FÉVRIER

Mémoire (*) pour les affaires du Roy, depuis le parlement de Monsieur de Bellièvre jusqu'au xxv« febvrier 1587 N. S.

(Biblioth. impér. — Fonds de ùéthune. n. 8899. f° il. — Copie.)

Audience accordée par Êlisabcth aux ambassadeurs du Roi d'Ecosse. — Vaincs instances qu'ils ont faites pour obtenir d'elle lu promesse de conserver la vie «le Marie Stuait. — Démarche de l'un des seigneurs de la cour d'Angleterre auprès de Gray, chef de l'ambassade. — Condition proposée au Roi d'Ecosse pour sauver la vie de la Reine sa mère. — Refus péremptoirc de cette proposition par Gray. — Dernière audience accordée aux ambassadeurs écossais. — Protestation énergique qu'ils ont faite, au nom du Roi leur maître, contre toute la procédure suivie à l'égard de Marie Stuart. — Nullité de cette procédure qui a été dirigée contre une personne royale, sur laquelle ni la Reine d'Angleterre ni ses sujets n'ont aucune puissance. — Mécontentement manifesté par Elisabeth, qui a prétendu que les ambassadeurs oulre-passaicnt leurs instructions. — Son intention de s'en assurer en envoyant Owley, l'un des membres de son Conseil, vers Jacques VI. — Instances des ambassadeurs pour obtenir un sursis à l'exécution de Marie Stuart jusqu'au retour de cet envoyé. — Refus d'Elisabeth de s'engager par une promesse formelle. — Promesse particulière faite à cet égard par le comte de Leicestcr. — Départ des ambassadeurs, à qui la Reine a fait des présents. — Soin qu'ils ont eu de visiter publiquement M. de Chàteauneuf cl de le tenir au courant de leur négociation. — Projets de complot que l'on s'est efforcé d'attribuer à ces arabassideurs contre la vie d'Elisabeth. — Instances des Fcigncurs anglais auprès d'Elisabeth pour hâter l'exécution de Marie Stuart. — Avis qu'ils ont empêché la Reine d'Angleterre d'envoyer Owley en Ecosse. — Trahison de Stanlay en Flandre, qui a détermine Elisabeth à signer l'ordre de l'exécution.

Le vendredy, deuxième jour après le partement de M. de Bellièvre, les ambassadeurs d'Escosse eurent audience, assa-

(') Ce mémoire ne parvint au Roi qu'après la réception de la dépêcbc suivante.

voir les sieurs Gray, Melvin (*) et Queth, qui suivirent les mesmes erres que Monsieur de Bellièvre avoit tenues pour le salut de la vie de la Royne d'Escosse, prians la Royne d'Angleterre, au nom de leur Roy, de voulloir luy donner la vie. Ce que la Royne leur refusa, alléguant qu'elle ne pouvoit estre en seureté tant que ladicte Royne d'Escosse vivroyt, avec beaucoup de parolles assez rudes contre ledict Melvin que elle estimoit estre auteur et principal conseiller au Roy d'Escosse de se formaliser pour sa mère; et en vint jusques là qu'elle dict audict Melvin que, si elle avoit ung tel conseiller que luy, qu'elle luy feroit trancher la teste. A quoy ledit Melvin se monstra fort vertueux à luy respondre, disant que il n'espargneroit jamais sa vie pour donner ung bon conseil à son maistre qui n'avoit ung seul bon serviteur qui luy voulusse conseiller de laisser ainsy mourir sa mère.

Trois ou quatre jours après, ilz demandèrent audience pour sçavoir la dernière résolution et prendre congé. La Royne d'Angleterre les remist avec ceulx de son Conseil à en conférer; ce que ilz refuzèrent tout-à-fait et renvoyèrent demander passeport pour s'en retourner. Sur ce, la Royne les manda et les ouyst en présence de son Conseil, comme elle fist à Monsieur de Bellièvre. Et leur ayant demandé la Royne quelle seureté ilz luy bailleroient pour sa vie, ils luy dirent que, oultre les offres du Roy, desquelles ilz avoientcu communicquation, ilz luy offroient encores l'obligation du Roy d'Escosse, leur maistre, de tous les seigneurs d'Escosse, et, oultre ce, s'il plaisoit à la Royne la délivrer et la mettre entre les mains du Roy son filz, ilz offroyent de faire que ladicte Royne d'Escosse renonceroit au proffict de son filz à tout le droict qu'elle prétendoit à la couronne d'Angleterre, sans espérance d'y entrer jamais, avec la caution et seureté du Roy de France et de tous les autres princes ses parents et amys; et encores s'obligcroient à la bien guarder.

