ELISABETH

(() Ce mot esblouyr est écrit distinctement dans le Ms. Peut-être n'est-ce qn'one bote de copiste qu'il faut corriger par le mot oublier, qui s'arrange parfaitement avec la phrase. Cependant il n'est pas impossible qu'Elisabeth ait voula employer le mot esblouir dans le sens d'MkUuir, passer au bleu, couvrir, effacer.

1570. — Septembre.

PROJET d'accord POUR LE RÉTABLISSEMENT DE MARIE STCART SUR LE TRÔNE

d'Ecosse.

(Areh, de l'Bmp, — Cart. des iiois, E, 95, pap. de la Mothe-Pénelon, — Cop, du tempe,)

Funestes dissensions survenues en Ecosse par suite de- l'abdication de Marie Stuari. ^ — Accord d'après lequel cet acte serait, par décision du Parlement, considéré comme nul, et la Reine maintenue en possession de la couronne, mais en maintenant en môme temps la validité de* tous les actes passés depuis le 15 juin 1567 pour l'administration de la justice, gouvernement et police du royaume. — Commission de douze membres désignés, sept par la Reine et cinq par le comte de Lennox et la noblesse, sur une liste de S4 candidats, pour la révision des statuts relatifs au gouvernement et à la police. — Maintenue intégrale de tous les statuts et règlements rendus depuis le 15 juin sur le fait de la religion, sans que la Reine puisse accorder aucune dispense à cet égard. — Maintenue de tous les jugements prononcés, tant au civil qu'au criminel, depuis le 15 juin. — Révision des jugements politiques, qui sera faite par la commission. — Exception contre Bothwell et ses complices, dont la sentence ne pourra en aucun cas être modifiée. — Déclaration que les bénéfices ecclésiastiques et tous autres offices seront maintenus à ceux qui les possédaient le 15 juin. — Confirmation qui. sera donnée par U commission des douze à ceux qui ont reçu depuis le 15 juin des bénéfices ecclésiastiques ou des offices temporels. — Acte d'obîivion et de rémission générale, qui sera proclamé par le Parlement pour tout ce qui s'est passé depuis le 15 juin. — Déclaration que cet acte ne dispensera nullement les comptables des deniers royaux de rendre leurs comptes, et que tous ceux qui, depuis le 15 juin, se sont emparés de biens meubles ou immeubles, seront tenus de les restituer à ceux qui les possédaient à cette époque. — Restitution des forteresses, châteaux et maisons appartenant à la couronne, qui sera faite à la Reine, pour demeurer lesdites forteresses, etc., en la charge de «eux qui en avaient la garde au 15 juin. — Restitution des joyaux et autres objets mobiliers appartenant à la Reine, qui devra lui être faite, sauf par elle à payer des indemnités aux tiers acquéreurs en certains cas. — Établissement d'un Conseil privé pour veiller avec la Reine à l'expédition des affaires du royaume. — Composition de ce Conseil, dont le comte de Lennox fera partie. — Dotation du prince d'Ecosse, à laquelle seront joints tous les biens que possédait le comte de Bothwell au 15 juin et la charge d'amiral d'Ecosse. — Soin que devra prendre Marie Stuart de faire sanctionner et promulguer, dans le premier parlement qu'elle tiendra à son retour, toutes les dispositions des articles ci-dessus. — Charge donnée à la commission des douze d'interpréter toutes les difficultés qui pourraient survenir. — Restitution qui devra être faite au comte de Lennox de tous les biens et a\'antages qu'il avait concédés à son fils Henri Damley, pour en jouir par lui jusqu'à la majorité de son pelit-flls. — Déclaration que tout ce qui a été proposé dans ce projet l'a été à l'insu du comte de Lennox et de la noblesse, et pourra en conséquence être modifié par les députés qui se réuniront de part et d'autre en Angleterre. — Assurance que, moyennant l'adoption de ces articles, la Reine d'Ecosse pourra au besoin requérir l'appui de la Reine d'Angleterre pour maintenir les Écossais sous son obéissance. *

Sur les controverses lamantables, qui par longue espace de temps ont dernyèrement duré au royaulme d'Escosse, avec ap-

parance de venyr à une guerre civile par les dyvisions de la noblesse du pays, les ungs, à rayson de la démission faicte par la Royne d'Escosse, environ le xxiiij* de juyllet Tan de nostre Seigneur m. v. g. lxvii, en faveur du prince son ÔI2, prétasdans que ledict prince doibt estre souverayn seigneur légityme et roy dudict royaulme, et que tous les subjectz d'ycelluy luy doibvœt rendre obéissance; les aultrez que ladicte Royne d'Escosse tfa jamays faict démission qui puysse estre bonne ou valable par la loy, aîns que le droict de la couronne a contynué en la personne d'ycelle, nonobstant occupation ou intermission d'aultres quelconques au nom du prince son ûlz. Après grande dellibération et bonnes considérations a esté trouvé bon, pour le bien dudict royaulme, et sera mis par acte de parlement que ladicte démission tfestoyt bonne ny valable sellon la loy; et toutesfoys, pour éviter les absurdités et inconvéniens qui à Tadvenir pourroyent ensuyvre des choses passées au gouvernement d'ycelluy royaulme despuys ladicte prétandue démission, et spéciallement pour mettre fin à tous discordz et causes de guerre civille, en tant que fère se pourra, sera mis par acte de parlement que, néaulmoins que ladicte Royne soyt jugée avoir esté [de] continue en l^ityme possession de la couronne, si est-ce que tous moyens actes faictz despuys le xv"' de juyn audict an m. v. c. lxvii pour Tadministration de la justyce et gouvernement de la police audict royaulme seront tenus et réputés bons et légétymes en la manyère qui ensuyt :

