant il li ot baillié, Si le geta sanz son congié,

Fabl. y 7

5o FABLIAU CXV 228

Ainz puis nu vit ne puis ne l'ot.

Li chevaliers quant il le sot

Ne sai comment vint çaienz droit Ses escuiers qui le cremoit, Si se repost triers ce lit là.

Biau frère, » dist ele, « vien ça; Si soiez tout asseûré. »

Et cil qui tout ot escouté Saut sus; grant joie dut avoir :

• « Certes, dame, vos dites voir.

De Deu soiez vos onnorée ; Car la vie ai or recovrée, Bêle douce dame, par vos.

Certes trop est mes sire iros, Qui me voloit ocirre ainsi Por son oisel que je perdi :

N'i eûst gueres gaaingnié, Se mort m'eûst ou mahaingnié — Ostés ! avoi ! » ce dit li sire ; « Dahez ait ore la seue ire !

Puis n'i eûst nul recovrier.

Biau frère, pren mon esprevier Si li porte de moie part. »

Cil l'en mercie, si s'em part, Et son seignor ainsi conta, Einsi con l'aventure ala.

Ceste aventure si fu voire :

Avoir le doit on en. mémoire; Tôt ainsi avint, ce dit l'on :

Li lays de VEsp r évier a non

DE L ESPERVIER

Qui très bien fet à remembrer.

Le conte en ai oï conter, Mes onques n'en oï la note En harpe fere ne en rote.

Paris, Bibl. nat., Mss. fr. SSy, fol. 66 v» à 68 v», et 24432, fol. 49 v<^ à 52 T^.

OUT bons lechierres fu Boivins ; Porpenssa soi que à Prouvins A la foire voudra aler, Et si fera de lui parler.

Ainsi le fet con Ta empris :

Vestuz se fu d'un burel gris,

Cote, et sorcot, et chape ensamble,

Qui tout fu d'un, si com moi samble;

Et si ot coiffe de borras ;

Ses sollers ne sont mie à las,

Ainz sont de vache dur et fort ;

Et cil, qui moût de barat sot,

.1. mois et plus estoit remese

Sa barbe qu'ele ne fu rese ;

.1. aguillon prist en sa main,

Por ce que mieus samblast vilain :

Une borse grant acheta,

.Xii. deniers dedenz mis a.

Que il n'avoit ne plus ne mains ;

Et vint en la rue aus putains

Tout droit devant l'ostel Mabile

Qui plus savoit barat et guile

Que famé nule qui i fust.

Iluec s'assist desus .i. fust Qui estoit delez sa meson; Delez lui mist son aguillon, .1. poi torna son dos vers Fuis.

Huimès orrez que il fist puis.

« Par foi, » fet il, « ce est la voire.

Puisque je sui hors de la foire.

Et en bon leu, et loing de gent, Deûsse bien de mon argent Tout seul par moi savoir la somme; Ainsi le font tuit li sage homme.

J'oi de Rouget .xxxix. saus, .Xii. deniers en ot Giraus Qui mes .11. bues m'aida à vendre.

A maies forches puist il pendre, Por ce qu'il retint mes deniers !

.Xii. en retint li pautoniers, Et se li ai je fet maint bien.

Or est ainsi, ce ne vaut rien, Il me vendra mes bues requerre, Quant il voudra arer sa terre, Et il devra semer son orge ; Mal dehez ait toute ma gorge.

S'il a jamès de moi nul preu !

Je lui cuit moût bien mètre en leu, Honiz soit il et toute s'aire !

Or parlerai de mon afaire.

J'oi de Sorin .xix. saus ; De ceus ne fui je mie faus,

FABLIAU CXVI 8l

Quar mon compère dans Gautiers

Ne m'en donast pas tant deniers

Con j'ai eu de tout le mendre :

Por ce fet bon au marchié vendre ;

Il vousist ja créance avoir,

Et j'ai assamblé mon avoir,

.Xix. saus et .xxxix.

Itant furent vendu mi buef.

Dieus ! c'or ne sai que tout ce monte,

Si meïsse tout en .i. conte,

Je ne le savroie sommer;

Qui me devroit tout assommer,

Ne le sàvroie je des mois.

