TITRE IV

Des Mesurais de blé et de toute autre manière de grains.

Nus ne puet estre mesurères de blé ne de nul autre manière de grain, de quelque manière que ce soit, à Paris, se il n'a le congiet du prevost des marcheans et des jures de la confraerie.

Quiconques a enpétré 1 le congié de mesurer, il convient qu'il jure seur sains avant que il puisse mesurer, que il le mesurage fera bien et loiaumant à son pooir , de quelque manière de grain que il mesureche; et que il la droiture à celui vendeur et à l'achateur gardera bien et loiaument.

Nus mesurères ne puet ne ne doit demander de une charretée de grain mesurer, que iv den. du mesurer, viij den. du char, j denier de la some, soit à quelque beste que ce soit , soit à asne ou à cheval , soient grans les somes ou les charretées ou petites, de quelque manière de grain que ce soit ; le quel mesurage li vendères paie.

Se aucun hom a vendu son blé ou son grain, quel que il soit, mesurer le puet, se li achateur le veut recevoir de sa main ; mes se li achatères veut, li mesureur juré le mesurront.

Se un borgois de Paris ne un forain de dehors , quel que

' Obtenu , du latin impetrare.

a a REGISTRES

il soit, livre le tesmoing 1 de son grain pour vendre, et il le vent, il li doit assener de son argent bien et souffisan , sanz domage que li i ait , et li mesureur doit avoir de chascun mui de grain vj deniers du mesurer et dou vendre, ne plus n'en puet prendre ne demander; et doit avoir de plus, plus, et du mains, mains.

Se mesureur mesure aucun grain quel qu'il soit , soit en grenier ou en nef, il aura de chascun mui iv deniers du mesurer; du plus, plus, et du mains, mains.

Nus mesureur ne puet mesurer nule manière de grain à nule mesure qui ne soit seigniee * au seing le Roi ; et se il le fesoit , il seroit en la merci au prevost de Paris; et se il a mesure et ele n'est pas seigniee , il la doit porter au parloir aus bourgois et illeuc doit estre justee et seignié, et doit avoir cil qui la mesure est4 pour la mesure, soit mine, soit minot, iiij deniers pour l'ajouster et pour le seignier ; se mine ou minot se forfeit, c'est à savoir se elle gete hors ou ens porquoi ele ne soit souffisans ne loial à mesurer, il n'en est à nule amende li mesureur, se il ne l'a fait par sa tricherie, il seroit en la merci le Roi de cors et d'avoir, quar ce seroit larecin : et sitost que li mesureur s'aperçoit que sa mine soit forfeite, il la doit reporter au parloir par son serement ; et se on treuve ou parloir que la mine ne soit boneet loiaus, ele doit estre quassée, et li mesureur doit ravoir le fer; et se ele est bone et loiaus , li mesureur doit iiij deniers , pour le rajouster, toutes les fois qu'il la fera rajouster, ne plus ne doit il du seignier ne du rajuster.

■ Témoignage, échantillon.

' Estampillée , marquée.

3 Le Pariou^ux-Bourgeois tenoit alors lien d'Hôtel-de-Villc.

♦ Il faut interpréter probablement celui a qui la mesure appartient.

1 De intus, en dedans.

Nus mesureur ne puet ne ne doit marchander de gram de nule manière en la vile de Paris, ne ne puet achater grain pour

envoier chiés bourgois en la vile de Paris, se li bourgois ou son conmendement n'i est présent.

Nus raarchans de grain, c'est à savoir vendeur ou achatcur de grain quel que il soit, dedenz la vile de Paris, ne puet ne ne doit mesurer chose que il vende , plus haut d'un sextier à une fois; et se il li convenoit plus mesurer, il devroit apeler un mesureur juré , et li mesureur li devroit mesurer le mui pour iiij deniers ; du plus, plus , et du mains , mains.

Quiconques vende son grain à Paris , il puet apeler un mesureur quel que il veut, pourtant que il soit jurez et sermentés de la vile ; et cil mesurères lui doit faire sa besoigne bien et loialment par son serement, en la manière desus dite.

Se aucun du mestier devant dit mesprent en aucune des choses desus dites , il le doit amender au Roy , selonc le jugement au prevost de Paris ; quar li bourgois de Paris n'ont nul pooir, ne nule joustice ès choses desus dites, fors que de doner congié de mesurer et de tolir le mesurage à aucun, se il leur semble bon , et il leur plaist

Nus mesureur ne doit point de gueit, quar ce sont une manière de gaignc-maille.

Li mesureur doivent la taille et les autres redevances que li autre bourgois doivent au Roy \

1 La ville étoit autrefois fière de ce droit, et on sut mauvais gré à Leroy, qui , dans une dissertation sur l'origine du bureau de la Ville, mise a la tête du tome i de V Histoire de Paris , par D. Fclibien et Lobineau, avoit, en reproduisant ces statuts, supprimé l'article auquel on tenoit le plus , comme consacrant une partie de 1b juridiction du prévôt des marchands.

' Par ordonnance de Charles VI , de l'an 1415, le nombre des mesureurs de bU . à Paris, fut fixé à 54 , dont 18 pour la place de Grève, 24 pour la Halle, et 12 pour la Juivene, dans la Cité , où l'on reudoit aussi des grains.