TITRE LXVII
Des Pingniers et des Lanterniers de Paris.
Quiconques veut estre pingniers et lanterniers de cor et d'ivoire1, estre le puet franchement, et avoir tant de vallès que il leur plaira.
Nus lanternier ne puet avoir que j apreutiz tant seulement; c'est à savoir, à vj ans de service, et à xl s. de deniers, ou à viij ans de service sanz argent ; mes il puet bien prendre plus argent et plus service.
Nus lanterniers ne puet ouvrer de nuiz , ne à jour de feste que conmun de vile foire, ne au sémedi en charnage puis le premier cop de vespres sonans à Saint-Innocent*, ne en quaresme puis complie sonans de Saint-Innocent.
Nus pignières ne puet ne ne doit rapareillier pigne viez eu la manière que il semblèce pigne nuef , que l'œvre est fause et mauveise.
Nus pigniers ne doit ne ne puet mètre cor nuef ne viez en merrien de viez lenternes pour vendre; quar l'œvre n'est ne bone ne loial , se il ne le feit à la requeste d'aucun preudome qu'il leur requière sa viez lenterne ou son viez pigne pour rapareillier.
Nus pigniers ne puet mesprendre en aucun des articles devant diz que il ne doive v s. de paris, d'amende, à paier au Roy, toutes les fois que il en sera repris.
1 Cette corporation reçut dans la suite le nom de peigniers-tabletie». La fabrication de* lanternes n'entrait d'abord dans les occupations des peigniors que parce qu'au lieu de verres , on met toit aux lanternes des tablettes minces de corne ou d'ivoire.
' On a ajouté dans le Ms. B : a ou de la paroiche souz qui le lanternier detnou- • rera. »
El mestier devant dit a ij preudeshomes jurez et serementez de par le Roi, lesquex li prevoz de Paris 1 met et oste à sa volenté.
Liquel preudome jurent seur sains que il le mestier devant dit garderont bien et loiaument, et que il toutes les entrepresures qui el mestier devant dit seront faites, feront à savoir au prevost de Paris , ou à celui qui serra en son lieu , toutes les fois que il le sauront.
Li pignier et li lenternier doivent le gueit et la taille , et les autres redevances que li autre bourgois de Paris doivent au Roy.
Li lenternier et li pignier qui ont Lx ans et plus, ne cil à qui leur famé gisent d'anfant, ne doivent point de gueit , ne li preudome qui le mestier devant dit gardent de par lou Roy.
Nus pignier ne nus lenternier ne puet ne ne doit alouer vallet qui soit en autrui service devant que il ait pareervi son terme ; et s'il le feit , il amendera au Roy de v s. de paris.
TTTRE LXVIII.
De ceus qui font tables à escrire h Paris.
Quiconques veut estre tabletier à Paris8, estre le puet franchement, et ouvrer de bois et de toutes manières de fiiz, d'ivoire et de toutes manières de cor, pour tant qu'il ovrèche ou face ouvrer aus us et aus coustumes de Paris , qui tel sont :
Nus tabletiers de Paris ne puet avoir que j aprentiz , se ce ne sont si enfant né de léau mariage.
Nus tabletier ne puet prendre5 à mains de viij ans de service
* Addition dans le Ms. B : « ou cil qui est establiz par le Roy. »
* Les tabletiers d'alors faisoient des travaux analogues à ceux des ébénistes d'aujourd'hui : l'ivoire et la corne étoient employés aux ornemens de leur tabletterie. »
> Sous-entendu : un apprenti.
i7a REGISTRES
et à xl s. de deniers, ou à x ans sanz argent ; mes plus argent et plus service puct-il prendre.
Nus tabletier ne puet prendre aprentiz que li aprentis et H mestres ne paient ij s. à la conflarie , avec tout 1 argent devant dit que li mestre doit avoir de son aprentis \
Nus aprentiz ne doit touchier au mestier devant donc que les ij s. soient à la conflarie.
Quiconques soit tabletier à Paris, il puet avoir tant de vallès et de ouvriers loias qu'il li plaira.
Nus tabletier ne puet ouvrer de nuiz à chandoile, ni au semedis en charnage puis vespres sonans, ne au sémedi en quaresme puis complie sonant , ne ne puet ouvrer au jour de feste que conmun de vile foire.
Nus tabletier ne puet ne ne doit alouer vallet que autre tabletier tiegne entour soi dessi adont que cil entour qui li vallet se soit aloués , se tiegne apaié du vallet et de son service.
Nus tabletier ne puet ne ne doit prendre oevre viez de mercier, de gaînier, pour rapareilier, ne pour refaire, se ce n'est oevre que gainier ou mercier face faire pour son porter et pour son user tant seulement.
