M. DE GLAJON A PHILIPPE II

(Angleterre. — Beg. XXI.)

Conférence entre les deux ministres espagnols et les membres du Conseil privé d'Elisabeth. — Compte rendu de cette conférence. — Déclaration faite le lendemain aux deux ambassadeurs par la Reine d'Angleterre, en présence de tous les membres de son Conseil. — Exposé des griefs d'Elisabeth contre la France. — Accusation portée contre les Français d'avoir eux-mêmes suscité les troubles d'Ecosse, dans le but de se ménager un prétexte pour envahir l'Angleterre. — Refus formel de suspendre les hostilités et d'admettre les moyens d'arrangement proposés par l'Espagne, comme étant trop favorables à la France. — Assurance qu'en s'etTorçant d'arrêter les envahissements des Français, la Reine d'Angleterre travaille autant dans l'intérêt du Roi d'Espagne, à cause des Pays-Ras, que dans le sien propre. — Proposition qu'elle charge les deux ambassadeurs de transmettre de sa part au Roi d'Espagne. — Son désir qu'un ambassadeur espagnol soit envoyé en Ecosse pour travailler, de concert avec l'évêque de Valence et un commissaire anglais, à ménager un accommodement entre les Écossais et leur reine. — Réponse faite par les deux ambassadeurs, qui, tout en reconnaissant la justesse des griefs allégués contre la France, ont insisté pour obtenir une suspension d'armes. — Leurs plaintes de ce qu'Elisabeth a commencé la guerre sans en avoir donné préalablement avis au Roi d'Espagne. — Nouvelle insistance pour que l'on admette ce prince comme médiateur. — • Vifs regrets exprimés par Elisabeth de ne pouvoir obtempérer aux désirs de Philippe II. — Nouvelle d'une trêve conclue entre la Reine régente d'Ecosse et lord Grey. — Communications faites à l'ambassadeur de France, M. de Scurre.

Sire, avant hier par deus nos lettres, du \if et ix^ de ce mois, avons bien amplement et particulièrement adverty Yostre Majesté et Madame la duchesse de Parme etc., régente etc., de la disposition des affaires de par deçà et de nostre besoigne avecq

1560 INTERVENTION DE L'eSPAGNE. 105

la Royne, ceulx de son Conseil et le secrétaire Cicil; depuis lesquelles avons avant hier eu aultres communications avecq Tadmiral Millort Clinton, le Trésorier de la maison de ladicte Royne et ledict secrétaire, et de rechief contendu affin d'obtenir ladicte suspension d'armes et faire retirer ses forces hors d'Escosse. Sur quoy, entre aultres devises, ilz nous ont tenu propos que ce que leur demandions leur estoit préjudiciable et avantagieulx aux François; et, si leur voulions faire retirer leurs dictes forches, debvions aussi demander aucunes choses ausdictz François à leur advantaige, affin que Fincommodité de Fung cousté et d'aultre fut égale. — Et leur demandant quelles choses ilz vouloient que leur demandissions? nous disrent que leur sambloit, veu que par le traicté de la paix faicte au Ghasteau de Cambrésis la ville de Calaix leur debvoit estre rendue en dedens certaines années, que debvions induire lesdictz François à la rendre maintenant, et leur faire promectre qu'ilz feront cesser les apprestes de guerre qui se font présentement en France, et de satisfaire à toutes les demandes des Escossois justes et raisonnables. — Et, oires que leur demande nous sembloit plustost tendre à quelque dilation que de vouloir venir à traictié, néantmoings leur avons sur ce respondu que, pour entrer en communication de traicté, estoit besoing en advertir Yostre Majesté et celluy qui par Yostre dicte Majesté estoit envoyé en France, et, pour ce faire, il estoit nécessaire avoir quelque temps compétent et mesmes cependant faire suspendre les armes. Ce que jamais nous a esté possible [obtenir] d'eux, persistans tousjours en leur propoz, — Et, passant d'ung propoz à aultre, nous disrent qu ilz aviont assez expérimenté comment, au temps que ce royaulme déclaira la guerre contre France et Escosse pour le service de Vostre Majesté, avecq promesse que les Estatz du Pays-Bas feroient le mesmes contre lesdictz Escossois, on ne leur avoit tenu ladicte promesse. Si nous disrent aussi que de la part de Yostre Majesté on leur avoit rompu les traictez de leur confœdération et paix, parce que Son Alteze, les jours passez, leur avoit fait révocquer les congiés de tirer armes et semblables munitions de guerre hors dudict Pays-

106 INTERVENTION DE L'eSPAGNE. 1560

Bas et leur avoit reffusé ce que par ledict traicté leur estoit licite et permis de tirer. — A quoy avons respondu en leur déclairant la cause de ladicte révocation et qu'elle n'avoit esté faicte à leur respect, mais s'ilz requéroient ledict congié qu'il ne leur seroit reffusé et que Yostre Majesté n'entendoit rien attempter au préjudice desdict traictez, oires que à juste cause elle eust peu faire le contraire, actendu les inusitez et nouveaulx droictz de tonlieulx que Ton avoit naguaires mis icy, au grand préjudice des subjectz de Yostredicte Majesté. Finablement, sans riens avoir peu conclure ou obtenir d'eulx, ladicte communication achevée, les priasmes qu'ils voulzissent conseiller à ladicte Royne [ce] que conviendroit à la commune paix de la Ghrestienneté, repoz et conservation de ce royaulme, espérant que, en conformité'de ce, elle nous feroit entendre le lendemain sa résolution et volenté, laquelle ledict secrétaire Sicil nous a hier déclairé en la présence de tous ceulx de ce Conseil à ceste fin convocquez en nombre de xv personnes.

Et, en premier lieu, elle nous a fait remonstrer que [par] ses ambassadeurs envoyez vers Yostre Majesté depuis environ deux mois en çà, elle luy avoit faict exposer et entendra les causes et occasions pourquoy elle avoit esté contraincte et forchée, non seullement se deffendrc contre lesdictz François, mais aussi contre eulx prendre les armes pour les offendre, aïant bien humblement fait supplier Yostre Majesté, comme à son bon frère, pour en ce avoir son conseil, ayde et faveur, non doubtantque, ses raisons par Yostredicte Majesté entendues, elle en auroit eu enthière satisfaction et contentement; mcsmes estoit asseurée, si Yostre Majesté eust esté advertie des incommoditez et inconvéniens que luy eussent peu suyvre si aultrement elle en eust usé, jamais Yostre dicte Majesté eust envoyé vers elle moy de Glajon avecq la charge susdicte, dont combien luy sambloit peu convenir nous faire, pour le présent, response à la demande de Yostre Majesté avant qu'elle eust esté advertye du besoigne de sesdictz ambassadeurs. Néantmoings, pour nous donner responce 3ur ladiete demande et nous faire entendre sa résolution sur

1560 INTERVENTION DE l'eSPAGNE. 107

icelle, nous voiiloit bien faire répéter, doiz (i) le commenchement jusques au bout, les occasions de ceste rompture, présupposant, comme chose toute notoire, que n'estions ignorans des astuces, tromperyes, finesses et cautelles desdictz François, lesquelles ne nous debvoient moing estre congnues et perspectes que à eulx, comme les ayant souvent essayez et expérimentez, mesmes l'anchienne et invétérée hayne et ennemytié qu'avoit de tout temps esté entre la nation françoise et angloise, lesquelles ne se poroient jamais ester hors de leurs cueurs; ce que clèrement avoit esté cogneu au traicté do la paix dernièrement faicte au Ghasteau en Gambrésis : par le bénéfice de laquelle paix, cires que lesdictz Franchois eussent esté contens de rendre et restituer à Vostre Majesté et ses confœdérez toutes les villes et forteresses par eulx occupées, non seullement durant la dernière guerre mais es aultres guerres précédentes, tant en Italye que au Pays-Bas, mesmes à Monseigneur le duc de Savoye ses biens et estatz, passé longues années, annexez à la couronne de France, si navoient-ilz jamais volu entendre pour leur restituer la seulle ville de Calaix, aïant peu de temps auparavant par eulx estéostée; et, continuant les François de piz en piz en leur dicte mauvaise affection, s'estoient advancez, depuis huict ou dix mois en chà, en plusieurs lieulx, mesmes es joustes royalles célébrées à Paris aux nopces de mondict seigneur Duc de Savoye, d'usurper en leurs bannières et accoustrement de héraulx le title et les armes de ce royaulme joinctes avecq celles de France et Escosse; mesmes publié et vanté en privées et domestiques devises, avec hommes et femmes de ce pays, et aultres actes publicques, que ladicte Royne n'estoit héritière et que ne luy appartenoit ledit royaulme d'Angleterre, mais à la Royne de France; et, pour à ce parvenir, avoient fait solliciter et requérir feu le pape Paule de vouloir déclairer icelle Royne illégitime et bastarde et non capable pour succéder audict royaulme; ce que peult-estre ilz eussent de piéçà obtenu sans l'assistence et faveur tant de Vostre Majesté que de ses ministres. Et que néantmoings, de ce encoires

(') C'est-à-dire dès.

108 INTERVENTION DE l'ESPAGNE. 1560

non contens, pour déclairer et effectuer plus ouvertement leur inique et parverse volunto et consuyvre ce dont ilz se vantoient, avoient fait grandes apprestcs de guerre, tant en Allemaigne, France que ailleurs : si comme enroller grand nombre d'Allemans, tant de pied que de cheval, esquipper des navires et mectre en ordre bon nombre d'artillerie, le tout soubz umbre ( comme ilz faisoient courre le bruict) de chastier aulcuns rebelles d'Escosse par eulx-mesmes incitez et irritez à rébellion, comme ladicte Royne en estoit à plain informée, cuydant sur tel prétexte y envoyer couvertement leurs forces, non seullement en tel nombre qu'il suffisoit et convenoit pour chastier lesdictz rebelles, mais telles et si grandes qu'elles bastoient pour invahir et occuper en peu de jours tout ce royaulme. Duquel leur desseing et intention elle avoit vu plusieurs et divers advertissemens, tant d' Allemaigne, Italye, France mesmcs que d'ailleurs et par lesquelz l'on la admonestoit qu'elle print garde que desdictz François elle ne fût prévenue. Ce que aussi, sur le commenchement de janvier dernier, le desseing du marquis d'Elbeuf avec si grand appareil d'artillerie, gens et munitions de guerre (si Dieu par sa bonté ne l'eust destourné par tormente de mer) leur avoit assez tesmoigné, estant la moictié ou la quarte partye desditz apprestes souffisantes assez pour réprimer lesdictz rebelles; et, veu que audict Escosse n'y avoit aultres places munies ou fortes que celles par lesdictz François occupées, il ne leur estoit besoing d'y envoyer si grand nombre d'artillerie de batterie : dont il faisoit bien à doubler qu'ilz tendoient à envahir cedict royaulme. Ce que en-, coires leur faisoit ainsi juger de l'intention d'iceulx François par ce que audict Allemaigne ilz avoient fait croire et persuader à plusieurs que l'on les mèneroit en ung pays où jamais Allemans n'aviont estez, riche, fertile et habondant, tel qu'estoit cedit royaulme. De sorte que ladicte Royne, meue et provoquée de tant d'injures, menasses et dangiers cvidens, et luy souvenant du proverbe latin Tune tua rcs agltur, paries cum proximus ardet (^) avoit esté contraincte de précogiter à la nécessaire def-

(V Horuce, Ép. I, 1£, Si.

