M. DE MAUPAS A M. DE BEAUMONT, AMBASSADEUR EN ANGLETERRE
(bibliothèque impériale. — Fond» de Barlay, n. 223-3, pièce 85. — Original.)
Avis que l'écossais nommé François Mowbray, accusé de complol contre la vie du Roi d'Écosse, a été autrefois soupçonné d'avoir voulu attenter à la vie du Roi de France. — Renseignements donnés à M. de Maupas par le genevois Daniel, accusateur du susdit Écossais, sur les confidences qui lui auraient été faites par cet homme, qui est un agent du secrétaire Cecil. — Intrigues du secrétaire pour ménager au Roi d'Espagne la succession d'Elisabeth. — Conduite équivoque du vicomte de Hume, qui a refusé de porter à la connaissance de la Reine d'Angleterre les faits révélés par Daniel. — Importance que l'ambassadeur attache à cette affaire, sur laquelle il appelle toute l'attention de M. de Beaumont.
Monsieur, voulant réparer le passé par le futur et me faire paroistre aussy soigneux à vous escrire, que me pouvez avoir estimé négligent et paresseux, je ne laisseray passer un seul subject digne de vous faire entendre sans vous en entretenir, et s'en offrant un que je pense tel et nécessaire de vous faire scavoir, je m'estendroy sur yceluy et vous diray qu'ayant appris que l'Escossois, qui est accusé d'avoir voulu tuer le Roy d'Escosse, avoit aussy esté autrefois soupçonné d'avoir voulu attenter à la personne du Roy nostre maistre, et mesme qu'il estoit employé aux menées que le Roy d'Espaigne faicten Angleterre, j'ay faict praticquer sous main son accusateur, nommé Daniel, gènevois, qui le doibt combattre, et persuader à son besoin d'avoir recours à moy et de réemployer, l'ayant oùy estimer fort habille homme, fort ennemy des Espagnols, et fort versé aux affaires d'Angleterre, afin de pouvoir tirer quelque chose de luy pour en donner advis à Sa Majesté. Ce qui m'a réussi, et nïayant employé, je luy ay rendu des offices si à propos qu'il se ressent obligé à Sadicte Majesté. Ce que me voulant tesmoigner, après que par mon moyen il eut parlé audict Roy d'Escosse, il le supplia luy permettre de me venir trouver; ce qu'il luy accorda volontiers, et me vint conter les advis qu'il avoit donnés audict Roy, afin que, si j'y trouvois chose importante au service de Sadicle Majesté, je
l'en puisse advertir. Et me dit que, oultre l'attentat duquel il avoit accusé ledict Escossois, il luy vouloit encore maintenir luy avoir dict que le [sieur Cecill] luy avoit fait faire plusieurs voyages vers l'Archiduc, et qu'il avoit tiré du dict sieur une grande somme de deniers en vertu de laquelle il avoit asseuré ledict Archiduc de mettre entre les mains dudict [Roy d'Espaigne la couronne d'Angleterre], après la [mort de la Royne], et que mesme les ministres [dudict Roy d'Espaigne] faisoient tellement estât de cella que l'admirante d'Arragon, discourant avec le gouverneur de Flessingue, luy dit qu'ils seroient bientost à mesme maistre. De quoy ledict gouverneur se trouva infiniment estonné, et ayant fait ce discours à quelques uns de ses amis, et dit qu'il en vouloit donner advis à la Royne d'Angleterre, ledict [sieur Cecill j, qui tient sous sa patte, à c« qu'on dict, toute [l'Angleterre], oyant le bruict, fist passer cella sous silence. Il mit encore en avant audict Roy d'Escosse une considération remarquable audict [Cecill], c'est que cet escossois nommé François Maubré, dont est question, s'estant descouvert à luy, tant dudict attentat que des traitez auxquels il estoit employé [par ledict Cecill] envers les ministres dudict [Roy d'Espaigne], ledict Daniel en ayant esté advertir ledict [Cecill], celui-ci, au lieu d'en donner advis à ladicte Royne d'Angleterre et de faire prendre ledict Escossois prisonnier dès lors (comme il a fait depuis, ne pouvant faire autrement), tant pour esclaircir ledict attentat que pour se purger ■ desdicts traitez que ledict Escossois avoit déclaré audict Daniel ledict [Cecil] faire avec lesdicts Espagnols, il passa tout sous silence, et dist audict Daniel qu'il se gardast bien sur sa vye de parler, ny en bien ny en mal, desdicts traitez, et que s'il venoit en ce pais il le feroit pendre, et laissa cela deux mois entiers sans en faire aucune instance; durant lequel temps ledict Daniel, voyant que ledict [Cecil] ne prenoit gout à cela, et ayant d'aultre part ouy quelque vent que de vray il traitait tout de bon avec lesdits Espagnols, jugeant cette besogne de telle importance que, venant à estre descouverte d'ailleurs, et qu'il en eust sceu quelque chose sans en advertir ladicte Reyne, que cela mectroit