Se aucun aprentis s en va d entour son mestre par la défaute de son mestre , le mestre le doit amender à l'esgart des preudomes qui gardent le mestier. Et se li aprentis s'en va par sa foleur ou s'envoiseure1, li mestres ne puet prendre aprentis devant que xx vj semaines soient passées, et puis les xxvj semaines, il puet prendre aprentis en la manière desus dite.
Toutes les fois queli aprentis qui, par sa propre envoiseure.
1 Addition en marge au Ma. B : • Et se li mestres ne prant d'argeot , si ne
« xij den. à la conEarrie. »
* Espièglerie, légèreté de conduite.
DES MÉTIERS ET MARCHANDISES. i73
se part d'entour son mestre veut revenir à son service dedens les xxvj premières semaines, revenir i peut, pour tant qu'il rende à son mestre touz les couz , touz les domages et touz les dépers qu'il aura euz par sa défaute, pour la reson de ce qu'il auroit lessié son service.
Li aprentis qui entour son mestre ne veut revenir dedens les xxvj semaines devant dites, ne puet mètre main au mestier devant ce que il ara rendu à son mestre touz les couz, touz le domages qu'il ara euz pour sa défaute, pour ce qu'il li a lessié son service.
Se li mestre a pris un autre tabletier puis les xxvj semaines , et ses aprentis qui , par sa joliveté , l'a lessié , voille revenir au mestier entour autre que à son mestre , pour tant qu'il paie à son mestre les couz et les domages que son mestre i aura euz par sa défaute. Mès entour son mestre ne puet-il revenir; quar le mestre ne puet avoir que j aprentis.
Nus tabletier ne puet faire tables de quoi li un fuelles soit de buis , et li autre de fanne, ne mètre avec buis nule autre manière de fust qui ne soit plus chier que buis ; c'est à savoir, cadre benus , brésil et ciprès Ne nus tabletier ne puet mètre suif avec cire; et quiconques fera tex manière de oevre, il amendera au Roy de v s., et si seroit l'oevre arse ; quar tex manières d'oevres ne sont ne bones ne léaus.
Quiconques mesprendra en aucun des articles desus diz, il amendera au Roi de v s., toutes les fois qu'il i mesprendra, et la fa use oevre sera arse si corne il est dit par desus.
El mestier des tabletiers a ij preudeshomes establiz de par le Roi et de par le prevost de Paris, liquel preudome doivent jurer
» Le Ms. C a : • Coudre cadre beaus , etc. » On ignore de quel bois le statut parle ; le brè>il était , comme on sait , du bois rouge qu'on tiroit de l'Orient.
i74 REGISTRES
seur sains qu'il garderont le mestier desus dit, bien et loiaument au conmun profit de touz, et que toutes les entrepresures qu'il saront, qui seront faites el mestier devant dit, que il les feront (savoir) au prevost de Paris ou à son oonmendement.
Ces ij preudomes change chascun an li prevoz de Paris, se il en est requis , et il li samble que bien soit.
Li tabletier ne doivent rien de chose qui vendent ne achatent apartenant à leur mestier.
Li ij preudome, juré-garde le mestier devant dit, doivent ravoir du conmun del, tout le coustement qu'il metent pour garder le mestier devant dit, et en sont creu par le serment qu'il ont fait, sauve le taxement au prevost de Paris, devant alant, se mestier en est.
Li tabletier de Paris doivent le guet, la taille et les autres redevances que li autre bourgois de Paris doivent au Roy.
Li dui preudome qui sont jurez pour garder le mestier devant dit sont quite du gueit, pour le service que il font au Roy pour son mestier garder. Cil qui ont passé sois&ante anz d'aage, et cil à qui leur femes gissent d'enfant, tant coume êtes gisent, sunt quite du gueit; mais il le doivent faire savoir à celui qui le guet garde de par lou Roy 4.
' Au Ms. B se trouve l'addition suivante , postérieure , à ce qu'il semble , * la rédaclion du statut :
u Nus valiez ne puet prendre aprentiz tant qu'il soit en autrui service ; et qui le « ferait, il serait à v s. d'amende au Roy.
•• Nus ne puet prendre aprantiz se il ne le met en oevre de son propre chetel.
« Nus valiez ne nus mestres ne puet aprentiz prendre pour mètre en oevrc en autrui u ovroer, que en son propre ovrocr.
■ Nus ne puet prendre vallet qui viegne de hors pour ouvrer 1 Paris , devant ce qu'il <• ait fet le serement qu'il ouvrera a us us et aus coustumes du mestier, en la manière « qui est devisée par desus.
« Nus ne puet vendre son aprantiz par beaoing devant ce qu'il l'ait tenu ou mestier . j an et j jour, se ce n'est pour la voie d'outre-mer, ou pour mort. »
