TITRE XVI
Des Fèvres Couteliers*.
Nus ne puet estre fèvre coutelier à Paris s'il n'achate le mestier du Roi; et le vent de par le Roy son mestre marissal. à qui li Roys l'a donné , tant come il li plaira ; et le vent à l'un plus à l'autre mains , si come il li plaist , dessi à v sols , lesquex v sols il ne puet passer.
Sitost come li fèvres couteliers a achaté le mestier del mestre qui garde le mestier de par le Roy, il doit jurer seur sains que il le mestier gardera et fera bien et loiaument as us et as coustumes du mestier, qui tel sunt :
Nus fevres coutelier ne puet avoir que ij aprentis ensamble , ne ne les puet prendre à mains de vj ans de service; mais à plus service les puet-il bien prendre, et à argent, se avoir les puet.
' Jusqu'à ce.
* On distingue ici les lèvres couteliers , des couteliers faiseurs de manches , dont
Nus fèvre coutelier. ne puet ne ne doit ouvrer au jour de feste que li conmun de la ville foire, ne par nuit, en chose qui apartiegne à son mestier de coutelerie ; quar la clartez de la nuit ne soufist au mestier devant dit.
Nus ne puet ne ne doit ouvrer en charnage 1 puis vespres sonans, au dit mestier, ne en quaresme puis complie sonant.
Nus ne puet ne ne doit fortraire autrui aprentis ne autrui sergent*, par lui ne par autre , devant qu'il ait feit et acompli son service.
Qui conques mesprendra en aucun des articles desus diz , il amendera toutes les fois que il en sera reprins , de v sols de paris, au Roy.
El mestier devant dit a ij preudeshomes jurez et sermentez de par le Roi , lesquex li prevoz de Paris met et oste à sa volenté, liquel jurent seur sains que il le mestier devant dit garderont bien et loiaument selon leur pooir , et que toutes les entrepresures qu'il sauront que feites i seront, au plus tost que il porront, au prevost de Paris ou à son conmendement le feront à savoir par reson. Et doivent li ij preudome devant dit avoir de chascun v sols d'amende, xij den. parisis par la main du prevost de Paris pour les mises et pour les couz et pour les despens qu'il y font.
Li fèvre coutelier de Paris doivent le gueit et la taille et les autres redevances que li autres bourgois de Paris doivent au Roy.
Li fèvre coutelier qui ont passé lx ans , et cil asquex leur famé gisent d'enfant tant corne èle gisent, ne doivent point de
* Le chômage est tout le temps de l'année où l'église permet de manger de la viande : c'est l'opposé dn carême.
J Serviteur.
DES MÉTIERS ET MARCHANDISES . 49 gueit; mes il sont tenu de faire le savoir à celui qui le gueit1 garde de par le Roy.
Li ij preudome qui le mestier gardent de par Iou Roy, sont quite du gueit pour la paine et pour le travail qu'il ont de garder le mestier devant dit de par lou Roy.