sa vie en hazard, en voyant que ledict [Cecil] avoit cellé ce qui luy en avoit dict, chercha tout autre moyen de le faire entendre à ladicte Reyne. Mais tous ceux à qui il s'adressa le renvoyèrent audict [Cecil], sans qu'un seul d'eux osast en parler à la Reyne qu'il ne fust auparavant venu à sa cognoissance. Ce que voyant ledict Daniel prist l'occasion du retour du [comte de Humes] et luy conte toute l'histoire, le prie et le conjure pour le grand bien et service dudict Roy d'Escosse, son maistre, de s'adresser droit à la Reyne sans se descouvrir audict [Cecil]. Ce que le [comte], au lieu de faire, s'en vint droit à luy, et luy fist entendre tout ce que ledict Daniel luy avoit dict. Lequel, feignant estre bien estonné, s'en alla à l'heure mesme en advertir ladicte Royne, et les fist interroger sur ledict attentat seulement, mais non sur lesdicts traitez d'Espaigne. Et ne voulust ledict [Cécile] que l'on parlast aucunement dudict traité, et menassa ledict Daniel de luy faire ressentir s'il en parloit, et enfin furent amenez tous deux entre les mains dudict Roy d'Escosse. Or ledict Daniel sest trouvé fort estonné que ledict [comte de Humes] se soit descouvert audict [Cecil], veu l'advertissement qu'il avoit donné audict [comte] qu'il estoit de la faction de [Espagne], et mesme fait entendre les menasses qu'il luy avoit faict, si bien que ledict Daniel m'a fait paroistre estre en quelque double que ledict [comte] ne soit affectionné aux [Espagnols]. Si a-il toutefois, à son retour de France, démonstré une très grande satisfaction du Roy nostre maistre et avoir de l'affection au service de Sa Majesté.
Je vous laisseray cela à juger pour revenir aux advis dudict Daniel qui me dist en particulier avoir entendu dire à M. de Broue, frère de milord Couban, que ledict [Cecil] amusoit [le Roy] d'espérance de luy mettre [Arabelle] à sa disposition et par conséquent la [couronne d'Angleterre], mais qu'il le trompoit et qu'il Irai toit cependant tout de bon avec [le Roy d'Espagne]. De quoy ayant voulu tirer dudict Daniel plus d'esclaircissement et m'estant fort soigneusement informé s'il n'avoit rien appris d'avantage sur cela de personnes de qualité ou de telle autorité que
l'on peult asseoir quelque fondement plus solide, je n'en peu rien apprendre d'avantage; mais il m'assura avoir dit au Roy d'Escosse qu'il avoit appris dudict sieur Broue et de beaucoup de personnes de qualité que ledict [Gecil] traictoit avec ledict [Roy d'Espagne] mais qu'il n'avoit parlé de ladicte [Arabelle] en bien ny en mal, craignant de préjudicier à Sa Majesté.
Voilà tout ce que j'ay peu tirer dudict Daniel. Se j'en puis apprendre quelque chose davantage je vous en advertiray, comme de tout ce que je penseray estre du service de Sa Majesté et de vostre contentement. Je m'asseure que vous n'oublierez pas à pénélrer ceste besogne jusques au fond, aussi me semble-elle de grande conséquence, et, si ce que dit ledict Gènevois est véritable, vous aurés une forte corde à rompre, que je pense estre malaysé à faire, si de bonne heure vous ne commencez à l'user fil à fil. Si vous en pouvez avoir quelque plus particulier esclaircissement, je vous supplie de m'en faire part. Je vous eu, dès il y a huit jours, mandé ceste nouvelle, n'eust esté que je vous voulois faire tenir ceste lettre par voye seure, et, ayant sceu que le sieur de Gremies estoit sur son partement, je n'ay point doublé de la mettre entre ses mains, estant honneste gentilhomme, fort de mes amis et fort bon serviteur du Roy nostre maistre, et qui m'a asseuré estre aussy fort le vostre.
D'Édembourg, ce 24 novembre 1G02.