A cela la Royne respondit soudainement et sans y penser :

(') Robert Melvillc, frère de Jjcqucs Mclvillc, l'auteur des mémoires, et d'André Melvil'.e maître d'hôtel de la Reine et son Adèle comiagnon de captivité (LabanofT).

« Ce serait armer mon ennemy de deux droictz, en lieu que il » n'en a que ung, et le aceroistre de forces pour me nuyre. » — Lesdictz ambassadeurs relevèrent ceste parolle, dont elle changea de couleur, et, se addoucissaot, dict que elle ne tenoit pas ledict Roy d'Escosse pour son ennemy, mais que c'esioit une forme de parler. Et sur cela, pour les contenter, commença à dire que, s'il se trouvoit moyen pour asseurer sa vie en conservant la Royne d'Escosse, que elle le désiroit, priant ledict Melvin de le trouver. Et estant entré ledict Melvin en discours plus avant contre ceulx du Conseil là présentz, la Royne faisoit semblant de se contenter de ses raisons, jusques là que elle dit au Grand Trésorier que le dict Melvin alléguoit de bonnes raisons. Et se sépara ceste audience avec espérance que ladicte dame se laisseroit persuader; mesme, comme ilz vouloient prendre congé d'elle, .alTîn de la presser de se ré3ouldre, elle leur dict que elle les vouloit veoir encores une fois. CesLe dernière audience fust retardée cinq ou six jours, et durant iceulx ilz veirent en particulier M. le conte de Lecestre, le Grand Trésorier, et autres, que ilz trouvèrent tousjours fort contraires à la Royne d'Escosse.

Durant ce temps, ung gentilhomme de ceste court, duquel la Royne d'Angleterre se fie en affaires importantes, vint trouver Monsieur Gray, chef de ceste ambassade, feignant le visiter; et luy parlant de ce fait, luy dict que, en vérité, la Royne estoit toujours en danger tant que la Royne d'Escosse vivroit; et que tous les seigneurs d'Angleterre qui a voient signé sa mort ne pouvoyent permectre que elle vescut, car ilz ne voyoient nulle seureté pour culx si elle survivoit la Royne d'Angleterre; que la renonciation que ilz offroient que elle feroit au proffict de son fils ne servirait de rien; mais que, peut-estre, si le Roy d'Escosse luy-mcsme vouloit renoncer à tout le droict que il prétend à la couronne d'Angleterre, en cas que il advint cy-après que Ton conjurast contre la vie de la Royne d'Angleterre, cela pourrait servir à contenter les seigneurs de ce royaume; aultrement, que il ne veoyoit pas que il y eust moyen de sauver la Royne d'Escosse. Ledict Gray rejecta fort loing ceste ouverture, luy deman-

dant s'il avoit charge de lui tenir ce languaige; ce que Pautre excusa disant que il l'avoit dict par forme de devis.

A la dernière audience, la Royne commença à les prier d'excuser les parolles que elle leur avoit dictes, qu'elle n'entendoit point ainsi comme elles sonnoient. Et eux demandans précisément quelle responce ilz reporteroient à leur maistre, elle leur dict que, après avoir bien songé et advisé avec ceulx de son Conseil, que elle ne pouvoit accorder la vie de la Royne d'Escosse, ne voyant point de seureté pour elle. Sur quoy ilz luy dirent que, puisque ainsy estoit, ilz avoient charge de leur maistre luy dire que il protestoit que tout ce que elle avoit faict contre sa mère estoit nul, comme faict contre personne sur laquelle elle ny ses subjectz n'ont aulcune puissance. Que ilz luy déclaroient que, à [leur] retour, il assembleroit ses Estats et envoiroit vers tous les princes chrestiens pour adviser ce qu'il auroit à faire.