1560 INTERVENTION DE l'eSPAGNE. !09

fence de sondict royaulme, laquelle avoit trouvé, par conseil, par nul aultre moyen luy estre possible précaver ou obvier sinon en la sorte et manière par elle à présent usée; non pas que par ce elle voeuUe oster audict Roy très chrestien la deue obéissance vers luy desdictz Escossois, ains les' luy rendre subjectz conformément aux traictez avec eulx faictz, réservés les libertez et privilèges du pays, et que audict Escosse ne demeurent auxdictz François plus de forches que ne leur est besoing pour retenir ledict pays paisible durant la vie de la Roy ne d' Escosse et ses hoirs.

A la fin, con éludant ceste sa longue déduction et discours, nous a dist et déclairé que la demande et les moyens par Vostre Majesté proposez pour le présent estoient trop préjudiciables à ladicte Royne, et auxdictz François trop favorables; car, si elle consentoit ladicte suspension d'armes de quarante ou cincquante jours et retiroit son camp, lesdictz François, estans dedens le Petyt-Lict, se pourroient cependant pourveoir de vivres et aultrès choses à eulx nécessaires, et Tarmée de France s'apprester et venir à leur secours, et, par ce moyen, avoir occasion de ne vouloir traicter ny entendre à aucunes conditions de paix : par où ladicte Royne seroit non-seuUement frustrée de son intention, mais en grand péril (après toutes choses audict Escosse appaisées) d'estre par iceulx François invahie et subjuguée à eulx, à Tenthière ruyne d'elle et de son estât, mais aussi de ceulx de Vostre Majesté des Pays d'embas, et, par conséquence, de voz royaulmes d'Espaigne, lesquelz par ce seroient privez et forcloz du leur navigation et négociation accoustumées. Et faisoit bien à doubter que lesdictz François (comme ils sont de nature ambitieux), de ce non contens, pour eulx faire monarches de tout le monde, attempteront avecq le temps de soubzmectre à eulx lesdictz Pays d'embas; alléguans, pour confirmer ceste leur opinion, plusieurs aultres incommoditez, lesquelles seroit par trop long icy répéter.

De laquelle leur délibération avons esté requis advertir Vostre Majesté et luy tester la sincérité de laquelle en cest endroit la-

110 INTERVENTION DE l'eSPAGNE. 1560

dicte Dame usoit (invocant Dieu de ce en tesmoniaige) pour la commune deffence et conservation de sondict royaulme et desdicts Pays d'enibas, lesquelz de tout temps avoient esté amys, alliez et confoedérez ensemble; et néantmoings, pour non troubler plus avant la tranquillité et paix universelle, (laquelle elle désiroit sur toutes choses estre observée et entretenue) ladicle Roy ne est très contente, veu que Tévesque de Valence à présent se trouvoit en Escosse avecq plain povoir de traicter (si comme il dict) sur les différens d'illecq, si de la part de Yostre Majesté s'y trouvast aussi quelque personnaige avecq auctorité et commission d'entendre audict traicté, d'y envoyer pareillement quelc'un de sa part, affin de, par Fintervention desdictz trois personaiges, appoincter iceulx différens avec satisfaction desdictz Escossois, en leur gardant néantmoings leurs privilèges et libériez justes et raisonnables.

A laquelle responce et résolution de la Royne a esté respondu en brief : que ledict secrétaire n'avoit dit ny allégué riens de nouveau, sinon répété ce que lundy dernier il avoit entre nous et luy plus prolixement esté débatu, et que, quant à Toccasion de la doubte et suspicion que ladicte Royne avoit eu desdictz François, que Yostre Majesté ne lui donnoit en ce aucun tort, ains au contraire que, es communications sur ce eues avecq les ministres du Roy très chrestien, Yostre dicte Majesté favoit tousjours deffendue et excusée, disant que lesdictz François lui en avoient donné grande occasion en y procurant nouveletez et indeues fâchons de procéder avecq elle; dont iceulx François avoient esté contens de soubzmectre à Yostre Majesté, comme moyenneur, pour les appoincter et pacifier par telz moyens qui osteroient à ladicte Royne toutes sinistres suspitions; mais que nous sembloit que pour traicter desdictz moyens il estoit nécessaire d'avoir ladicte suspension d'armes, et que Yostre Majesté n'eust jamais pensé que ladicte Royne fut venue à quelque rompture de guerre. Luy a aussi esté remonstré que le sieur de Glajon s'esmerveilloit fort qu'elle désiroit avoir la conclusion de la paix avant que de vouloir traicter des moyens d'icelle, mesmes

qu elle vouloit que l'assemblée desdictz trois personnaiges se feit incontinent audict Escosse, bien sachant que à ce il n'avoitauctorité ny commission, ains tant seullement charge d'insister à ce que ladicte Royne ne commenchast ladicte guerre, ou de procurer que celle desjà commenchée cessast et n'allast plus avant; à quoy principallement tendoit le désir et but de Vostre Majesté, aussi que ladicte Royne en nulle sorte du monde voulzist donner assistence ny faveur aux hérétiques.

Après, passant oultre, a esté parlé des dissimulations dont avoit usé ladicte Royne envers Vostre Majesté, l'ayant adverty de son intention après qu'elle avoit esté déterminée de faire la guerre et desjà commenchée d'user d'actes d'ennemye allencontre desdictz François, et, oires que ledict secrétaire eust volontiers excusé ceste dissimulation, toutesfois ne povoit-il nyer que, environ le Noël dernier, l'on avoit résolu audict Conseil de faire ladicte guerre. Oultre de ce, de la part de ladicte Royne, a aussi esté dict que lesdictz François avoient premièrement usé d'actes d'hoslillité par l'usurpation des titles et armes d'Angleterre. A quoy a esté respondu que ladicte usurpation n'estoit acte d'hostillité mais seullement de quelque prétention, laquelle n'estoit contraire à paix, et, puisque à présent on entendoit à ce obvier par l'assistence de Yostre Majesté, avons de rechef supplié ceulx de ce Conseil qu'ilz veullent tellement conseiller ladicte Royne que à Vostre Majesté ne soit osté la voye de povoir traicter de quelque appoinctement; aussi qu'elle ne veulle troubler la paix commune, laquelle Vostre Majesté avoit procurée avecq tant de despens et de payne, aultrement que on verroit clèrement le mal qu'elle causeroit en la chrestienneté; et, que quant à sa deffense et seurté, ne la luy pensions empescher, ains au contraire la admonestions d'estre sur sa garde, sans toutesfois excéder les limites de sa desfense.

Laquelle communication achevée, ledit secrétaire Secil me dict que ladite Royne désiroit parler à moy; à laquelle fin me tournant vers elle, elle me dict que je povois avoir entendu par ceulx de son Conseil sa délibération sur la charge que luy avoys

112 INTERVENTION DE l'ESPAGNE. 1560

exposé et proposé de par Vostre Majesté, et qu'elle eusse bien désiré de faire retirer ses forces hors dudict Escosse si l'opportunité de ses affaires Toussent peu comporter; mais que, pour les raisons et occasions qu'elle m'avoit fait déclairer, ne povoit faire aultre chose, requérant que je feisse ses recommandations à la bonne grâce de Vostre Majesté, son bon frère, et qu'elle me feroit donner ses lettres pour Vostre Majesté, pensant que me debvois retourner vers le Pays-Bas. — Sur quoy luy feis responce que ne partiroys d'icy que je n'eusse premièrement entendu le bon plaisir de Vostre Majesté sur ladicte résolution, de laquelle je l'advertirois en dilligence. Et, en me retirant d'elle, me dit que depuis la susdictc communication encommenchée, assavoir une heure en çà, elle avoit receue lettres de Millort Grey par lesquelles il luy mandoit qu'il estoit en train de faire quelque abstinence de guerre avecq la Royne douayrière d'Escosse.

Le sieur de Seure, ambassadeur de France, hier, moy estant retourné de la court, nous est venu visiter; à quy avons donné à entendre le debvoir qu'avions fait vers ladicte Royne pour obtenir l'intention de Vostre Majesté, et qu'en ce insisterions par les meilleurs moyens que nous seroit possible, mais que trouvions ladicte Royne et ceulx de son Conseil fort difficiles à y vouloir condescendre. Duquel debvoir avons bien volu user avecq luy pour luy ester toute sinistre suspition et affin de luy donner à congnoistre qu'il ne tiendra à nous que l'intention de Vostre Majesté ne soit exécutée.

Nous avons de tout ce discours adverty Madame la duchesse de Parme.

A tant, Sire, me recommandant très humblement à la bonne grâce de Vostre Majesté, je prie le Créateur donner à icelle, en santé et prospérité, très longue et très heureuse vie. De Londre, le x^ jour d'apvril 1559 avant Pasques.

1560 n. —27 AvniL.

M. DE GLAJON ET l'ÉVÊQUE d'aQUILA A LA DUCHESSE DE PAEME. {Angleterre. Beg. XXL)

Conférence entre les deux ambassadeurs et le secrétaire Cecil chez lord Pembroke.

— Communication faite à la Reine d'Angleterre par l'ambassadeur de France. — Lettres qui auraient été écrites par la Reine de France à la Reine douairière d'Ecosse, sa mère, pour l'autoriser à traiter avec les Écossais et les Anglais. — Joie avec laquelle la Reine d'Angleterre avait accueilli cette ouverture. — Nouvelles venues au même moment de rigueurs exercées en France contre les Anglais, et qui prouvent que les Français n'ont d'autre but que de gagner du temps.

— Vif désir manifesté par les ambassadeurs, au nom de leur maître, de voir maintenir la paix. — Leur opinion, qu'au milieu de la défiance qui règne de part et d'autre, il est bien difficile d'espérer un accommodement. — Conférence entre les deux ambassadeurs et M. de Seurre. — Aveux faits par cet ambassadeur de l'inexécution des traités conclus entre la France et les Écossais, et des projets d'invasion en Angleterre conçus par Henri II. — Protestation que tous ces projets sont maintenant abandonnés, et que l'on ne songe plus qu'à la paix. — Conviction des deux ambassadeurs que les Français n'ont d'autre but que de séparer Elisabeth des Écossais, pour poursuivre ensuite plus aisément leurs vues ambitieuses sur l'Angleterre. — Répugnance des deux nations à admettre l'intervention de l'Espagne.