1602. — 7 Décembre. — Edimbourg.
M. DE MAUPAS A M. DE BEAUMONT, AMBASSADEUR EN ANGLETERRE. (Bibliothèque impériale. — Fonds de Barlay, n. 223-5, pièce 96. — Original.)
Avis adressé à M. de Villcroy par M. de Maupas et dont il donne connaissance à M. de Bcaumont. — Perte totale de la récolte en Espagne et en Ecosse, qui se trouvent menacées d'une véritable famine. — Impossibilité de tirer des grains, soit de l'Angleterre, qui en a à peine produit pour sa consommation, soit des pays du Nord, où la peste sévit de manière à empêcher toute relation commerciale. — Préparatifs faits par les Anglais pour aller acheter en France tout le blé qu'ils pourront se procurer. — Cherté excessive que ces accaparements vont amener en France si le Roi n'y met ordre en prohibant d'une manière absolue l'exportation des grains, comme M. de Maupas lui en a donné le conseil. — Désir de l'ambas-
346 AMBASSADE DE M. DE M Al' PAS. 1602
sadeur que M. de Boaumont écrive au Roi dans le môme sens. — Étal de» affaires un Ecosse. — Tribulations continuelles suscitées au Roi par les imporlunitès des ministres et les divisions des seigneurs. — Querelle du comte de Huntly avec les comtes de Crawford et de Murray. — Arrivée à Edimbourg du comte de Huntly avec une escorte telle, que le Roi en a conçu des inquiétudes qui n'étaient pas sans quelque fondement. — Mesures qui ont été prises en conséquence. — Eloge de l'habileté de Jacques VI qui a tout sujet de l'exercer avec l'étrange nation qu'il gouverne. — Bons procédés dont il use à l'égard de M. île Maupas. — Affaire du duel projeté entre le genevois Daniel et l'écossais F. Mowbray. — Nouvel accusateur survenu contre Mowbray. — Système d'aveux dans lequel Mowbray est entré, tellement que cette affaire pourrait bien se terminer par un duel entre lui et le bourreau. — Relations que M. de Maupas entretient avec le genevois Daniel dans l'espoir d'en tirer quelque chose d'utile. — Prière qu'il adresse à M. de Bcaumont pour être tenu au courant des affaires de l'Europe.
Monsieur, je vous prie de me faire ce bien de me mander, à la première que m'escriprez, si aurez receu par la voye de l'agent d'Angleterre, résident en ce lieu, un paquet que j'adresse à M. de Yilleroy, et un mot de lettre du 4 e de ce mois par lequel je vous prie de prendre la peine de le luy faire tenir en diligence. Je vous mandois aussi que je vous ferois entendre par ceste occasion la teneur d'un advis que je luy donne, et que je vous entretiendrai des affaires de deçà. Pour satisfaire à ma promesse je commenceray par ledict advis qui n'est pas de grande conséquence, mais tel néantmoins que nous en pourrons tirer, vous et moy, quelque utilité ou en faire plaisir à nos amis, si Sa Majesté croit le conseil que je luy donne, faisant défense exacte qui ne sorte point de [bleds de France sans son passeport], et nous en octroyant un à vous et à moy pour faire sortir chacun quelques vaisseaux chargés pour nostre provision.
Ledict advis est tel : [ceste année en Espagne les bleds ont esté quasy tous bruslés du soleil, de sorte que la cherté] y est desjà si extresme et y sera de jour à aultre qu'il y a peult estre un siècle entier qu'elle ne fust si grande, et en voici les raisons : durant toutes [les chertés des grains] en icelle, [l'Angleterre, FEscosse, la Poullongne et le Dannemarck avoient aecoustumé de [les fournir. Ceste année l'Angleterre] ne le peult pour n'en avoir que sa petite provision, à cause de [la tardifveté de la récolte], tellement que la pluspart [des greins ne sont venus en maturité.
