BELLIÈVRE

1587. — 6 Janvier.

Ce qui a esté remonatré à la Royne d'Angleterre le jour des Innocent!, VI» janvier, selon le calendrier réformé, 1587, [par MM. de Bellièvre et de Chaateauneuf.]

(Biblioth. impér. — Supplém. franç., n. 5005-10, p. 69. — MimU.)

Vif chagrin causé au Roi par la réponse d'Elisabeth. — Charge qu'il a donnée à m ambassadeurs de faire île nouvelles instances auprès de la Reine d'Angleterre. — Motifs qui doivent déterminer Elisabeth à épargner la vie de la Reine sa cousine. — Déclaration qu'en ordonnant la mort de Marie Stuart, Elisabeth fera aux princes alliés de la Reine d'Ecosse l'offense la plus grave. — Reconnaissance de tous les piiuces chrétiens si Elisabeth préfère le parti de la clémence. — Mesures que le Roi s'engage ;\ prendre, dans ce cas, pour assurer la sécurité de la Reine d'Angleterre et de son royaume. — Espoir fondé par le Roi sur le bon naturel d'Elisabeth. — Dérlaralion que, si cet espoir était trompé, le Roi est résolu d'en manifester son ressentiment comme d'une offense personnelle.

Madame, nous avons faict entendre au Roy notre maistre, vcslre bon frère, la responce qu'il vous pleust nous faire sur ce

que de sa part nous vous avons prié et remonstré, touchant la Royne d'Escosse, en deux audiences que Yostre Majesté nous a données. Sa Majesté très-clirestienne s'est trouvée en une peyne extresme, ayant veu ce que nous luy en avons cscript, non seulement pour le respect de ladicte dame Royne d'Escosse qui est sa parente, sa confédérée et sa belle-sœur, mais aussy pour le vostre, Madame, de l'amytié de laquelle ledict seigneur faict et veult faire tout le temps de sa vye beaucoup de compte, tout estât et estime. Il vous prie de rechef, Madame, de vouloir mectre en vostre saige considération la prière qu'il vous en a faicte, qu'il estime pleyne de justice et d'honneur, et n'estre pas moins pour vostre bien que celluy de la personne en faveur de laquelle il retourne à vous prier de ne le vouloir poinct refuzer. Quant le Roy vostre bon frère parle pour conserver la vye à la Royne d'Escosse sa belle-sœur, quant Sa Majesté parle pour la cause qui est commune à tous les roys, elle n'estime poinct que vous preniez par là opinion que l'on veuille parler à vostre préjudice. Ledict seigneur vous recongnoist pour royne et princesse souveraine, qui avez, en ce faict, commun inlérest avec les aultres roys et princes souverains, et particulier pour estre aussy ladicte dame Royne d'Escosse vostre plus proche parente. Et quant à Foffence que Vostre Majesté prétend luy avoir esté faicte en particulier, vostre bonté a par plusieurs fois déclairé qu'elle n'en cerche aulcune vengeance, et ainsi nous le croïons; mais, sur le doubte qui vous demeure qu'en conservant la vye à la Royne d'Escosse, la vostre ne soit en danger, à quoy seulement désirez qu'il soit pourveu, le Roy, vostre bon frère, entre en ce pensement avecq Vostre Majesté comme il est très raisonnable. Et considérant d'où il vous peult advenir plus de mal et de danger, ou de repos, seuretté et de contentement, tant pour le respect de vostre personne que de voz affaires, juge que, sans aulcun doubte, la mort de la Royne d'Escosse advenant, ainsy qu'aulcuns le vous conseillent, vous seroit infiniment plus préjudiciable que sa vye ne vous peult incommoder. Je ne veulx m'arrester à ce qu'aulcuns disent qu'il fault craindre que ladicte dame ne face

