LA DUCHESSE DE PARME A PHILIPPE II

Réserve de la Reine d'Angleterre, qui s'est contentée de faire à l'ambassadeur des communications verbales, sans vouloir écrire au Roi d'Espagne. — Nécessité d'user du même procédé à son égard. — Restitution de Saint-Quentin et de Ham à la France. — Nouvelles appréhensions de la Duchesse de Parme au sujet du conflit entre la France et l'Angleterre. — Avantages qui, sans doute, pourraient en résulter pour l'Espagne, si les deux nations rivales s'épuisaient en vains efforts, et s'en tenaient, l'une ou l'autre, à la possession de l'Ecosse. — Conviction de la Duchesse que l'issue de cette lutte ne peut être que funeste à l'Espagne. — Anéantissement de la religion catholique dans la Grande-Bretagne, qui serait la conséquence immédiate du triomphe d'Elisabeth. — Danger bien plus grand encore qui menacerait les possessions espagnoles, dans le cas où les Français viendraient à triompher et à s'emparer de l'Angleterre, ce que la Duchesse regarde comme inévitable. — Nouvelles instances pour que le Roi d'Espagne se hâte d'interposer sa médiation. — Situation critique dans laquelle se trouve la Duchesse, qui depuis longtemps n'a reçu aucune lettre. — Demande de nouvelles instructions. — Affaires de France. — Exigences du gouvernement français visà-vis de l'Espagne, malgré les embarras que lui suscitent les religionnaires en France même et les rebelles en Ecosse. — Informations que la Duchesse a ordonné de prendre pour savoir si on doit restituer le Chatelet. — Embauchage de soldats espagnols au service de la Reine d'Angleterre et des rebelles d'Ecosse. — Motifs qui doivent faire prendre des mesures pour réprimer cet abus.

Monseigneur, pour autant que ladicte Royne d'Angleterre n'a escript à Vostre Majesté, comme je puis entendre par les lettres de Fambassadeur, tant seullement comme elle a dict de bouche à icelluy, luy enchargeant de Tescripre, ce que l'on poeult présupposer soit affin de nyer après ce qu'il luy plaira de tout ce que se trouvera en ces lettres, Vostre Majesté considérera, s'il lui plaist, si, respondant à ladicte Royne, il ne sera pas mieulx de se remettre Vostre Majesté à ce qu'elle escripvera à son ambassadeur, pour non luy donner plus de pied de ce que l'on peult comprendre par ses lettres, affin que, quoy qu'il soit de son intention, elle ne puisse, où que ce soit, faire son prouffit des lettres de Vostre dicte Majesté, puisque, selon qu'elle et les siens procèdent, l'on peult tenir en toutes choses soupchon.

Monseigneur, ce que dessus escript, me sont venues lettres du

conte de Meghen contenans la restitution de St. -Quentin faicte aux François le xix^ de ce mois, assavoir au seigneur de Sénerpont, en aïant eu le povoir et commission du Roy de France de le recepvoir, et qu'il pensoit que Ham samblablement se rendroit le mesme jour, ou du moins le lendemain, ainsi qu'il plaira à Vostre Majesté entendre plus particulièrement par la copie des lettres dudict seigneur conte, aussi la certification et descharge que ledict seigneur de Sénerpont en a baillé audict seigneur; lequel luy a aussy respcndu sur la restitution du Chastelet, et mesmes qu'il n'en avoit aucune charge, selon que contient aussi l'une desdictes copies à laquelle me remets, sans voulloir travailler Vostre Majesté de redictes.

Depuis tout ce que dessus cscript, ay. Monseigneur, receu aultres lettres du conte de Meghen contenans la restitution de Ham faicte le xx% ainsi qu'il plaira à Yostre Majesté veoir par la copie de ses lettres; et, combien que icelles fait mention du récépissé du seigneur de Sénerpont de ladicte place, si est-ce qu'elle ne s'est trouvée en son pacquet. Bien présumé-je qu'elle sera en la mesme forme que celle de St.-Quentin, dont la copie est joincte, comme aussi est celle du povoir dépesché par le Roy très chrestien sur ledict de Sénerpont pour recepvoir lesdictes places.

Monseigneur, je ne vouldrois presser Vostre Majesté par tant de lettres miennes, si la nécessité ne m'y pressoit pour le service propre d'icelle, considérant combien il luy importe et à la seurté de par deçà éviter que les Franchois ne ferment le pied sur Angleterre. Et Vostre dicte Majesté aura jà entendu par mes précédens despêches comme l'on estoit celle part, et par les deux lettres venues dernièrement de là de l'évesque de l'Aquila, ambassadeur de Vostre Majesté, icelle entendra que tout ouvertement la guerre est rompue entre les Anglois et Franchois. Et pour dire le tout à Vostre dicte Majesté, qui seroit asseurée que ny les Franchois passeroient plus avant que pour s'asseurer de l'Escosse qui leur appartient, ny la Roy ne d'Angleterre venir au dessus de ce qu'elle prétend joindre fEscosse avecq Angleterre,

64 INTERVENTION DE l'ESPAGNE. 1560

et que les ungs et les aultres se consumassent de frais, ce seroit au moins mal ; car, comme plus les ungs et les aultres se consumcroient de frais, plus longuement se pourroit Ton asseurer que les pays de Yostre dicte Majesté pourroient jouyr du bénéfice de la paix qui leur est tant nécessaire, puisque, à faulte de pouvoir, ilz n'envahiroient Yostre dicte Majesté; et icelle, comme aymant le repos publicque et le bien de ses subjectz, ne feroit aussi mouvement de son costel. Mais lé mal, qui y est, est que, si la dicte Royne d'Angleterre venoit audessus de son desseing, que n'est toutesfois fort apparent, perdant ce fraind d'Escosse, que souvent a retiré les roys dudict Angleterre de grandes emprinses, pour avoir esté empescbez de ce costel-là pour la doubte du dommaige que par ledict Escosse, par terre, ilz pourroyent recepvoir, il faict à craindre qu'elle oseroit plus librement, puisque l'on void, qu'estant comme elle est, elle a faict ceste détermination de soy-mesmes et sans en donner part à Yostre dicte Majesté, estans les affaires de ladicte Dame en Testât que Yostre dicte Majesté sait; oultre ce que ce seroit le chemin pour, en toute ladicte isle, perdre achevéement la religion, qui ne pourroit sinon grandement endomager les pays de par deçà, pour la voisinance et le facil recours que les subjectz y auroient. Mais le pis est qu'il y a peu d'apparence qu'elle puisse se soubstenir contre France ; et, mectans les Franchois le pied en Angleterre, les inconvéniens succéderoient si souvent considérez par Yostre dicte Majesté et son Conseil, ce que, combien qu'il ne fut nécessaire, j'ay encoires ramentu par mes lettres, par où il me sembleroit encoires que ce que conviendroit le plus seroit de, par tous les moyens que Ton pourroit user, les pacifier, se servant Yostre dicte Majesté entre eulx de son autorité et réputation par les moyens que j'ay jà escript à icelle, ou aultres qu'elle trouveroit pouvoir convenir, que je reinetz du tout à sa prudence, la supliant seullement, comme je faiz très-humblement, que, puisqu'elle void la perplexité en laquelle justement je doibz estre, n'ayant, en ceste conjuncture et en Testât ouquel nous sommes icy, tant pour le respect des voisins, que Testât ouquel se re-

treuvent les affaires de Vostre dicte Majesté dedens les affaires dont elle est si pertinamment advertye, nouvelles dMcelle ny de sa volunté, ne sachant comme je me doibz conduire pour suyvre la volunté de Vostre dicte Majesté, faisant touttesfois ce que je puis, avecq ces seigneurs qu'elle a laissé avecques moy, pour encheminer, aultant qu'il m'est possible, les choses en ce qu'il nous semble plus convenir à son service ; comme sur le tout je n'ay nouvelles de Vostre dicte Majesté, comme je ne sais si je fais bien ou mal à la suyte de son intention, je me trouve en la paine que Vostre dicte Majesté peult considérer, oultre le désir que raisonnablement je doibz avoir de savoir bonnes nouvelles de Vostre dicte Majesté, et signamment de sa santé; et luy supplie encoires très-humblement qu'il luy plaise faire considérer le contenu en mes précédentes, et ce qu'elle verra par cette dépesche et mesmes ledict estât présent d'Angleterre, me faisant tost respondre et donner nouvelles de sa volunté, et, pour accomplir icelle, nous assister de ce qu'elle entend estre de besoing; puisqu'elle sçait trop mieulx que personne combien ces pays luy importent et Testât ouquel ilz se retreuvent.

Par les lettres de l'ambassadeur de Vostre dicte Majesté, résident en France, je présuppose qu'elle est souffisamment advertie de comme les choses passent en ce costel-là, et la perplexité en laquelle ceulx qui gouvernent se doibvent trouver à l'occasion de ce que passe au fait de la religion, que me gardera d'en faire répétition à Vostre dicte Majesté pour non la sacer (^) de redictes, n'estant aussy besoing de dire à icelle combien la voisinance nous seroit dangereuse, si les affaires de ladicte religion passent avant par si mauvais chemin. Et, nonobstant toutes ces perplexitez, ausquelles ilz se dcibvent trouver, ayans d'un costel les troubles d'Escosse et d'aulti^e part la craincte de leurs propres gens dedans le pays, si sont-ilz esté si insolentz que jusques à rappeler le conte de Feria, prince d'Orenge et conte d'Egmont, comme hostaiges, avecq si peu de fondement, et nonobstant ce

(') C'esHi-dii'e pour ne pas la fatiguer.

6Q INTERVENTION DE L'ESFAGNE. 1560

que dernièrement ilz avoient contremandé lesdictz prince et conte d'Egmont sur Tasseurance que Ton leur donna de leur rendre St. Quentin et Ilam, Et maintenant prétendent par ce voult ravoir le Chastelet sans rendre les places comprinses au billet que le conte de Mansfeld donna. Et se resentent que de premier coup Ton ait plus demandé que par le dernier; dont la faulte fut le premier billet que leur donna ledict conte de Mansfeldt, où il mit plus de places que celles dont nous sûmes esté en possession avant la guerre. Et pour leur donner moins d'occasion ae plaincte, et affin qu'ilz congoissent combien réellement nous procédons et de bonne foy, et que, soubz umbre de ce que n'estoit poinct cler, ilz ne nous fissent difficulté sur cecy qu'estoit cler et notoire, Ton fit rabillier ledict billet; et, pour ce que ledict conte n'est icy pour nous dire fimportance des places qui sont soubz son gouvernement, estant icelluy allé devers Monseigneur de Gouloigne son frère, nous avons dépesché vers Luxembourg au sieur de Schauwembourg, son lieutenant, et à ceulx du Conseil illecq, pour savoir si Monseigneur de James, suivant ce que les Franchois dirent lui en avoir fait commandement, aura rendu Faulcy, et de quelle importance sont lesdictes aultres places, pour veoir si, fauctorité et réputation de Vostre Majesté saulve, de laquelle nous devons tenir principal soing, l'on , pourra faire de sorte envers lesdictz de France, quant à la restitution dudict Chastelet, que noz seigneurs hostaiges n'ayent obligation de retourner en France suivant leur promesse. Et affîn que Yostre dicte Majesté voye plus pertinament le tout, joignant aux copies précédentes ce que ira maintenant, je feray mectre, avecq ceste, copie de la lettre de vostre dict ambassadeur en France et de la response que je luy fais présentement; ne nous ayant semblé que l'on peult dors maintenant donner icy response au seigneur de la Forest, qui y réside pour le Roy trèschrestien, ny encharger audict ambassadeur de dire sur ce poinct aultre chose jusques à ce que, venue la response dudict Luxembourg, nous puissions plus clèrement veoir ce que l'on debvra respondre.