1602 AMBASSADE [IE M. DE MAl'IWS. 347
Et du costé (le ce païs, l'Escosse] le peult encore moins, qui a un [si extrême besoing de estre secourue ceste année] que, si elle ne Test [de France], elle court fortune d'endurer une des grandes [famines] qui se soit jamais veue. Les Isles d'Orguenez voisines de celles des Orcades, et tous les païs d'icelles vers le nort, qui tous les ans avoient accoustumé d'estre [les greniers de ladicteÉcosse] et aussi [d'Espaigne, sont cette année du tout infertiles] à cause des grandes pluies et ont besoin d'estre [secourues elles-mesmes. Pour la Poullougne, la peste est si grande à Danzich et tous les ports d'icelles] que toute [sorte de traffic] y cesse ceste année, et que personne ne s'ose [hazarder d'y aller], de sorte que, ne pouvant débiter leurs grains par nier, ils n'en peuvent secourir leurs voisins. Quant au pays de Dannemarck, il est aussy tellement affligé de la peste que le Roy d'icelluy a esté contraint d'abandonner son séjour ordinaire et à peine peut-il trouver lieu de seureté en iceluy. Si bien que, ce considéré, il y a une manifeste apparence d'une [grande cherté en France] si le Roy ne fait une deffense exacte [qu'il ne sorte aucuns grains de son royaulme], vous pouvant asseurer qu'il est party [d'Irlande et tic Angleterre] un nombre infini [de marchands et de vaisseaux pour enlever tout ce qu'ils pourront de grains au lieu de vins.] Si vous voyez plus grande apparence à cela, il me semble qu'il ne seroit mal à propos que vous donnassiez à [Sa Majesté le mesme conseil que je luy ay donné de faire ladicte deffense], toutefois vous en ferez ce qui vous plaira.
Pour ce qui est de Testât de ce pays dont j'ay cognoissance, je vous diray [que le Roy d'icelluy] est tousjours tenu en haleine tant par les assidues importunités [de ses ministres], qui ne lui sont, comme je croy, que douceurs, estant [de leur religion], comme les fumées d'un serf sont musquées aux veneurs, que pour les continuelles inquiétudes que luy donnent [les divisions et querelles] qui sont parmy [les principaulx de son pays. Monsieur le comte de Hontel est arrivé depuis huit jours auprès dudict Roy, accompagné de huit cents ou mille chevaux pour sa seureté, à cause des querelles qu'il a contre les comtes de Gral-
fort et de Moret]. Sa Majesté avoit esté priée de les appoincter en ce temps et leur avoir donné rendez-vous en ce lieu pour ce subject, mais il ne s'y est trouvé que ledict comte de Hontel, encore sa venue a-elle apporté beaucoup de doubte et de soupçon à ceulx qui ont le plus d'auctorité auprès dudict Roy]. Beaucoup croient que, sous sadicte [venue, il se tramoit un grand desseing qui môme, à ce que j'ay appris, a un peu mis le Roy en alarme. Et, de fait, il fit faire commandement hier à ceulx de ceste ville de luy envoyer quatre cents hommes armés pour faire garder la nuit son logis, ce qui n'a pas accoustumé de faire. Je voy tous les jours de plus en plus reluire sa prudence et sa sagesse, et vous asseure qu'il a tant sujet de l'exercer qu'en faisant de la pitié pour le labeur assidu qu'il prend [à manier ceste nation qui est estrange], il se fait admirer de tout le monde. Il me donne beaucoup de sujet de me louer du traitement qu'il me fait, et me tesmoigne une grande franchise à l'endroit du Roy nostre maistre.
Nos combattons sont encore là. On attend de jour en jour, à ce que j'ay peu entendre, un parent de François Maubré, lequel debvoit faire la mesme accusation, contre ledict accusé son parent, qu'a faicte ledict Daniel, et y a danger, cela estant, ayant deux tesmoins conformes contre ledict Maubré, que le duel soit dudit Maubré et du boureau, joint que ledict Maubré n'a pas eu bonne bouche et a commencé à advouer des choses de ce dont il est accusé qu'il eust beaucoup mieux fait de taire. Je n'ay rien appris de nouveau dudict Daniel depuis ce que je vous ay mandé par ma lettre du 29* novembre, pour n'avoir eu occasion commode à l'entretenir depuis ce temps; je mesnage néantmoings tousjours sa bonne volonté et luy rends quelques offices à mesure qu'il a affaire de moy, afin d'en pouvoir apprendre d'avantage; ce qu'estant, je ne faudrois de vous en donner soigneusement advis.
Je ne vous diroy rien des nouvelles du monde pour estre en lieu mal à propos pour en savoir. Si vous ne m'en eussiez fait part, je fusse desja aussy sauvage que je seroy si vous ne me con-
tinuez ce bien. Et attendant quelque nouveau subject cligne de vous entretenir plus longtemps, je vous baiseroy bien humblement les mains, etc. — D'Édembourg, ce 7' décembre 1602.
1G02. — 27 DÉCEMBRE. — Édimbourg.