En premier lieu, que tous actes de parlement faictz despuys ledict XV* de juing audict an m. v. c. lxvii, concwnans la pollice, comme dessus est dict, demourront en leur force et seront jugés debvoyr contynuer ou estre renouvelles au prochain parlement, aussi qu'il sera déterminé par douze personnes, estans lordz de parlement, qui en auront la cognoyssance; sept desquelz seront nommés par la Royne, et cinq par le comte de Lennox et la noblesse joincte avec fuy , en sorte que ledict nombre de douze soyt choysy de xxiiu lordz de parlement qui seront indiiféramm^t nommés par égal nombre de députés qui viendront d'Ëscosse, au

nom de ladicte Royne et de son filz, poupveu que lesdits jugemens soyentbons, estans donnés par lesdicts douze lordz ou par les deux partz d'yceulx, dyvisés en troys, et que la Royne et tfoys Estatz du royaulme y consentent au prochain parlement. Et, si aucun desdicts douze lordz vient à mourir devant que les choses à eulx commises par ce tretté soyent par eulx déterminées, les survivans, ou les deux partz d'yceulx divisez en troys, feront élection de quelque aultre seigneur de parlement pour suppléer au lieu du deffunct.

Item sera mis par acte de parlement que tous statutz et ordonnances faictes pour ou concemans le faict de la religion ou mistères d'ycelle, despuys ledict jour xv"** de juing audict an M. V. c. Lxvii, seront observés et gardés par tous les subjectz d'Escosse, suyvant la teneur desdicts actes et ordonnances, et que la Royne d'Escosse ne donnera dispensation à aulcun subject d'Escosse de les rompre, ny pardonnera à aulcun subject qui les rompra sans le consentement desdicts douze lordz de parlement, ou deux partyes d'iceulx, estans dyvisés en troys, ains sera loysible, sans ledict consentement, à toute personne de persécuter celluy qui aura rompu lesdicts loix et ordonnances nonobstant dispansation ou pardon quelconque donné ou octroyé contre la forme susdicte, lequel, en ce cas, n'aura non plus de force que sMl n'avoyt jamays esté octroyé.

Item que tous procès, sentences, décretz et jugemens en causes civiles ou criminelles, despuys ledict xv* juing, où le cours et ordre des loys du royaulme aura esté observé, demourront aussy en leur force, pourveu qu'aucuns procès, décretz, sentences, forfaictures, jugemens ne seront en ce compris comme bons qui ont esté donnés contre quelque personne que ce soyt pour avoyr obéy la Royne ou son filz, ou désobéy à l'un ou à l'aultre, ou contre aucun pour n'avoyr comparé, où il se prouvera que lesdictes personnes n'ont comparé par crainte. La détermination de telz doubtes se fera par lesdictz douze lordz de parlement, ou par les deux partyes d'yceux divysés en troys, comme dessus est dict, pourveu que tous jugemens contre le comte de Botbel

OU aucun aultre, pour le dernyer meurtre du dernyer lord Darnely, demeure bon et ne soyt révoqué.

Item que tous bénéfices et promotions eclesîaslics et tous aultres offices temporelz, qui doibvent durer à terme de vye, seront en la possession de personnes qui en jouyssoient le xv"* de juing M. V. c. Lxvii, si lesdictes personnes sont mayntenant en vye, excepté ceux qui despuys ledict jour ont layssé lesdicts oflSces et aultres de leur bon gré et consentement. Auquel cas ceux qui les possèdent seront contynués en iceulx, si lesdicts douze lordz de parlement, ou les deux partyes d'yceulx divisés en troys, comme dessus est dict, les estiment et trouvent personnes suffizantes et capables pour les exercer.

Item tous les* bénéfices eclésiasticques et offices temporelz, gardes et mariages, qui ont esté vaccins despuys ledict jour XV"** de juing, et ont esté donnez et disposez à quelques personnes, seront establis à ceux ausquelz ilz ont esté disposez, aynsy qu'il sera trouvé convenable par lesdicts douze lordz de parlement ou deux partyes d'yceulx, comme dessus est dict.

