FRANÇOIS II A LA DUCHESSE DE PARME

[Angleterre. Reg. XXI.)

Reconnaissance de François II pour les bons offices du Roi d'Espagne. — Instances afin que la duchesse de Parme active les préparatifs du secours accordé contre les rebelles d'Ecosse.

Ma cousine, j'ay infiniement à me louer et contenter des bons, dignes et favorables offices dont le Roy catholique, monsieur mon bon frère, use envers moy en toutes choses qui s'offrent, et mesmement de la démonstration qu'il fait de favoriser ma juste cause en ce qui touche le fait d'Escosse, pour lequel il luy plaist me secourir et accommoder de ses gens et vaisseaulx, ainsi qu'il m'escript vous avoir fait entendre et remis à vous, ma cousine, de m'en satisfaire, ainsi que j'escripz présentement au sieur de la Forest, mon secrétaire résident près de vous, vous déclairer plus avant de ma part; vous priant très affectueusement, ma cousine, suivant l'affection que vous avez tousjours démonstrée

98 INTERVENTION DE l'ESPAGNE. 1560

envers moy et rasseurance que j'ay aussi de vostre bonne volunté es choses qui concernent les effectz du debvoir de nostre réciprocque et mutuelle amytié, estre contente de donner ordre que je sois secouru et satisfait en cest endroit selon ce que vous en requerra de ma part ledict sieur de la Forest, adjoustant, s'il vous plaist, foy à ce que sur ce il vous dira de ma part tout ainsi que vous fériés à ma propre personne; priant Dieu, ma cousine, vous avoir en sa saincte et digne garde. Escript à Amboyse, le xxix" jour de mars 1559, et soubsigné François, et plus bas l'Aubespine.

1559-60. — 7 Avril.

m. de glajon a philippe ii.

[Anrjleterre. lieg.XXl.)

Arrivée en Angleterre rie M. de Glajon, qui s'est empressé de communiquer ses instructions àl'évèque d'Aquila. — État dans lequel il a trouvé les affaires. — Hostilités commencées depuis liuil jours sur la frontière d'Ecosse. — Résolution prise par les deux ministres de faire tous leurs efforts pour amener Elisabeth à une suspension d'armes. — Compte rendu de l'audience qui leur a été accordée par la Reine d'Angleterre.

Sire, suivant les lettres et commandement de Vostre Majesté, ayant, le xxvn^ du mois passé, receu de son Altesse Tinstruction pour besoigner en ce royaulme d'Angleterre à ce que la Royne ne procédast à aucune rompture de guerre avecq les François en voullant favoriser les rebelles d'Escosse, me suis, le mesme jour, mis en chemin, et, après y avoir tardé environ neuf jours, pour le mauvais temps et tempeste de mer, suis arrivé en ce lieu le v^ de ce mois, que fut vendredy dernier envers le soir, et ayant comunicqué ma charge à Févesque de Quadra, vostre ambassadeur, et en ce esté empesché jusques au lendemain sur le disner, ay trouvé les négoces d'icy estre en bien aultres termes et disposition que Yostre Majesté n'avoit esté advertye; car desjà, huict jours auparavant mon dict arrivée, la Royne avoit fait marcher ses gens vers Escosse, où, depuis cincq jours en çà, ilz estiont