La Royne respondit que elle ne pensoit pas que ilz eussent ceste charge de leur Roy. Hz offrirent de le bailler par escript. Elle dit qu'elle envoiroit vers le .Roy leur maistre pour en sçavoir la vérité; et, attendant ce, que elle vouloit qu'ilz demourassent à Londres. Hz respondirent que leur maistre ne oyroit personne de sa part jusques à ce que ilz fussent retournez.

Eulx revenus, ils dépeschèrent à leur maistre le prier que il ne ouyst personne que ilz ne fussent de retour, et pressèrent tant d'avoir leur congé, que, enfin, cinq ou six jours après, il leur fut accordé; et leur manda la Royne que elle envoirait ung de son Conseil, Monsieur Oulay, incontinant après eux, pour mieux informer le Roy d'Escosse et ceulx des Estats de toute la procédure faicte contre la Royne d'Escosse. Lors ilz feirent supplier la Royne d'Angleterre de vouloir leur asseurer que il ne seroit point procédé à l'exécution de la Royne d'Escosse que ledit Ouley ne fût de retour. Ce qu'elle refusa, disant que elle ne le promectoit point, mais que, si elle le faisoit, le Roy d'Escosse luy en auroit davantaige d'obligation. Monsieur le conte de Leicestre promist en particulier audict Monsieur Gray que il feroit tant envers la Royne, que elle ne mourroit point avant le retour dudict Ouley.

Sur cela, ilz eurent leur congé avec présens et partirent de

Londres le de ce moys, ayans visité deux fois en pu-

blicq le sieur de Chasteauneuf, et l'ayant toujours adverty, jour pour jour, de tout ce qui se passoit en leur négotiation. Hz n'ont pas esté exemptz de calomnie forgée par cculx qui veulent tenir tousjours la Royne d'Angleterre irritée, luy ayant donné à entendre que ilz tramoyent quelque chose contre elle. Mesmes eux ayans apporté force pistolés pour donner, comme Monsieur Gray en envoyoit donner une couple au mylord lluygby qui estoit à la court, celuy-là qui les portoit, nommé le baron de Pruriougby, cousin dudit Gray, fut descouvert avec ses pistollés, et, estant saisy, elles furent trouvées vuydes, sans estre aulcunement chargées : mesmes il dict l'occasion qui les luy faisoit porter. Toutefois il ne laissa d'estre en peine et danger d estre mis prisonnier, si Monsieur Gray ne l'eust advoué; et fut contrainct guarder le logis sans sortir, jusques à ce que les ambassadeurs sont partis; et beaucoup d'autres bruitz qui ont icy courru contre eux et leur suietc.

Depuis leur partement, les seigneurs ont faict grande instance à la Royne de faire mourir la Royne d'Escosse. Mesmes ont empesché que ledict Ouley n'ayt esté dépesché. Et de faict, estant survenu ceste trahison dt» Stanlay en Flandres (*), la Royne esmeue se laissa aller à signer l'exécution de mort. De faict, samedy dernier, partist Monsieur Bele, clerc du Conseil, avec mandement au bailly du païs de procéder à l'exécution, et commandement au conte de Sheroshery et trois autres seigneurs là voisins d'y assister. Le mardy il luy fut signifié que la Royne vouloit que elle mourust; à quoy elle se résolust. Et le mercredy, sur les neuf heures du matin, elle fut menée de sa chambre en la salle prochaine, où il y avoit ung éehaflault dressé; et là, en présence de tout le peuple du bourg et de toute la noblesse du païs,

(') William Stanlay, l'un des officiers qni commandaient en Flandre sons le comte de Leire>ter, craignant dï-tie compromis dans la conspiration de Bal>in«ton, dont il avait Hè l'ami, lim aux Espagnols la vi le de De\ciUcr. et entra avec i,30O hommes au service de Philippe II { Litigard, Hiti. £ Angleterre, t. VU, ehap. V, p. 347 de la trad. franc,.).

de quatre de ses gens, et de deux de ses femmes, la teste luy fut tranchée. Les particularitez se sçauront plus à loisir.

(Le reste du Mémoire est relatif aux affaires de Flandre.)

1 587. — 27 Février. — Londres.

