TITRE XCVII

Des Archiers.

Quiconques veut estre archiers à Paris , c'est à savoir fesères de ars , de fleiches 1 et de arbalestes , et de ce qui apartient à ceJ mestier faire , le puet franchement.

Quiconques est archiers à Paris, il puet avoir tant aprentis et vallès corne il li plera, et ouvrer de nuiz, se mestier en a.

Quiconques est archiers à Paris , il puet faire ars, quarriaus* et fleiches de tel fust come il li plaist , ou de cor, ou de pluseur pièces, ou d'une; et puet enpéner ses quarriaus ou ses fleiches de tex pannes come il vaudra , soit de gelines ou d'autres s.

Quiconques est archiers à Paris , il ne doit rien de chose qu'il vent ne achate apartenant à son mestier.

Nus archiers de Paris ne doit point de gueit ; quar li mestiers l'aquite, quar le mestier est pour servir chevaliers et escuiers et sergens, et est pour garnir châtiaus.