Madame, hier aïant disné au logis de Monsieur le conte de Pennebrouch avec la pluspart des seigneurs conseilliers, le secrétaire Secil nous dict que Fambassadeur de France avoit, avanthier, esté mandé vers la Royne pour luy faire donner responce sur le protest par luy naguaires faict, dont par noz précédentes avons aucunement adverty Yostre Altesse, laquelle toutesfois ne luy avoit esté donnée absolute, pour ee que, comme ledict protest, donné oultre par escript par ledict ambassadeur, contenoit plusieurs poinctz et articles, la Royne désire bien sur chascun d'iceulx respondre particulièrement aussi par escript; ce que ceulx de son Conseil, tant à cause des nopces dimenche dernier célébrées en court que la fcste de S' George depuis ensuivie, iVavoient encoires peu faire ny la rédiger en langaige françois, comme il estoit besoing, et que, pour lors, ne luy fut donné aultre responce, saulf seullement déclairé, veu que par Tung ar-

(') L'année 1560 commença le jour de Pâques, 16 avril.

ticle dudict proteste ledict ambassadeur donna à congnoistre que le Roy son maître estoit content de commectre quelc'un de sa part pour amiablement appoincter leurs différons, si la Royne vouloit faire le semblable, que icelle Royne en estoit très contente et que de son coustel y députeroit aussi quelc'un.

Sur lequel propoz ledict ambassadeur, faisant semblant qu'il n'estoit besoing faire aucune responce sur son protest, dist qu'il désiroit parler à la Royne à part. Ce que luy estant accordé, luy auroit donné à entendre que le Roy son maistre luy avoit envoyé lettres et commission absolute de par la Royne de France, sa maistresse, sur la Royne douayrière d'Escosse, sa mère, pour traicter et vuyder tous les différens, tant avecq les Escossois rebelles qu'avecq ladicte Royne, Dont icelle Royne, estant très joïeuse, dist qu elle luy feroit donner saulf-conduit et toutes autres sheurtez requises pour faire porter lesdictes lettres à la Royne d'Escosse, et que, quant et quant, elle y envoyeroit ses députez.

Nous dist aussi que, environ une heure après, ladicte Royne avoit esté advertye que puis naguaires les François avoient prins certain gentilhomme anglois à elle envoyé de France par son ambassadeur, et, après luy avoir osté ses lettres et icelles incontinent envoyé audict Roy de France, Fauroient constitué prisonnier; aussi que ledict Roy auroit fait serrer tous les passaiges et portz de son royaulme et fait mettre en prison tous les subjectz d'icy, marchans et aultres : chose bien disparante (comme dist) et contraire au propos que ledict ambassadeur, peu auparavant, avoit tenu à ladicte Royne de la commission sur la Royne d'Escosse pour appoincter leurs dictz différens; dont ladicte Royne se trouvoit en grande diffidence avecq lesdictz François, aïant ferme oppinion que toutes leurs semblances de vouloir appoincter avecq elle ne tendent à aultre fm que de Tabuser de parolles.

Sur quoy avons respondu : que du faict dudict ambassadeur ne savions à parler, mais que voulions bien asseurer ladicte Royne que à Sa Majesté seroit ung merveilleux plaisir qu'ilz s'accordassent par ensamble, en quoy nous nous y employerons très voluntiers si l'accord se fit icy et requis en fussions; requérant

1560 INTERVENTION DE L'ESPAGNE. il5

à la fin lesdictz seigneurs de à ce, de leur coustel, vouloir tenir la main pour non troubler la paix et repos publicque, en leur réitérant en brief toutes les remonstrances que es précédentes communications leur avions fait, tant pour faire retirer ladicte Roy ne de la présente tant dangereuse guerre, que pour luy oster toute suspition que Sa Majesté luy pourroit porter quelque mauvaise volunté, comme il semble que, à la persuasion d'aucuns, elle peult avoir de Sadicte Majesté conceue ; et semble qu'ilz se contenteroient de traicter d'aucun accord, moyennant que ce ne causast suspension de leurs desseingz. Et toutesfois, comme ilz se fyent si peu Fung de Taultre, ne semble que Ton puisse avoir grand espoir dudict accord.

Madame, en escripvant cestes, avons receu les lettres de Vostre Âltèze, du 22^ de ce mois, en responce des nostres des 7, 9, 12, 15 et 17' du mesme; lesquelles, par nous bien et au long veues et visitées, trouvons qu'elle ne nous ordonne chose que jusques à présent n'ayons ensuivy en noz communications, si est-ce que, en suyvant le contenu de vozdictes lettres, insisterons et continuerons au debvoir par nous encommencé, avecq toute dilligence et dextérité à nous possible, en actendant que aultre chose par Sa Majesté ou Yostre Altèze nous soit ordonné.

En conformité de quoy avons, à ce matin, bien amplement communicqué avecq le seigneur de Seure, à l'endroit de la communication qu'avons hier eu avecq lesdictz seigneurs conseilliers, et mesmes luy avons tenu les propos contenuz ez lettres de Yostre Altèze; lequel nous estoit venu requérir de vouloir faire une rencharge à la Royne de nostre charge pour faire retirer son camp du Lyt, disant qu'il avoit esté certainement adverty que les gens de ladicte Royne avoient desjà commenché à cannoner ladicte ville et tué de leur artillerie xxxii personnes de ceulx de dedens. Ce que ne nous semble vraysamblable, puisque jusques oires n'avions entendu telles nouvelles; dont présumons qu'il le nous vouloit persuader pour nous mouvoir et induire à faire à ladicte Royne quelques plus rigoreulx debvoirs pour nous rendre

à elle plus odieulx et faire par ce leur cas meilleur, selon que par noz précédentes avons assez adverty Votre dicte Altèze.

A quoy leur avons respondu : que nonobstant avions à ce fait plusieurs fois tout extrême debvoir, comme luy-mesmes povoit avoir entendu de la Royne et ses conseilliers, comme autres fois il nous avoit dict; toutesfois ne délaisserions de rechief de la à ce presser par tous les meilleurs moyens qu'il nous seroit possible, sans toutesfois excéder les termes et limites de nostre charge. Dont il nous a assez monstre qu'il se tenoit pour content et satisfaict, et mesmes du debvoir et office par nous fait; et si nous a-il dit que dedens Lyt avoit trois mil deux cens homes de guerre, la pluspart françois, et qu'ilz sont pourveu de vivres pour tout le mois de juing prochain au plus.

Et pour ce que ledict Secil nous avoit faict ses plainctes de Tarrest fait oudict France, dont cy-dessus est faicte mention, luy avons demandé s'il estoit vray que Ton y avoit arresté les Anglois et leurs biens, et mesmes fait serrer les porlz d'illecq? — A quoy il nous respondifc qu'il n'avoit eu tel advertissement et ne pensoit ainsi. Bien estoit vray qu'il avoit entendu que à Calaix et Dièpe on y avoit arresté deux navires de ce pays, Fung en contrevenge de l'ouUraige faict la sepmaine dernière à ses gens, et l'aultre à l'occasion de quelque contrearrest ou représailles icy décernées; lesquels toutesfois il avoit escript aux gouverneurs desdictz lieulx de faire incontinent délivrer, et que ils auroient esté relaxez.

Et si avons aussi essayé, conformément à l'adviz de Vostre Altèze, d'entendre de luy aucunes particularitez des traictez faictz entre le Roy de France et les Escossois (lesquelz iceulx Escossois maintenoient leur avoir esté enfrainctz par ledict Roy), et si par iceulx estoit convenu que ledict royaulme d'Escosse se gouverneroit par subjectz et naturelz du pays, et au povoir de qui debvoient demeurer les forteresses d'illecq? — De qui, après aucunes variations, avons assés entendu que par cy-devant avoit esté fait entre ledict Roi de France, lors daulphin, et la Reine à présent sa compaigne, au traicté de leur mariaige audict Escosse, cer-

1560 INTERVENTION DE l'ESPAGNE. 117

taine capitulation; et depuis, à la consommation dudict mariaige, une aultre en France, assez discordantes l'une de Taultre, contenantes on effect que les forteresses de Dombar, Lytzet Sterlin demeureroient es mains dudict Roy de France, avecq garnison françoise de sept cens cincquante homes, et le chasteau de Dombreton es mains du duc de Cliastellerault, et les offices héritables aux naturclz; confessant toutesfois que iceulx traictez n avoient du tout esté observez ny entretenuz par le Conseil dudict seigneur Roy, que néantmoings icelluy Roy avoit tousjours offert de satisfaire aux poinctz et articles y contenuz; comme encoires de présent il faisoit, si comme ledict de Seure disoit.

Par la continuation des devises dudict de Seure il a [été] assez confessé que feu le roy Henry et le Roy moderne avoient donné occasion à ladicte Royne de se soubçonner d'eulx qu'ilz avoient volu invahir et occuper le royaulme. Et, sur ce poinct, il nous a déclairé aucunes praticques que par cy-devant avoient esté démenées pour parvenir à ladicte occupation, si comme, entre aultres, une avecq le comte de Ouldenbourg, pour mener en ce royaulme, à TefTect que dessus, viii. m. hommes de pied et iiii. m. chevaulx. Aussi que le Conestable de France, à la mesme fin, avoit eu bien estroicte praticque et communication avecq ledict feu roy Henry, disant toutesfois que pour le présent Ton ne pensoit plus à samblables praticques, ains seullement à la vraye paix, repos et tranquillité commune.

Et finablement nous semble que l'intention desdictz Franchois ne tend à aultre fin que d'apaiser, par ces traictez et communications de paix, les troubles d'Escosse, pour désunir la confédération que ladicte Royne a avecq les rebelles d'Escosse, et après, par les forces que à présent ilz y ont et aultres qu'ilz mectcnt en ordre, suivre leur desseing et pensée sur ce dict royaulme; ce que nous fait ainsy juger, veu qu'ilz ne nous monstrent avoir volunté d'eulx ayder de l'assistence et faveur que Sa Majesté leur a présenté, ny de nostre offre, plusieurs fois à eulx fait, d'estre moycnneurs pour les accorder. Démonstrant assez ledict de Seure qu'il n'estime guaires nostre intervention et qu'elle luy est peu

118 INTERVENTION DE L'eSPÂGNE. , 1560

aggréable; de sorte que ny Tung ny Taullre desdictes parties ne feront riens par nostre moyen; dont il fait à doubter que les affaires se conduiront de sorte que Sa Majesté se pourroit, cyaprès, trouver bien empeschée pour les remédier, ou du moings qu'ilz s'accorderont sans nous. Ce nonobstant ne deffauldrons de suyvre, avecq toute dilligence, Tintention de Sa Majesté et la vostre. Atant etc.

1560. — Avril après Pâques.

la duchesse de parme a philippe ii.