Item qu'il y aura pareylle loy establye par parlement pour oblivion de toutes choses faictes par quelques personnes que ce soyt dedans le royaulme despuys ledict jour, xv"* de juing M. V. c. Lxvii, en aussy ample forme et manyère qu'elle fut cydevant faycle en ung parlement tenu en Escosse en l'an de N. S. M. V. c. LXiii, avec pareilles provisions qui sont contenues audict acte, pourveu toutcsfoys que, nonobstant ladicte loi d'oblivion ou généralle rémission, aucun contrerolleur, trésorier ou aultre receveur d'aucun revenu ou finances appartenans ou assignées à l'usage de la couronne d'Escosse, ou appoinctées pour estre gardées par le régent qui estoyt pour le temps, ne soient aullrement deschargés de leurs comptes, ains qu'ilz rendront et feront restitution à la Royne, ou à la partye qui en aura esté déposédée, de toutes les sommes de denyers qui n'auront esté deppandues pour les affayres du royaulme ou par ordonnanc-e des régens et gouverneurs d'ycelluy; et ne retiendra quelconque personne au-

1570 MISSIONS DB POIGNT, VÉRAG, ETC. 413

cunes terres, chasteaulx, héritages, maysons, fermes et possessions qui ont esté [usurpés] depuys ledict xy°** de juing, par force ou contre la bonne volunté d'aucun aultre qui les possédoyt devant ledict temps, ains seront rendues à ceulx qui légytimementles possédoient audict xv"** de juing, jusques à ce que , par ordre de la loy, elles puyssent estre justement recouvrées hors de leurs mayns. Et pareyllement tous biens meubles, appartenans à aucun subject, qui ont esté prins contre la volunté des propriétères d'yceulx despuys ledict xv"** de juing, tfilz sont en nature, seront restituez. Et, pour ce que plusieurs doubtes pourront naystre à l'exécution de ladicte loy d'oblivion ou rémission, affîn qu'elle se puysse détermyner sans esmotyon de nouveaulx troubles et débatz, lesdicts doubtes seront ouys et termynés par le jugement des douze dessusdicts ou par les deux partz d'yceulx, comme dict est, ou aultrement sera ordonné comme il estoyt pour l'exécution de la premyère loy d'oblivion faicte en l'an de Nostre Seigneur m. v. c. lxiii.

Item que toutes forteresses, chasteaulx et maysons appartenans à la Couronne, avec leurs munitions et fornitures extantes, seront rendues à la Royne, pour demeurer en la garde de ceulx qui les avoyent ledict xv"** juing M. c. v. lxvii, excepté ceulx qui despuys s'en sont despartys par composition ou apoinctement; desquelz chasteaux, etc., la Royne disposera à son playsir. Et en oultre que toutes personnes au royaulme d'Escosse, qui ont quelque partye des jouyauls, meubles et aultres tek biens appartenans à la Royne d'Escosse ledict xv°^ de juing, en feront restitution à icelle, si aultrement elle ne les en dispanse. Et si aucun en est en possession par achapt de denyers ou eschange d'aultre chose équivalante, il aura restitution de ses deniers ou aultre chose qui pour ce aura esté bayllée par la partye qui luy aura délivré. Et si quelque aultre personne auparavant en a vendu et délivré quelque chose pour aucuns deniers ou valeurs à quelque aultre personne, il rendra les denyers ou valleurs de ce qu'il aura heu à la partye qui aura receu lesdictes choses, excepté qu'il en soyt en possession par ordonnance ou dellivrance

de ceulx qui estoyent végens et gouverneurs audict temps. Auquel cas la Royne récompensera la partye ez mayns de laqudle les biens seront trouvés, selon les justes sommes de deoi^^ ou valeur que pour ce elle aura payé et dellivré.

Item pour meilleur et plus paysiblegouvernemaatduroyaiune, et éviter Fempeschement de trop grand nombre d'afifayres d'ycelluy, la Royne establira et ordonnera ung corps de Gonseilh privé qui aura attension sur elle pour les affères du royaume, ce que proprement appartient au secret Conseil d'ycelluy, lequel consiste de douze personnes estans des lordz spirituels et temporelz dudict royaulme, oultre les officiers ordynaires qui ont attention audict Conseil, en telle' sorte et avec telles provisions qu'il fut estably à son retour de France en Escosse en Tan m. v. c. lxi, et que ceux d'ycelluy Conseil qui sont encores vivans demourront et contynueront en leurs places, excepté aucuns qui pour Taage ou par indisposition se trouveront, ou d'eulx mesmes, ou par les deux partyes du reste, ne pouvoir vacquer à cella coname il seroyt requis. Et pour ce qu'aucuns sont décédés qui lors estoyent conseyllers, le comte de Lennox sera admis pour en estre Fun; et, au surplus, si aucunes des places sont ou seront cyaprès vuydes par mort ou aultrement, la Royne, avec Tadvîs de la plus grande part du reste, fera élection de quelques aultres des lordz temporelz ou spirituelz ou aultres barons du royaulme pour parfère ledict nombre, pourveu que, combien que les comtes d'Erral, Monterosse et Marchai, qui estoyent du Conseil estably en l'an h. v. c, lxi, ne puyssent mayntenant, pour leur grand aage, vacquer comme il seroit requis, néaulmoins soyent tenus, réputés et contynuez conseillers, ainsy qu'ilz ont esté, et ayent lieu et voix au Conseilh, quand ilz viendront, oultre ledict nombre de douze.