1560 INTERVENTION DE l'ESPAGNE. 67

Aussi, Monseigneur, comme Ton est informé que aucuns soldartz espaignolz, de ceulx estans par deçà, se desrobent secrètement de leurs compaignies et se laissent retenir au service d'Engleterre et de l'Escosse, et treuvant cecy de la conséquence que Vostre Majesté par sa grande prudence peult considérer, tant pour Tumbre qu'en pourroient prendre lesFranchois, comme aussi pour Tinfection que la conversation d'Angleterre leur pourroit causer en ce de la religion, je remetz en toute humilité à Vostre dicte Majesté de considérer si elle se treuveroit servie (*) de faire dépescher quelques mandatz par lesquelz fut expressément deffendu que nul soldart s'avançast aller au service de prince ou potentat estranger, qui que ce fut; et cella pourroit servir pour par deçà et les aultres pays, remectant néantmoins le tout au bon plaisir et meilleur jugement de Yostre dicte Majesté.

Atant, Monseigneur, je supplie le Créateur longuement conserver Yostre Majesté en santé, me recommandant très-humblement à la bonne grâce d'icelle. De Bruxelles, le vi""* jour de janvier 1559.

(Angleterre. neg.XM.)

Ce qu'est passé entre le duc d'Alve et l'évesque de Lymoges, ambassadeur de France, sur le fait d'Escosse et Angleterre.

Plaintes rie l'ambassacleur de France contre la Heine d'Angleterre, qui soutient les rebelles d'Ecosse. — Instances pour que le Roi d'Espagne empêche Elisabeth de persister dans son agression. — Piéponse du duc d'Albe, qui excuse la Pieine d'Angleterre, en se fondant principalement sur ce que l'importance des forces envoyées en Ecosse a dû lui inspirer de justes craintes pour la sûreté de ses États. — Nécessité pour l'Espagne, aussi bien que pour l'Angleterre, de ne pas rester désarmée en présence des préparatifs de la France. — Alarmes que ces préparatifs ont répandues dans les Pays-Bas. — Protestation qu'on est tout disposé à laisser au Roi la faculté de châtier ses sujets rebelles, pourvu qu'il le fasse do telle sorte que les États voisins ne puissent s'en inquiéter.

La première audience se donnit à Madrit, où ledict ambassadeur remonstra beaucop de tortz que la Roync d'Angleterre fai-

(') C'csl-'a-clire siellejugerail convenable.

soit journellement au Roy son maistre, favorisant les rebelles d'Escosse etc. Ce que il amplifioit avecq les termes qui luy sembloient mieulx servir pour justifier son mis-en-avant, tendant affin que le Roy la voulzist distraire de ces façons de faire, affin que les choses de ce costel-là ne tumbissent en rompture ; dont ledict seigneur Roy, son maistre, seroit trop mary et desplaisant; touttesfois ne pourroit souffrir telz tors et injures.

Le Duc luy respondit : qu'il n'estoit estrange si ladicte Royne d'Angleterre, voyant les grandes forces que du costé de France Ton envoyoit en Escosse, la facilité que les François averiont (^) d'envahir l'Angleterre (advenant qu'ilz vinssent audessus de leur emprinse d'Escosse et que du cousté d'Angleterre l'on ne fut sur sa garde) et les termes dont l'on ha usé en son endroit, prend jalouzie et soubçon que cecy tend plus avant que pour chastier les Escossois rebelles, et que, avecq juste raison, elle povoit donner ordre au sien, voyant jà le feu tant allumé en la maison de son voisin.

« Gomment doncques, ce dit l'ambassadeur, le Roy, mon maistre, ne peult-il chastier ses subjectz rebelles ! »

A quoy luy fut de rechef respondu que oy, et qu'il n'estoit raisonnable ny l'intencion de l'en distourber, pourveu qu'il se feist de sorte que lesdictz pays voisins n'eussent matière d'en prendre jalouzie. Mais envoyant en Escosse si grande force, et estans les pays d'alentour si ouvertz que ilz ne peuvent estre sans suspicion de s'en ressentir l'ung après l'aultre, s'ilz ne se préparent et obvient de bonne heure ; que le Roy mesmes ne se povoit oublyer en cecy, non tant à l'occasion des alliances anchiennes qu'il a avecq ledict Angleterre, que pour la seureté et garde de tous ses Estatz ; que non seullement le pays d'Angleterre avoit prins mauvais pied de cest envoy d'armes vers Escosse, mais aussy les Estatz des Pays-bas qui en estiont altérez, jusquès à faire grandes instances au Roy de vouloir obvier à tous inconvéniens qui en pourroient provenir; que Sa Majesté cognoissoit

(') C'est-S-dire auroieni: cette forme liarliare se rencontre fréquemment dans ces documents, qui, pour la plupart, ont été rédigés dans les Pays-Bas.

1560 INTERVENTION DE L'ESPaGNE. 69

fort bien ce qu'il importoit pour tous ses Estatz ; qu'elle avoit toujours besoigné rondement et ouvertement ce qu elle vouloit faire, encoires qu'il povoit penser si l'on n'avoit juste cause de jalouzie, voïant envoyer si grandes forces pour chastier quelques rebelles.

L'ambassadeur demandit si l'on vouloit empescher au Roy, son maistre, d'avoir autant de gens de guerre que bon luy sambloit en ung pays qui est sien comme est celluy d'Escosse?

La response estoit que aussi estoit-il licite au Roy et à la Royne d'Angleterre de s'armer en leur pays pour éviter les inconvéniens où, à faulte de pourveoir, ilz pourroient tumber; que ce n'estoit chose nouvelle que princes si grandz ne demeurassent voluntiers desnués et en dangier de si grand prince voisin, et, la manière de parler, qu'ilz ne tendissent le col pour recevoir le coup quand il plairoit à l'aultre le donner; mais que cela estoit ordinaire entre les particuliers, voires entre père et filz, que personne ne demeure voluntiers en la miséricorde d'aultruy, quand il poeult remédier.

Aultres fois demandit l'ambassadeur si doncques l'on vouloit soustenir les rebelles contre leur prince? — R y fut dict que non; mais au contraire que, quand les François y vouldriont aller de sorte que les pays circumvoisins n'eussent raison de penser que leur desseing tent à aultre effect, plustost sera le Roy content de les faire accomoder, pour l'exécution de leur intention, de basteaux et victuailles.

Ledit ambassadeur a réplicqué que, si les rebelles Escossois, avecq la faveur de la Royne d'Angleterre ou aultrement, sont si fortz que, sans grande compaignye, ilz ne se peuvent subjuguer, et l'on ne permect que le Roy, son maistre, y envoyé force souffisante soubz umbre de la jalouzie que dessus, il failloit conclure que oncques l'on vouloit soustenir les rebelles, puisque l'on prétendoit par ce voult ester le moyen de les chastier.

Le Duc luy feist response : que, touchant la Royne d'Angleterre, quand du costé de France l'on procédera au chastoy des rebelles de sorte qu'il n'y aye aucune juste cause de jalouzie que la chose

70 INTERVENTION DE l'ESPAGNE. 1560

pourroit redonder au domaige des pays voisins, le Roy s'asseure bien d'apaiser ladicte Royne d'Angleterre; que s'ilz faisiont assemblée au pays de France vers la Picardie, Champaigne, Italye ou Espaigne, où les frontières du Roy sont fortifiées et pourveues, l'on n'en seroit point en peyne; mais envoyant si grandes forces en Escosse, l'on entendoit aussi bien que eux la facilité qu'ilz auriont à invahir les voisins. Et, puisque eulx pouvoient bien penser que l'on n'ignore ce que cela vault, il estoit mieulx de parler clèrement comme dessus.

(L Encoires, dict l'ambassadeur, ne sont ces raisons souffisan- 3) tes pour s'armer et empcscher l'armée de France dès mainte- 3> nant qui ne va pour endommager personne des voisins du Roy, » mon maistre, mais seullement pour chastier ses subjectz re- » belles et en son pays propre; et que, si bien l'on vouloit assisj> ter la Royne d'Angleterre en cas qu'elle fust assaillye, lors 3) viendroit-on à temps. »

Mais le Duc luy respondit qu'il seroit alors bien tard; que l'on congnoissoit fort bien la force d'Angleterre et que l'on [ne] se povoit mectre en ce hazart.

Et pour conclusion, que le Roy n'empescheroit que le Roy de France chastiast ses subjectz, mais qu'il se feist de telle sorte que les pays circumvoisins n'en receussent matière de jalouzie; auquel cas Sa Majesté le feroit plustost assister de basteaux et aultres commodités, et que eulx povoient adviser sur le moyen ou expédient que s'y pourroit trouver ; que le Duc y penseroit aussi voluntiers, mais pour allors ne s'eslargist davantaige, saulf qu'il adjousta que, comme cest affaire estoit de si grande conséquence, le Roy, qui tant désire entretenir le repos publicquc et éviter toutes occasions qui pourroient de rechef allumer ce feu qui, à l'ayde de Dieu et avec tant de paine, a esté estainct, avoit délibéré d'envoyer quelques bons personnaiges en France et en Angleterre pour faire les offices que luy sembloit estre requises à la matière.

1560 INTERVENTION DE L'eSPAGNE. 71

La seconde négociation dudict évesque de Lymoges, ambassadeur, avecq ledict seigneur Duc, en Tolédo.