[A7ïgleterre. — Reg. XXI. )

État de la négociation conduite en Angleterre par M. de Glajon et l'évêque d'Aquila. — Peu d'espoir d'amener à un accominodenicnt la Reine d'Angleterre, qui y met pour première condition la restitution de Calais. — Confiance que prend Elisabeth des troubles de France et de ses intelligences en Allemagne avec les princes protestants. — Craintes manifestées, par les marchands anglais, d'une rupture entre l'Espagne et l'Angleterre. — Lettre que leur aurait écrite le secrétaire Cecil pour les engager à vendre leurs marchandises et à quitter les Pays-Bas. — Inquiétudes manifestées à leur tour par les marchands d'Anvers, que la Duchesse s'est efforcée de rassurer. — Appréhensions de la duchesse de Parme du côté de la France. — Crainte que cette puissance, venant à s'arranger avec Elisabeth, ne tourne ses armements contre les Pays-Bas; ou bien que, si les Protestants, aidés par Elisabeth, viennent à triompher, ils ne forment avec cette princesse une ligue contre le Roi d'Espagne. — Instances pour qu'au milieu de circonstances si graves, Philippe II prenne des mesures afin de subvenir à l'extrême pénurie dans laquelle se trouve la Gouvernante des Pays-Bas.

Monseigneur, Yostre Majesté verra par les dépêches du seigneur de Glajon en compaignie de Tévesque deTAquila, qui vont avecq ceste, en quelz termes se trouve la négociation que Yostre dicte Majesté a enchargé audict seigneur de Glajon, et la résolution prinse par la Royne d'Angleterre de passer oultre avecq les armes, aïant desjà joinct son armée avec celle des rebelles, et combien loing Ton est de povoir espérer que, pour maintenant, elle se rende traie table en Taccord, puisqu'elle mect en avant pour premier poinct d'icelluy la restitution de Calaix. Et semble bien quelle fait fondement sur Testât présent de France et sur ce quelle peult avoir entendu des mouvements et troubles qui y

1560 INTERVENTION DE l'ESPAGNE. Ii9

sont; et Dieu doint que davantaige elle ne se fourcompte avecq Tespoir qu'elle peult avoir fondé sur les praticques et intelligences qu'elle tient en Allemaigne par le moyen d'aucuns, faisant ce qu'elle peult pour induire les princes desvoyez de nostre religion affin quilz se joignent avecq elle pour l'assister, leur persuadant que ce que l'on veult la traveiller du costel de France soit pour l'évangile, et leur mectant en avant que la persécution que souffrent les rebelles d'Escosse soit à l'occasion de la relligion.

Et, certes, voïant le discours qu'elle fait et ce qu'elle oze, je ne suis, comme Vostre Majesté peult penser, sans grande paine; et, signament, parceque les marchans anglois qui sont par deçà vendent leurs marchandises et en retirent ce qu'ilz poeuvent et s'en retournent en Angleterre sur les lettres que, comme aucuns dient, le secrétaire Secil leur doibt avoir escript. Sur quoy, aïans aucuns marchans des nostrcs, qui traficquent en Angleterre, requis à ceulx de la ville d'Anvers de les advertir de ce qu'ilz auroient à faire, et mesmes s ilz se retireroient aussi, et si la guerre estoit ouverte, il m'a semblé requis faire déclairer auxdictz d'Anvers ce que passe, pour éviter que ceste oppinion de guerre entre Vostre Majesté et ledict Angleterre ne causast quelque mauvaise humeur, et qu'à l'exemple des voysins aucuns ne procurassent par deçà quelque mouvement; car les jugemens sont divers et les actions des François passées donnent souffisant argument pour soubchonner qu'ilz ne procèdent avecq la sincérité en laquelle, avecq raison, ilz deveroient correspondre à Vostre Majesté. Aucuns tombent en double que se trouvans armez de leur costel, et de l'aultre part la Royne d'Angleterre, ilz ne fiscent quelque accord pour se ruer sur ce pays et s'apoincter aux despens de Vostre Majesté. Et, combien que l'on ne voit les affaires desdictz François disposéez, qui soit apparent qu'ilz doibvent avoir envie de chercher nouveaulx troubles, si ne laisse-t-on de craindre tout en Testât où nous sûmes icy, et mesmes que les troubles de France, qui ne sont pas bien appaisez, ne se renforcent, et que, y ayant, comme l'on soubçonne, ladictc Royne

d'Angleterre part, si ceulx qui rebellent et mutinent se faisoient supérieurs, aysément se pourroient joindre iceulx avecq ladicte Royne d'Angleterre contre nous, et de mesmes ceulx avecq qui elle a correspondance en Allemaigne; lesquelz, jaçoit ilz ne fâchent (^) pour le présent aulcun mouvement, si avoient-ilz part en Tesmotion de France, et est apparent que si elle fust passée avant f ), ilz n'eussent failly de se lever pour faire leur proffit des troubles présens. Par où je ne puisse délaisser de supplier à Yostre Majesté qu'elle voeulle considérer Testât où nous sommes et ce que je luy ay escript des nécessitez auxquelles nous sommes, n'ayant les finances de Vostre Majesté par deçà crédit quelconque ny moyen de recouvrer des marchans quoy que ce soit dont l'on se puisse servir, estans les aydes entre les mains des Estatz, sans que lesdictos finances aient maniance d'ung seul denier. Par où, comme Vostre Majesté voit, s'il venoit une nécessité, soit de troubles dedans le pays mesmes ou émotions d'aucuns des voisins, nous n'aurions force quelconque pour nous povoir ayder si Vostre Majesté ne nous donne quelque moyen; à laquelle je supplie que, puisque par les lettres dudict seigneur de Glajon et évesque de l'Aquila elle verra ce que passe, il luy plaise prendre détermination telle qu'elle verra convenir à ses affaires, et que, pour nous asseurer, et aussi pour satisfaire à ce qu'il vous plaira nous commander, et encoires pour nous donner moyen de vivre et affin que nous nous puissions soubstenir et éviter que noz voisins, imitez par nostre nécessité trop grande, ne nous meuvent la guerre, il luy plaise nous secourir de quelque provision. Et ce pendant, et en attendant ce que Vostre Majesté commandera plus avant audict seigneur de Glajon, pour satisfaire à ce qu'il me demande, comme ayant responce des Anglois, actendant la résolution de Vostre Majesté, il se debvra conduire, je luy escrips et audict évesque de l'Aquila. Et me recommandant très humblement à la bonne grâce de

(') C'est-à-dire quoiqu'ils ne fassent pour le présent, etc.

(') Celte partie de la lettre se rapporte a la conjuration d'Amboise, réprimée par le duc de Guise.

Vostre Majesté, je prie le Créateur donner à icelle toute prospérité, bonne vie et longue. Do Bruxelles, le jour d'apvril 1560 après Pasques.

1560. — 4 Mai.

EXTRAIT D'UXE LETTRE DE M. DE CHANTONNAY {*) A l'ÉYÊQUE D'aRRAS.

{Angleterre. — Reg. XXI.)

Conversation entre l'ambassadeur et le cardinal de Lorraine au sujet de l'Ecosse. — Faits avancés par le Cardinal relativement aux conventions arrêtées entre le roi de France Henri II et les ambassadeurs écossais, lors du mariage de Marie Stuart avec le Dauphin. — Doutes émis par l'ambassadeur sur la sincérité de ces assertions.

Devisant avec Monsieur le Cardinal de ces affaires d'entre le Roy très chrestien et la Royne d'Angleterre, il m'est venu en propos de luy dire que les Escossois disoient n estre rebelles, mais que seullement ilz demandoient l'observance des traictez et conventions faictes au temps que l'on accorda le mariaige entre le Roy très chrestien et la Royne sa femme; luy remonstrant, par manière de devises, que les Escossois disoient qu'ilz debvoient estre gouvernez par ceulx de leur nation, et de mesmes debvoient avoir charge des forces du pays. — Monsieur le Cardinal me respondit, selon que jà il m'en avoit fait le discours une fois au commenchement de mars passé, que les commis d'Escosse au fait dudict mariaige, entre lesquels estoit le duc de Chastellerault, père du conte d'Haran, firent instance au feu roy Henry que le royaulme d'Escosse, dès lors pour tousjours, fut adjoinct à celluy de France, y eust enffans dudict mariaige ou non, et que la couronne d'Escosse fut incontinent transportée à S' Denys, afin que, couronnant le Roy de celle de France, il fût aussi couronné de celle d'Escosse, et vouloient que les escussons de France fussent escartelez de France et Escosse. Ce que le feu roy Henry ne volut accorder, et faisoit instance que ledict

(!) Thomas Perrenot de Cbantonnay, ambassadeur de Philippe II en France.

12^ INTERVENTION DE l'ESPAGNE. 1560

royaulme demeura à la disposition du Roy son fils et de sa femme pour en faire le partaige d'ung segond filz, si bon leur sambloit. Lesdictz commis suivoient tousjours leur première opinion et ledict feu Roy persista que les armes de France ne povoient estre escartelées; et lors leur fut proposé, pour expédient, que le Daulphin, qui lors estoit, porteroit avecq les siennes celles d'Escosse, jusques à ce qu il seroit roy de France. Et faisant difficulté les commis à ce poinct, leur fut commandé par la Royne leur maistresse de se contenter à tant. Et requirent davantaige et obtindrent que d'icy en avant tous les roys de France seroient roys d'Escosse, et le Daulphin s'appelleroit Roy-Daulphin; par oij, et la réquisition du transport de la couronne, y eust enffant ou non de ce mariaige, le royaulme d'Escosse demeuroit avecq celluy de France. Et pour ce que, à cause des passions particulières que les Seigneurs d'Escosse ont entre eulx, ne povoient souffrir préférence des ungs sur les aultres, ils requirent que dMcy en avant Testât du royaulme et les forces fussent conduictz par François.

Et comme je monstray d'estre esbahy qu ils fussent tant ennemys d'eulx-mesmes et de la suite de la ligne royale, ledict Car" dinal me dict qu'il me bailleroit extraict et copie autenticque de ce que dessus; et appella TAubespine et luy commanda d'en faire faire copie, laquelle ne m'est encoires délivrée. Certes difficilement je le croiray que je ne le voye bien attesté. — Du iiii^ de May 1560.

1560. — 8 Mai.

M. DE QLAJON ET l'ÉYÈQUE d'aQUILA A LA DUCHESSE DE PAEME. (^Ànglclerre. — Deg. XXI.)

Conférence des deux ambassadeurs avec l'amiral Clinton, le docteur Wotton et le secrétaire Cecil. — Examen des réclamations faites par les sujets espagnols qui a été le prétexte de cette conférence. — Intention des conseillers anglais d'en profiter pour communiquer aux ministres espagnols leur mémoire en réponse à la protestation de M. de Seurre. — Demande adressée au secrétaire Cecil par M. de Glajon et son collègue, pour savoir si c'est à titre de médiateurs entre la France et l'Angleterre qu'on leur fait cette communication. — Feint étonnement du secrétaire Cecil à cette question. — Sa déclaration qu'il va en référer à la Reine, sa maîtresse. — Conviction des ambassadeurs que la Reine d'Angleterre n'a nul désir de l'intervention de l'Espagne.