M. de Chasteauneuf an Roi.

(Biblioth. impér. — Fonda de Béthune, n. 8880, fo 7. — Autographe.)

Causes qui ont empêché l'ambassadeur d'apprendre immédiatement au Roi l'exécution de Marie Stuart. — Récit de celte exécution. — Mesures prises à l'égard des serviteurs de la Reine d'Ecosse. — Vaines instances faites par l'ambassadeur et par Roger pour obtenir un passeport. — Persistance de Marie Stuart, jusqu'au dernier moment, à soutenir son innocence. — Recommandation qu'elle aurait faite au Roi d'Ecosse d'honorer la Reine d'Angleterre comme sa mère, et de ne jamais se départir de son amitié. — Nouvelle de l'exécution apportée le jeudi malin à Grenwich par le tils du comte de Shrewsbury. — Manifestations de joie qui ont eu lieu à Londres immédiatement. — Réclamations adressées à M. de Chàteauneur par les membres du Conseil au sujet de l'arrestation des dépêches en France. — Mesures de représailles qui ont été prises en Angleterre. — Conférence que l'ambassadeur a eue à ce sujet avec M. Owley, l'un des membres du Conseil. — Explications données par Owley sur la nécessité qui a forcé la Reine d'Angleterre à permettre l'exécution de Marie Stuart. — Réponse de l'ambassadeur. — Invitation adressée par Elisabeth à Roger de se rendre auprès d'elle. — Excuse alléguée pour ne pas le recevoir. — Conférence sans résultat qu'il a eue avec les membres du Conseil. — Courroux témoigné par Elisabeth contre les seigneurs de son Conseil, au sujet de l'exécution de la Reine d'Ecosse. — Arrestation de Davison. — Explications données à Roger par la Reine d'Angleterre. — Prochaine réunion du Parlement, qui veut prendre la défense de Davison. — Explications fournies au Roi par M. de Chàtcauneuf sur l'affaire de Destrappes et sur l'odieuse imputation à laquelle lui-même se trouve en butte. — Promesse faite par Walsingham à Roger d'apaiser toule cette affaire, aussitôt que le temps aura un peu calmé la colère d'Elisabeth. — Nouvelles réclamations des membres du Conseil au sujet de la fermeture des ports en France et de l'arrestation des dépêches. — Démarche faite par l'ambassadeur auprès do M. de Cordon pour laisser passer un courrier de la Reine d'Angleterre. — Étrange demande adressée au Roi par M. de Chàtcauneuf, afin d'obtenir quelques gratilications sur les biens devenus vacants par la mort de Marie Stuart.

Sire, Votre Majesté sera peult-être estonnée de sçavoyr les nouvelles de la mort de la Roy ne d'Escosse par le bruict commung qui en pourra courir à Paris, avant que d'en estre advertie par moy. Mais, Sire, Vostre Majesté m 1 excusera, s'il luy plaist,

quand elle sçaura que les portz de ce royaume ont esté si exactement guardés que il ne m'a esté possible de faire passer ung seul homme; et si est plus, que, ayant obtenu ung passeport soubz aultre nom que le mien, celuy que je envoyois a esté arrestéà Douvre avec son passeport, et y est encore de présent, bien que je le eusse dépesché dès le xxi" de ce moys après midy.

Le sabmedy, xini*, M. Bele, beau-frère de M. Vualsingham, fust dépesché sur le sçoyr, avec commission signée de la main de la Royne pour faire trancher la teste à la Royne d'Escosse (*). et commandement aux contes de Cherosbery, de Kent et de Rcteland, avec beaucoup d'aultres gentilshommes voysins du lieu de Fotheringhay, de assister à ladicte exécution. Ledict sieur Bele mena avec luy le bourreau de ceste ville qui fut habillé tout de veloux noyr, ainsi que j'entends, et partirent la nuit du sabmedy au soyr assés secrettement. Il arriva là le lundy au sçoyr xvi c ( 2 ), et le mardy furent mandés quérir lesdicts contes et gentilshommes. Ledict jour au sçoyr M. Paulet, gardien de la Royne d'Escosse, accompaigné dudict Bele et du chérif de la province (qui est celuy qui en chasque bailliage est comme prévost des maréchaux ou juge criminel) allèrent trouver ladicte dame et luy signifièrent la volonté de la Royne qui estoyt contraincte de faire exéquuler la sentence de son Parlement. L'on dict que ladicte dame se monstra fort constante, disant que, encore que elle n eust jamais creu que la Royne sa sœur en eust voulu venir-là, si est-ce que elle se voyoit réduietc en si grande misère depuys troys moys que elle avoyt la mort pour très agréable, preste à la recepvoyr quand il plairoyt à Dieu. Hz luy voulurent laisser ung ministre, mais elle ne le voulust poinct. Il