Résolution prise par le Roi d'Espagne d'envoyer deux commissaires pour offrir sa médiation entre l'Angleterre et la France. — Reprise de la fliscussion entre l'ambassadeur de France et le duc d'Albe. — Nouvelles observations de l'ambassadeur sur ce qu'il y a d'étrange à vouloir empêcher le Roi, son maître, d'envoyer les troupes nécesssaires dans un pays qui lui appartient, pour châtier ses sujets rebelles. — Expédient mis en avant par le duc d'Albe pour amener la réduction des rebelles d'Ecosse sans porter ombrage aux puissances voisines. — Protestation qu'en proposant de réunir dans ce but une armée française et espagnole, le duc d'Albe agit sans l'autorisation du Roi, son maître, mais avec l'espérance d'être approuvé par lui, — Accueil fait à cette proposition par l'ambassadeur.

Après divers propos tendant affin de captiver la bénévolence dont aux lettres que s'escrivent à Madame la duchesse de Parme se fait plus amplement mention, ledict ambassadeur demandit quand partiriont les personnaiges que le Roy avoit propos de despescher pour France et Angleterre, et si ung seul feroit les deux offices ou s'il y en auroit deux?

Le Duc respondit que Ton estoit après pour les despescher, qu'ilz se mettriont incontinent en chemin et que Sa Majesté en envoyeroit deux, assavoir à chascung costel ung (^).

Et vint de rechef ledict ambassadeur répéter les argumens et réplicques qu'il avoit donné à Madrit sur les responces dudict seigneur Duc, disant que c' estoit une chose estrange que l'on

(') Le Roi d'Espagne n'envoya d'abord qu'un seul commissaire, M. de Glajon, grand-maître de son artillerie, et il chargea la duchesse de Parme de dresser ses instructions, que nous publions ci-après. Voici en quels termes Philippe II annonçait cette résolution à la Gouvernante des Pays-Bas : « Madame ma bonne sœur, aiant pensé sur les persojinaiges que, comme vous aurez » vou par mes précédentes, j'avois propos d'envoyer l'ung en France et l'autre en Angleterre, » je me suis résolu de faire partir pour France et pour Angleterre le sieur de Glazon^ qui, pour n plusieurs respectz, m'a semblé bien vuysable à cette ambassade, et lui escriptz, conforme !i » ce, qu'il y aille et se conduise selon l'instruction que vous lui donnerez avant son partcmcnt » et ce que vous lui pourrez mander de temps à aultre; laquelle instruction j'avois pensé au « commencement de faire dresser icy; mais depuis, considérant que vous estiez tant proche du I dict pays d'Angleterre, et que par ce moyen vous pourriez entendre plus freschement par mon » ambassadeur, l'évesque de Quadra, les termes où se trouvent les affaires dudict royaulme et le

» mesme de cclluy de France, où j'ay semblabicment le sieur de Chantonney il m'a semblé

» qu'il scroit mieulx de remettre ladicte instruction à vous, laquelle vous porrez faire conrep- » voir selon la congnoissance que vous aurez des allaires,dont tant bien et tant particulièrement » vous aviez discouru par deux ou trois lettres. » ( Lettre de Philippe II a la duchesse de Parme, mars 1559-60. — Archives du Ministère des Affaires étrangères. — Angleterre. Reg. XXI.)

vouloit brider le Roy, son maistre, de ne povoir tenir en son pays telz gens de guerre que bon luy sembleroit ny de chastier ses subjectz rebelles.

Et comme ledict seigneur Duc luy donnit la résolution conforme à la négociation précédente, ledict ambassadeur se print aultres fois à dire qu il ne veoit poinct comment Ton peult exécuter ce que ledict seigneur Duc luy avoit mis en avant, qu'estoit de chastier les rebelles subjectz de son maistre avant qu'ilz fussent fortz, puisque, en ce cas, il fauldroit envoyer en Escosse force plus grande, et que, l'envoyant grande, il entendoit jà que l'on en avoit jalouzie.

A cecy luy fut réplicqué : que eulx povoient penser sur le moyen, qui peult-estre ne seroit fort difficile à trouver, mais com.me il n'en mettoit aucuns en avant, ledict seigneur Duc luy voloit bien déclairer ce que s'estoit offert en discourant à part soy sur le remède que se pourroit trouver à une playe si grande, avecq proteste que il le luy disoit de soy-mesmes et que ny le Roy ny personne quelconque en savoit à parler : assavoir que pour venir audessus desdictz subjectz rebelles, il failloit avoir forche petite ou grande (dont les François pourront estre les juges), si petitte comme de trois mil cincq cens ou quatre mille testes, ce ne seroit nombre dont Ton seroit fort occasionné de prendre jalouzie; mais si grande comme de six ou sept mil, que à la bonne heure les quatre mil fussent au serment du Roy de France, et ce que fauldroit davantaige se donnit par le Roy. Par ce moyen cesseroit toute la jalouzie des voisins, le Roy de France viendroit audessus de son entreprinse (présupposant qu'elle ne soit aultre que ledict ambassadeur afïïrmoit), la Chrestienneté demeureroit à repos, le monde congnoistroit la vraye fraternelle affection que estoit entre ces deux grands princes, les mauvais doubteriont l'ung pour le respect de l'aultre, voyant l'intelHgence si grande, et que l'ung prend à soy l'affaire de l'aultre, et chascung de son costel a^-eroit les mains plus nettes pour mettre l'ordre que convient en ses royaulmes, et mesmes ledict seigneur Roy de France dcstourberoit tant mieulx ceulx qui supportent

1560 INTERVENTION DE L'ESPxVGNE. 73

en son royaulme les hérétiques, que Ton a doublé ou dilayé de corriger, pour aucuns respectz, de eslever leurs cornes. Qu'il estoit vray, comme dessus, qu'il mettoit cecy en avant sans charge, mais qu'il congnoissoit le Roy tant amateur de paix et tranquillité et désireux que la Chrestienneté puisse recepvoir le fruict de ceste réconciliation confirmée par alliance si estroicte, qu'il espéroit que, si du costel de France l'on s'y vouloit accommoder, comme en sa conscience il luy sembloit qu'ilz debvriont faire, et comme il diroit franchement audict seigneur Roy très-chrestien et à ceulx de son Conseil, s'il se trouvoit de delà, Sa Majesté catholicque y consentiroit, voires et de payer quelque bon nombre à sa soulde.

L'ambassadeur, qui jusques alors avoit usé d'une façon de faire comme s'il eust esté fort animé et prins la chose à cœur, commenchit (après y avoir ung peu pensé) à se radulcir et monslrit que ce mis-en-avant ne luy sambloit hors de propos, mais il dict que, pour le mettre en praticque, il seroit besoing de grande discrétion et qu'il seroit mieulx de conduire la chose de sorte que le Roy, son maistre, feit luy-mesmes ceste proposition, affin qu'il ne semblast que l'on l'eust forcé à y venir; que cela luy donneroit plus de contentement et meilleure oppinion vers tout le monde de la sincère et réciprocque amitié et correspondence de tous deux; et que, à ce propos, il seroit bien que la chose ne se tractast sinon avecq les plus confidens qui sçavent garder le secret requis.

Et, sur la response que ledict seigneur Duc luy donna que il se povoit asseurcr que se feroit ainsi, ledict ambassadeur luy dict qu'il désiroit que, quand le personnaige qui s'en ira vers France aura son instruction et le surplus de sa despesche, il peust communicquer sur cest affaire avecq luy, pour aultant que peult-estre il luy monstreroit le chemin plus convenable pour parvenir au but que l'on prétend, et- que l'on se povoit tenir pour asseuré qu'il employeroit tout son entendement à diriger les choses, selon son pouvoir, à l'honneur de Dieu, le bien de la Chrestienneté et la bonne intention des deux princes. Et, voyant

ledict seigneur duc d'Alve qu'il y procédoit d'assez bonne sorte, luy sembloit qu'il ne povoit moings que de louer son bon zèle et le merchier; et sur cela se fit le départ.

1559-60. — 20 Mars.

(Angleterre, Ueg. XXI.)

LE DUC d'albe a monseigneur d'arras (*).

Charge donnée par Philippe II à la duchesse de Parme de dépêcher en Angleterre M. de Glajon. — Exposé fait par l'ambassadeur de France des nouveaux sujets de plaintes du Roi, son maître, contre la Reine d'Angleterre. — Actes d'hostilités commis sur terre et sur mer en Ecosse par les Anglais. — Efforts tentés inutilement par le Roi de France pour maintenir la paix. — Mission donnée dans ce but à l'évèque de Valence. — Nécessité pour le Roi de préparer ses moyens de défense. — Armements dans les ports de Bretagne et de Normandie. — Levée d'un régiment de 10,000 hommes et de 400 chevaux. — Troubles qu'Elisabeth s'efforce de susciter en France. — Vaste conjuration ourdie par les Protestants, de concert avec les agents anglais. — Résolution du Roi de tout réprimer avec énergie et d'atteindre les chefs, quelle que soit leur qualité. — Résumé des demandes adressées à l'Espagne au nom de François II par son ambassadeur. — Instances pour que l'on presse l'envoi de M. de Glajon en Angleterre; pour que l'on empêche l'embauchage des soldats espagnols; pour obtenir les vaisseaux nécessaires au transport des troupes françaises en Ecosse, et la faculté de se procurer des vivres dans les Pays-Bas. — Réponses faites sur ces divers points par le duc d'Albe au nom du Roi d'Espagne. — Approbation des mesures énergiques prises par le Roi de France contre les conspirateurs. — Nouveaux ordres donnés pour presser l'envoi de M. de Glajon en Angleterre. — Désir qu'il puisse s'y trouver en même temps que l'évèque de Valence. — Défense expresse aux soldats espagnols de prendre du service à l'étranger. — Acquiescement à la demande des vingt navires et des vivres. — Remontrances quant au nombre des troupes que le Roi de France veut envoyer en Ecosse, et qui ne devrait pas dépasser 3,500 à 4,000 hommes, afin de ne pas porter ombrage aux États voisins. — Charge donnée par le Roi d'Espagne à la duchesse de Parme et à ses conseillers de prendre une détermination à cet égard. — Protestations de l'ambassadeur de France que le Roi, son maître, est prêt à donner toutes garanties sur la destination des forces qu'il veut faire passer en Ecosse. — Arrangement proposé par le duc d'Albe relativement à la solde des troupes espagnoles qui pourraient faire partie de l'expédition. — Accueil favorable que l'ambassadeur a fini par faire à ces diverses propositions. — Satisfaction qu'il a témoignée de ce que le Roi d'Espagne s'en remettait à la duchesse de Parme pour juger de l'opportunité et régler les conditions du secours. — Communications confidentielles du duc d'Albe à l'évèque d'Arras sur le but qu'il faudrait atteindre. — Avantages qu'il y aurait à obtenir

(') Antoine Perrenot, évèque d'Arras, premier conseiller d'État aux Pays-Bas.