Item que le prince fllz de la Royne, oultre les terres et seigneuries qui par le passé ont appartenu à aucun prince d'Escosse, aura toutes les terres que le comte de Bouthvel a possédées, et desquelles il jouyssoit par le moyen de quelque titre que ce soyt audict XV"* de juing m. v. c. lxvh, en sorte que madame sa

1570 MISSIONS DE POIGNT, VÉRAG, ETC. 415

femme (^) puysse contynuer de jouyr de telle partye que par les lûix du royaulme luy est due. Et davantaige ledict prince aura annexe à son estât d'amà^al d'Escosse pour députer quelque personne capable du royaulme d'Escosse qui jugera et exercera ledict ofiBce et adminystration de justice appartenant à icelluy.

Item pour «meilleure observation des choses susdictes, elles seront establyes par le premyer parlement que la Roy ne tiendra à son retour en Escosse, lequel sera avec telle expédition que les ordres et coustumes du pays le permettent; et à icelluy la Royne et les troys Eslatz et aultres officiers de parlement [les] feront seurement publicquer. Et si, par après, quelque doubte se met pour Tintelligence d'aucun des artycles susdicts à establir par ledict parlement, la discussion et détermination de ce sera remyse au jugement desdicts douze lordz de parlement, ou deux partyes tfyceulx dyvisés en troys; et, au cas qu'ils ne se puyssent accorder, que ce soyt à la plus grande part des seigneurs ayans voix en parlement qui seront appeliez à une convention à ce propoz.

Item que restitution sera faicte au comte de Lennox pour jouyr des terres, seigneuryes et supéryorités, qu'il avoyt donné et assigné au lord Darnely, pour les relenyr en tel estât que, paravant ledict don, il les a légitimement tenues et possédées, jusques à ce que le prince soyt en aage de vingt et ung an; et, de là en avant, comme le prince ordonnera.

Toutes les susdictes choses sont proposées seulement par conjectures, sans la cognoissance du conte de Lennox ou aucuns de la noblesse jomctz avec luy, et sans aucune partycuUière intelligence de l'estat et coustumes du païs; et par aynsy se pourroyt altérer, changer ou obmettre en tout ou en partye, comme il se trouvera plus propre et raysonnable, après que sur ce sera conféré avec celluy ou ceulx qui de la part dudict comte et son party seront envoyés en Angleterre à cest effect et aultres qui seront envoyés par la Royne.

Moyennant lesquelles choses susdictes, qui sont à accorder par

(<) Jeanne Gordon.

416 HISSIONS DEPOIGNT, TÉRAC, ETC. 1571

la Royne d'Escosse, elle entand la deue et légétyme obéyssance de tous ses subjectz; en quoy sy aucun d'eux faict faulte au temps advenir, elle demandera Fadvis et assistance de la Royne d'Angleterre pour la réformatiou et réduction des personnes ddliquantes de leur devoir, anssy que le cas le requerra; laquelle requeste semble raysonnable d'estre accordée.

1571, — 20 Août. — Saint-André.

M. de Yérac à M. de U Motli^-Féneloii.

(âreh, de VBmp. — Cart, det ftow, J. 9S, pap, de la Mothe-Fénelon. — Déckiffr. ori^J)

Lettre» écrites par M. de Vérac à M. de la Mothe-Fénelon. — Lettre et chiffre qui lui ont été transmis par Lelhington de la part de Tambassadeur. — Conviction de M. de Vérac que la lettre de l'ambassadeur a été ouverte et son cachet contrefait

— Remercîmonts de l'avis donné au Roi et des démarches Taites par M. de Fèneon auprès de la Reine d'Angleterre pour la mise en liberté de M. de Vérac. —

Fausses promesses faites à cet égard par Elisabeth, qui, au contraire, a écrit contre M. de Vérac au comte de Lcnnox. — Promesse exigée de H. de Vérac par le comte de Lennox qu'il ne fera aucune tentative pour recouvrer sa liberté ni entretenir aucune correspondance. — Réponse de M. de Vérac qui demande l'autorisation d'envoyer un exprés vers le Roi, et un acte écrit des exigences du comte de Lennox. — Refus formel du comte de Lennox sur ces deux demandes.

— Ordre qu'il donne de transférer M. de Vérac à Stirling. — Départ de M. de Vérac, qui est conduit à Saint^André. — Nouveau refus fait par M. de Vérac de se reconnaître prisonnier sur parole. — Ordre donné par le comte de le renfermer au château avec ses gens. — Promesse conditionnelle à laquelle M. de Vérac a dd te résigner et qui ne lui ôte pas toute liberté d'agir. — Visite que le comte de Morton est venu lui faire. — Compte-rendu de la conversation qui a eu lieu entre lui et ce seigneur. — Efforts faits par M. de Vérac pour mettre la dissension entre Morton et Lennox. — Assurances qu'il a données des intentions du Roi pour le rétablissement de la paix en Ecosse. — Espoir de M. de Vérac d'être conduit i Stirling, où le Parlement doit s'assembler, et de pouvoir s'échapper en route. — Assemblée qui doit se tenir le lendemain à Leith, et à laquelle assistera le comte d'Argyll. — Avis sur les fortiOcations de Leith. — Division entre les seigneurs écossais. — Avertissement donné au comte de Lennox par la Reine d'Angleterre que tous, excepté Ruthven, Methwen et Lindsay, veulent l'abandonner. — Engagement mutuel pris par les seigneurs de ne pas permettre que le pnnce d'Ecosse soit mené hors du royaume. — Conviction de M. de Vérac que, si le Roi envoyait quelques forces en Ecosse, il y réduirait tout à sa volonté. — Dispositions de Morton à abandonner le parti du comte de Lennox. — Facilité qu'il y aurait, moyennant quelques présents, à gagner les serviteurs les plus afildés des seigneurs d'Ecosse. — Cupidité des gens de ce pays, sur lesquels on ne peut se fier, et qui pour un écu trahiraient leur père. — Instances faites par Lelhington pour que