Se n'avoie fèves ou pois,

Que chascun pois feït .i. sont.

Ainsi le savroie je tout.

Et neporquant me dist Sirous

Que j'oi des bues .l. sous.

Qui les conta, si les reçut ;

Mes je ne sai s'il m'en déçut.

Ne s'il m'en a néant emblé.

Qu'entre .11. sestiere de blé.

Et ma jument et mes porciaus.

Et la laine de mes aigniaus

Me rendirent tout autrestant.

.II. fois .L., ce sont cent,

Ce dist un gars qui fist mon conte ;

.V. livres dist que tout ce monte.

Or ne lerai, por nule paine.

Que ma borse qu'est toute plaine.

Ne soit vuidie en mon giron. »

Et li 'boulier de la meson Dient : « Ça vien, Mabile, escoute, Cil denier sont nostre sanz doute, Se tu mes ceenz ce vilain.

— Il ne sont mie à son oes sain, »

Dist Mabile, « lessiez le en pès, Lessiez le conter tout adès ; Lessiez le conter tout en pès Qu'il ne me puet eschaper mes.

Toz les deniers je les vous doi ; Les ieus me crevez, je l'otroi, Se il en est à dire uns seus. »

Mes autrement ira li geus Qu'ele ne cuide, ce me samble ; Quar li vilains conte et assamble .Xii. deniers, sanz plus, qu'il a.

Tant va contant et ça et là Qu'il dist : « Or est .xx. sols .v. foiz, Dès ore mes est il bien droiz Que je les gart; ce sera sens.

Mes d'une chose me porpens :

S'or eusse ma douce nièce.

Qui fu fille de ma suer Tiece, Dame fust or de mon avoir.

El s'en ala par fol savoir Hors du païs en autre terre, Et je l'ai fête maint jor querre En maint païs, en mainte vile !

Âhi l douce nièce Mabile,

Tant estiiez de bon lingnage,

Dont vous vint ore tel corage?

Or sont tuit troi mort mi enfant,

Et ma famé dame Siersant !

James en mon cuer n'avrai joie

Devant cele eure que je voie

Ma douce nièce en aucun tans.

Lors me rendisse moine blans ;

Dame fust or de mon avoir,

Riche mari peûst avoir. »

Ainsi la plaint, ainsi la pleure,

Et Mabile saut en cele eure ;

Lés lui s'assist et dist : « Preudon,

Dont estes vous et vostre non?

— Je ai non Fouchier de la Brouce; Mes vous samblez ma nièce douce Plus que nule famé qui fust. »

Cele se pasme sor le fust.

Quant se redrece, si dist tant :

« Or ai je ce que je demant. »

Puis si Pacole et si Tembrace, Et puis li bese bouche et face, Que ja n'en samble estre saoule.

Et celui qui moût sot de boule, Estraint les denz et puis souspire :

« Bêle nièce, ne vous puis dire La grant joie que j'ai au cuer.

Estes vous fille de ma suer ?

— Oïl, sire, de dame Tiece.

— Moût ai esté por vous grant pièce, »

172 DE BOIVIN DE PROVINS Dy

Fet li vilains, « sanz avoir aise. »

Estroitement l'acole et baise, Ainsi ans .11. mainent grant joie.

Et .11. bouliers en mi la voie Issirent fors de la meson.

Font li boulier : « Icist preudon Est il or nez de vostre vile ?

— Voir^ c'est mon oncle, » dist Mabile, « Dont vous avoie tant bien dit. »

Vers aus se retorne .1. petit,

Et tret la langue et tuert la joe.

Et li boulier refont la moe.

« Est il donc vostre oncle? — Oïl voir.

— Grant bonor i poez avoir, Et il en vous sans nul redout.

Et vous, preudom, du tout en tout, »

Font li boulier, « sommes tuit vostre.

Par saint Pierre le bon apostre,

L'ostel avrez saint Julien.

Il n'a homme jusqu'à Gien

Que plus de vous eûssons cbier. »

Par les braz prenent dant Foucbier,

Si l'ont dedenz lor ostel mis.

<( Or tost, » ce dist Mabile, « amis,

Acbatez oes et cbapons.

— Dame, » font il, « venez ça dons, Ja n'avons nous goûte d'argent.