1560 INTEUVENTION DE L'ESPÂGNE. 75

la soumission des Écossais rebelles. — Volonté formellement exprimée par Philippe II d'éviter tout ce qui pourrait l'entraîner dans une guerre. — Recommandation pour que la duchesse de Parme veille à ce que les vaisseaux qu'elle pourrait accorder aux Français ne puissent les aider à se rendre maîtres de la mer. — Avis qu'il serait bon de donner à la Reine d'Angleterre de maintenir sa flotte, alin de pouvoir au besoin s'opposer au passage des troupes françaises en Ecosse.

Monseigneur, je ne doubte que vous aurez veu les lettres que le Roy a escript, la sepmaine passé, à Madame la duchesse de Parme et celles que vous envoyay joinctement sur le fait d'Escosse, France et Angleterre, et comme Sa Majesté entendit que de là Ton envoyast Monsieur de Glajon pour faire les offices que par ladicte Dame lui seriont enchargez, que me gardera d'user de résumption en ceste.

Continuant ce mesme propos, le Roy de France a dépesché ung nouveau courier vers son ambassadeur, comme il a dict à Sa Majesté, faisant une grande plaincte de ce que la Royne d'Angleterre, obstinée en son appétit désordonné à faire la guerre, soubz couleur d'une faincte et contrefaicte paveur, auroit procédé si avant que, vers le x"'*' ou xii'"* du mois passé, les Anglois se seroient assamblez à la bouche du havre du Petit-Lict jusques à XXII navyres, lesquelz avecq ceulx des Escossois rebelles, faisant ensamble le nombre de xxxiiii ou xxxv vaisseaulx, auriont couru tout le long de l'ysle et essayé de prendre ledict Petit-Lict, dont ilz auriont esté repoussez, se promectans les Anglois que lesdictz rebelles leur bailleroient en mains les places importantes qu'ilz tiennent en Escosse; et que les trois navires, qu'ilz ont prins dernièrement aux Franchois, auriont esté menez à Barvick, les choses qui estiont dedens déprédées, et les gens cruellement traictez, comme vous verrez par ung extraict de lettre cy-joinct qu'il dit en avoir esté escript par le seigneur de la Brosse; auquel extraict il a adjousté que lesdictz basteaulx Anglois et rebelles Escossois auriont jecté cincq navires Françoises au fond et tué environ m. c. hommes, et que le duc de Noortfocq et Millord Grey les auroient costoyé par terre avecq x. m. hommes de pied et un. m. chevaulx, et couru xii ou xv lieues de plat pays; que ledict seigneur Roy, son maistre, avoit tousjours dissimulé.

temporizé et cerché tous moïens par où se peussent éviter les inconvéniens de la guerre, que tant l'on ha sentu et dont Ton prenoit une si évidente perdition de la religion catholicque, jusques à envoyer devers ladicte Dame l'évesque de Valence pour remonstrer et donner à entendre sa bonne et sincère affection à Tobservation de la paix et toute bonne voisinance, muny de povoir suffisant pour traicter avecq les rebelles et leur pardonner absolutement ce qu'ilz pourriont avoir démérité par leur rébellion, ce que avoit samblé Textrême remède que ledict seigneur Roi, son maistre, y pourroit essayer; et que, toutesfois, pour la probable double qu'ilz aviont que, estant ladicte Dame venue si avant, aïant et elle et ses ministres de tous costelz les effectz tant contraires à Tasseurance que, par son ambassadeur résident en France, auroit esté donnée de réciprocque amitié et affection à l'entretènement de la paix, par rupture ouverte, par semer séditions populaires en France, par traicter lighes avecq aucuns princes d'Allemaigne héréticques, comprenant les Escossois rebelles, ny ces bons offices ny ceulx que Sa Majesté faict faire par ledict sieur de Glajon la sçauront divertir, ledict seigneur Roy, son maistre, ne trouvant conseillable de s'endormir ce pendant, auroit faict pourvoir ses portz de mer du long des costes de Normandie et Bretaigne, et que davantaige il faisoit compte de lever ung régiment de x. m. hommes de pied et un. c. chevaulx (que semble signal qu'ilz entendent les lever en AUemaigne), disant que ce luy seroit chose indigne de se laisser ainsi gourmander et oultrager d'une femme, tant contre raison, combien que celuy seroit trop plus grand plaisir de s'estre mis en ses frais sans besoing et que le tout se radolcit.

En ce poinct, est venu à parler des émotions populaires de France et à particularizer plus avant ce que ledict seigneur Roy, son maistre, en auroit descouvert, et que les premiers advis luy en seroient venuz de vous, dont il se disoit avoir expresse charge d'advertir Sa Majesté et le merchier de cestuy vostre tant bon et sincère office, répétant, ce que aussi avoit esté touché en la dernière audience qu'il eust, que quelques v ou vi. m. hommes s'estiont

1560 INTERVENTION DE L'ESPÂGNE. 77

assemblez alentour de Toulouze, et que le duc de Vendosme y estoit allé pour donner ordre, qu'il y avait jà faict fort bon debvoir, et que les choses prendront très-bon comenchement; que l'on avoit appréhendé en France ung Anglois qui venoit d'Escosse et un Franchois héréticque communicquans ensamble, et enfoncé beaucoup de choses, voires que les héréticques aviont pensé joindre jusques à xxx. m. hommes pour tuer le Roy, son maistre, et ses principaulx ministres; mais puisqu'ilz en estiont prévenuz, qu'ilz y sauriont bien inectre ordre, et, comme si grandes assemblées n'estiont apparentes d'estre dressées sans l'appuy de quelques personnaiges de grande qualité, que ledict seigneur Roy, son maistre, estoit résolu de chastier tous ceulx qu'il trouveroit coulpables, sans respecter personnne C^), requérant pour conclusion, comme vous verrez aussi par un escript que je vous envoyé en langue espaignole, que Sa Majesté voulzist donner itérative presse à ladicte dame Duchesse pour l'envoy dudict seigneur de Glajon, deffendre à ses subjectz d'aller au service de la Royne d'Angleterre, de faire accomoder les gens de guerre, que ledict seigneur Roy son maistre entendoit envoyer en Escosse, de xx bonnes hulcques de Hollande, à pris de sallaire raisonnable, et, au surplus, d'escripre à ladicte dame Duchesse qu'elle permecte que de delà ilz facent et tirent les provisions nécessaires pour lesdictz basteaulx, ensamble les armes et munitions que les vasseaulx et subjectz dudict seigneur Roy, son maistre, y vouldroit à cest effect acquérir, recepvans de sa part et mercians le Roy de l'assurance que dernièrement j'avois présenté au nom de Sa Majesté, laquelle luy a fait response que de moy il sauroit son intention, de manière qu'il s'est aussi tourné vers moy et m'a dit le semblable.

Ce que luy ay respondu, par charge que dessus, est que le Roy avoit fort sentu et estoit très-desplaisant des choses qui passiont entre les subjectz de France, et, au contraire, joyculx du

(') Toute cette partie de la lettre est relative îi la conjuration tl'Anilioise, r('prim(''e par l'énergie du duc de Guise, et qui coûta la vie h un grand nombre de protestants. Ou sait que le chef qu'il s'agissait d'atteindre était le prince de Coudé.

bon chemin que le Roy, son maistre, prenoit au remède, et louoit la bonne intention qu'il avoit de s'en prendre aux plus grandz, sans exception de personne; qu'il sembloit à Sa Majesté qu'il y debvroit user d'extrême dilligence et les chastier ung à ung, sans attendre qu'ilz soient joinctz ; que lors la chose seroit trop plus difficile et dangereuse; que Sa Majesté avoit tousj ours esté de ceste mesme opinion et advis, et qu'ilz povoient veoir où les choses estiont venues par non y avoir donné plus grand chaleur ; que l'office qu'il disoit avoir esté fait par vous en cest endroit contentoit fort Sa Majesté, et qu'il povoit croire et asseurer que, partout où l'occasion s'offreroit, ses ministres, qui savent son intention, n'oublieront à seconder à l'endroit du Roy son maistre la bonne et sincère amitié que sa Majesté porte au bien de ses affaires.

Au second poinct, luy ay dict que jà le courier dépesché pour l'envoy dudict seigneur de Glajon povoit estre à Bruxelles et que voluntiers l'on donneroit une rencharge; et puisque l'évesque de Valence (^), à ce qu'il avoit dict, estoit en Angleterre, muny de povoir souffisant pour traicter avecq les rebelles, qu'il seroit bien convenable que l'on luy maudit d'y attendre ledict seigneur de Glajon, pour, avecq sa participation et de l'évesque de Quadra, y faire et encheminer toutes choses à meilleur part, plus justifiement et à la descoulpe d'ung chascung, et mesmes pour informer ledict seigneur de Glajon de ce qu'il debvra respondre aux objectz que la Royne d'Angleterre luy vouldra faire.

Que au m* point, touchant la deffence aux subjectz d'aller au service d'Angleterre, l'on feroit publier que personne aille au service de prince estrangier; et peult-estre que jà il aura esté fait, suivant ce que ladicte dame Duchesse en a proposé à Sa Majesté par ses précédentes, et a la response sur icelles.

Au regard des xx hulcques, munitions et armes dont il avoit demandé que l'on accommodast les gens de guerre que le Roy son maistre entendoit envoyer en Escosse, je leur ay respondu

(') Voyez dans lo volume de M. Paris ( Négociations, etc., sous le règne de François II, p. 302), le compte rendu par l'évêque de sa négociation.

qu'il se povoit souvenir des offres que luy avois fait, ces jours passés, de la part de Sa Majesté, de les secourir de basleaulx, vivres, munitions, et que Sadicte Majesté estoit encoires en la mesme volunté; mais aussi se debvoit-il souvenir que j'avois dict expressément, moïennant qu'ilz y allissent avecq tel nombre et de sorte que les voisins n'eussent cause de jalouzie ou craindre qu'ilz pensiont plus avant que à chastier leurs subjectz rebelles; que le nombre des gens de guerre, assavoir de x. m. piétons et iiii. M. chevaulx qu'il avoit nommé, n'estoit tel que je luy avois dict qu'ilz pourroient envoyer sans donner soupchon, qu'estoit de trois mil v. c. ou iiii. m., et que partant sa Majesté ne s'en pourroit icy résouldre, mais qu'elle remectra à la dicte dame Duchesse de regarder, par communicquation de ceux qui sont allentour d'elle et selon les advertissemens qu'elle auroit dudict seigneur de Glajon, du seigneur de Chantonney et du personnaige que Sa Majesté envoyera en France, s'il conviendra consentir ce poinct ou ;non, selon qu'elle accordera avecq le Roy son maistre, et l'asseurance qu'elle y pourra prendre que les dictes forces ne tendront à aultre effect, sans plus le consulter icy, affin que ledict seigneur Roy, son maistre, vit que Sa Majesté ne veult user de dilay dont ses affaires peussent estre discommodez; remémorant ce que, l'année passée, au Casteau de Cambrésis, nous passâmes et répétâmes tant de fois avecq les députez de France sur ce faict d'Angleterre, luy déclairant jusques à là que, où ilz y allassent de sorte que l'on ne se peult asseurer que leur desseing ne tend plus avant qu'ilz ne disent, Sa Majesté a donné charge à ladicte dame Duchesse d'y obvier et que plustot attendrions la première hurte (^) sur noz testes. En quoy je me suis ung petit eslargy plus avant que je n'avois de charge ; mais l'importance et disposition de la matière, et les termes où je vois leurs affaires, m'ont fait penser qu'il convenoit ainsi, avecq ce que je me suis toujours aparceu que, quand l'on ha ung petit élevé la voix, ilz s'asslachissent, et, qui est le prin-

(') C'est-à-dire le premier choc.

cipal, que ces façons de parler ne poeuvent tirer le Roy, nostre maistre, en guerre contre sa volunté, Tasseurant touttesfois que de ceste charge la Royne d'Angleterre n'estoit ny seroit advertye, ains que l'on tacheroit de luy persuader le contraire.

