TITRE LXXII
Des Boutonniers et des Deyciers d'archal, de qoivre
et de laiton.
Quiconques veut estre boutonier d'archal et de laiton , et de coivre neuf et viez, et fesères de dez à dames pour coudre, à Paris, estre le puet franchement, pour tant que il soit preudome et loial, et que il face le mestier bien et loialment, et que il se face créable que il ait fait envers le mestre qui apris l'a, ce qu'il doit.
Nus boutonier ne puet avoir que j aprentiz , se ce n'est son enfant né de loial mariage ; et se il le fet , il est à x s. d'amende à payer au Roy, et si li oste-l'en l'aprentiz.
Nus boutonier ne puet avoir aprentis à mains de viij ans et xl s. d'argent, ou à x ans de service sanz argent; mes plus service et plus argent puet-il bien prendre.
Li aprentis qui est pris à argent ou sanz argent , doit v s. à la confrarie des boutoniers ou ses mestres , se il les veut paier por lui, et s'il i touchoit avant, il paieroit x s. d'amende au Roy.
Nus boutonier ne puet faire boutons de coi lune moitié soit plus grande que l'autre, lesquex boutons li boutonier apèlent
DES MÉTIERS ET MARCHANDISES. i85 bescoz; et se il lefeit, il est à v. s. d'amende à paier au Roy, et si pert les boutons.
Nus boutonier ne puet faire boutons qu'il ne soient bien saudé 1 et loialment, c'est à savoir li ij bras de la queue, et li boutons en milieu ornement *, et se il ne le feit , il pert les boutons, et si l'amende de v. s. <
Nus boutonier ne ne doit vendre ne avoir oevre esbréchie'e, c'est à savoir fendues où èles se doivent sauder; et cilz chez qui tèle oevre sera trovée , perdra l'oevre, et si l'amendera de v s. de paris, au Roi.
Nus boutonier ne puet ovrer au jour de feste qui soit conmandée à foirier en sa paroice; et se il le fet, il est à dis s. d'amende à paier au Roy toutes les fois qu'il en seroit repris.
Nus boutonier ne se puet alouer à nul home qui ne soit de mestier de boutonier; et s'il le fesoit, il seroit à v s. d'amende à paier au Roy tous les jours que il en seront repris, soit famé soit home.
Nus boutonier ne puet ouvrer de nuiz , quar la clartez de la nuit n'est mie souffisans à ouvrer de leur mestier; et se il le fet, il est à x s. d'amende à paier au Roy, toutes les fois qu'il en seroit repris.
Li raestre boutonier qui aloe 5 vallet en autrui service , est à x s. de parisis d'amende au Roy ; et li vallet qui s'aloe tant que il soie en autrui service, est à v. s. d'amende à paier au Roy.
Li vallet ne se puet aloer à fère le mestier de boutonier devant qu'il ait fet le serement que il le mestier devant dit , en la manière
1 Soudé.
* « Omnement, » Ms. C. Quelques sa vans ont lu ouviemeM. Ton» ce» mot* sont également obscurs.
3 Loue, ou prend à ses gages.
i86 REGISTRES
desus devîsée, maintendra bien et loiaument; et s'il i treuve nul , ne son mestre ne autre , qu'il mesprenge en aucune chose ou mestier desus dit, que il le fera savoir au preudomes qui gardent le mestier de par Iou Roy; et se aucun mestre reçoit aucun vallet en oevre avant qu'il ait fait le serement, il est à v s. d'amende à paier au Roy Cilen quex hostel li vallès aroit ovre', paieroit les v s. d'amende au Roi , et cil qui l'aroit prové en seroit quites.
Nus bouton ier ne puet conmencier le mestier de boutonier se il ne se fait créable pardevant le prevost de Paris qu'il soit preudom et loial.
Nus boutonier ne doit rien de chose qu'il vende ne achate apartenant à son mestier, fors que le cens de leur estaus qu'il paient au Roi ; c'est à savoir, pour chascun estai de vj pies xij s. , et du plus plus , et du mains mains ; ne plus n'en paient-il , ne hors foire ne en foire.
Nus boutonier ne puet conporter au jour de marchié, c'est à savoir, au vendredi et au samedi, tant qu'il i ait estai vuit*. Et se li estaus vuis n'a mestre qui riens n'est mis sus, c'est à savoir, home qui le tiegne à cens du Roi ou à linage5, et se il conportoit qu'il i eust estai vuit qu'il ne fust à cens ou à louage, li haliers porroient les choses au conporteur mestre à estai , et prendre ent son estalage.
Li boutonier doivent le'sier cevre en charnage au premier crieur du soir, et en quaresme sitost corne corn plie est sonée,
1 La clause suivante, qui venoit après ces mots, a été effacée dans le Ms. B : « Se il « ne pooit monstrer et prover que li vallet eust ouvré chiès aucun du mestier ij jours... » 1 Étal vide ou non occupé.
* Dans le Ms. C cette phrase est mieux rédigée : « Se li estaus n'a maistre qui riens « n'ait mis sus, c'est à savoir home qui le tiegne a cens du Roy ou 4 louage, li halier » pourrotent les choses au comporteur mettre a estai, etc. »
ou quil loient soner; et quiconques overroit puis cèle eure, fust mestres, fust vallès, il serait à ij sols d'amende à paier au Roi.
Li preudomes boutoniers requièrent que ij preudeshomes et loiaus soient pris de par le prevost de Paris1.
Liquel jureront en sains que il le mcstier devant dit (garderont) en la manière desus devisée, et que il , par leur sermens, feront savoir toutes les entrepresures au prevost de Paris, ou à son conmandement, toutes les fois qu'il i troveroient les mesprentures, sanz déport.
Li boutonier doivent le guet se il n'ont passé lx ans, et doivent la taille et les autres droitures que li autre bourgois doivent au Roy.
Nus boutonier ne doit gueit tant que sa famé gist d'anfant.
Nus boutonier ne doit ne ne puet faire boutons plas qui ne soient de droite roondèce selonc la granteur qu'il sont ; et s'il le feisoit, il perdrait les boutons, et si paierait v s. d'amende au Roy
' Eu marge, au Ms. fi : « Le lundi après la Saint-André ccc et ïij (1303) jure»
• mais très du mcstier : Pierre Gabin le boutounicr et Jehan le Courtois la boutonnier. « — Le jeudi, jour de la (este Sainl-Denis, en octobre l'an m ccc et n«cf, jurèrent li
- maûtre du meslier qu'il garderont le mcstier desus dit bien et loialment, c'est à
- savoir Guill* le Gamuz et Jehan Paumier, etc. »
1 Le Ms. B a en marge l'additiou suivante, qui est d'une autre écriture que le statut, et probablement moins ancienne :
• Item, il fu accordé et ordeaé , du concentement et voleolé de tout le conmnn du « mcstier des boutonnier* de la ville de Paris, et pour le proufit du Roy nostre seigneur « et du commun de In dite ville ; c'est assnvoir des espingles pcrréVs et boulonnées , ei « des chatons auci de laton percés à ij pertnis, que les pertnis soient bien drois percés,
• afin que l'aguitle y puisse passer légèrement, et que lez chatons et les espingles
- soient percées du voerre de Montpellier, on cas que l'on en pourvoit trouver à Paris ; « car antre voerre n'i est pas soufisaiU, et quiconques y mettra autre voerre, il paicm
- v s. d'amende an Roy, se ce n'est par deflaute do voerre de Montpellier.
