LA DUCHESSE DE PARME A PHILIPPE II

Vives inquiétudes de la duchesse de Parme. — Hostilités commencées par Elisabeth, qui se lie sur les rebelles d'Ecosse et sur l'appui que, dans sa pensée, Philippe II ne saurait lui refuser. — Desseins perfides que lui suppose l'ambassadeur d'Espagne. — Position critique dans laquelle se trouverait la Duchesse, si une guerre générale venait à éclater. — Motifs que l'on pourrait alléguer pour refuser de soutenir Elisabeth dans son agression. — Danger qu'il y aurait à laisser la Reine d'Angleterre succomber sous la puissance des Français. — Nécessité de recourir au moyen déjà proposé par la Duchesse. — Offre que le Roi d'Espagne doit faire de sa médiation. — Raisons qu'il pourrait mettre en avant pour forcer les deux puissances à déposer les armes.

L'ambassadeur de Yostre Majesté en Angleterre, l'évesque de l'Aquila, a envoyé ung pacquet pour icelle qui ira avecq ceste,

lequel m'a tenu et tient en une extrême paine. Et oultre tant de causes (y en aïant tant) je sens celle que Vostre Majesté mesmes en recepvra justement, puisque nous voyons non seuUement ce que jusques à oires nous avions doublé, que les François cherceroient occasion de mouvoir guerre à la Royne d'Angleterre à couleur de leur prétension, mais que, selon les lettres dudict ambassadeur, la dicte Royne, comme je crains, sans attendre que Ton luy meust la guerre, comme elle debvoit, Ta jà meu elle mesme, se confiant sur Tamitié des Escossois, et sur ce qu'elle espère que Vostre Majesté ne la doibve abandonner. Je délaisse si son discours pourroit estre et de ses ministres celluy, que ledict ambassadeur escript (^), de remettre en guerre Vostre Majesté avecq les François, et, après, procurer de s'en tirer dehors pour faire plus librement, cependant, ce qu elle vouldroit en son royaulme; ce que, à mon advis, pourroit estre plus difficile à exécuter qu'elle ne pense, estant chose bien facile de rompre la guerre, et souvent bien difficile, quand l'on y est, de trouver appoinctement. Et, si nous retombions en guerre (dont Dieu nous garde), Vostre Majesté peult penser comment je me trouveray icy, estans despourveue d'argent et de moyen et de toutes aultres comoditez, comme Vostre Majesté sçait mieulx, et Testât auquel sont demeurées les choses quand elle se partit, et peult mieulx sçavoir que nul aultre comme le tout se retrouva dès son dict partement, puisque, de temps à aultre, elle a esté advertie de ce que passe. Et puis bien dire à Vostre Majesté que, si auparavant de ceste nouvelle j'estois en peine, depuis icelle venue je n'ay repos quelconque et congnois bien que, incontinent que les François et Anglois seront en guerre ensamble, la Royne ne fauldra de demander par deçà ayde et secours, et que l'on se déclaire contre France; que n'est pas ce que me donne paine, car j'entens très bien qu'il y a bon moyen pour différer et la déclaration et l'ayde, laquelle n'est due par le traicté sinon en cas de l'invasion faicle en la sorte spécifiée en icelluy traicté, et si

(') C'est-k-dirc si son intention et celle de ses ministres pourrait être, ainsi que l'écril ledit ambassadeur, de , etc.