Le dict ambassadeur a réplicqué avecq les mesmes argumens dont il avoit usé et à Madrit et en ceste ville (^), parlant premièrement de cest affaire, disant aussi que le Roy son maistre donneroit seureté que ceulx qui passeriont en Escosse ne seriont à aultre fm que pour chastier leurs subjects rebelles, dissimulant d'avoir entendu que j'eusse, es communications précédentes, limité quelque nombre dont l'on ne prendroit jalouzie.

Sur quoy je luy ay aussi donné en payement les mesmes rai-^ sons que je luy alléguiz allors, et luy ay répété que, au nombre qu'il fauldra au Roy son maistre envoyer oultre les un. m., le nostre sera content de l'assister au surplus; mais, quant à l'asseurance dont il avoit parlé, qu'il n'y auroit sur quoy s'asseurer quand leurs soldars en si grand nombre seroient passez sur noz batteaux propres, advenant qu'ilz vinssent au dessus de leur emprinse d'Escosse, puisque lors ilz seriont à la main pour empreindre plus avant, s'ilz vouliont, et demeurerions en faulte de noz batteaux sans en povoir secourir ny les Anglois ny les nostres, et que, si bien ledict seigneur Roy son maistre n'est à chest heure d'aultre intention qu'il ne disoit, une bonne fortune luy pourroit donner occasion de nouveau conseil.

Et, comme il vint plus prez à demander comment l'on entendit ceste assistence, si Sa Majesté vouldroit entrer en quelque despence, et quelle, je luy dictz que Sa dicte Majesté seroit contente de supporter la despence nécessaire pour ledict équippaige et advancement des soldars jusques à ce qu'ilz seriont en mer, mais que deslors en avant ils seriont à la soulde du Roy son maistre, toutes fois que, soubz umbre de cecy, ilz n'y passassent force plus grande que celle qu'avecq la participation de ladicte dame Duchesse, seroit accordée. Sur quoy Sa Majesté s'as-

(') A Tolède.

15G0 INTERVENTION DE l'ëSPAGNE. 81

seure ladictc Dame et les bons ministres qui sont chez elle se sçauront conduire avec les respectz qu'il convient, tant à l'endroit du dict seigneur Roy de France, pour non luy donner matière de penser que l'on le voeulle forcer, que aultrement.

Enfin il se radoucit et raonstrit visaige assez content, requérant que, puisque l'on remectoit le point dernier à ladicte dame Duchesse, Sa Majesté voulzist haster le despêche, et que elle fit tousjours aparcevoir et apprester les vingt basteaulx, vivres et munitions par luy demandez, ce pendant qu'elle résouldroit sur l'accord ou refus de ladicte assistence, et qu'il procureroit que, de leur costel, l'on escripvit aussi à l'évesque de Valence d'attendre audict Angleterre le seigneur de Glajon, mais que je vous en voulzisse prévenir avec la comodité du courier qu'il disoit vouloir incontinent envoyer vers France; et, suyvant ce, vous ay escript ceste.

Vous aurez veu par mes précédentes le but où il me samble l'on doibt tendre en ceste matière pour demeurer à repos de ce costel d'Escosse, Le premier moyen se pourra bien difficilement praticquer à cest heure, comme je doubte; mais au second, touchant la capitulation des Escossois, peult-estre il y auroit plus d'apparance en ceste conjuncture, et tiens que ce seroit une bonne œuvre et grand service au Roy s'il se peult achepver. Il faut venir au m* : et cecy me semble, selon mon advis, se debvoir procurer avecq visaige ouvert; mais, comme qu'il soit, il fault que je vous advertisse que le Roy, entendant les responses que dessus, m'a dit qu'il les trouvoit bonnes et nécessaires, mais il y a adjousté expressément que l'on se gardit de le mettre en guerre, encoires que ces offices ne proufi tassent, pour ce que, à chest heure, il n'y auroit moyen de la soubstenir, et est demeuré résolu en ce poinct, nonobstant touttes allégations; et, considérant qu'il ne conviendroit que cecy passa par mains d'ung courier françois, j'ay pensé qu'il seroit mieulx de despescher ce courier exprès.

Et pour fin de ceste, comme Sa Majesté se remect à Madame la duchesse de Parme d'accorder ou non accorder les basteaulx

8'i ÎXTERYErNTiON DE l'eSPAGNE. 1560

que les François demandent, selon Tasseuirance qu'elle pourra prendre que les forées qu ilz envoyèrent en Escosse ne seront à aultre effect qu'ilz ne disent, il m'a semblé résumer ce poinct comme le plus important et qu'il convient avec soigneulx regard que de ces mêmes batteaulx ilz ne se facent seigneurs de la mer; et considérer, à ce propoz, avccq quelle force ilz entendent y aller, quand, comment et en quelle conjunture, comme je ne doubte que Madame et Messeigneurs, qui sont allentour d'elle, sçauront très-bien considérer. Et, à ce mesme propos, peult-estre qu'il ne sera que bien que la Royno d'Angleterre se tiegne tousjours forte par mer, tant que les choses soient assopyes, puisque par mer elle aura beaucoup meilleur moyen de destourber le passage d'Escosse que non par terre, quand ilz y seront entrez. A tant etc.

1559-60. — Mars.

philippk ii a m. de glajon.

{Ar.jlelerre. Reg. XXI.)

Charge donnée à M. de Glajon de se renilre auprès de la Reine d'Angleterre, après qu'il aura reçu ses instructions de la duchesse de Parme.

Monsieur de Glajon, je ne doute vous aurez entendu les choses que sont passées entre le Roy de France et Royne d'Angleterre à l'occasion des gens de guerre que ledict seigneur Roy envoyé en Escosse soubz umbre de chastier ses subjects rebelles, dont ladicte dame Royne prend jalouzie que ce soit pour aultre chose. El, d'autant que c'est ung affaire qui va plus loing et dont mes bons subjectz du Pays-bas se pourriont ressentir, où l'on n'y remédiast de bonne heure, j'ay estimé qu'il seroit mieulx que j'y intercédasse et envoyasse quelques bons personnaiges d'une part et d'aultre pour y faire les offices qui se trouveriont plus à propos. Et, suyvant ce, pensant à cclluy que je porrois envoyer vers la Royne d'Angleterre, le bon zèle et expérience que j'ay cogneu en vous m'ont fait confyer que non seulement vous en prendrez

15G0 INTERVENTION DE L'eSPAGXE. 83

la charge, mais que vous la saurez très bien exécuter. Parquoy vous requiers de vous y vouloir employer et vous mettre en chemin incontinent que vous aurez vostre instruction de ma sœur la duchesse de Parme, à laquelle j'en escrips amplement. A tant, Monsieur de Glajon, etc.

1559-GO. — 27 Mars.

Instruction pour vous, notre très-chier et bien amé cousin messire Philippe de Stable, seigneur de Glajon, baron de Chaulmont et de Haveskercke, chevalier de l'ordre, conseiller d'Estat, et chef de l'artillerye du Roy mon seigneur, de ce que vous aurez à faire devers la Royne d'Angleterre, où Sa Majesté présentement vous envoyé.

Intention formelle de Philippe II de maintenir la paix entre la France et l'Angleterre. — Exposé de la situation des deux puissances rivales. — Desseins qu'on peut leur supposer. — Griefs allégués de part et d'autre. — Démarches faites par Elisabeth auprès du Roi d'Espagne pour établir que son intérêt est de la soutenir, et que l'agression est venue de la part des Français. — Plaintes adressées à Philippe II par le Roi de France contre la Reine d'Angleterre. — Raisons qu'il allègue pour établir son droit de châtier, par tous les moyens qui sont en son pouvoir, ses sujets rebelles. — Son espoir d'obtenir les conseils et l'assistance du Roi d'Espagne. — Déclaration faite par le duc d'Albe au Roi de France de la part de Philippe II. — Décision qui a été prise d'envoyer en France et en Angleterre un ambassadeur extraordinaire pour moyenner un accommodement. — Fixation du nombre des troupes françaises à envoyer en Ecosse, et qui devront se composer de 4,000 hommes au plus. — Offre qui a été faite par le Roi d'Espagne d'y joindre de ses troupes, pour former en tout un corps de 7,000 hommes. — Nécessité de déterminer la Reine d'Angleterre à ne plus prêter son appui aux Écossais rebelles. — Charge donnée à M. de Glajon de se rendre le plus proniptement possible en Angleterre, et d'agir avec l'évèque d'Aquila auprès d'Elisabeth conformément aux intentions de Philippe II. — Rons sentiments que ce prince a de tout temps témoignés à la Reine d'Angleterre. — Conseils de modération qu'il lui avait donnés et qu'elle aurait dû suivre. — Tort qu'elle a eu de commencer la guerre sans en prévenir le Roi d'Espagne. — Droit évident qui appartient à ce prince, d'après les traités, de ne pas appuyer son agression. — Démarches faites auprès de la France pour amener une conciliation. — Mesures prises en même temps afin d'empêcher que les Français, sous prétexte de châtier les rebelles d'Ecosse, n'envahissent l'Angleterre. — Instances à faire pour qu'Elisabeth leur ote tout prétexte en cessant d'appuyer les Écossais. — Danger qu'il y aurait pour elle à soutenir une guerre sérieuse contre la France. — Insuffisance de ses finances, de ses places fortes et de son armée. — Opinion de la Chrétienté tout entière qui se tournerait contre elle, en lui imputant d'être seule cause d'une nouvelle guerre. — Obligation pour Philippe II de soutenir les Français, non pas contre la Reine d'Angleterre, mais contre les Écossais rebelles. — Moyen qu'il se réserve d'ailleurs par là d'empêcher que les Français n'introduisent en Ecosse des

84 INTERVEXTION DE L'ESPAGXE. 1560

forres trop considérables. — Conseilqu'il faudra donner cependant àlaReine d'Angleterre de maintenir ses armées de terre et de mer sur un pied respectable, afin d'empêcher toute tentative qui pourrait être faite contre ses États. — Surveillance attentive que le Roi d'Espagne fera exercer à cet égard. — Réponse que l'ambassadeur devra faire à Elisabeth, si cette princesse voulait renouveler ses griefs au sujet du titre et des armes d'Angleterre. — Satisfaction que le Roi de France paraît disposé à donner sur ces deux points, qui doivent être traites par la voie des négociations, et qui n'ont pas assez d'importance pour motiver une guerre. — Réserve dans laquelle devra se renfermer l'ambassadeur, si la Reine d'Angleterre demandait quel parti prendrait le Roi d'Espagne dans le cas où les Français envahiraient l'Angleterre. — Nécessité de maintenir Elisabeth dans le doute d'être secourue, si, contrairement aux traités, elle persiste dans son agression. — Charge donnée à l'ambassadeur de reprendre, s'il voit que cela puisse se faire d'une manière opportune, la négociation du mariage de l'archiduc Charles avec la Reine d'Angleterre.