1560 INTERVENTION DE l'eSPAGNE. 99

entrez et eulx joinctz avecq lesditz rebelles : que m'a causé une bien grande perplexité pour savoir comment me debvroys régler en Texécution de madicte charge, en tant que es articles de mon instruction n'estoit faite mention comment me debvroys régler en ce cas, et me sembloit aussi que de perdre en ce temps estoit fort préjudiciable et contraire à Tintention de Yostre Majesté. Quoy considéré, et ayant sur ce eu avecq vostre dict ambassadeur plusieurs et diverses devises, mesmes eu regard que ce que Yostre Majesté commandoit ne se povoit mectre en avant ny effectuer, s'estant ladicte Royne déclairée pour la part desdictz rebelles et de fait y faisant la guerre; considérant aussi que de ce pourroient succéder choses que pousissent (^) rendre la réconciliation plus difficile, en tant que, si ladicte Royne jectoit les François hors d'Escosse, adviendroit une guerre fort dure et longue, et ladicte Royne de ce succès plus animée, dont pourroit causer à Yostre Majesté plus grand fâcherie; et, d'aultrc costel, si lesdictz François eussent aussi quelque bon succès contre elle et lesdictz rebelles, elle se pourroit trouver en grand danger de perdre son estât, dont Yostre Majesté seroit quasi forchée de venir en rompture de guerre avecq iceulx François, nous a semblé que debvroys regarder et mectre en avant si pourroys obtenir de ladicte Royne quelque suspension d'armes et faire tirer ses gens hors dudict Escosse, actendu que, estant son camp en ce lieu, leur peult autant nuyre par la faim que par la force, pour, ce pendant, adviser quelque moyen de appointer les différons estans entre ladicte Royne et le Roy de France, tant à cause du port des armes et title de roy d'Angleterre par ledict Roy de France nagaires usurpé, que aultres difFicultez estant entre eulx; ce que aujourd'huy, avant d'entrer avecq elle en aucune ouverture de ma charge, luy ay mis en avant, luy ayant premièrement présenté les lettres de Yostre Majesté. Lesquelles par elles veues, me dit que c'estoit response d'une de ses lettres que de piécà elle avoit envoyé à Yostre Majesté, et que depuis elle y avoit envoyé

(') C'esl-ii-dirc qui pussent.

100 INTERVENTION DE l'ESPAGNE. 1560

ses ambassadeurs et escript aultres lettres desquelles elle attendoit responce; faisant par ce samblant de point vouloir entrer en nouvelle communication jusques à ce qu'elle eust eu response de sesdictes lettres. Ce nonobstant, ay continué mon propos et fait démonstration que, n'avoys trouvé bon qu'elle n'avoit attendue la responce de Vostre Majesté sur les doléances quelle luy avoit faictes desdictz François par sesdictes lettres, pour de Vostre Majesté sur icelles avoir son conseil et faveur, ny rnesmes ma venue, ayant esté advertye par vostre dict ambassadeur qu'estoys en chemin à l'effect susdict pour de brief estre vers elle; ains que au contraire elle sestoit hastée de commencer la guerre, huict jours avant ma dicte venue.

A quoi ladicte Royne, pour son excuse, m'a respondu que, passé deux ou trois mois, elle avait attendue après ladicte responce de Yostre Majesté; et, voïant qu'elle tardoit trop de venir et luy estant offertes aucunes occasions, qu'elle n'avait volu laisser perdre icelles; et me demandoit si je venois droict de Vostre Majesté ou du Pays-bas? — Sur quoy lui diz que je venoys dudict pays par expresse charge de Vostre dicte Majesté : et, quant à la tardance de la responce de Vostre dicte Majesté, vostre dict ambassadeur luy dict qu'elle en avoit esté cause, pour ce qu'elle n'avoit advertye Vostre Majesté de ses doléances allencontre desdictz François, sinon lorsqu'elle estoit résolue leur faire la guerre; et aussi que depuis elle avoit commenché à endommaiger lesditz François, de sorte que iceulx François luy en avoient fait plusieurs plainctes, et que de ce estoient procédées aultres difficultez, pour lesquelles appaiser Vostre Majesté préalablement s'en estoit voulu faire informer, dont elle n'avoit sceu plustost luy faire ladicte responce. — Et, réplicquant ladicte Royne, avecq quelque peu d'altération, qu'il estoit trop tard pour faire retirer ses gens ou de parler d'aucun accord, sinon avecq l'espée en la main, luy a esté respondu que Vostre dicte Majesté ne se vouloit mesler dudict affaire pour en estre juge, mais tant seullement moyenner, pour l'amitié fraternelle et confédération qu'elle avoit avecq elle, et mesmes pour le désir de la conservation de son