Madame, depuis noz dernières du vi" de ce moys avons hier receu celles de Yostre Althèze du premier du mesme; et, pour ce que par noz dictes dernières Vostre Altlièze aura entendu nostre besoigne avecq la Royne, ne dirons icy aultre cliose fors que es communications et aultres devises particulières que s'oflYiront avecq ladicte dame lloyne et ceulx de son Conseil ne délaisserons d'encheminer ce quavons desjà par plusieurs fois fait, conformément à Tintention de Sa Majesté et à la vostre, oires qu il a semblé à Tambassadeur de Seure et au conte de Roussy (fung des hostagiers) que nous devons contenter de l'office et bon debvoir jusques à oires en ce par nous fait, sans plus la importuner ny les siens, de paour de la rendre plus dure et obstinée en son propoz; et attendre si d'aventure d'elle- mesmes elle vint à recognoistre sa faulte et requérir nostre ayde et assistence pour la redresser. Ce que doubtons bien elle ne fera jamais, n'est qu'elle soit à ce pressée et nécessitée : car nous semble (si comme desjà assez de fois avons escript à Yostre dicte Althzèe) qu'elle ne désire en ce nostre intervention, comme aussi ne font les François par leur propos susdict, pour non attribuer cest honneur à Sa Majesté. Ce que hier nous sommes plus évidamment apparceu en la communicquation qu'avons eu avecq l'admirai Clinton, le docteur Wotton et le secrétaire Sicel, lesquelz, soubs ombre de

besoigner avecq nous sur les doléances des subjetz de Sa Majesté' se sont tournez vers nous, et, après longue communicquation sur ce, avant partir nous ont volu faire lecture de la responce que ladicte dame Royne avoit fait dresser sur la protestation dudict de Seure (^); à quoy, à nostre adviz, tendoit plus leur dicte venue que pour envyce qu'ilz eussent de besoigner aultre chose avecq nous. Et, pour ce que icelle estoit assez prolixe, pour non nous attédier par sa longue lecture (si comme ledict Sicel nous dit), il nous voloit lire seullement la conclusion d'icelle. — Sur quoy luy avons demandé à quelle fin et intention il nous entendoit faire ladicte lecture, assavoir si par forme de tesmoings et pour nous rendre compte du bcsoigne de ladicte Royne avecq icelluy de Seure, ou pour le désir qu'elle avoit de nostre intervention, pour en advertir le sieur Garcillasso de la Vega (^), et pour par luy faire entendre au Roy très chrestien ses excuses et doléances pour regarder de moyenner les différens d'entre icelle Dame et ledict seigneur Roi, comme, par nostre dernier recèz, luy avions à ce offert nostre office, et ladicte Royne sur ce nous avoit dit que, aïant eu nouvelles d'Escosse (lesquelles elle nous feroit sçavoir), elle nous feroit sur ce entendre aussi son intention? — A quoy icelluy Sicel, faisant l'esbahy, nous dit que de ce il n'avoit riens entendu de ladicte Royne, et qu'il avoit eu seullement charge de nous faire ladicte lecture, veu que par ladicte responce icelle Royne en fairoit juge Sa Majesté, et que d'aultre intention de ladicte Dame il ne sçavoit à parler, mais que voluntiers luy en parleroit; nous donnant aussi entendre que, à l'instant de sa venue vers nous, ledict de Seure avoit esté vers ladicte Royne et l'adverty de la venue vers elle du frère de Monsieur de la Rochefoucault (^) avecq plaine commission d'accorder avec elle, et que, à ceste fin, il estoit arrivé à Bouloigne, et que pour sa seureté il avoit requis lettres de saufconduict, les-

(') Voyez ce mémoire, intitulé Responsîim ad protestalionem, etc., § XXXVII, p. 21. (•) Don Gareilas de la Vega venait d'être envoyé en France, comme aml)assadeur extraordinaire, avec une mission analogue Si celle que M. de Glajon remplissait en Angleterre. (•) M. de Uandau (Voyez la dépêclie suivante).

quelles ladicte Royne luy avoit incontinent (toute joyeuse) fait dépeschcr et mesmes aucuns de ses navires pour plus asseurer sa personne. De sorte que nous présumons que, devant la venue du personnaige susdict, elle temporizera avecq nous si d'aventure ilz se pourroient accorder par ensamble sans aultre ayde; que Dieu vœulle ! Et si nous a dit aussi ledit Sicel que desjà ilz fussent esté tout d'accord si Tévesque de Yalence en eust eu plaine commission, dont avons bien volu advertir Vostre Althèze par cestes, affin de luy donner continuellement advertence de ce que se passe icy.

1560. — 13 Mai.

M. DE GLAJON ET l'ÉVÊQUE d'aQUILA A LA DUCHESSE DE PARME. [Angleterre. — Heg. XXI.)

Invitation aflressce par la Reine d'Angleterre à M. de Glajon et à l'évoque d'Aquila de se rendre auprès d'elle. — Communication qu'elle leur a faite au sujet des négociations entamées entre les Écossais et l'évêque de Valence. — Plaintes contre la mauvaise foi de l'évêque, qui use de subterfuges pour gagner du temps. — Irritation causée parmi les Écossais par une telle conduite, qui a indigné la Reine d'Angleterre. — Son peu d'espoir en la venue de M. de Randan, qui est cependant annoncé comme porteur de pleins pouvoirs pour arranger les différends. — • Bases de l'accommodement qu'elle désirerait conclure par l'intermédiaire des ministres espagnols. — Déclaration de ceux-ci qu'ils consentent à interposer leur médiation, pourvu que la Reine d'Angleterre leur fasse délivrer par écrit les quatre articles par elle proposés. — Réponse d'Elisabeth, qui a différé la remise de ces articles jusqu'à l'arrivée de M. de Randan. — Opinion des plénipotentiaires, que ni la Reine d'Angleterre ni les Français ne désirent leur intervention. — Nouvelles d'Ecosse. — Échec éprouvé devant Leith par les Anglais. — Soin que met Elisabeth à augmenter ses forces de terre et de mer. — Appréhensions inspirées aux ambassadeurs par l'état des affaires d'Angleterre. — Préparatifs de départ faits par le comte de Flekenstein, auquel Elisabeth a déclaré son intention de ne pas se marier. — Arrivée à Londres de l'évêque de Valence. — Communication qu'il a donnée aux ambassadeurs sur la cause de la rupture des négociations avec les Écossais. — Renfort de 6,000 hommes envoyé par Elisabeth en Ecosse. — Levées que ses agents font pour elle en Allemagne.

Madame, jeudy dernier, sur le soir, le secrétaire Sicel nous manda dire que la Royne désiroit, lendemain à nœuf heures, parler à nous. A laquelle heure nous trou vans vers elle, elle nous coramencha à dire que, combien elle avoit différé d'accomplir sa

i26 INTERVENTION DE L'ESPAGNE. 15G0

promesse, qu'elle nous avoit fait le premier jour de ce mois, si ne Tauroit-elle mis en oubly, assavoir que, quant elle auroit eu nouvelles d'Escosse de la négociation et succès de l'accord qu'estoit en train entre la Royne douayrière d'Escosse et l'évesque de Valence d'une part, et ses ministres et les Escossois d'aultre, nous feroit entendre son intention sur la présentation et offre que luy avions fait de nous employer très volontiers pour procurer, par la voye de D. Garcillasso de la Yega, la mectre d'accord avecq le Roy très chrestien, en luy faisant remonstrer par ledict Garcillasso sa demande. Dont, pour satisfaire à sa dicte promesse, ayant puis naguaires esté advertie de la négociation susdicte, nous avoit, avant toutes choses, bien volu faire entendre les finesses et mauvaise foy usées par ledict évesque avecq ses dictz ministres, estant au camp audict Escosse; lequel, pour les abuser de parolles et gaigner temps à son advantaige, soubz umbre et faintise de vouloir accorder, après certaines remonstrances auroit proposé certaines conditions et articles pour pacifier leurs différons ; lesquelles estans en termes pour conclure, icelluy évesque, estans requis de leur exhiber sa commission, auroit déclairé que ladicte Royne douayrière avoit la commission; laquelle, estant sur ce requise, auroit respondu qu'elle nen avoit nulle. Dont il auroit plus que jamais merveilleusement indigné et irrité les cœurs et bonnes voluntés desdictz Escossois, n ayans aultre désir que d'eulx rendre très obéissans subjectz et vasseaulx dudict sieur Roy très chrestien, moyennant que leurs privilèges et traictez fussent gardez et observez; de quoy aussi elle avoit conceu ung merveilleux déplaisir, se voyant ainsi mocquée des ministres d'icelluy sieur Roi; et veu (comme luy sembloit) qu'il n'y avoit espoir ny apparence de, par la voye desdictz ministres icy, pouvoir parvenir à quelque accord ny mesmes en la venue de Monsieur de Randan, frère à Monsieur de la Rochefoucault, gentilhomme de chambre dudict seigneur Roy, lequel l'ambassadeur de Seure luy avoit le jour précédent fait entendre estre arrivé à Rouloigne avecq plaine commission pour accorder leurs différons, en qui elle n'avoit non plus de con-

fidence que es aultres ayans jusques à présent esté vers elle, désiroit bien de se servir de nostre dict offre, nous déclairant que, pour appaiser tous lesdictz différons, elle estoit preste et contente de faire retirer ses gens et camp hors du dict Escosse, et de faire rendre le royaulme d'Escosse subject et obéissant audict seigneur Roy très chrestien, si premièrement ledict Roy en feit retirer tous ses gens de guerre françois y estans, en délaissant les forteresses et gouvernement du pays aux naturels d'illecq, à son choix et bon plaisir, en suyvant les privilèges et traictez par cydevant faictz, et de ne poinct les molester, vexer ny aucunement inquiéter pour le passé; puisque aultrement elle ne se pourroit jamais asseurer de luy que quelcque jour (tenant lesdictes forteresses en ses mains) il n'y envoyast autant de gens de guerre que bon luy sembleroit, pour, du costel dudict Escosse, envahir son dict royaulme d'Angleterre. Secondement, faire cesser incontinent toutes les apprestes de guerre qui se faisoient à présent en France et casser les gens de guerre que desjà Ton y pourroit avoir fait lever ou ailleurs. Tierchement annuler le title et armes dudict Angleterre par luy usurpez, et révocquer et mectre au néant toutes les lettres patentes intitulez ou scellez desdictz title ou armes. Et quartement, par la faveur et assistence de Sa Majesté, la faire réparer de l'injure à elle inférée par l'usurpation desdictz titles et armes, et la récompenser des despens que, à l'occasion susdicte, il luy a convenu faire; requérant que desdictes conditions vouldrions advertir ledict sieur Garcillasso de la Vega à la fin susdicte. Ce que voluntiers avons accepté de faire et de nostre part y rendre aussi tel debvoir que nous seroit possible, moyennant qu'il luy pleust nous donner lesdictz articles par escript. Et, combien elle estoit contente les nous faire incontinent délivrer, si est-ce que nous luy demandions à quoy pourroit proffiter ledict advertissement, puisque icy elle avoit desjà traicté pour accorder, et mesmes actendoit à ceste fin la venue dudict seigneur de Randan? — Ayant sur ce quelque peu consulté avecq ledict Sicel, nous dit qu'il luy sembloit bon différer encoires pour quelques jours l'cnvoy desdictz articles audict Garcillasso

128 INTERVENTION DE l'ESPAGNE. 1560

de la Vega, tant qu'elle eust entendue la charge et commission dudict de Randan, si d'aventure, sans aultre intention, elle se pourroit accorder avecq ledict seigneur; et, en cas que non, elle nous feroit délivrer iceulx articles par escript pour le debvoir susdict. Ce que jusques à présent (non estant encoires arrivé ledict de Randan) elle n'a fait.

