DÉCEMBRE

LA. DUCHESSE DE PARME ('), GOUVERNANTE DES PAYS-BAS, A PHILIPPE II. (Angleterre. lieg. XXI,)

Conduite imprudente de la Reine d'Angleterre. — Appui qu'elle accorde aux rebelles d'Ecosse. — Juste motif qu'elle donne par là aux Français de l'accuser d'agression.— Disposition de ceux-ci à envahir les États d'Elisabeth et à réaliser les prétentions de leur Reine au trône d'Angleterre. — Immense intérêt de l'Espagne à empêcher l'accomplissement d'un tel fait, qui mettrait en péril ses possessions des Pays-Bas et môme des Indes. — Urgence d'une intervention de la part de Philippe II. — Déclaration formelle qu'il doit faire à la France. — Nécessité de changer en même temps de politique vis-à-vis d'Elisabeth, et de la forcer par la crainte à se remettre sous l'entière protection du Roi d'Espagne. — Moyens de rigueur que le Roi pourrait d'ailleurs employer contre elle, en profitant des offres des Irlandais et des Catholiques d'Angleterre. — Instances pour que le Roi fasse connaître dans quel sens il veut que l'on agisse. — Avantage qu'il y aurait à conserver dans les Pays-Ras les troupes espagnoles. — Déclaration qu'il faut néanmoins, de nécessité absolue, les rappeler, à cause du mécontentement général que leur présence excite dans les Pays-Ras.

Monseigneur, j'adjousteray encores ceste à mes aultres lettres pour addresser à Vostre Majesté copie de celles qui me sont venues de révesque de Aquila, son ambassadeur en Angleterre, par où elle verra le cTiemin que laRoyne d'Angleterre prend, qui est tel qu'il y a plus d'apparence qu'elle se doive perdre et mettre son royaulme en hazard que aultre mieux. Et, oultre ce que jà les Franchois sont d'eulx-mesmes, comme Yostre dicte Majesté sçait, tant enclins à mouvoir quelque chose de ce costé-là, pour la prétention qu'ilz maintiennent la Royne très chrestienne avoir audict royaulme, leur donnant ladicte Royne d'Angleterre occasion par l'intelligence qu'elle tient en Escosse avecq les rebelles, dont jà lesdictz Franchois ont congnoissance, qu'il foit grandement à doubter que cela ne leur donne occasion de tant plus tost entreprendre. Lesquelz prétendront de se pouvoir justifier envers Vostre dicte Majesté, voires et d'obtenir qu'elle déclaire de non vouloir donner ayde auxdicls Anglois allencontre d'eulx, puis-

(') Marguerite, fille naturelle de Charles-Quint, et veuve en secondes noces d'Octave Farnèse, duc de Parme.

que, oultre la prétension qu'ilz ont si souvent déclaré avoir audict royaulme, ilz prétendront de persuader à Yostre dicte Majesté qu'elle n'est obligée par la capitulatinn sinon à la deffence et non pas à l'envahit, si, pour ses affections particulières, elle veult mouvoir guerre à ses voisins, leur faire tort ou soubstenir les rebelles de la Roy ne très chrestienne contre icelle. Yoires et encorres vraysemblablement diront que, comme ladicte Roy ne très chrestienne prétend estre royne d'Angleterre, les traictez parlans des successeurs, et mesmc celluy de l'an trente-deux (i), disposent pour elle comme royne, et non en faveur de celle qui présentement tient ce royaulme.

Or, Sire, Yostre dicte Majesté sçait mieulx ce que souvent ellemesme a considéré que les pays de pardeçà ne pourroient tumber en plus grand hazard que si les Franchois fermoient le pied sur Angleterre, puisque, par ce voult, il seroit en leurs mains d'envahir lesdictz pays de pardeça, qui se trouvent en termes, comme Yostre Majesté sçait mieulx. Et tenans lesdictz Franchois les deux coustelz du canal, l'ayde que Yostre Majesté pourroit donner à iceulx, et d'argent et de gens et tout aultre secours, demoureroit absolument fourclose, et par conséquent lesdictz pays en trop évident hazard de se perdre, sans aulcun remède quelconque; et ce que de cecy succèderoit et aux Indes et à l'Espaigne, je ne l'ose penser, tant voye la chose dangereuse. Et me semble que ce n'est à tort que souvent j'ay ouy dire que, pour l'Angleterre, et éviter que les Franchois n'y mectent le pied, l'on doibt combattre comme pour la ville de Rruxelles et le surplus de ces dictz pays, puisque de l'ung dépend si manifestement et inévitablement la perdition de l'aultre i ce que je ne puis délaisser de représenter à Yostre dicte Majesté, puisqu'il luy a pieu me mectre en ceste charge, affm que l'on ne me puisse imputer que je n'aye faict mon debvoir de, entendant ce que passe audict Angleterre, le représenter à Yostre dicte Majesté, et pour le regret que perpétuellement j'aurois de veoir perdre une

{') Le traité de Londres du 23 juin 1532 entre Henri VIII et François T' (Voyez Rjiner; Fœàera, t. VI, part. II, p. 171 ).