1560 INTERVENTION DE l'eSPAGNE. 101

estât, et aussi pour ce qu'elle, tant par ses propres lettres que charge donnée à vostre dict ambassadeur, l'en avoit requise. Et si néantmoings luy seinbloit quil n'cstoit besoing de plus luy en tenir propos, que userions ainsi qu'elle nous commanderoit. -^ Sur quoy elle nous dict que volontiers elle nous vouldroit oyr, mais que, avant respondre sur ladicte suspension d'armes, désiroit entendre les moyens que Yostre Majesté entendoit inectre en avant pour sa seureté contre lesdictz Franchois. — Lors lui ay, par ordre et tout au long, fait ung discours de madicte charge enssuyvant mon instruction sur ce poinct; et, en premier, luy ay réduict à mémoire la bonne et fraternelle affection que Yostre Majesté luy avoit tousjours porté, si comme elle faisoit encoires à présent, et mesmes les bons advis et conseil qu'elle lui avoit continuellement fait entendre, tant par le sieur conte de Feria, vostre dict ambassadeur, et particulièrement par don Jehan de Ayala; le tout affîn de conserver et maintenir son royaulme en paix et bonne tranquillité, et si luy a esté remonstré aussi que, en postposant toutes les choses susdictes, elle s estoit volontairement mise en guerre, et avoit voulu assister leurs rebelles, dont lesdictz François sestiont plainctz à Yostre Majesté et mesmes requis son assistance en chose si juste et raisonnable et de non vouloir porter ny favorizer ladicte Royne en chose tant scandaleuse. Et que oires Yostre Majesté entendoit que lesdits François aviont assez juste cause, néantmoings qu'elle avoit deffendue et excusé ladicte Dame, disant qu'elle s'estoit armée à l'occasion des grandes suspitions qu'elle avoit que le desseing desdictz François tendoit plus avant que à punition et chastoy desdictz rebelles, et que finalement, après plusieurs et longues disputes sur cest affaire par Yostre Majesté eues avecq l'ambassadeur et aultres ministres du Roy de France, elle avoit advisé et trouvé expédient, pour ester à ladicte Royne toute occasion de suspition et la asseurer contre ledict Roy de France, et mesmes pour satisfaire à l'honneur d'icelluy noy et chastoy desdictz rebelles, que les gens de guerre qui seroient nécessaires d'y envoyer davantaige pour ledict chastoy des rebelles seroient donnez par les

mains de Vostre Majesté de ses propres subjectz, desquels, oires quMlz fussent au service du Roy de France, ladicte Royne ne pourroit avoir aucune doubte ne luy engendrer aucune jalouzie; sans toutesfois, pour ceste première fois, luy déclairer le nombre des gens ny les particularitez en deppendans, jugeant que pour le présent il n'estoit besoing d'entrer en aulcunes desdictes particularitez jusques à ce que verroys s' elle se vouldroit servir et ayder dudict expédient, dont et veu que par icelluy moyen Toccasion de ladicte suspition cessoit, luy diz que Yostre Majesté désiroit bien luy povoir persuader qu'elle s'en voulzist contenter et s'abstenir du tout du port et assistence desdictz rebelles, et qu'elle ne le debvoit reffuser, ayant regard à Testât de ses affaires et aux incommoditez es quelles elle se trouvoit présentement et se trouveroit de plus en plus, ayant affaire à ung prince si puissant tel qu'estoit ledict Roy de France qui la pourroit par divers costelz assaillir; et que Vostre ]\Iajesté ne doubtoit que, sur tout par elle meurement délibéré, elle accepteroit icelluy expédient. Et que Vostredicte Majesté n'entendoit que pourtant elle se déusist du tout désarmer, mais avoir bon œil que ses frontières demeurassent pourveues tant et si longuement que les forches desdictz François fussent retirez d'Escosse et les affaires d'illecq accommodées.