— Tesiez, » fet el, « mauvese gent, Metez bouces, metez sorcos,

Sor le vilain ert li escos.

Fabl. y. 8

Cis escos vous sera bien saus :

Sempres avrez plus de .c. saus. »

Que vous iroie je contant ?

Li dui boulier de maintenant, Comment qu'il aient fet chevance, .II. cras chapons sanz demorance Ont aporté avoec .11. oes; Et Boivin lor a fet les moes En tant comme il se sont tornez.

Mabile lor dist : « Or soiez Preus et vistes d'appareillier ! »

Qui donc veïst con li boulier Plument chapons et plument oies, Et Ysane fit toutes voies Le feu et ce qu'ele ot à fere ; Et Mabile ne se pot tere Qu'el ne parlast à son vilain :

<c Biaus oncles, sont ores tuit sain Vostre famé, et mi dui neveu ?

Je cuit qu'il sont ore moût preu. »

Et li vilains si li respont :

« Bêle nièce, tui troi mort sont, Par pou de duel n'ai esté mors ; Or serez vous toz mes confors En mon païs, en nostre vile.

— Ahi ! lasse ! » ce dist Mabile, a Bien deûsse or vive enragier; Lasse ! s'il fust après mengier.

Il n'alast pas si malement.

Lasse! je vi en mon dormant

Geste aventure en ceste nuit.

— Dame, li chapon sont tout cuit, Et les .11. oies en .i. haste, »

Ce dist Ysane qui les haste.

« Ma douce dame, alez laver.

Et si lessiez vostre plorer. »

Adonc font au vilain le lorgne.

Et voit li vilains, qui n'ert borgne, Qu'il le moquent en la meson.

Font li boulier : « Sire preudon.

N'estes pas sages, ce m'est vis ; L'essons' les mors, prenons les vis. >f

Âdonc sont assis à la table, Mes du mengier ne fu pas fable, Assez en orent à plenté :

De bons vins n'orent pas chierté, Assez en font au vilain boivre Por enyvrer et por deçoivre ; Mes il ne les crient, ne ne doute.

Desouz sa chape sa main boute, Et fet semblant de trere argent.

Dist Mabile : « Qu'alez querant, Biaus douz oncles, dites le moi?

— Bêle nièce, bien sai et voi Que moût vous couste cis mengiers :

Je métrai ci .xix. deniers. »

Mabile jure, et li boulier.

Que il ja n'i metra denier.

La table ostent quant ont mengié ; Et Mabile a doné congié

6o FABLIAU CXVI 262

Aux .II. bouliers d*aler là hors : « Si vous sera bons li essors, Que bien avez eu disner; Or prenez garde du souper. »

Li dui boulier s'en sont torné ; Après aus sont li buis fermé.

Mabile prist à demander :

« Biaus douz oncles, ne me celer S'eûstes pieça compaignie A famé, nel me celez mie, Puis que vostre famé fu morte :

Il est moût fols qui trop sorporte * Talent de famé, c'est folie, Autressi comme de famie.

— Nièce, il a bien .vu. ans toz plains.

— Tant a il bien ? — A tout le mains, Ne de ce n'ai je nul talant.

— Tesiez, oncles, Dieus vous avant!

Mes regardez ceste mescbine. »

Adonc bat .m. fois sa poitrine :

« Oncles, je ai moût fort pecbié,

Qu'à ses parenz l'ai fort trechié. ^

Por seul son pucelage avoir.

Eusse je moût grant avoir;

Mes vous l'avrez, que je le vueil. »

A Ysane cluingne de l'ueil.

Que la borse li soit copée.

Li vilains ot bien en penssée

De coper la avant qu'Isane :

La borse prent et si la trencbe

Dans Fouchiers, et puis si Pestuie :

En son sain , près de sa char nue, La mist, et puis si s'en retorne.

Vers Ysane sa chiere tome, Et s'en vindrent li uns vers l'autre :

Andui se vont couchier el piautre ; Ysane va avant couchier, Et moût pria à dant Fouchier Por Dieu que il ne la bleçast.

Adonc covint que il ostast La coiffe au cul por fere l'uevre.