de nouveau attenter contre la personne de Vostre Majesté. Nous estimons qu'il y a trop moins à craindre pour Vostre Majesté, cependant qu'elle est en vie et entre voz mains, que si elle estoit morte. Dieu a donné tant de moïens et d'entendement à Yostredicte Majesté que, quant ladicte dame seroit libre parmy vostre roïaume ou ailleurs, vous en sçauriez bien garder. Mais elle est détenue si estroictement qu'elle ne sçauroit nuyre au moindre de voz serviteurs. A peyne avoit-elle l'ange de vingt cinq ans quant elle a esté retenue vostre prisonnière et privée de la communication de personnes de conseil, qui faict qu'il a peu estre plus aisé de la tromper à ceulx qui malicieusement luy ont voulu moyenner et faciliter quelques imprudens conseilz. Si, commandant en Escossc et y estant obéyc comme royne, elle fust entrée en cestuy vostre roïaume pour vous ouster et lestât et la vye, et qu'il luy fust advenu de tumber en vostre puissance, elle ne pouvoit par raison de guerre actendrc plus dur traictement que de payer une bonne rançon. Car jusques à présent je n'ay ouy, ne peu comprendre raison quelle qu'elle soit par laquelle on puisse soustenir qu'elle soit vostre justiciable. Ladicte dame est entrée en vostre roïaulme suppliante, persécutée d'une très grande affliction, princesse souveraine et vostre plus procbe parente. Elle a icy esté longuement en espérance (*) d'estre remise en son roïaume par vostre bonté et faveur ; de toutes ces grandes espérances ( 2 ), elle n'en a jusques à présent rapporté que une prison perpétuelle ( 3 ). Or, Madame, ayant pieu à Vostre Majesté de nous dire que vous désiriez seulement de veoir les moyens comme il se pourroit faire qu'en saulvant la vye à la Royne d'Escosse, vous ne mectez la vostre en danger, nous l'avons faict entendre au Roy nostre maistre, vostre bon frère, pour recevoir sur ce son commandement. Sa Majesté désireroit sur toutes les choses du monde de pouvoir en cela apporter quelque bon moïen et qui

(') Il y avait dans la rédaction primitive : On l'a icy longuement tenue en espérance. (*) La rédaction primitive ajoutait: qu'on luy a données,

(') Rédaction primitive : que auleuns désirent finir par ung spectacle horrible et très pit omble .

fust à vostre contentement, bien que la chose luy semble estre entièrement en voz mains qui détenez la Royne d'Escosse prisonnière et l'avez en vostre puissance. Ceste noble princesse est maintenant si abaissée et humiliée que ses plus grandz ennemys en peuvent avoir compassion, qui me faict mieulx espérer de la clémence et générosité de Vostre Majesté. •

Quam nobiîis ira Leonis!

In sibi prostratos se mgat esse ferum (»).

Que reste-il plus à la Royne d'Escosse qu'une vye très misérable de bien peu de jours, [lesquelz estans accourciz par la rigueur de voz commandements, plusieurs diront ce que fut dict ancyennement du jugement donné contre Rutilius : qui illum damnaverunl, causam dicenl omnibus seculis]. Jamais au monde pareil jugement n'a esté donné contre une royne souveraine, jamais aussy il ne m'est peu entrer en l'opinion que Votre Majesté se puisse résouldre à une si rigoureuse exécution. Cicéron dict à Jules Cœsar, parlant pour le roy Dejotarus : est ita inusilalum regem capitis reum esse, ut ante hoc tempus non sit audilum . Si la Royne d'Escosse est innocente, il est juste qu'elle soit deschargée de ceste accusation. Si vous l'estimiez coulpable, il vous est honorable, il vous est utile de luy pardonner. Quant Vostre Majesté le fera, elle fera ce que les bons princes ont accoustumé de faire. Le roy Porsena ousta la main de dessus le feu et pardonna à Q. Mutius qui confessoit et se vantoit d'estre entré en son armée pour le tuer et assassiner. Le plus grand précepte de bien et heureusement régner est de s'asbtenir du sang; ung sang appelle faultre, et telles exécutions ont ordinairemeut suicte. Nous sommes maintenant aux Testes de Nouel qu'il a pieu à Dieu, au lieu de se venger de l'iniquité et ingratitude des hommes, envoyer en ce monde son filz unique, nostre Seigneur Jésus Christ, pour servir de victime et de propitiation pour noz péchez. 11 fault, puisque nous sommes aux festes de la Nativité

(') Celle citation et les passages suivants, entre crochets, sont rayés dans l'originil.