En laquelle communication avons, à nostre acoustumé, toujours insisté affm qu'elle voulzist faire retirer ses gens hors dudict Escosse et se tenir en termes de deffense tant seullement. Sur quoy, sans nous respondre aulcune chose, nous a seullement déclairé qu'elle avoit grand désir de pouvoir sur cest affaire communicquer en sa propre personne à Sa Majesté ; et, à ceste fin, si le chemin luy fut seur et ouvert, ne fauldroitse transporter vers Sa dicte Majesté, en habit desguisé, au Pays-Bas.

Et si nous semble. Madame, comme aultres fois avons escript à Yostre Altèze, que la Royne ni les François désirent en riens nostre intervention, et pour tant ce que avons jusques cires avecq elle fait n'a esté à aultre fin fors de luy démonstrer nostre bonne volunté et le désir que Sa Majesté a que la paix commune ne soit troublée.

Samedy dernier sont arrivez icy certains courriers du camp d'Escosse par lesquelz l'on entend que, mardy dernier, les Anglois avoient donné ung assault à la ville de Lyt et qu'ilz en avoient esté bien bravement repoussez, avec perte de plus de xv cent personnes; et que les François avoient sailly sur eulx estans en tel désordre qu'ilz aient encloué partye de leur artillerye, de sorte que lesdictz Anglois ont esté constrainctz retirer leur camp en arrière, et si ont-ilz adverty ladicte Royne qu'ilz n'ont espoir prendre ladicte ville par forche (^). Lesquelles nouvelles l'ont tient icy si secrètes que l'on ne peult riens sçavoir à la vérité des particularitez et les dissimulent en tout ce que leur est possible. Et si fait ladicte Royne tout son extrême debvoir pour se renforcher tant par mer que par terre, et soubzchonons que,

(') Celte affaire eut lieu le 3 mai (Voyez la pièce suivante).

vendredy dernier, quand elle nous manda, elle en debvoît desjà avoir eu les nouvelles, d'aultant que la trouvions de meilleure sorte que n'avions fait auparavant; et si nous semble que les affaires de ce royaulme tendent à très mauvais termes, dont est à craindre que, si à ladicte. Royne advenoit quelque malheur ou adversité, concurrant avecq ce la dissention de ce royaulme, que les Franchois, en cas qu'ilz aient leurs forces ensamble, si comme l'on dit qu'ilz en font grandes apprestes, pourroient de brief mectre les choses d'icy en telz termes qu'elles seroient irréparables et que l'on n'y viendroit jamais à temps.

Le conte de Elfestenn print congé de ladicte Royne; de laquelle il a esté assez voluntairement et sans difficulté licencié, en luy aïant donné à entendre, comme aultrefois, qu'elle n'avoit intention de se marier; dont ledict conte fait ses apprestes pour s'en partir de brief.

Aussi part demain d'icy le duc de Holst pour s'en retourner, prenant son chemin par Anvers, si comme il nous a dit.

L'évesque de Valence arriva en ceste ville de son retour d'Escosse samedy dernier; vers lequel, ayans par luy esté advertiz de son arrivée, avons ce jourd'huy envoyé par deux fois pour luy rendre compte de nostre besoigne avecq la Royne et luy offrir nostre ayde et assistence pour procurer quelque paix, s'il nous fut possible. Dont il nous a fait remerchier, et, en récompense de ce, fait entendre que la cause que l'accord par luy traicté en Escosse ne soit allé avant n'a tenu à fauUe de commission, comme ladicte Royne nous avoit fait entendre, comme, à ce matin, il avoit bien donné à congnoistre à icelle Royne, en la présence du gentilhomme anglois qui, de la part de ladicte Royne, avoit esté présent audict traicté, et que les trois poinctz que lesditz Anglois avoient de leur part demandé, il leur avoit accordé, assavoir : qu'il feroit tirer tous les gens de guerre françois hors du Petit-Lyt, et desmolir ledit Petit-Lyt; sans qu'il nous a volu déclairer le troisiesme poinct; mais que sur les cincq, présentez de la part dudict sieur Roy son maistre, assavoir : qu'ilz se voulzissent départir de la confoedération par aulx T. n. 9

faicte avec ladicte Royne, que, ayant tenu sur ce communication, ilz n'y avoient voulu consentir, ains, sans oyr les aultres poinctz, mandé que se eust à retirer, comme il a fait, et estoit délibéré, à la requeste de l'ambassadeur de Seure, attendre icy la venue dudict sieur de Randan et dépescher ung courrier devers ledict sieur Roy pour luy donner advertence de son besoigne audict Escosse.

Atant, Madame, nous recommandant très humblement à la bonne grâce de Yostre Altèze, prions le Créateur donner à icelle, en santé, bonne vie et longue. De Londres, le xiii^ jour de may 1560, à dix heures du soir.

Après cestes escriptes avons esté advertiz que, à l'assault cydessus mentionné, les Anglois ont du tout esté deffaictz et perdu leur artillerie, et la Royne, à ceste cause, a fait marcher vers Escosse VI. M. piétons, dont par nos dernières avons escript à Yostre Altèze, actendu que la plupart de ceulx qui s'estoient trouvez au camp s'en sont enfuyz, bleschez ou morts. Combien que de ce n'avons telle certitude que le puissions du tout asseurer, si est-ce que la perte ne peult estre sinon très grande, et nous fait mal soubzchonner puisque les François le dissimulent enthièrement.

La cause du subit parlement du duc de Holst est, comme entendons, pour amener au service de la Royne trois régiments de piétons.

Les apprestes qui se font icy, dont avons parlé ci-dessus, sont très grandes, et mesmes l'on y a fait arrester plusieurs navires des subjetz de par delà pour s'en servir en ceste guerre.

i560 INTERVENTION DE l'eSPAGNE. 131

I5C0. — 13 Mai.

LETTRE ADRESSÉE PAR UN AGENT FRANÇAIS (') EN ECOSSE A MARIE STUART OU A CATHERINE DE MÉDICIS.

{Â7igleterre. Reg. XXI.)

Vains efforts tentés par les Anglais et les Écossais rebelles pour s'emparer de Leith. — Ravages qu'ils ont commis sur les terres de l'Église en Ecosse. — Heureuses sorties faites par les assiégés, dans lesquelles l'ennemi a perdu plus de 1,500 hommes. — Échec complet que les Anglais ont éprouvé lors de l'assaut donné par eux le 3 mai. — Préparatifs d'une nouvelle attaque pour le 12. — Impatience avec laquelle on attend en Ecosse le secours que le Roi doit y envoyer. — Relie sortie faite par M. de Martigues. — Entraves éprouvées par M. de Valence dans sa négociation.

Madame, il y a ce jourd'huy huict jours que je suis sorty de Petit-Lict pour vous advertir en quel estât sont les affaires de delà pour le présent; et, pour ce que je me trouve mal disposé d'une fièbvre et que je ne puis aller rendre compte au Roy et à vous de ma charge si tost que je désirerois, j'ay advisé de vous escripre cependant comme les choses sont passées en Escosse, vous advisant que, jusques à l'heure de mon parlement, les Anglois et les rebelles n'avoient prins aucune place, mais bien fait grand dommhaige aux terres de l'Église, ainsi que vous tesmoigneront trois ou quatre bons religieulx que j'en ay amené avecq moy. Au surplus, depuis le deuxiesme d'apvril que leur camp tient Petit-Lict assigé, il leur a esté fait par plusieurs fois diverses saillies où ilz n'ont pas eu le meilleur, y estant mort, à mon jugement, plus de quinze cents hommes jusques au jour de mon parlement, qui fut dimenche cincquiesme de ce mois. Et le vendredy auparavant, troisiesme dudict mois, lesdictz Anglois, aïans battu de xxiiii pièces, donnèrent un assault qui dura depuis unze heures du soir jusques à deux heures après mynuict, faisans

(') M. L. Paris, Négociations relatives au règne de François II, p. 373, a pulilié un double de cette lettre adressée au duc de Guise et au cardinal de Lorraine, et qu'il atlrilme par erreur à M. de Glajon. M. de Glajon, ambassadeur extraordinaire d'Espat'nc auprès d'Elisabeth, n'alla jamais en Ecosse ; et d'ailleurs le texte même de la lettre suffit pour prouver qu'elle a été écrite par un officier ou un agent français.

132 INTERVENTION DE l'ESPAGNE. 15C0

lesdictes nuictz maintenant aussi clair que du jour, là où lesdictz Anglois et Escossois luthériens perdirent environs trois cens hommes et y furent repoussez vivement. Hier, qui est le douziesme, ainsi que nous avons sceu d'ung prisonnier, ilz debvoient donner ung aultre assault, là où ilz vouloient employer les navires qu'ilz ont en ceste coste jusques au nombre de trente, m'asseurant que Dieu leur aura donné aussi mauvaise issue que du premier. Les gens de bien, obéissans à Dieu et à leur prince en Escosse, s'esbahissent que le Roy ne haste le secours contre une si malheureuse entreprinse qu'est celle de la Roy ne d'Angleterre. A quoy je vous supplie, Madame, penser pour le service de Dieu et du Roy, et estes asseurée que, quand le secours approchera, qu'il y a grand nombre de bons subjectz qui feront bien leur debvoir. Monseigneur de Martigues se porte bien et s'acquitte encoires mieulx de sa charge. Le lundy de Pasques il fut maistre de leurs tranchées depuis neuf heures du matin jusques à midy, gaingna deux enseignes et encloua quatre de leurs pièces. Je croy que vous estes davantaige advertie que, soubz couleur de la négociation de Monseigneur de Valence, ilz pensoient surprendre quelque place en Escosse. Hz l'ont longtemps retenu sur la frontière et depuis laissé entrer en Escosse où il a parlé à la Royne régente dedans le chasteau de Lislebourg, et s'est assamblé depuis avecq lesdictz Anglois et rebelles pour faire quelque appointement, mais lesdictz Anglois ont tout troublé, et s'en est allé d'Escosse par force et par leur commandement au commencement de ce mois.