60 INTERVENTION DE l'eSPAGNE. 1559

pourroit-on débattre si Ton est tenu de donner à celluy qui notoirement envahit, comme elle fait, et mesmes ayant rompu sans préalablement avoir communicqué et participé avec Vostre dicte Majesté. Et si pourroit-on (pour mectre temps entre deulx) luy remonstrer la courtoisie, dont, de la part de feue Sa Majesté Impérialle et de la Vostre, l'on a usé en leur endroict en huict ans continuelz de guerre que Ton a eu et tant d'invasions qui sont faictes en tout ce temps, pour chascune desquelles ils estoient obligez de donner fayde, sans que jamais ilz en aient donné une seulle à leurs frais en tout temps. Et seroit peu de chose que les Anglois et Franchois demeurassent en guerre, n'estoit la crainte que me donne le peu de moyen que la Royne d'Angleterre a de se pouvoir soustenir; pour où il est apparent que briefvement elle viendroit à se perdre : dont aussi je me souchiroys peu, et mesmes que, estant en la religion comme nous le voyons, l'on pourroit tenir au vray droicturier jugement de Dieu ce qu'elle soutfriroit ; mais le mal est que les bons catholicques souffriroient aultant que les aultres; et, le pis de tout que, venans lesdictz François à subjuguer ladicte Dame et se faire seigneurs d'Escosse et d'Angleterre, que leur seroit si facille, ce seroit, comme Vostre Majesté entend mieulx, l'extrême ruyne et évidente perdition de ces pays; lesquelz, se serrant le passage, demoureroient, comme je l'ay escript à Vostre dicte Majesté, enthièrement fourclos de l'ayde des gens et argent qu'ilz pourroient attendre d'icelle. Et cependant aussi entend mieulx Vostre dicte Majesté comme il iroit du surplus; sur quoy je suis certaine qu'elle et ceulx de son Conseil auront, avecq leur prudence infinie, fort discouru. Et combien que la chose est fort avant venue et en pires termes que lorsque j'en escripviz dernièrement à Vostre Majesté, si ne voi-je encoires, quant à moy, aultre moyen pour le remède que celluy que lors j'escripviz. A quoy je me remets, adjoustant seullement qu'estant venues les choses si avant, il vault mieulx que ce soit en ceste saison que non au commencement de l'esté; et que Vostre dicte Majesté, comme amy des deux coustelz, pourroit offrir de se mettre entre deux

1559 INTERVENTION DE L'eSPAGNE. 61

pour les appoincter d'icy au prinstemps prochain, envoyant, d'un costel et d'autre, ceulx que luy sembleroit convenir à ce propos en Angleterre pour remonstrer à la Roy ne sa faulte, le peu de fondement qu'il y a en ce quelle prétend, tant de vouUoir donner loy à la Royne d'Escosse de comme elle se doibt gouverner à l'endroit de ses subjectz, que à Tempescher quelle ne preigne le title et armes d'Angleterre, prétendant (comme elle fait) audict royaulme, estant choses si ordinaires et ayant les Anglois mesmes porté si longuement le title de roy de France; et procurer de luy ouvrir les yeulx et faire congnoistre la débilité de son royaulme, la faulte qu il y a de touttes choses à soubstenir la guerre et mesmes de places fortes, d'argent et de gens, voires et de la mettant en quelque double, par motz généraulx ou parlans ceulx que Ton y envoïeroit comme d'eulx mesmes, de si l'on la debvroit ayder ou non, aïant fait l'invasion sans préalablement le participer à Vostre Majesté ny avoir justifié, comme il fait entre princes, ce qu'elle et ses ministres ont voulu entreprendre.

Et du costel de France, dire rondement la jalouzie que cela donneroit à Yostre Majesté s'ilz occupoient le royaulme d'Angleterre. Suppliant à Vostre dicte Majesté qu'elle me pardonne si je m'advance en cecy puisqu'elle saura trop mieulx considérer ce que convient, et qu il luy plaise l'imputer au zèle que j'ay à son service, luy suppliant encoires très humblement que, suivant la résolution qu'il luy plaira prendre, elle soit servie me comander ce que j'auray à faire et nous pourveoir icy de ce que pour l'exécuter nous aurons de besoing, puisqu'elle entend trop mieulx que il faut que le tout procède du costel de delà, estant le moyen par deçà si court, et l'apparence de bientost povoir avoir mieulx si petite.

Monseigneur, me recommandant très humblement à la bonne grâce de Vostre dicte Majesté, je supplie le Créateur donner à icelle, en toute prospérité, bonne vie et longue. De Bruxelles, le XXI* jour de décembre 1559.

62 INTERVENTION DE l'ESPAGNE. 1560

1559-60. — 6 Janvier.

{Angleterre. Reg. XXI.)