Vous porterez avecq vous la copie des lettres de Sa Majesté et des pièches y joinctes, affin que par ce vous congnoissez plus particulièrement, et pour en toute vostre négotiation vous guider selon ce, le but de Fintention de Sa Majesté, qu'est de pourtenir la Chrestienneté en repos, et affin que icelle joysse du bénéfice de la paix que Dieu, par sa saincte grâce, nous a donné, moïennant ce que Tannée passée se traictast au Chasteau en Cambrésis ('); procurer qu entre le Roy très-Chrestien et ladicte Royne d'Angleterre il n'y ait guerre à l'occasion des clioses que présentement passent entre eulx, sur le fondement de ce que ledict Roy trèscbrestien prétend de cbastier au royaulme d'Escosse aucuns ses rebelles, ausquelz Ton entend que ladicte Royne, soit ouvertement ou soubz la main, donne faveur et assistence, et ce (comme aucuns discourent) pour ce que lesdictz rebelles se déclairent de ne suyvre la religion catholicque, et qu'ilz sont de mesmes oppinions qu'elle, et peult-estre aussi le faignent pour avoir son assistence, à la fin, à quoy aucuns dient qu'ilz prétendent, de se faire seigneurs dudict royaulme, et en débouter la Royne de France et le Roy son mary, et par mariaige joindre les deux royaulmes d'Angleterre et d'Escosse et en déjecter les Francbois; ou bien que l'ayde que ladicte Royne veult donner ausdictz rebelles soit pour craincte qu'elle a du Roy de France, se doubtant

{') Traité de Cateau-Cambrésis entre Philippe II cl Henri II, du 3 avril ISÎi'J, après Pàque;;.

1560 IMEUVENTIOX DE l' ESPAGNE. 85

que, ayant mis au gouvernement d'Escosse et à la garde des fortz principaulx dudict pays des Franchois (qu'elle prétend estre fait contre les capitulations que les Escossois ont avecq Franco), il ne trouve fin d'occuper enthièrement et rédiger absolutemcnt soubz son povoir ledict royaulme d'Escosse, et pour, si le cas advenoit du décès de la Royne sans enffans, débouter de la succession ceulx du pays qui en ce cas y sont appeliez. Oultre ce que probablement ladicte Royne d'Angleterre doubte que, s' estans soulevez aucuns rebelles audict royaulme d'Escosse sur le fondement avant dict, le Roy de France face apprestes de guerre plus grandes pour reigler lesdicts rebelles qu'il n'auroit de besoing s'il prétend à ce seul effect de les chastier et réduire; et que cela luy donne soubçon que, comme il a souvent déclairé et aussi ses ministres, tant du temps du feu Roy de France que à présent, de prétendre à la succession dudict royaulme d'Angleterre et d'en débouter la Royne moderne, soubz prétexte de ce que les Franchois dient ladicte Royne de France à présont y avoir droict, il voeuUe faire si grand amas de forces audict Escosse pour, quand il y aura subjugué lesdictz rebelles, cstans les frontières entre France et Angleterre par ce voult-là ouvertes, entrer par ce coustel, prandre ladicte Royne d'Angleterre à despourveu et se faire seigneur dudict royaulme.

Et, à couleur de ceste craincte, ayant ladicte Royne d'Angleterre fait amas de gens, tant par terre au coustel de la frontière d'Escosse, soubz la charge du duc de Nortfoch et de milort Grey, son lieutenant, que ayant équippé bon nombre de vaisseaulx par mer, elle aye prins intelligence avec lesdictz rebelles, et, comme aucuns dyent, faict confédération avecq eulx, et prins leurs hostaiges pour, avecq ceste asscurance de les avoir à sa dévotion et de non traicter avecq la Royne vefve, régente dudict Escosse, ny avecq les Franchois sans sa participation, leur donner assistence.

Et est le fondement de vostrc charge celluy que dessus, et sur ce que ladicte Dame, considérant ces clioses et aïant prins ceste délibération, a demandé conscilz et advis audict seigneur Roy,

86 INTERVENTION DE l'eSPAGNE. 1560

mon seigneur, luy faisant entendre, tant par ses lettres propres que par ce qu elle luy fit escripre de sa part par Tarabassadeur de Sadicte Majesté, Tévesque de la Quadra, les choses cy-devant desduictes, et qu'elle se délibéroit de non comporter que lesdictz Franchois vinssent audessus de ce qu'ilz prétendoient, qu'estoit de se faire seigneurs absoluz et les plus puissants audict royaulme d'Escosse, pour, après, avoir le moyen de l'envahir; représentant joinctement à Sadicte Majesté le dhommaige que les pays de par dechà en pourroient recepvoir; se traveillant de persuader à icelle que les Franchois estoient les invascurs, et que ce qu'elle feroit seroit pour sa nécessaire deffense : que l'on entend estre avecq fin de, après, venir requérir Sadicte Majesté de se déclairer de guerre et luy donner aide à rencontre des dictz Franchois, suivant les traictez. Et, sans actendre la response de Sa Majesté, elle a usé à rencontre des dictz Franchois d'aucuns actes d'hostilité, que touttesfois l'on entend elle cei'che d'excuser ce qu'elle poeult, et enfin voeult prétendre que les Franchois soient esté les invaseurs, le tout à la fin avant dicte d'estre aydée en vertu desdictz traictez et de nous remectre en guerre avec France ; ce que aucuns conjecturent estre sa principalle intention, et de ses ministres, affîn qu'ayant procuré ce brouilliz et se retirant d'icelluy, elle puisse tant plus librement, et ceux qui la persuadent en cecy, abaisser les Gatholicques en son royaulme, les forcer à prendre sa secte, et vivre au surplus comme il luy samblera.

D'aultre part a fait faire le Roy de France plainctes en Espaigne contre ladicte Royne d'Angleterre de finvasion qu'elle luy fait, remonstrant qu'il aye quelques indices qu'elle suscite soubz main troubles au royaulme de France, et qu'elle fait envahi en mer et au costel d'Escosse; et, pour ce qu'il entend que la couleur que fou y prend soit pour le nombre des gens qu'il envoyé audict royaulme d'Escosse, monstre trouver bien mauvais qu'il samble que Ton luy voelle donner loy en ung royaulme qu'est ien, luy prescrire le nombre des gens qu'il y doibt tenir et l'empescher de chastier ses propres subjectz qui luy sunt rebelles; déclairant qu'il ne désire que le repos et tranquillité public-

I5G0 L\TER\EXT!OX nE l'espaga'e. 87

que; mais que, si ladicte Royne J'Angleteree le force à prendre les armes contre elle, qu'encoires que ledictRoy de France vienne mal voluntiers à ce poinct, il ne porra délaisser, comme prince d'honneur et tenant comme tel le soing qu il doibt à sa réputation, quil ne face ce quil convient pour la soustcnir; et qu'il trouveroit bien cstrange qu'à l'occasion des anchiens traictez ou aultrement, l'on voulsist donner assistence à ladicte Royne d'Angleterre, au lieu que, justifiant tant la cause de son costel, il désireroit, comme si sincère amy et estroictement allié, avoir conseil et assistence de Sadicte Majesté.

Aussi verrez- vous par les ditz escriptz ce que Sadicte Majesté luy a faict déclairer franchement par le duc d'iVlve de la suspition que probablement peuvent prendre les princes voisins quand ung prince, quel qu'il soit, fait amas de gens dedens ses pays, tel que puisse donner jalouzie, et que, en ce cas, lesditz voisins ont occasion de se doubter et de se pourvoir pour non estre prins à despourveu; et que sur les exclamations, que se sont faictcs par l'ambassadeur de France, de ce qu'il semble l'on voulzist empescher ledict seigneur Roy très chrestien de, comme dessus est dict, chastier ses rebelles, luy donner loy en son pays et luy taxer le nombre de gens de guerre qu'il y peult tenir, l'on est enfin venu à cest expédient que le Roy, mon seigneur, envoyeroit, comme il avoit jà délibéré de faire, personnaiges en France et en Angleterre pour procurer de faire cesser tout le resentement qu'il y pourroit avoir entre les deux parties, y nourrir l'amitié, entretenir ladicte paix et donner moyen de pouvoir joyr d'icelle; et qu'à la réquisition dudict Roy très chrestien, Sadicte Majesté donneroit audict seigneur Roy assistence de navires et de provisions de guerre nécessaires et encoires de gens, pourveu que le nombre desdictes gens de guerre audict Escosse ne soit plus grand, oultre ceulx qu'i'z y ont ordinairement, que de quatre mil hommes, puisque iceulx peuvent soufiîr pour chastier lesdictz rebelles s'ilz se trouvent destituez d'aultre ayde que de ce que ilz peuvent avoir eulx-mcsmcs audict royaulme d'Escosse : et si l'accommodera Sadicte Majesté de gens, ses subjcctz, jus-

88 INTERVENTION DE l'ESPÂGNE. 1560

ques audict nombre, s'il les vcult avoir, et, s'il se treuve qu'il aye besoing d'en avoir davantaige à l'effect susdict de chastier les rebelles, qu'il l'assistera d'autres trois mil à ses propres frais; bien entendu que les premiers quatre mil, combien qu'ilz fussent subjectz de Sa Majesté, seront aux fraiz dudict Roy de France. Reste que pour facilliter ce chastoy desdictz rebelles, et affin qu'il ne soit besoing faire en Escosse amas de plus grand nombre de gens que celluy qu'est dict, que l'on persuade à ladite Royne d'Angleterre de se désister absolutement de toute faveur qu'elle donne ou vouldroit donner auxdictz rebelles, affin de non bailler occasion juste audict Roy de France de se resentir allencontre d'elle. Qu'est le fondement sur lequel l'on haste vostre allée par delà ; et vous ay voulu répéter tout ce que dessus pour vostre plus clère et particulière information.