1560. —Mai.

philippe ii a la duchesse de parme (*).

[Angleterre. Beg. XXI.)

Communications faites à Philippe II par M. de Limoges. — Disposition à entrer en arrangement témoignée par la Reine d'Angleterre. — Ambassadeur extraordinaire envoyé par François II en Angleterre. — Projet d'une conférence dans laquelle ce prince désire voir intervenir les commissaires espagnols. — Somnvition adressée en même temps au Roi d'Espagne de fournir, si l'on ne parvient pas à un accommodement, les hommes et les vaisseaux qu'il a promis. — Désir manifesté par Catherine de Médicis d'avoir une entrevue avec le Roi d'Espagne. — Adhésion de Philippe II aux demandes du Roi de France. — Nécessité de remettre à une époque ultérieure l'entrevue demandée par Catherine de Médicis.

Madame ma bonne sœur, Tévesque de Lymoiges, ambassadeur du Roy de France, m'a escript depuis mon parlement de Tolède une lettre et une aultre au duc d'Alve, assez en la mesme conformité, contenant en sommaire que, sur la proteste que le seigneur de Seure, ambassadeur pour ledict Roy en Angleterre, auroit fait à la Roy ne dudict Angleterre de rupture de paix, ladicte dame et ceulx de son Conseil luy auroient fait déclairer que, si ledict seigneur Roy trouvoit bon, qu'elle feroit suspendre l'exécution que l'armée d'Angleterre avoit entreprins, tant que Ton eust veu s'il y auroit moyen d'accord, estans contons que de part et aultre députez s'assemblassent en lieu certain pour y mectre une fin et prendre quelque bonne résolution. A quoy ledict seigneur Roy son maistre se seroit bien volu accomoder, et que jà il auroit renvoyé en Angleterre pour accorder du lieu et du temps que les députez s'assembleroient, désirant que ce fut ung lieu neutre, et requérant, de la part dudict seigneur Roy, qu'en ceste assemblée je voulzisse faire trouver quelc'ung de mes ministres pour médiateurs, et que je vous en voulzisse escripre une lettre affin de les envoyer promptement; et pour le second poinct, qu'il me sommoit de ma promesse, en cas qu'il n'y eut moyen d'accord, affin que vous baillissez navires et gens de guerre

(') Comparez cette lettre k la Lettre écrite par François U à M. de Limoges, le 21 mai (L. Paris, Héffociations sous François U, p. 377).

134 INTERVENTION DE l'ESPAGNE. 1560

pour la deffense d'Escosse ; et pour le troisiesme (dont il parle seuUementen la lettre dudict ducd'Alve) que la Royne douayrière de France désiroit sçavoir le temps et le lieu auquel elle me pourroit veoir, — Sur quoy je luy ay fait respondre de bouche : que ce m'estoit grand plaisir d'entendre par sesdictes lettres que les choses comnienchions à prendre chemin de pacification, qu'estoit le but où j'avois tousjours prétendu, comme il avoit peu entendre par toutes mes actions, et que volontiers je vous escripverois, selon la requeste dudict seigneur Roy son maistre, d'envoyer incontinent de mes ministres au lieu que seroit advisé pour y faire tout office de bon médiateur, et ne voulois doubler que ceulx que s'y entremetteroient, congnoissant la sincère intention que j'ay au repos publicque, n'oublieront chose que puisse servir de mon costel pour adobber et pacifier le tout. Et quant au second poinct, de Tassistence de batteaulx et gens de guerre au cas qu'il n'y eust moyen d'accord, qu'il se povoit souvenir de tout ce que le duc d'Alve lui en avoit dict de ma part, et que en cela n'y auroit faulte. Et au troisiesme poinct, luy sera aussi dit de par ledict duc d'Alve que ladicte Madame Royne mère se povoit asseurer que je n'ay moindre envye et désir de la veoir semblablement, et que j'avois bien espéré que à mon allée prochaine au royaulme d'Aragon l'occasion et conjuncture s'y adonneroient quelque jour, mais que j'avois en ce quartier affaires si importans que je ne veois point que de cet esté il soist possible que j'y alasse, et d'autant que une des causes de mon allée audict royaulme d'Aragon seroit pour faire jurer le prince mon filz, qui, pour son indisposition de la fiebvre carte dont il est traveillé, ne peult encoires voiaiger; par quoy il est force que je remette et ledict serment et toutes aultres choses, qui tant requirent que j'y voise tost, jusques à quelque aultre temps, et qu'il me desplaist que pour ces mesmes empeschemens il fault que l'entrevue tant désirée de deux costelz soit aussi différée jusques à ce qu'il plaira à Dieu nous en donner meilleur moyen.

Or, Madame ma bonne sœur, il y reste à ceste heure que vous advisez incontinent sur les personnaiges qui vous sembleront

1560 INTERVENTION DE l'eSPAGNE. 135

plus ydoines et à propos pour cest office de moyenner, et que vous les envoyez, au temps et lieu qui à cest sera choisy, muniz de telle instruction que vous jugerez plus convenable, dont je me remectz enthièrement à vous. Et vous envoyé conforme à ce trois lettres où le nom et superscription sont laissez en blancq pour les faire remplir, desquelles vous vous pourrez servir ou de deux d'icelles s'il vous semble que deux soulTisent; et tant que Ton voye quelle fin prendra ladicte assemblée, il sera mieulx que le seigneur de Glajon demeure en Angleterre et Garcillasso de la Vega en France pour continuer les correspondences requises à la meilleure direction de Taffaire, ausquels j'escrips présentement ung mot en conformité, et envoyé audict seigneur de Glajon ung escript de ce qu'est icy passé entre le duc d'Alve et les ambassadeurs anglois, qui, comme contient la lettre dudict de Lymoges, me sont venus trouver. Duquel escript vous verrez la copie cy-joinct; et d'autant que depuis j'ay receu la lettre dudict de Lymoiges et consenty à l'envoy de médiateurs comme dessus, j'ay bien volu faire aussi advertir lesdictz ambassadeurs anglois du mesme envoy, puisque la chose leur touche égallement.

Les deux aultres lettres, que j'ay icy fait joindre sans superscription, m'ont semblé se debvoir escripre aux députez d'une part et d'aultre, respectivement en crédence sur ceulx que vous commetterez de ma part pour médiateurs.

Au demeurant, me semble que il sera bien que s'accordant du lieu où l'assemblée susdicte se debvra faire, si les parties désirent que ce soit en mon pays, l'on regarde qu'elle ne se tiegne en lieu fort de la frontière où leur hantize pourroit causer quelque danger de ladvenir. A tant, eic.

De Aranjuez, le de May 1560.

136 INTERVENTION DE l'eSPAGNE. 1560

1560.— 15 Mai.

LA DUCHESSE DE PARME A M. DE GLAJON ET A L'É"VÊQUE d'aQUILA. {Angleterre. Beg. 11/.)

Conféronce entre M. de Chantonnay et don Garcilas de la Vega, sur les affaires de France et d'Angleterre. — Communication qui leur a été donnée des instructions et de toutes les dépêches de M. de Glajon. — Approbation des conseils donnés par M. de Glajon à la Reine d'Angleterre, qui devrait profiter du bon état de ses affixires pour conclure un traité avantageux. — Conduite que doivent tenir les deux ambassadeurs, si on persiste à repousser leur médiation. — Efforts qu'ils doivent faire pour obtenir que le royaume d'Ecosse soit administré par dos Écossais. — Réserve qu'il leur faut observer jusqu'à ce que leur médiation soit réclamée positivement. — Bruit répandu en France de la prise de Leith, qui a motivé l'envoi de M. de Randan en Angleterre. — Mécontentement avec lequel le peuple et la noblesse de France verraient entreprendre une nouvelle guerre dans le seul intérêt de la maison de Guise. — Bruit répandu à dessein que le Roi allait se rendre sur les côtes de Bretagne et de Normandie pour activer les armements. — Avantages que les ambassadeurs pourront tirer de ce bruit, quoiqu'il n'ait rien de sérieux, afin d'amener la Reine d'Angleterre à un accommodement. — Témoignages de satisfaction adressés par la duchesse de Parme aux deux ambassadeurs pour l'activité qu'ils ont déployée dans leur négociation.

Messieurs, j'ay receu voz lettres de vi et viir" du présent, lesquelles Monsieur le conte de Hornes, qui est sur son parlement pour Espaigne, doibt porter au Roy mon seigneur, affin que par icelles Sa Majesté entende les progrès des choses de ce coustel-là, et aussi s'en envoyé copie au sieur de Chantonney, ambassadeur de Sa Majesté en France, pour communicquer le tout au sieur Garcillasso de la Vega, lequel, à ce que Ton entend par lettres dudict ambassadeur, estoit arrivé à cinq mille près de la court de France, et Taloit ledict ambassadeur rencontrer jusques à Loches pour communicquer avecq luy pendant que le Roy de France retournoit de la chasse, affin de, selon ce qu ilz adviseroient par ensamble, demander audience. Et estant advertiz par les copies que l'on a envoyé audict ambassadeur, tant par celle de l'instruction de vous seigneur de Glajon, que des lettres que tous deux m'avez escript et de ce que je vous ay respondu, et de tout ce que de ceste négociation nous est venu d'Espaigne, j'espère que de leur costel ilz iront secondant voslre besoigne et

15G0 INTERVENTION DE l'eSPAGNE. 137

serez de temps à aultre adverty de ce que nous viendra de là. — Si la Royne suivoit vostre advis, se servant de Toccasion et de la réputation en laquelle pour le présent sont ses affaires, elle pourroit traicter avantageusement avecq les François; et, si elle la laisse passer, comme très bien vous luy avez représenté, se trouvant les François prestz et elle jà exhauste, et rassemblant iceulx leurs forces, elle naura, à beaucoup près, si bon marcbé; et Dieu doint encoires qu'elle n y ayt du dommaige et qu il ne redonde sur nous. L'on ne perd pas beaucoup en ce que ses ministres ne vous ont délivré la copie de la response qu elle a fait au sieur de Seure, ambassadeur de France; et, puisque vous pensez quelle Taura envoyé au Roy, tant moings sera-t-il besoing que vous vous monstrez désireulx de Tavoir; et, si Ton la vous donne, je m'asseure bien que m'en ferez part.

