DE SAINT PIERE
ET DU JOUGLEUR
Paris, Bibl. nat., Mss. fr. 83;, fol. igt^kuro, et 19152, fol. 45 r® à 47 r«.
|ui de biau dire s'entremet, N'est pas merveille s'il i met j Aucun biau mot selonc son sens.
Il ot un jougleor à Sens
Qui moût ert de povre rivière,
N'avoit pas sovent robe entière.
Ne sai comment on l'apela.
Mais sovent as dez se pela ;
Sovent estoit sanz sa viele.
Et sanz chauces et sanz cotele.
Si que au vent et à la bise
Estoit sovent en sa chemise.
Ne Guidiez pas que ge vos mente,
N'avoit pas sovent chaucemente;
Ses chauces avoit forment chieres,
De son cors naissent les lasnieres,
Et quant à la foiz avenoit
Que il uns solleres avoit
Pertuisiez et deforetez,
Moût i ert grande la clartez,
Fabl. V. q
66 FABLIAU CXVII t
Et mout ert povres ses ators.
En la taverne ert ses retors, Et de la taverne au bordel ; A ces .II. portoit le cembel.
Mais ne sai plus que vos en die • Taverne amoit et puterie, Les dez et la taverne amoit, Tout son gaaing i despendoit, Toz jors voloit estre en la boule, En la taverne ou en la houle.
.1. vert chapelet en sa teste, Toz jors vousîst que il fust feste ; Mout desirroit le diemenche, Onques n'ama noise ne tence.
En foie vie se maintint.
Or orrez ja con li avint.
En fols peschiez mist son usage ; Quant ot vescu tout son eage, Morir Testut et trespasser.
Deables, qui ne puet cesser Des genz engingnier et sousprendre.
S'en vint au cors por l'ame prendre ; .1. mois ot fors d'enfer esté, Ainz n'avoit ame conquesté.
Quant vit le jougleor morir.
Si en corut Tame sesir; Por ce que morut en pechié.
Ne li a on pas chalengié.
A son col le geta errant, Vers enfer s'en vînt acorant.
8o DE SAINT PIERE ET DU JOUGLEUR 67
Si compaignon par le païs
Avoient moût de gent conquis ;
Li uns aporte champions,
L'autre prestres, l'autre larrons,
Moines, evesques et abez,
Et chevaliers et genz assez.
Qui en pechié mortel estoient,
Et en la fin pris i estoient ;
Puis s'en repèrent à enfer ;
Lor mestre truevent Lucifer.
Quant les voit venir si chargiez :
« Par ma foi », fet il, « bien veigniez!
Vous n'avez pas toz jors festé.
Cist seront ja mal ostelé. »
En la chaudière furent mis.
« Seignor, » fet il, « il m'est avis,
A ce que je en ai veû.
Que vous n'estes pas tuit venu.
— Si sommes, sire, fors uns seus,
Uns chetiz, uns maleûreus,
Qui ne set âmes gaaignier.
Ne ne set les genz engignier. »
Atant voient celui venir Qui aportoit tout par loisir De sor son col le jougleor.
Qui moût estoit de povre ator.
En enfer est entrez toz nus ; Le jougleor a geté jus.
Li mestres si l'aresona :
« Vassal, 9 dist il ce entendez ça,
68 FABLIAU CXVII IIO
Fus tu ribaus, trahitre ou 1ère?
— Nenil, » fet il, « ainz fui jouglere ; Avoec moi ai trestout l'avoir
Que li cors seut au siècle avoir.
Li cors soffri mainte froidure, S'oï mainte parole dure ; Or sui ça dedenz ostelez :
Si chanterai se vous volez.
— De chanter n'avons nous que fere, D'autre mestier vous covient trere ; Mes, por ce que tu es si nus
Et si très povrement vestus.
Feras le feu souz la chaudière.
— Volentiers, » fet il, « par saint Piere, Quar de chaufer ai grant mestier. »
Atant s'assist lez le fouier.
Si fet le feu delivrement.
Et chaufe tout à son talent.
Un jor avint que li maufé Furent leenz tuit assamblé ; D'enfer issirent por conquerre Les âmes par toute la terre.
Li mestres vint au jougleor, Qui le feu fîst et nuit et jor :
« Jouglere, » fet il, <r or escoute.
Je te commant ma gent trestoute.
Garde ces âmes sor tes ieus, Quar je tes creveroie andeus, S'une en perdoies toute seule :
Je te pendroie par la gueule.