Vous irez doncques celle part, pour trouver ladicte Royne d'Angleterre, en la meilleure dilligence qu'il vous sera possible, et, en préalable, communicquerez audict évesque de la Quadra, ambassadeur de Sa dicte Majesté, ceste vostre dicte instruction et le surplus de ce despesche, luy donnant les lettres qu'elle luy escript, par lesquelles elle luy encbarge de vous donner, à l'exécution de vostre charge, toutte assistence; et de luy entenderez Testât présent du royaulme d'Angleterre et ce que ladite Royne peult avoir fait depuis ses dernières lettres, sur la négociation en laquelle l'on entend elle estoit, pour appoincter la Royne douayrière gouvernante avecq lesdictz rebelles d'Escosse, et sur certaines conditions pour, selon les termes ausquelz vous trouverez les choses, vous servir de ceste vostre dicte instruction et encheminer le tout à la fin de l'intention de Sa Majesté, qu'est de, comme vous aurez entendu, entretenir la paix et éviter de tumber en guerre que viendroit pour le présent à Sadicte Majesté tant au contraire de ses affaires, et à si grand dhommaige de la Chrestienneté, et causeroit empeschement au repos publicque; et que cecy touttesfois se face de sorte que, pensant faire ceste bonne œuvre de les appoincter, l'on ne laisse opportunité aux Franchois d'envahir à leur advantage ce royaulme d'Angleterre,

pour le dommaige inestimable que, comme par vostrc prudence vous entendez si bien, viendroit aux pays et royaulmes de Sa Majesté, si les Franchois y mectoient le pied.

En aïant ainsi consulté par ensamble sur ceste instruction de ce que vous aurez à faire, demandant audience à ladicte Dame par les moyens que vous jugerez plus à propos, après avoir présenté à icelle les lettres de Sadicte Majesté que vous portez, vous luy déclairerez le plaisir que Sadicte Majesté reçoipt d'entendre de ses nouvelles, et comme icelle désire le bon et heureulx sucés de ses affaires et le bien et repos de son royaulme, et qu'à ceste fin elle vous a dépesché par delà, tant aifm de par vostre moyen, à vostre retour, en estre advertye, que pour luy déclairer qu'elle a receu les lettres que ladicte Dame luy avoit escript, et entendu, par celles dudict évesque de la Quadra, ce qu'elle luy avoit enchargé d'escripre, et que, pour response, elle vous a enchargé luy déclairer qu'elle se peult souvenir de l'affection qu'elle a tousjours cogneu Sadicte Majesté luy a porté, qu'elle sçait combien elle luy a esté favorable, tant au temps de feue la Royne, que Dieu absoille, que depuis, et mesmes se peult ramentevoir de l'amiable conseil qu'elle luy a tousjours faict donner, dèz qu'elle est parvenue à la couronne d'Angleterre, affm qu'elle regardast, puisque Sadicte Majesté luy avoit procuré ce bien de la mectre en paix, faisant en ce, en tout ce que touche son particulier, office non seulement d'amy et confœdéré mais de cordial frère, de vouloir entendre à tenir son royaulme en repoz et d'y mectre tel ordre qu elle ostast la volunté à ses voisins d'entreprendre allencontre d'elle, estant ce que plus luy convenoit, et pour éviter que sesdictz voisins à son occasion ne tumbassent aussi en paine; et qu'elle se peult se souvenir de ce que, sur tout ce que dessus, Sadicte Majesté luy a souvent fait dire par le sieur conte de Feria, et, aussi, de temps à aultre, par ledict évesque de la Quadra, son ambassadeur, et finablement, ung petit plus expressément, par don Joan de Ayala, lorsque Sa Majesté entra en apparente double que, en prenant aultre chemin en ses affaires que celluy que jusques alors elle avoit tenue, elle demeureroit

90 INTERVENTION DE l'ESPAGNE. 15G0

ainsi sans prendre party dont elle peuU estre assistée, et, si elle n'usoit de la modération nécessaire en touttes choses, elle et son royaulme pourroient bien tumber en hasard; et que, si luy eust pieu prendre considérations ausdictz admonestemens de Sa Majesté, il est apparent qu'elle n'eust eu besoing du conseil que présentement elle demande; et que, pour luy donner tel qu'il conviendroit, sadicte Majesté se trouve de tant plus empesché pour avoir entendu, par les plainctes que allencontre d'elle font les Franchois, que, sans attendre Tadviz de Sadicte Majesté, elle soit passée si avant à l'endroit desdictz Franchois, jusques à venir à quelques actes d'hostillité allencontre d'eulx, prétendans par ce voult avoir esté par elle envahiz sans qu'elle en eust occasion quelle qu'elle soit, sinon pour enipescher que ledict Roy de France ne peust chastier ceulx qui luy sont désobéissans et rebelles en Escosse, et qu'elle aye volu entreprendre de, en ce costel-là, leur donner traveil; déclairant que c'estoit chose qu'il ne peult comporter, et que, s'il vient à prendre les armes allencontre dudict Angleterre, il proteste que ce soit forcé et contre sa volunté, prétendant par ce, que, pour estre Sadicte Majesté en amitié et si estroicte alliance avecq luy, icelle soit obligé par toute bonne raison à tenir de son costel, sans prester l'oreille à chose que de celluy d'Angleterre l'on luy peut dire, pour luy représenter l'obligation des traictez avecq ledict Angleterre, alléguant que iceulx ne se doivent entendre pour en cas que du costel d'Angleterre, voluntairement, sans cause et sans la participation et advis du confœderé, l'on voeulle injustement mouvoir la guerre, actendu que lesdictz traictez, comme ilz les déclairent, mesmes ceulx qui passent aulx successeurs, ne sont fondez que sur mutuelle deffense et non pas sur l'invasion voluntaire.

Et que véant Sadicte Majesté les plainctes et proposition des Franchois, désirant d'ester à son possible toute l'aigreur d'entre lesdictz Anglois et Franchois et éviter tout inconvénient auquel ledict royaulme d'Angleterre pourroit tumber, elle avoit fait remonstrer ausdictz Franchois les causes que probablement poYoierit mouvoir ladicte Royne d'Angleterre à se pourveoir de

15G0 IXTERVENTION DE l'ESPAGNE. 91

gens de guerre, et mesmes ce, dont à bonne cause elle se povoit dobter, que véant les apprestes que ledict seigneur Roy de France faisoit contre les rebelles audict Escosse, plus grandes qu'il n'est de besoing pour chastier iceulx, que ce fût à aultre fin et mesmes pour envahir ladictc Royne d'Angleterre, et quelle, pour non estre prévenue, avoit quelque cause de se préparer et encoires de, à son povoir, empescher que les forces de France ne s'accreussent audict Escosse, pour la commodité que de ce coustel-là l'on pourroit avoir de l'envahir; tendant Sadicte Majesté affin de persuader ausdictz Franchois qu'ilz limitassent les forces qu'ils vouldroient envoyer audict Escosse, de sorte quelles ne donnassent jalouzie aucune à leurs voisins.

Et que, sur ce que lesdictz Franchois faisoient si grande instance pour estre par Sadicte Majesté assistez contre lesdictz rebelles, et mesmes qu'ilz prétendent que le fondement de ladicte rébellion soit celluy de la religion, tant pour rendre Sadicte Majesté à l'endroict dudict Roy de France l'office qu'il doibt de bon amy et allyé, que pour par ce vouU Tattirer à ce que les forces, dont il vouldra user en Escosse, ne soient si grandes que d'icelles ladicte Royne d'Angleterre ait occasion d'avoir doubte, Sadicte Majesté a offert audict Roy de France, espérant par ce voult luy gaigner la volunté, et s'accomodant à la requeste qu'il luy en faisoit, l'ayder de ses propres gens et de ses navires et provisions de guerre allencontre de sesdictz rebelles, pourveu que le nombre qu'il employera au chastoy d'iceulx ne soit plus grand que de quatre mil hommes; et, si cela ne suffit, jusques à sept mil, pourveu que les trois mil, que s'adjouteront aux quatre mil premiers, soient à soulde de Sadicte Majesté, laquelle juge que, se povant admener la chose à ce poinct, il n'y aura riens dont avecq raison ladicte Dame doibve craindre, puisque seullement les quatre mil seront à la soulde de France, et que de ceulx de Sa Majesté elle ne doibt avoir doubte, attendu qu'ilz seroient là, pluslost pous empescher que l'on ne luy fit grief en ses pays, que non pas pour luy faire fâcherie et moleste.

Et que, sur ce que lesdictz Franchois ont très instamment

95 INTERVENTION DE l'eSPAGNE, 15G0

requis affin qu il leur fut permis de mener audict Escosse tant de gens qu ilz vouldroient, spéciffians les apprestes grandes que jà ilz font pour ce costel-là, et que le tout estoit sur le fondement de Tassistence qu'ilz dient que la Royne d'Angleterre donne et prétend donner ausdictz rebelles, disans à ceste cause avoir besoing d'y envoyer grandes forces pour éviter d'en recepvoir honte et dommaige, Sadicte Majesté, pour le bien de la Royne et ne voyant aultre chemin pour etîacer ce seul argument que restoit ausditz Franchois, sur lequel ilz se rendoient difficiles au point de la modération des forces avant dictes, s'est enchargée de luy persuader qu'elle se désiste de donner port ny assistence aucune ausditz rebelles, actendu qu'estant par ce voult asseurée de ce qu'elle pourroit craindre des Franchois, elle n'auroit occasion quelconque de soustenir les rebelles de ses voisins contre leur seigneur; et que, pour luy persuader, l'on vous envoyé celle part, combien que Sadicte Majesté confye que aysément elle s'y laissera induire, considérant l'évident hazard auquel aultrement elle pourroit inévitablement tumber, et que par sa prudence elle considérera très bien; et mesmes, remémorant Testât de ses affaires, la division qu'est en son royaulme pour le fait de la religion, son pays ouvert du costel d'Escosse, le peu de forteresses que se trouvent en toute Angleterre que soient bien entendues, la commodité que le Roy de France auroit de l'assaillir de deux costelz, les fraiz que luy seroient insupportables, et mesmes, estant Testât de ses finances, tel qu'elle sçait estre, congneu à Sadicte Majesté, avecq ce que, dèz le commenchement de ces troubles, elle y a jà despendu beaucoup; et que, combien elle ait personnaiges savans et expérimentez en guerre, ilz ne sont en si grand nombre qu'il seroit bien requis pour pourveoir à tous costelz contre ung si puissant ennemy comme le Roy de France, oultre ce que Ton luy pourroit imputer qu'elle donnast occasion aux troubles de la Ghrestienneté, et que partout il sonneroitmal que Ton publiast qu'elle fut cause de nouvelle guerre sur le fondement de vouloir donner assistence à subjectz rebelles dudict Roy do France; car, quant à la conjecture qu'elle fait que ce soit