M. de Vérac garantisse aux marchands les sommes qu'ils ont prêtées. — Assurance donnée par M. de Vérac que les marchands seront désintéressés en France, mais que le Roi ne veut pas que Ton connaisse l'origine de cet argent. — Bon effet que la lettre de M. de Fénelon et les armemements qui se font au Havre ont produit sur les partisans de la Reine d*Ëcosse.

Monsieur, le dix-huict du passé je vous escrivis et envoyé une alphabet pour ce que celluy que j'avoys de vous m'a esté esté par le conte de Lenox (*), et, le quatre du présent, je vous ay escript par aultre voye. Depuis trois jours j'ay receu vostre lettre du trente dudict passé, que Monsieur de Lethingtonn m'a envoyé, et un chiffre qu'il me mande venir de vous pour me servir envers la Roy ne sa souverayne et vous. Lequel chiffre estoit cacheté de voslre cachet, mais j'ay bien cognu qu'il avoit esté ouvert pour ce que la queue estoit d'autre papier adjousté, qui estoit couverte de cire d'Espaigne assez proprement, et fault que quiconque l'ait ouvert et puis cacheté ayt faict faire un cachet semblable à vostre. Je vous escripts à présent en ce chiffre pour ce que je ne sçay si avés receu l'aultre que je vous ay envoyé pour vous remercier, comme je fays bien humblement, de ce que avez adverty le Roy de ma prise, et de l'instance qu'avés faict à la Royne d'Angleterre (^) : laquelle, tout au contraire de ce que mandés qu'elle vous avoit promis, a escript au conte de Lenox que vous lui aviés dict que je n'estois poinct au Roy. Quoy que soit, il me l'a faict dire comme je vous ay amplement faict sçavoir par mes dernières lettres. Depuis lesquelles, et le sept du présent, ledict comte de Lenox envoya devers moy son maistre d'hostel me dire qu'il avoit advisé de m'envoyer à Sterling, mais qu'il falloit que je promisse de n'eschapper poinct, et n'escriray ne auray communication à homme quel qu'il feust. Je luy remonstré qu'il y avoit jà plus d'un moys qu'il m'avoit faict arrester et prendre tout ce que j'avoys; que de m'envoyer hors d'icy, ce n'estoit pas ce qu'il m'avoit faict dire, et, puisqu'il failloit cedder [à] la force, je le priay de me permectre d'envoyer ung

(*) Le comte de Leimox, grand>père de Jacques VI, avait saccédé aa comte de Marray comme Tè^eui d'Ecosse. Les ÉUts lai avaient conféré ia régence le 11 juillet 1570. (*) Voyez la GXCV* dépêche de la Hoihe-Féaeion {Correspondance, t. IV, p. 193).

homme vers le Roy mon maistre pour luy faire entradre ma prison; et qu'il me vouUust donner une certifBcation signfe de luy affin que Sadicte Majesté congneust mon arrest, car elle ne voudpoit jamais penser que j'eusse receu si maulvaîs traictement en ce pays; et que, là où il voudroit que je luy feisse aulcune promesse, qu'il m'envoyast la promesse qu'il voulloict de moy par escript, je verroys s'il estoit raisonnable que je la fisse. — D retourna bien peu après me faire responce que ledict Lennox ne me donneroit rien par escript et moings me souffriroit d'envoyer en France; mais qu'il failloit que je fisse ceste promesse : ce que je ne voullus faire. — Le lendemain au soir, ledict maistre d'hostel me vinct dire que la volunté de son maistre estoit que je partisse à l'instant pour aller audict Sterling. Mais je le feis différer jusques au lendemain matin, pour l'espérance que j'avois d'aller ceste nuyct-là, maulgré eulx, à Lislebourg. Toutesfoys, n'ayant nostre entreprise peu venir à fin, nous partismes, et, estant en chemin, au lieu d'aller à Sterlin, ilz me menèrent en ce lieu de Sainct-André. Où estant, les officiers du lieu me dirent que ledict Lenox leur avoit escript que j'avois promis de n'eschapper poinct, ny avoir communication à homme du monde, et qu'ilz prinssent de rechef semblable promesse de moy. Je leur déniay d'avoir rien promis, et davantage que je ne vouUois rien promectre. Sur quoy ilz feirent une dépesche audict comte de Lenox, et ce pendant me faisoîent garder par vingt quatre hommes, nuyct et jour. La responce dudict Lenox fut que, puisque je ne vouUois le recongnoistre pour régent ny rien promectre, ilz me missent au chasteau avec mes gens pour y estre sur bonne et seure garde à mes despens. A quoy, pour le reffus qu'ilz feirent de me bailler coppie de la lectre, je ne leur voullus rien respondre. Hz renvoyèrent de rechef audict Lenox, et sur ces altercations nous avons demeuré neuf jours, durant lesquels j'espérois que ceulx du bon party trouveroient moyen de me faire secourir. Mais, voyant qu'il n'y avoit poinct de moyen si j'entroys une fois au chasteau, et que je ne pourrois escripre ny avoir nouvelles d'eulx pour l'estroicte garde qu'ilz me voulloient donner de