M. DE MAUPAS A M. DE BEAUMONT, AMBASSADEUR EN ANGLETERRE. {Bibliothèque impériale. — Fond* de Iiarlay, n. 223-3, pièce 113. — Original.)
Véritables motifs qui ont déterminé Jacques VI à proposer au Roi, par l'entremise de M. de Maupas, une ligue offensive et défensive. — Avantages qu'il faut tirer de cette proposition, quels que soient les motifs qui l'aient dictée. — Charge donnée l».ir le Roi à M. de Maupas de déclarer à Jacques M que son intention est de proposer à la reine Elisabeth de comprendre l'Ecosse dans la ligue projetée entre la France et l'Angleterre. — Résolution du Roi d'Ecosse de procéder en toute diligence à la perfection du traité aussitôt que la Reine d'Angleterre auia fait connaître sa réponse à M. de Beaumont. — Crédit de ceux de la faction d'Espagne en Ecosse qui sont parvenus à faire éliminer de l'accusation portée par le genevois Daniel contre l'écossais Mowbray tout ce qui pouvait compromettre le Roi d'Espagne et le secrétaire Cecil. — Etonnemcnt causé à M. de Maupas par l'affaire du duc de Bouillon. — Avis que le Roi d'Écosse en avait été averti six jours avant lui, et qu'il >'esi grandement réjoui de ce que ceux de la religion réformée ne se trouvaient point mêlés à cette conspiration. — Sentiments de Jacques VI au sujet du mariage projeté entre le prince d'Ecosse, son llls, et la ûlle du duc de Savoie. — Déclaration formelle faite par lui a l'ambassadeur qu'il n'a pas la moindre intention de conclure ce mariage. — Penchant de la Reine d'Écosso pour cette union, à laquelle Jacques M préfère l'alliance du duc de Florence. — .Négociations suivies dans ce but de la manière la plus active et qui sont connues de tout le monde. — Observation de M. de Maupas que le Roi d'Écosse est plus judicieux, plus prudent et plus sage qu'on ne saurait l'imaginer, mais qu'il a le malheur de ne pas être servi discrètement. — Bruits réjwndus par ceux de la faction d'Espagne sur les prétendus succès des Espagnols en Afrique — Recommandation en faveur de M. Ration, maître d'hôtel du Roi d'Ecosse.— Avis transmis au Roi par M. de Maupas au sujet des courriers.
Monsieur, je reçus lundi dernier au soir, 23 de ce mois, le pacquet que m'avez envoyé, duquel ne doubtant point que ne sçachiez la tournure, je ne vous en diray rien, mais bien ce qui me semble de l'opinion que vous avez que le Roy d'Escosse a esté [invité à la proposition que j'ay faite au Roy nostre maistre de sa part] veu la grande impatience [que la Royne d'Angleterre a de voir Sa Majesté aux mains avec la Roy d'Espaigne]. Je vous diray doncq que ce n'est pas ce que je pense, et me persuade
qu'il s'est plustost laissé porter à cela par la crainte qu'il a eue [de la paix d'Espaigne et l'Angleterre], recognoissant par ce dessein et beaucoup d'aultres apparences [que le Roy d'Espagne traictoit avec luy avec] trop d'artifice et trop peu de franchise, et pour le doubte qu'il a eu [que ses ministres] ne luy fissent du mesnage sur ces traictés, ausquels j'ay mis le feu sous le ventre le plus chaud que j'ay peu sur ce subject, qu'il ne l'a faict à la persuasion [de la Royne d'Angleterre], estant d'advis que, s'il l'eust faict à son instigation, [quelle l'eust] faict faire plustost et devant que de commencer [elle-mesme la proposition de la ligue offensive et delîensive quelle a fait au Roy nostre maistre], suivant ce que Sa Majesté me mande; n'ayant aussy faict offres de la part de Sa Majesté audict Koy d'Ecosse à mon abord si particulières [que ladicte Royne] ayt d'en prendre subject là dessus d'espérer [l'attirer] plus facilement à ce desseing par l'entremise dudict Koy d'Escosse. Mais, comme fort sagement vous me dites qu'il n'importe de quelle part luy soit venue ceste volonté, c'est assez qu'estant fort utile au bien du service de sadicte Majesté, comme vous l'estimez et je le juge, nous y apportions aultant de nostre inclination que le service de Sa Majesté et l'intérest commun du bien de nostre patrie nous y oblige. Sadicte Majesté m'a commandé de dire au Roy d'Escosse qu'au premier [jour il vous feroit proposer à ladicte Royne d'Angleterre de le comprendre à ladicte ligue] qu'elle a cy-devant proposée à Sadicte Majesté. Lcdict Roy d'Escosse attend [la responce que ladicte Royne vous fera], pour aussytost procéder en toute diligence au moyen de la mectre à perfection.