Sur quoy elle nous a respondu assez amplement, accusant la mauvaise intention et voulunté vers elle desdictz François, dont elle avoit à plain esté advertye et acertenée, tant du costel d'Allemaigne que des François mesmes, et si s'excusoit qu'elle ne favorisoit à rebelles, lesquelz elle ne réputoit telz (mais en tel cas elle les vouldroit ayder à chastier, si requise en fût), ains pour gens qui deffendoient leur Royne, ensamble les privilèges et liberté du royaulme, et que aussi en les assistant en ce elle entendoit d'asseurer son estât et règne.

A quoy réplicquant, luy ay remonstré que Vostre Majesté les tenoit pour rebelles, puisqu'ils s'estoient eslevez contrôleur prince et avoient cbangé la religion, et que cecy ne se povoit excuser en façon quelconque.

1560 I\TERVENTION DE L'eSPAGXE. 103

Et quant à Testât de ses affaires, despens et incommoditez susdictes, qu'elle espéroit que nostre Seigneur (lequel elle prenoit en tesmoniaige de la sincérité dont elle procédoit en cest affaire, et qui Tavoit assistée en plus grandes perplexitez et adversitez) la succurreroit encoires à Fadvenir, et que de ce elle avoit son enthière confidence en luy.

Et fmablement sur le moyen et expédient proposé par Vostre Majesté, assavoir d'envoyer audict Escosse gens confidens pour son Bsseurnnce, dist qu elle n'entendoit que Ton deusist envoyer audict Escosse aultres forces ou gens de par le Roy de France queizqu ilz fussent, ains que iceulx qui y estoient à présent s'en debvoient retirer en délaissant le pays paisible. Et si me demanda si ledict Roy de France estoit content que Yostre Majesté y envoyast de ses gens et subjectz? — A quoy, bien pensant qu'elle ne demandoit cecy pour quelque désir ou bonne intention qu'elle avoit d'y condescendre, mais plutost pour quelque curiosité, luy ay respondu que pour le présent il n'estoit de ce question, mais seullement d'entendre sur ce son intention ; laquelle n'avons sceu tirer d'elle en tant qu'elle se démonstroit aucunement estonnée pour sur ce respondre, et aussi elle se commenchoit à lasser de la longue communication, laquelle avoit duré environ heure et demie. Quoy voyant, la requis qu'il luy pleut nous assigner une aultre heure pour de rechief entendre en l'affaire susdicte, en la présence de ceulx de son Conseil, et d'en povoir entendre sa finale résolution pour en advertir Vostredicte Majesté, laquelle elle nous a assigné pour demain. De nostre besoigne adver tirons Yostre Majesté et, pour ce que cest affaire est de très-grande importance, en advertissons aussi en diligence Madame la duchesse de Parme, Plaisance, etc., comme Yostre Majesté entendra par le double de mes lettres cy-joinctes, et ay supplyé Son Altesse qu'il luy plaist me faire entendre comment je me debvray régler en cas que ladicle Royne ne veuU entendre à la susdicte suspention d'armes ny accepter le moyen par Yostre Majesté proposé pour son asseurance; et, à mon semblant, je doubte qu'elle ne fera ny l'ung ny l'aultre, tant je la voiz animée et asseurée, selon

104 INTERVENTION DE l'eSPAGNE. 1560

le semblant qu'elle démonslre, de povoir obtenir de brief son intention; et craings qu'elle nous vouldra entretenir de parolles pour ce pendant faire son fait, à quoy ne puys remédier sinon en advisant Son Altesse.

Sire, me recommendant très humblement à la bénigne grâce de Vostre Majesté, prie nostre Seigneur conserver icelle en santé et prospérité pour le bien et repoz de la Chrestienneté. De Londres, le vu" jour d'apvril 4559 avant Pasques.

1559-GO. — 10 Avril.