1571 MISSIONS DE POIGNT, TÉRÀG, ETC. ^19

six soldatz à mes despens; daventaige que le chasteau est maison fort désoUée, où j'eusse crainct, estant mallade comme je suys, d'empirer beaucoup, je leur ay enfin promis de ne sortir poinct hors de ce royaulme sans avoir nouveau comandement de mon mçistre ou sans congé dudict Lenox, et que je ne partiray de cette ville ou des environs, sy je n'en suys enmené par force, que je n'en advertisse lesdictz officiers. Vous voïez par ceste promesse que je ne suis pas sy estroictement obligé que je ne puisse aller à Lislebourg, Ihorsqu'on m'en donnera le moyen que je chercha ray possible, et n'en suis pas hors d'espérance.

Hier, Monsieur de Morton vint en ceste ville, auquel je parlay, et commença son propos à me dire qu'il pensoit me trouver à Sterlin, d'où il venoit, et qu'il s'estonnoit comme le Régent m'avoit icy envoyé. — Je luy dis que j'estoisbien fort aise de me pouvoir plaindre à luy du maulvais traictement qu'on m'avoit faict jusques icy en ce pays; lequel on m'avoit voullu faire acroyre procedder de luy, combien que je sceusse le contraire (ce que je disois tousjours pour fère entrer en picque Lenox et luy; lequel Lenox me mttida, il y a environ ung moys, que ce n'estoit pas luy qui estoit cause de ma rétention, mais le conte de Morton). Après cela, je luy remonstray que le Roy n'eust jamais pensé, m'envoyant en ce royaume pour se maintenir en l'ancienne allience d'icelluy, que je les en deusse trouver sy estrangiers, sans leur en avoir donné nulle occasion, mais au contraire s'estoit Sa Majesté eSbrcée de faire tous les bons offices dont elle s'estoit peu adviser; que je sçavois bien l'authorité qu'il avoit en ce party, parquoy je le suppliay, au nom du Roy, de considérer combien la division es royaulmes y apportoit de calamités, mesmes quand elle estoit au principal membre, qui est la noblesse, et que bien souvent elle estoit cause de la perte et de l'Estat [et] de ceux qui nourrissoient les troubles; que Sa Majesté, ayant mis la paix en son royaulme et ne désirant moings de repos à ses alliés et amys qu'à luy-mesmes, avoit essayé par tous moyens jusques icy, et voulloit encores, sans espergner aulcune chose, faire en sorte que la paix feust bien establie en cedict royaulme; et que sy en

cela luy qui y pouvoit beaucoup voulloit monstrer rafifection qu'il debvoit pour Tainour de son pays, le Roy luy sçauroit très bon gré.

Quant à mon maulvais traictement, il m'a respondu qu'il ne voulloit que je demeureisse en oppinion qu'il feust venu de luy, et qu'il portoit trop d'honneur et respect au Roy et à ce qui luy appertenoit pour en estre cause, et que le Régent m'avoit faict arrester et prendre tous les papiers que j'avois devant qu'il en sceut rien, comme il me le feroit cognoistre. Quant à ce que le Roy désire la paix en ce royaume, si Sa Majesté se feust monstre neutre et comporté esgallement entre ces deux partys, ilz n'auroient pointt d'occasion de se mescontenter délie, mais qu'ayant fortifié leurs enemys et mesmes que j'estoys encores venu pour les fortifier, ilz ne pouvoient croire qu'elle eust celle mesme volunté; toutesfois, s'il plaisoit à Sa Majesté de voulloir estre moyenneur, voyre juge des diférants, il croyoit que tous ceulx de ce party s'y accorderoient voluntiers, et le désireroient plustost juge que nul aultre prince, pourveu que Sa Majesté voulust se comporter esgallement et n'avoir non plus d'affection aux aultres qu'à eulx, et que c'estoit son intention. Davantaige, que, pour quelque chose qui advinct, il estoit délibéré de demeurer serviteur affectionné de Sadicte Majesté; et, pour ce que il n'oseroit proposer en leur Conseil ceste bonne volunté du Roy ne la sienne, pour craincte que, la Royne d'Angleterre le sçachant, elle ne luy en voulust mal, il feroit en sorte que moy-mesmes le proposerois en leur Conseil, et m'en manderoit responce dans deux ou troys jours.