Ceulx [de la cabale d'Espaignc, qu'est icy plus grande et plus appuyée] que l'on ne pense, ont tant faict qu'ils ont caché l'accusation que le Gènevoys faisoit que Francoys Maubray luy avoit dit estre [instrument de la négociation que le sieur Ceci lie fait avec le Roy d'Espagne], et beaucoup de points, sur lesquels ledict Gènevoys vouloit combattre ledict Escossois, tendant à l'esclaircissement [des menées dudict Roy d'Espagne] ; et les font combattre sur le seul point qui regarde la personne dudict Roy
d'Escosse, comme vous verrez par leur cartel que je vous envoyé qui fust seulement hier achevé. Je vous l'envoyé en Escossois, comme il est sorti des mains du greffier du Conseil, jugeant que n'aurez faulte d'interprettes, et afin aussy que le puissiez monstrer [à Monsieur Cecil], si vous luy vouiez donner ceste bonne nouvelle; qui en sera bien ayse, je m'asseure, voyant que tout ce qui [regardoit son particulier] est passé soubz silence. Je n'ay rien appris de nouveau dudit Daniel.
J'ay trouvé merveilleusement estrange la nouvelle de Monsieur de Bouillon. Le Roy d'Escosse en estoit adverty plus de six jours devant moy, et s'en est aultant estonné que resjouy d'entendre [que le corps de ceulx de la religion prétendue réformée n'y ait point esté brouillé], ce qu'il craignoit infiniment.
Dernièrement, discourant avec luy des bruits qui couroient [du mariage du Prince d'Escosse, son fils, avec la fille du duc de Savoye], il me fist paroistre ne faire pas plus de cas de ceste nouvelle que sy desjà il l'eust veue dans la gazette, et me dist librement qu'il y avoit fort longtemps qu'il avoit tellement rebulté tous ceulx qui luy en avoient parlé qu'il ne pensoit pas que personne qui eust cognoissance de ses affaires ny de son honneur en peust seulement avoir la moindre opinion, et que quelque personnage de grand loisir, peult-estre affectionné [au Duc de Savoye], se pouvoit entretenir à semer ses bruits. Je vous puis asseurer que ledict Roy d'Escosse tend ailleurs, et qu'encores qu'il soit bien véritable [que la Royne d'Escosse] ayt fort désiré, et désire encore [l'alliance dudict Duc], suivant ce que je vous ay dit autrefois, que néantmoins ledict Roy d'Escosse a un dessoin tout contraire à cella, et qui pourra bien réussir. C'est [de l'alliance du Duc de Florence], estant la vérité que depuis que, je vous ay escrit, que j'ay esté asseuré de fort bonne part que les choses s'y advancent fort. Je vous dis cela pour véritable, mais r.on pas pour plus de secret que s'il estoit dans la gazette, vous confessant [que ledict Roy a un malheur de n'estre pas servy secrètement], encore qu'il soit plus judicieux, plus prudent et plus sage que vous ne le sçauriez imaginer.
Messieurs [de la faction d'Espagne] font icy courir le bruitque l'armée navale estoit retirée à Carthagène, après avoir pris deux petites villes proches d'Arger. Ce leur est un grand malheurde n'en sçavoir pas les noms ; ils les eussent adressés au curé de la paroisse, suivant le conseil de Messieurs les Yénitians, et ils eussent eu le vin sans doute. — Je croy que ceste lettre viendra à vous devant qu'un maistre d'hostel du Roy d'Escosse, nommé Monsieur Haston, soit party de Londres, que ledict Roy d'Escosse y a envoyé. Je vous supplye luy faire caresse pour l'amour de moy. Et luy dire que je vous ay fait entendre son mérite. Il est fort honneste cavalier et auquel le Roy d'Escosse veult beaucoup de bien. — J'ay fait savoir à Sa Majesté comme vous m'avez envoyé exprès un de vos gens à cheval. Je lui donne mon advis, conforme au vostre, touchant la despence du messager, qui demeurera près de moy, et ay supputé les frais de chaque voyage, pour aller et venir d'icy à Londres, à deux cents francs. Je vous baise bien humblement les mains. Ce 27' décembre 1G02.
Vostre très affectionné serviteur, etc.
1603. — 7 Janvier. — Édimbourg.