De sa chemise la descuevre, Puis si commence à arecier, Et celé la borse à cerchier :

Que qu'ele cerche, et cil l'estraint, De la pointe du vit la point; El con li met jusqu'à la coille, Dont li bat le cul, et rooille Tant, ce m'est vis, qu'il ot foutu.

Ses braies monte; s'a veû De sa borse les deux pendanz :

>f( Hai las I » fet il, « chetiz dolanz, Tant ai hui fet maie jornée I Nièce, ma borse m'est copée; Geste famé le m'a trencbie. »

Mabile l'ot; s'en fut moût lie.

Qui bien cuide que ce soit voir, Qu'ele covoitoit moût l'avoir.

Maintenant a son huis desclos :

« Dant vilain, » fet ele, « alez hor$.

— Dont me fêtes ma borse rendre.

— Je vous baudrai la hart à pendre !

Alez tost hors de ma meson, Ainçois que je praingne .i. baston. 3»

Celé .1. tison prent à .11. mains; Adonc s'en va hors li vilains

Qui n'ot cure d'avoir des cops.

Après lui fu tost li huis clos ; Tout entor lui chascuns assamble, Et il lor monstre à toz ensamble Que sa borse li ont copée.

Et Mabile l'a demandée A Ysane : « Baille ça tost, Que li vilains va au provost.

— Foi que je doi saint Nicholas, »

Dist Ysane, « je ne l'ai pas ;

Si l'ai je moût cerchie et quise.

— Par .1. poi que je ne te brise, Pute orde vieus, toutes les danz !

Enne vi je les .11. pendanz Que tu copas? jel sai de voir ; Guides les tu par toi avoir ?

Se tu m'en fez plus dire mot

Pute vieille, baille ça tost.

— Dame, comment vous baillerai, »

Dist Ysane, « ce que je n'ai? »

Et Mabile aus cheveus li cort.

Qui n'estoient mie trop cort.

Que jusqu'à la terre l'abat ; Aux piez et aus poins la débat.

Qu'ele le fet poirre et chier :

« Par Dieu, pute, ce n'a mestier.

— Dame, or lessiez; je les querrai Tant, se puis, que les troverai, Se de ci me lessiez torner.

— Va, » fet ele, « sanz demorer. »

Mes Mabile l'estrain reborse, Qu'ele cuide trover la borse :

« Dame, or entent, » ce dist Ysane ; « Perdre puisse je cors et ame, S'onques la borse soi ne vi :

Orme poez tuer ici.

— Par Dieu, pute, tu i morras. »

Par les cheveus et par les dras L'a tirée jusqu'à ses piez;

Et ele crie : « Aidiez ! aidiez ! )> Quant son boulier de hors l'entent.

Celé part cort isnelement ; L'uis fiert du pié sanz demorer, Si qu'il le fet des gons voler.

Mabile prist par la chevece.

Si qu'il la deront par destrece ; Tant est la robe derompue Que dusqu'au cul en remest nue.

Puis l'a prise par les chevols, Du poing li done de granz cops Par mi le vis, en mi les joes, Si qu'eles sont perses et bloes.

Mes ele avra par tens secors Que son ami i vient le cors,

64 FABLIAU CXVI 38o

Qui au crier Ta entendue ; Tout maintenant, sanz atendue, S'entreprennent li dui glouton.

Lors veïssiez emplir meson Et de bouliers et de putains ; Chascuns i mit adonc les mains.

Lors veïssiez cheveus tirer, Tisons voler, draps deschirer, Et l'un desouz l'autre cheïr ; Li marcheant corent veïr Ceus qui orent rouge testée, Que moût i ot dure meslée, Et se s'i mistrent de tel gent Qui ne s'en partirent pas gent : Teus i entra à robe vaire Qui la trest rouge et à refaire.

Boivin s'en vint droit au provost :

Se li a conté mot à mot De chief en chief la vérité.

Et li provos l'a escouté.

Qui moût ama la lecherie ; Sovent li fist conter sa vie A ses parens, à ses amis.

Qui moût s'en sont joué et ris.

Boivin remest .111. jours entiers; Se li dona de ses deniers Li provos .X. sous à Boivins, Qui cest fablel fist à Provins.

Explicit le fahlel de Boivin.