Je luy respondis, quant au mescontentement qu'ilzavoientdu Roy, pour ne s'estre pas monstre esgal aux partys, [que] Tamityé et debvoir que le Roy a envers la Royne, sa bonne seure, en estoit cause, lequel toutesfoys a plus esté intéressé de sa cause que deffenseur jusques icy. — Et m'ayant demandé quelz moyens voïoit le Roy de mectre icy une paix, je luy ait dict que je n'avoys pas charge de cela, mais que, s'ilz voulloient, j'advertirois le Roy de ceste leur volunté en toute delligencCt

Je croy que là-dessuz ilz me renvoyèrent quérir pour aller à Sterlin, où ils tiendront leur parlement, qui sera le xxviij'' du présent. J'ay mis cela en avant pour les disjoindre, s'il est possible, et me sauver en chemin. Ilz s'assemblent demain au Petitr Lieth tous, et m'a Ion asseuré que Monsieur d'Argyle y sera, lequel a baillé sa promesse par escript de suivre leur party, pour, tous ensemble, advîser aux forces qu'ilz laisseront dans ledîct Petit-Lieth pendant leur parlement. — Hz ont levé nouvellement deux compaignies qui feirent monstre jeudy et recourent argent, comme feirent tous leurs aultres gens de guerre, tant de cheval que de pied. La fortification du Petit-Lieth n'est pas fort advancée pour ce qu'argent leur manque, mais ilz attëftdent d'en avoir par le retour de Cuninguen, qui doibt estre dans deux ou troys jours. — ^Vousavés sceu qu'il y a beaucoup de divisions entre eulx, et, par Fonlar, qui est venu d'Angleterre depuis huict jours, la Royne d'Angleterre a escrit audict conte de Lenox qu'elle estoit advertye que les seigneurs d'Escosse le vouUoient laysser, hormis troys, qui sont les seigneurs de Reven, Meffen et Lyndesay. Je ne sçay pas bien encores ce qui en est; bien suis-je certain qu'ilz ont juré ensemble et baillé leurs seèles l'ung l'aultre, il y a six jours, à Sterling, que, quelque chose qui se traicte, ilz ne consenteront poinct que le prince soit mené hors d'Escosse; et de cela ledict Lenox n'en sçait rien. Il y a grans apparances que, sy le Roy envoyé les moindres forces du monde en ce pays, qu'il réduira tout à sa volunté; et mesme ledict Morton, s'il voyoit les choses ung peu en bransle, ne tiendroit guyères, à mon advis. J'é jusques icy faict tout ce qui m'a esté possible pour entendre tout ce qu'ilz font, et, si j'avois de quoy donner, ilz feroient bien peu de chose que je n'en feusse adverty . S'il vous plaist, vous fériés sçavoir au Roy que, s'il plaist à Sa Majesté de despendre quelque chose entre les plus secrets serviteurs desdicts seigneurs, il y a moyen de les gangner ; mais le naturel de ceulx de ce pays est de demander tousjours et de ne faire rien pour rien. — S*il vous plaist, Monsieur, vous me manderez sy avés receu les lettres et chifre que je vous ay envoyés, et comme fauray à

me gouverner. Vous ne pourriez pas croire le peu d'asseiu'ance qu'il y a aux gens de ce pays; et plus je tes hante, et plus je voy qu'on ne s'y peult fier, car pour un escu ilz traïroient leur père, et tousjours vous demandent. — Monsieur de Lethington a voullu que j'assurasse et respondisse à quelques marchans pour de l'argent qu'ilz ont emprunté. A quoy j'ai faict responce que le Roy ne vouUoit pas qu'on sceust que cest argent vînt de luy; bien avois-je commandement de l'asseurer, et luy et aultres seigneurs, qu'il [y] seroit contenté en France.

La lettre que m'avés escripte les fortifie beaucoup; et des nouvelles qui sont venues qu'il se dresse quelque armée au Havre de Grâce, où on dic^que le Roy est, estonnent fort les ennemys.

Monsieur, je supplie le Créateur qu'il vous doinct, en très parfaicte santé, longue et heureuse vie.

De Saint André, ce xx* d'aoust 1571.

Votre humble et affectionné serviteur,

YÉRAC.

1571. — 5 Septembre. — Londres.

M. de la Mothe-Fénelon à la Reyne d'Escosse.

(àreh. de l'Emp, — Cartons de$ Rois, K, 96, papiers de la Mothe'-Fénelon, — Copie.)

Négociation de MM. de Foix et de la Mothe-Fénelon pour le mariage de la Reine d'Angleterre avec le duc d*Anjou. — Soins que les deux ambassadeurs ont pris,

« durant cette négociation, des affaires de Marie Stuart. — Autorisation obtenue pour Robinson de se rendre auprès d'elle, et pour Makinson d'aller faire un vo^fage en Ecosse. — Nouvelles d'Ecosse. — Traité qui paraît avoir été conclu par le duc de GhMellerault et le comte de Huntly avec les comtes de Lennox et de Morton. — Mise en liberté de M. de Vérac. — Communications relatives aux affaires de Marie Stuart, données à M. de Foix par la Mothe-Fénelon en l'absence de M. de Ross.