15G0 INTERVENTION DE l'ESPAGNE. 93

pour de Escosse Tenvahir, encoires que vers aucuns cela auia quelque apparence, touttesfois l'universel jugera que ce n'esi pas bon fondement de mouvoir la guerre sur seulle conjecture, et davantaige que, quant l'on entendra la modération que le Roy de France se contente de faire de ses forces, ceste conjecture cessera pour faire enthièrement tumber le tort sur elle ; avec ce que, pour une occasion si juste, Sadicte Majesté ne pourra délaisser de donner assistence audict Roy de France, non pas contre ladicte Royne d'Angleterre (avec laquelle Sadicte Majesté veult conserver et conservera toute amitié; mais allencontre des subjectz dudict Roy de France au royaulme d'Escosse, désobéissans et rebelles à icelluy) ; et ne peult Sadicte Majesté espérer aultre chose sinon que, congnoissant la raison, elle s'accomodera à icelle, et mesmes tenant considération à l'asseurance que par ce voult Sadicte Majesté luy procure, empeschant que ledict Roy de France n'aye plus grandes forces au costel dudict Escosse que celles cy- dessus déclairées.

Et pour aultant que Sadicte Majesté ne vouldroit que, se confiant du tout de l'asseurance que donnent les Franchois de modérer, comme dessus est dit, leurs forces en Escosse, elle désarmast enthièrement, et que, la voïant les Franchois désapperceue, ilz prinssent occasion de l'envahir et d'augmenter leurs forces audict coustel d'Escosse en plus grand nombre que des sept mil hommes avant dictz, vous luy direz que Sadicte Majesté luy conseille qu'elle tienne ses gens en pied, tant par mer que par terre, en nombre raisonnable, pour estre pourveue contre ce que l'on vouldroit intenter; et que, se retirant et départant enthièrement de la faveur et assistence des rebelles, et laissant convenir ledict Roy de France avecq eulx, et retirant ses gens qui sont sur la frontière d'Escosse dedens ses limites, elle soit au surplus sur sa garde; et davantaige se face enquérir sur la coste de France du nombre des gens de guerre que ledict Roy de France vouldra faire passer en Escosse pour le chastoy desdictz rebelles, affîn que, s'ilz excèdent le nombre pourparlé comme dessus, elle regarde, par les moyens que luy sembleroient convenir, d'empes-

94 INTERVENTION DE l'eSPAGNE. 15G0

cher le passaige dMceulx; et que Sa Majesté aura soigneulx regard et fera veiller continuellement et estre au guet pour descouvrir aussi de son costel si ledit nombre s'excédera, afïïn d'en advertir ladicte Dame, tenant en ce avecq elle la correspondence qu'il convient, et procurera, par les moyens qui luy sanibleront convenables, d'empescher aussi de son costel ladicte accreue.

Et si ladicte Dame vous mect en avant les plaincttes qu'elle a fait contre les Franchois, non seulement des forces que iceulx prétendent avoir en Escosse à l'occasion du chastoy desdictz rebelles, à quoy il est cy-dessus respondu, mais aussi pour le title que la Royne de France usurpe de royne d'Angleterre, et des armes d'Angleterre qu'elle porte, vous luy direz la satisfaction qu'en l'ung et l'aultre donne ledict Roy de France, lequel, à ce que l'on entend par lettres du seigneur de Chantonney, ambassadeur, a faict traicter sur ce poinct avecq Fragmarthon (^), ambassadeur de ladicte Royne d'Angleterre, et que l'on tient que, par lettres dudict Fragmarthon, elle aura entendu ce que passe sur ce poinct; et espère que l'on luy donnera en cecy, du costel de France, raisonnable satisfaction : laquelle, jàsoit qu'elle ne se donnast du tout au contentement de ladicte Dame, si ne sambleil que ce seroit chose suffisante pour retourner aux armes, et mesmes ayans les Anglois si longuement porté le title de roys de France sans qu'à ceste occasion guerre se soit esmeue entre eulx; et que, pour le poinct des armes, estant la Royne de France du sang d'Angleterre, tant moindre seroit ladicte occasion, et qu'il vauldroit mieulx que ce poinct se vuydast par négociation, avecq le moyen des ambassadeurs, que non pas par la force.

El pour aultant que vraysamblablement, sur les propos avant dictz, elle vous pourroit presser affin que vous luy déclairissiez si, envahissans les Franchois le royaulme d'Angleterre et les pays comprins au traicté, Sadicte Majesté l'ayderoit ou non, vous tiendriez grand regard de luy respondre tousjours en cecy générallement, disant que, comme il n'estoit nouvelles que les Fran-

(') Sir Nicolas Throckmoi'lon.

15G0 INTERVENTION DE l'eSPAGNE. 95

chois Teussent envahy ny qu'ilz fussent déterminez de ce faire, Sadicte Majesté ne vous a riens fait entendre de son intention sur ce poinct, mais que vous tenez pour certain que Sadicte Majesté ne fauldra aucunement de en tout temps accomplir ce à quoy elle se trouvera obligée par le traicté, puisque par ce voult ny vous luy reffuserez fassistence de la part de Sadicte Majesté, affin que cy-après en nul temps elle ne puisse prétendre que, contre ledict traicté, Ton luy ait dényé le secours deu par icelluy, ny, respondant ainsi générallement, se pourra asseurer déterminéement qu estant assaillye l'on luy doibve donner fayde, et se doubtera assez du fondement avecq lequel l'on luy pourroit refuser icelle, si, de sa libre volunté et contre Tadvis de Sadicte Majesté, son confédéré, elle vient d'elle-mesmes à mouvoir la guerre sans actendre que l'on l'asaaille, pour après, en vertu dudict traicté et suivant les articles d'icelluy, demander ladicte ayde et la déclaration. Et n'est apparent, en caste doubte, elle se mecte si librement à se déterminer contre France sur l'espoir et asseurance qu'elle prend que Sadicte Majesté, pour son propre intérest, soit pour porter la querelle de ladicte Royne, bonne ou mauvaise qu'elle puisse estre.

Et de la response que ladicte Dame vous donnera et de ce que vous négocierez en cecy et de tout ce que vous porre^ discovrir de Testât des affaires, il sera besoing que vous et ledict ambassadeur m'advertissez icy en diligence pour correspondre à Sadicte Majesté, comme elle m'en charge, et aussi avecq celluy qu'elle doibt envoyer en France et avecq ledict ambassadeur de S:;dicte Majesté y résident, remectant à vostre prudence et dextérité de, en tout ce que dessus, encheminer les choses comme vous verrez mieulx convenir à l'intention de Sa Majesté, telle que vous avez congneu par ses lettres et les pièches y joinctes et comme elle vous est plus spéciallement déclairée par ce que dessus.

Et pour aultant que vous savez le désir que le Roy, mon seigneur, a eu et a présentement de procurer que Monseigneur l'archiducq Charles peut parvenir au mariaige de ladicte Royne

d'Angleterre, pour solliciter lequel les choses sont passées par les termes que ledict ambassadeur, évesque de la Quadra, vous pourra déclairer plus particulièrement, comme celluy qui a esté présent au temps que ledict seigneur comte de Feria le mit premièrement en avant, et que depuis toute ceste négociation s'est traictée par son moyen, combien que fmablement Sa Majesté Impérialle, voyant que ladicte Dame s'arrestoit à non se résouldre sur le point de son mariaige, continuant de dire que jusques à oires elle n'avoit volume de se marier, quoyque ses subjectz l'en pressent, mais que bien pourroit-il advenir que, si elle veoit partie que luy fut agréable, elle pourroit changer de volunté, aïant ce nonobstant démonstré désir que ledict seigneur Archiduc vint en Angleterre à couleur de visiter le pays, et qu'elle le verroit volentiers, avecq protestation toutesfois qu'elle n'entendoit par ce donner espoir quelquoncque que, y venant, ledict mariaige se deust faire, mais bien disant expressément que jamais elle ne se marieroit avecq qui ce fût qu'elle ne Teust veu, pour l'avoir ainsi déterminé et juré; et que, sur les remonstrances que luy sont esté faictes que ce seroit trop grande desréputation de Sadicte Majesté Impérialle de faire venir son fdz, si, venant sans plus de fondement, le mariaige ne se faisoit; et que, aïant esté mis en avant à ladicte Royne, de la part de Sadicte Majesté, que, qui se pourroit accorder des articles de mariaige, elle envoyeroit par delà ledict seigneur Archiduc, à condition que si la personne ne la contentoit, riens ne se fît, icelle ne s'est volu obliger davantaige, ains a persévéré en ladicte protestation de non vouloir que la venue dudict seigneur Arcliiduc la lyast ou obligeast à riens, Sadicte Majesté Impériale se soit résolue de commander au conte de Ilelfenstain, son ambassadeur, que courtoisement il rompit le fil de ceste négociation sans en plus parler, et que sesdictes négociations, doires en avant, fussent d'ambassadeur ordinaire, sans plus solliciter ledict mariaige; toutesfois, pour aultant que Ton entend que plusieurs du pays désireroient que ledict mariaige se fît, si, pendant que vous serez là, vous et îedict évesque, suivant le progrez que pourra prendre la négo-

1560 INTERVENTION DE l'eSPAGNE. 97

dation et que les affaires se trouveront disposez, voyez qu'il y eust apparence de povoir parler de cedit mariaige avec espoir de fruict, et le tout avecq la participation sur ce poinct dudit conte dllelfenstain, vous regarderez de en cecy faire les offices de la part dudict seigneur Roy, mon seigneur, que incontinent vous verrez convenir au bon encheniinement de ceste alliance tant désirée par Sa Majesté pour l'affection qu'elle porte à Sadicte Majesté Impérialle et audict seigneur Archiduc, et que à iceulx et à Sa Majesté propre, pour le bénéfice de ses royaulnie et pays, ledit mariaige seroit à propos; ne faisant double que, congnoissant ce désir de Sadicte Majesté, et combien cecy importe, si vous voyez les choses disposées, vous vous y employerez pour, à la sollicitation de ce, faire, de la part dudict seigneur Roy, mon seigneur, tout le bon office que vous sera possible. Fait à Bruxelles, le xxvii* de mars 1559 avant Pasques.

1559-GO. — 29Mars.