Si ny ladicte Royne ny les François ont désire que, comme ministres de Sa Majesté, vous vous meslez de faccord, le mieulx sera de, le dissimulant, passer par ce qu ilz en vouldront faire, vous arrestant à toutes occasions vers Tune et l'aultre des parties de monstrer le désir que le Roy et vous, comme ses ministres, avez de, comme qu'il soit, les veoir d'accord et la Chrétienneté en repoz, et de le procurer, et qu'ilz congnoissent vostre promptitude pour vous y employer, s'ilz veuUent, et procurer tousjours de descouvrir, tant qu'il vous sera possible, quelz progrès pourra avoir la négociation, tenant tousjours regard que vous pourrez convenablement tousjours faire office dextrement pour faire tomber la chose à ce que, s'il est possible, du moings le royaulme d'Escosse soit administré par Escossois, comme il vous a esté escript, le fondant sur ce que iceulx Escossois prétendent ce leur avoir esté promis et asseuré lorsque le mariaige se traicta, et que, comment que soit que ce traicté s'observe, que scroit l'une des choses que autant conviendroit pour l'asseurance du royaulme d'Angleterre, actendu que, n'y mectant les François le pied, ledict royaulme n'a que craindre de ce coustel-là, et, y demeurant les François les plus fortz, on sera tousjours en craincte et doubte que quelque chose ne s'y meult.

138 INTERVENTION DE L'eSPAGNE. 1560

Sur ce point a touché quelque chose le sieur de Chantonney à Monsieur le Cardinal de Lorraine, comme vous verrez par Textrait d'une sienne lettre que va icy joincte (^), par lequel vous verrez ce que s'est passé entre eulx et la response que ledict Cardinal luy a donné, que semble à la vérité peu vray semblable, et tant plus pour estre ce poinct de tant d'importance que ledict Cardinal ait fait démonstration d'encharger expressément au secrétaire TAubespine d'en donner copie audict ambassadeur; il n'y a encoires satisfait. Et il est bien que vous entendez ce que passe, pour, s'il vient à propos, vous en povoir servir puisque aussi pourrez-vous faire semblant d'en riens sçavoir, si vous semble par le progrès de la négociation, pour mieulx encheminerla chose à l'effect susdict de remectre les choses d'Escosse librement entre les mains d'Escossois. Et pour plus vivement presser les François sur ces arguments et en bien emboucher les Anglois, il convient plus de faire samblant que vous ne sachez ceste responce des François, pour vous fonder plus expressément sur l'allégation du traicté.

Et puisque ledict de Seure et le conte de Roussy, ostagier, vous ont déclairé si expressément que le mieulx estoit de, pour maintenant, non plus presser la Royne de vostre part, pour non la rendre plus dure et difficile, il est bien que vous vous y accomodez, affîn qu'ilz ne puissent alléguer que l'on leur ait volu faire mauvais œuvre et procurer par ce voult de les tenir en troubles ; et se peuvent bien faire les offices avant dictz envers l'une et l'aultre des partyes en devises familiers avecq les ministres, sans demander audience à ladicte Dame, et escouter après ce qu'ilz feront pour, si vous n'entendez qu'ilz procèdent de mauvais pied et au préjudice du publicque et du service de Sadicte Majesté, et que seuUement ilz entendent à la pacification de leur différend, vous contenter de faire les offices généraulx avant dictz, attendant de veoir quel progrès aura la négociation d'accord entre eulx, à laquelle il n'est apparent qu'ilz viennent tost

{') La lettre écrite le i mai par M, de Chantonuay a l'évêque d'Ârras, p. 121,

à la conclusion si personne aultre que eulx-mesmes ne s'en meslent; et pourra estre que, passant plus avant et ne se pouvant accorder, ilz vous requerront pour y entrevenir, et lors aurez moyen d'y faire les offices que vous verrez convenir au bien de ladicte négociation, conforme à Tintention de Sa Majesté.

Ledict sieur de Chantonney advertit que, sur un bruit qu'estoit venu en court de France de la prinse de Lyt, se sont fait les diligences de Tenvoy du frère du sieur de la Rochefoucault, et que par ce Ton voit clèrement que cest affaire les presse. Et aussi dit-il que la noblesse et le peuple de France viendroit mal voluntiers à nouvelle guerre, et mesmes à Toccasion d'Escosse, disans, comme ceulx de Guyse sont peu aymés, que tout ce que se fait en cecy soit chose qui coustera chier au royaulme et de peu de prouffit, et davantaige qu'ils se trouvent empeschez de sortir les gens dont ils se debvront servir, car les François n'y vont voluntiers. Et si y a-il le poinct de la religion; l'on ne les ose assembler, ny pour mesme cause sçavent-ilz ne se pouvoir servir seurement des AUemans. Si est-ce qu'ilz font démonstration de faire grandes aprestes et si retiennent batteaulx de la coste de Normandie et Bretaigne, semant bruict que le Roy se doibve approcher de la coste de la marine pour donner chaleur aux apprestes, soit pour faire démonstration que serve à donner réputation à la négociation, ou que réallement ilz ayent volunté de faire quelque chose, combien que jusques à oires Ton n'entend que, ny en France ny en Allemaigne, aucune levée se fâche, et la saison, comme vous voyez, s'avance; dont je n'ay volu délaisser vous advertir si particulièrement pour, selon que les choses s'addonneront, vous povoir servir, ou à l'un costel ou l'aultre, de ces advertissements, et mesmes pourroit estre que le bruict des apprestes de France puist servir pour tant plus persuader à la Royne à ce que, considérant plus avant ce que luy pourroit succéder, elle presse la négociation pour se servir de l'avantaige qu'elle a entre les mains.

Je ne puis sinon grandement vous remerchier et louer de la diligence dont vous usez pour advertir de ce que passe, à quoy

je vous prie vouloir continuer; et, certes, en tout ce que concerne ceste négociation, vous vous estes comportez de sorte que Sa Majesté, comme je luy ay escript, aura grande raison de s'en tenir pour bien servi. Et pour fin de ceste, prieray le Créateur qu il vous ait. Messieurs, en sa très saincte garde.

15C0. — 21 Mai.

CATHERINE DE MÉDICIS AU DUC d'aLBE.

[Angleterre. lieg. XXI. )

Reconnaissance de Catherine de Médicis pour les bons offices du Roi d'Espagne. — Efforts qu'elle n'a cessé de faire atin de décider le Roi de France à la patience et à la modération, malgré tous les griefs qu'il avait contre la Reine d'Angleterre. — Satisfaction qu'elle éprouve de la mission confiée à Don Garcilas de la Vega dans un but de pacification. — Nécessité pour Philippe H de faire sentir à Elisabeth qu'il ne peut différer i)lus longtemps à embrasser la cause du Roi de France et de la religion contre les hérétiques d'Ecosse. — Conviction de Catherine qu'il est urgent de porter remède aux affaires de la religion et de réprimer l'insolence de ceux d'Ecosse, qui donne une nouvelle audace aux religionnaires de France et des Pays-Bas. — Vifs remercîments adressés au duc d'Albe pour ses bons offices.

Mon cousin, et par ce que le Roy mon bon filz m'a escript, et par ce que le seigneur Garcillasso de la Vega m'a dit de sa part, et par la lettre que m'avez envoyée, j'ay de plus en plus occasion de louer et remercier Dieu de la grâce qu'il luy a pieu me faire de me donner ung tel filz qui de jour en jour me donne nouvelles occasions de contentement et satisfaction; vous povant asseurer, mon cousin, qu'entre les bons offices que le Roy catholique, mon bon filz, a fait pour Tentretènement de la commune amityé d'entre luy et le Roy mon filz, je n'estime poinct cestuylà petit d'avoir envoyé le seigneur Garcillasso par deçà pour tenir la main de sa part à la pacification des choses d'Angleterre, lesquelles feussent en plus mauvais termes encoires qu'elles ne sont si je n'eusse tenu la main bien ferme et disposé le Roy mon filz, autant de fois que la Royne d'Angleterre luy donnoit d'occasion de s'aigrir et se revancher, d'avoir patience à cloire les yeulx à tout cela pour venir à ung bon appoinctement, estant

1560 INTERVENTION DE l'eSPAGNE. Ul

très aise que ledict seigneur Garcillasso voye et entende et vous mande, comme f estime qu il fera, le debvoir en quoy nous nous somes mis pour ne venir à la guerre où elle nous veult, maugré nous, attirer; chose que je vous puis dire que je n'eusse fait et que nous n'eussions enduré sans l'extresme envye que j'ay de conserver le repos à la Chrétienneté, que le Roy, mon seigneur, y a laissé, et le désir que j'ay de complaire au Roy, mon bon filz, et luy faire congnoistre combien je faiz de compte et veulx mectre peyne d'ensuivre ses bons et saiges conseil et advis, m'asseuseurant que, quand il entendra le fait comme il est passé, il trouvera que noz actions sont trop justifiées devant Dieu et les homes. Si ne fault-il en demourer là, car jusques icy ce que le Roy, mon bon filz, a fait faire par ses ministres à l'endroict de ladicte Royne a peu servy et profité, et s'il n'y mect maintenant la main, luy faisant bien sentir qu'il ne veult habandonner la cause de Dieu qu'elle seulle veult opprimer, et que, puisque nous nous mectons à toutes les raisons possibles, si elle ne s'i accommode de son costel, qu'il sera contrainct d'embrasser la deffense de la religion et ayder au Roy mon filz à chastier ses rebelles subjectz et hérétiques, je ne voy pas qu'il y ait chose que la puisse renger à la raison ny disposer le Roy mon filz, s'elle continue à luy faire la guerre comme elle fait, de avoir plus longue patience. Et pour ce, mon cousin, que cela me desplairoit extrêmement et que je sçay combien de vostre part vous avez tousjours esté amateur du bien et repos de la Ghrestienneté, je vous prie vous y employer comme en une chose où je juge, quant à moy, y aller plus de l'honneur de Dieu que de l'intérest du Roy mon filz, n'estant. Dieu mercy, despourveu de force et moyen pour se deffendre d'une royne d'Angleterre, pour ce que les choses de la religion sont désormais allées si avant qu'il est besoing ne plus tarder à y remédier à bon essient. J'estime que l'insolence de ceulx d'Escossc conforte ceulx qui sont en ce royaulme et en voz pays de ceste oppinion en leurs erreurs et leur donne audace pour en faire quelquefois aultant, comme ilz ont fait. De quoy je vous parle plus privément qu'à ung aultre, pour ce que

je congnois vostre zèle à Thoniieur de Dieu et Tamitié et bonne volunté que me portez, dont vous faictes tous les jours tant de démonstration à Tendroit de ce qui me touche et le Roy mon filz, et à l'endroit de la Royne catholicque, ma fillè, que vous vous pouvez asseurer, mon cousin, je ne la mectray jamais en oubly pour m'en ressentir en tout ce que je penseray pouvoir apporter quelque bien et utilité à vous et aux vostres, comme vous congnoistrez plus aux effectz que de parolle je ne le vous puis exprimer. Qui sera fin, priant Dieu, mon cousin, vous avoir en sa saincte et digne garde. De Loches, ce xxi* jour de May 1560.