Madame, premier que de respondre à la lettre qu'il vous a pieu m'escrire du 27 du passé (*) par Makesson, je diray à Vostre Majesté que Taffaire pour laquelle M. de Foy estoit venu ici (^),

(') Cette lettre n*est pas dans le Recncil du prince Labanoff.

(') Le projet de mariage entre Elisabeth et le dac d'Ai^ou, depuis Henri lU.

a esté fort meurement traicté par la Royne d'Angleterre et avecque longue délibération*de son Conseil, et tfi a eu en la réception dudict sieur de Foix, ni au bon et bien fort honnorable traictenient qu'on nous a faict à tous deux, ni encores en ce qu'avons esté caressés et accompaignés plusieurs jours par les principaux de la noblesse, et qu'enfin il a esté licentié avec honeste présent de vaisselle d'argent, jusques à la valleur de douze cens escus, ni pareillement en toute la négotiation qu'on a faicte avec nous, rien qui n'ait passé avec beaucoup de dignité. Et ladicte dame nous a respondu, quand aux deux poinctsde la couronnation et de l'association au gouvernement, qu'elle accordoit très vollontiers l'un et l'autre à Monsieur comme mari, sans préjudice de l'authorité qu'elle a de présent comme héritière do ce royaulme, et sans préjudice aussy de la plus prochaine personne à luy succéder, à laquelle elle voulloit pourvoir en toute sorte que son droict luy feust gardé, encores que, possible, elle ne luy portât trop de bonne voUonté. Mai* quand au poinct de la religion, la responce est demeurée en termes incertains, plains de conditions et de remises, qui ne permettent que je puisse encore asseurer Yostre Majesté si le faict se conduira ou non; tant y a qu'aussytost que j'auray eu responce de la dépesche que M. de Foix a emportée là dessus, je luy en fairay part.

Il a parlé fort affectueusement de voz affaires à la Royne d'Angleterre qui luy a assez bien respondu; et puis, tous deux, en avons traicté avecques les seigneurs de son Conseil, aux quelz j'ay baillé la coppie du mémoire que trouvères cy-enclos (*). J'ay faict voir à milord de Burglay l'original de vos susdictes lettres, et, sur le tout, il me faict la responce qui s'ensuit : c'est que, touchant les demandes de vos deux lettres, il y avoit esté respondu selon l'intention de la Royne sa maistresse; à quoy n'avoit pour le présent rien que adjouster, si ce n'est, touchant les lettres de Randolphe, que icelluy mesme Randolphe viendroit devers moy pour les advouer ou désadvouer et me faire l'interprétation

(*) Ce mémoire ne s'est pas retrouTc.

d'icelles. Et quand aux choses que, oultre vos lettres, nous requérons pour Vostre Majesté, que ladiete dame escriroit au Roy aflîn de l'en satisfaire, et que cependant Ton m'octroyroit un passeport pour Robisson, pour vous aller trouver et pour résider ici, s'il vous plaict, et encores un aultre passeport à Makesson pour faire un voyage en Esôosse et retourner. Dont r^arderez, Madame, si ce sera vostre plaisir qu'il y aille et qu'il passe devers Vostre Majesté, m'ayant au reste ledict sieur de Burgley mandé, touchant les nouvelles d'Escosse, qu'il entendoit que le duc de Châtellerault et le comte de Hontley avoient faict quelque convention de paix avecques les comtes de Lenox et de Morthon, et que le parlement se debvoit tenir à Lisleboorg le 29 du passé, et que le sieur de Vérac estoit en liberté, avecque congé de se pouvoir rettirer en France par la voye qu'il luy plairoit, ou de la mer ou de la terre.

Je n'ay obmis de bien instruire M. de Foix, en absance de M. de Rosse (*), de tout ce que j'ay estimé concerner ici le bien de voz affaires, et je m'asseure, Madame, qu'il en informera fort bien Leurs Majestés très chrestiennes et que vous cognoislrés que nous concourons tous deux d'un mesme désir au service de Vostre Majesté, ainsi que sa responce, laquelle je vous envoyé, vous en faira plus de foy. Il y a beaucoup de jours que je n'ay receu aulcunes nouvelles de France, dont je ne sçay que vous en mander, sinon qu'on dict que la cour est allée à Blois pour y passer l'hiver et que ceux de la Rochelle y doibvent venir trouver le Roy, et qu'il se parle assés du mariage de Madame (*) avecque le prince de Navarre. J'attendray par Robisson ce qu'il vous plairra me commander pour vostre servisse et pour Tordre du reste de voz serviteurs qui sont encores ici; et je ne manqueray de très humblement vous obéir, aydant le Créateur, lequel je prie, après avoir très humblement baisé les mains de Vostre Majesté, qu'il vous donne. Madame, en très parfaicte santé, très

(*) Élisabeih l'avait fait arrêter dans les premiers jours de mai h cause de TalTaire de Ridolt (Voyez Labanoir, Recueil, t. III, p. 274).

(*) Marguerite de Valois.

i57l MISSIONS DE POIGNY, VÉRAC, ETC. 425

longue vie, et toute la prospérité et consolation que vous désire. — De Londres, ce v* jour de septembre 1571 .

Yostre très humble, très obéissant et naturel serviteur.