136 AMBASSADE DE CHATEAl'NEUF, ETC. 1587

de nostre vie, esloigner de noz yeulx et chasser de noz pensées toutes choses funestes et odieuses [et sanguinaires]. Si Vostrc Majesté se résouldra contre la Hoync d'Escosse à conscilz extresmes, ceux qui luy appartiennent et do sang et damytié en seront extrêmement offensez (*). Au contraire, s'il vous plaira user de bonté envers ladicte dame, tous les princes chresticns s'estimeront comme obligez à veiller pour vostre conservation. Ce que en premier lieu le Roy, nostre maistre, vous offre pour son regard, et vous promect qu'il empeschera de son pouvoir que telz attentalz, que ceulx que l'on prétend avoir esté cy-devant faietz contre Yostre Majesté, ne se facent. Et en oultrc ordonnera aux parents de la Hoyne d'Escosse qui sont en son roïaume, et fera qu'ilz s'obligeront et signeront sur leurs foy et honneur, et se feront fortz pour ladicte dame Royne quelle, ny aultre pour elle, n'entreprendra rien contre Yostre Majesté. En quoy Sadicte Majesté très-chrestienne vous fera, en sondict roïaume et partout ailleurs, les bons offices d'un vray frère et parfaict amy. Et si Yostre Majesté, comme très prudente et très ad visée, trouvera bon de mectre en avant quelques aullres moyens qu'elle juge plus propres pour sa scureté et satisfaction, se daignant de le nous faire entendre, nous nous y employerons de noz pouvoirs fort fidellement, et vous y servirons de très bon cœur envers Sadicte Majesté; vous supplyans à ces causes, Madame, de vouloir par vostre bonté prendre en la meilleure part et considérer ce que nous vous avons remonstré par le commandement très exprès du Roy nostre maistre, vostre bon frère, et n'estimer poinct que ce soit le moïen de vous asseurez si vous ferez mourir la Royne d Escosse. Vostre fortune est très heureuse en cestuy vostre roïaume et vostre renommée très belle parmy les potentatz du monde, qui faict que nous nous promectons que l'on ne vous persuadera poinct de vous résouldre à chose qui seroit si contraire à vostre vie précédente. Vostre Majesté vivra en plus grande seurcté, demeurant en vye la Royne d Escossc, que s'il advient

(') An lieu de ces mots : en seront, etc., il y avait : se pourroient aussy résoudre à mesma

qu'on la face mourir; dont je ne m'estendray à desduyre les raysons pour ce que Vostre Majesté les peult miculx comprendre que nul aultre. Les remèdes sanglants [qui se proposent] seroient plustost le commencement de beaucoup de maulx que la fin de ceulx ausquelz on dict de vouloir remédier. Le dormir est chose très nécessaire aux mallades, et n'y a rien qui le face plustost venir que le pavot. Mais il n'y a que les [folz et] mauvais médecins qui l'ordonnent à leurs mallades. Sa Majesté très-chrestienne espère que vostre bonté rejectera un conseil si aliène de vostre doulx et bening naturel (*), qui vous est donné contre la Royne d'Escosse. Mais, quand ce ne seroit le bon plaisir de Vostre Majesté d'avoir égard à tant et de si grandes considérations pour lesquelles nous vous faisons ceste très instante et très affectionnée prière de la part dudict seigneur Roy, nostre maistre, ayns faire procedder à l'exécution d'un si rigoureux et extraordinaire jugement, il nous a donné charge de vous dire, Madame, qu'il ne pourra qu'il ne s'en ressente comme de chose, oultre l'intérêt commun de tous les roys, qui particulièrement l'aura offencé.

1587. — Janvier. — Londres.

Advis pour M. de Villeroy de ce qui a esté faict en Angleterre par H. de Bellièvre sur les affaires de la Royne d'Écosse, ès moys de novembre et décembre 1586, et janvier 1587.