56 INTERVENTION DE L'eSPAGNE. 1559

seulle ville des pays de Vostre dicte Majesté, et d'aultant plus grand, si que Dieu ne veulle ung si grand mal, que celluy que je crains succéderoit. Suppliant encoires à Yostre dicte Majesté qu'elle considère Tobligation qu elle a à ces dictz pays, tant pour les avoir mis Dieu le créateur soubz sa charge, que pour le grand et loyal debvoir qu'ilz ont rendu, employant leur avoir et leur propre vye pour se soubs tenir en Fobéyssance de ceste maison, et que les choses sont en termes que je ne vois à correction aultre chose que ne faille que Vostre Majesté monstre visaige sur ce poinct et aux Franchois et aux Anglois. Aux Franchois, affîn qu'ilz entendent que absolutement Yostre dicte Majesté ne donnera aureilles à telles persuasions ny comportera qu'ilz mectent le pied en Angleterre; et à Tendroict de ladicte Royne d'Angleterre, pour changer avec elle de stile et forme de négotiation, attendu que Ton voit évidamment que la bénignité dont Vostre dicte Majesté ha usé en son endroict, et les doulces et courtoises remonstrances la font plustost insolente, osant ce qu'elle ose soubz l'espoir du port et faveur de Vostre dicte Majesté, dont elle use au grand desservice de Dieu le créateur et contre la foy catholicque et religion, mectant en hazard son royaulme et les pays de Vostre dicte Majesté. Et comme ledict ambassadeur escript que devers icelle elle doibt de brief envoyer quelque personnaige, il est bien que par temps elle se détermine du chemin qu'elle vouldra tenir en l'endroict de ladicte Royne et aussi de celluy qu'elle envoyé, quand il viendra là. Et certes qu'il neluy fera plus expressément entendre le danger oi^i quel elle est, il faict à craindre qu'elle passera oultre à son erroné discours et par sa faulte se mectra et aultres en hazard; au lieu que qui la pourroit et ceulx de son Conseil mectre en craincte, cela la feroit peult-estre déterminer à se remectre enthièrement soubz la protection de Vostre dicte Majesté, s'esloigner des erreurs, réduire les choses de son royaulme plus au contentement des Catholicques, et, peult-estre, à faire son mariaige aultrement, je crains, qu'il n'y a nulle apparence.

Et cecy est le chemin le plus doulce : mais je ne veulx pour-

tant délaisser de représenter à Yostre dicte Majesté le peu de fiance que l'on peult tenir de la si grande inconstance et variété et termes estranges de négocier de ladicte Royne et de son Conseil, l'offre que font à Yostre Majesté les Ilirlandois, dont icellea esté suITisaniment advertie par son dict ambassadeur, la part des Calholicques audict royaulme d'Angleterre, encoires si grande, estant affectionnée à l'endroit de Yostre dicte Majesté, le service qui se feroit à Dieu de les soubstenir et restablir la religion audict royaulme, laquelle Yostre dicte Majesté avoit si bien redressée, et l'obligation qu'elle a à la seurté de ces dictz pays, non pour désir que j'aye de mectre Yostre dicte Majesté en guerre ou travail, dont Dieu la garde, comme je luy supplie et de luy faire tant de grâce que soubz son régime la Ghrétienneté demeure en paix et repos, mais affin qu'il luy plaise considérer tous moyens que peuvent servir à éviter cest inconvénient, et que, puisque une espée tient l'aultre en guayne, comme l'on dict, elle agisse avec bon visaige et détermination, et mesmes en saison que les affaires des voisins de Yostre dicte Majesté ne sont de riens en meilleurs termes que ceulx de la vostre, il est apparent que, avecq la réputation qu'elle a jà gaignée, l'on luy cédera; et ne seroit bien que la crainte de rentrer en guerre fût cause de tant plus tost tumber en icelle.

Yostre dicte Majesté, le tout considéré, me commandera, s'il luy plaist, le cbemin qu'elle sera servie que je y tienne et ce qui luy plaira que je face selon le pied que les affaires prendront, puisque par sa prudence elle entendra trop mieulx le tout. Et si sçait Yostre dicte Majesté, autant que nul aultre, en quel estât elle m'a laissé ces pays, le pouvoir et disposition d'iceulx, et adjousteray seullement davantaige qu'il me grèveroit de en telle occasion veoir partir les Espaignolz de pardeçà, desquelz, si cecy ne se remède, l'on pourroit vraisamblablement avoir à faire, et seroit bien de au besoing les avoir à la main. Mais je vois universellement tous les pays tant résoluz à persister de supplier Yostre dicte Majesté qu'ilz se partent, mcctans tous conformément en leurs responces qu'ilz ne débourseront ung seul denier

de Tayde que leur est demandée qu'ilz ne partent, que je ne me oseroys en façon quelconque départir de ce que, par Tadvis de ceulx de pardeçà, j'escrips à Yostre dicte Majesté afïin de les faire tirer dMcy; car je voy que cest humeur jà va empirant, et que non seullement ilz dient ouvertement que jà l'on leur a fally à la promesse de les payer tous les mois, et que, à faulte de ce, ilz font désordres, et qu'ilz craignent de pis, mais encoires viennent jusques à calculer que le huictiesme de ce mois expirent les quatre mois endéans, lesquelz Yostre dicte Majesté avoit asseuré les faire partir, et dient qu'ilz verront si ceste seconde promesse s'observera comme celle du payement, et me doubte qu'il y couve quelque chose pire, et que le plus long séjour desdictz Espaignolz causant universel descontentement à tout le Pays- Bas, et l'opinion qu'ilz ont, par ce, que Yostre dicte Majesté se deffie d'eulx, ne nous suscite de brief, si Yostre dicte Majesté n'y remédie, quelque inconvénient et mouvement irréparable, par où je ne puis délaisser de encoires supplier à Yostre dicte Majesté de y remédier et de m'en escripre son bon plaisir.

Monseigneur, atant me recommandant, etc. — De Bruxelles, le vii^ de décembre 1559.