(') Tous les délails contenus dans le commencement de cette lettre, sur les derniers moments de Marie Stuart et son exécution, sont pris textuellement dans un rapport qui, sans doute, avait été adresse a M. de Chàieauneuf par u» des peniilshommes attachés à son amha sarte, et dont li copie est conservée a la Bibliothèque impériale : Collcct. de? 500rf<r Colberl, t. XXXV, pièce sous ce titre : Adtis sur rertculion de la Royne d'E*cos\e, par V. de la Chaxlrt.

(') Il y a entre toutes ces dates et les dates Indiquées dans les pièces précédentes une tiiCerenec de dix jours. Cette di:Térenre provient de celle qui ex sic entre l'ancien calendrier, dont le comput fut conservé en Angleterre jusqu'en 1751, et le nouveau calendrier réformé par Grégoire XIII, cl adopté en France immédiatement.

y a une grande salle audict chasteau où Ton avoyt faict dresser ung escharfault couvert de drap noyr, avec ung oreiller de veloux noyr. Le mercredy, sur les neuf heures, lesdicts contes, avec son gardien, allèrent quérir ladicte Dame que ilz trouvèrent fort constante; et, s 1 estant habillée, fust menée en ladicte salle suyvie de son maistre d'hostel, M. Melvin, son chirurgien et son apothicaire, et d'ung aultre de ses gens. Elle commanda que ses femmes la suy vissent; ce qui leur fust permis, estant tout le reste de ses serviteurs enfermé dès le mardy au soir. L'on dict que elle mangea avant que partir de sa chambre. En montant sur ledict eschafault, elle dict à M. Paulet que il luy aydast à monter, que ce seroyt la dernière peine que elle luy donneroyt. Estant là à genoux, elle parla longtemps à son maistre d'hostel, luy commanda d'aller trouver son filz, luy faire service, comme elle s'asseuroyt que il feroyt toujours, aussi fidèlement que il avoyt faict à elle; que ce seroyt luy qui le récompenseroyt puisque elle ne l'avoyt peu faire de son vivant, dont elle estoyt très marrie, et luy chargea de luy porter sa bénédiction (laquelle elle fist à l'heure mesme). Puis elle pria Dieu en latin avec ses femmes, n'ayant voulu permettre que ung évesque anglois, là présent, aprochast d'elle, protestant que elle estoyt catholique et que elle vouloyt mourir en ceste relligion. Après cela elle demanda à M. Paulet si la Royne, sa sœur, avoyt pour agréable le testament que elle avoyt faict, quinze jours auparavant, pour ses pauvres serviteurs? Il luy respondit que ouy, et que elle feroyt accomplir ce qui estoyt contenu pour la distribution des denierz que elle leur a ordonné. Elle parla de Nau, Curl et Pasquier qui sont en prison, mais je n'ai pas sceu au vray ce qu'elle en dict, puis s'estant remise à prier Dieu, mesme à consoler ses femmes qui pleuroyent, elle se présenta à la mort fort constamment. Une de ses femmes luy banda les yeux; puis elle se baissa sur un bloc, et le bourreau luy trencha la teste avec une hache, à la mode de ce pays. Puis prist sa teste, la monstrant à tous les assistantz, car l'on laissa entrer en ladicte salle plus de troys cent personnes du bourg et aultres lieux voysins. Aussitost le

corps fust recouvert de ung drap noyr et reporté en sa chambre, où j'ay entendu que il fust ouvert et embaulmé.

M. le comte de Cherosbery dépescha à l'heure mesme son filz vers la Royne pour luy porter nouvelles de ceste exéquution, laquelle ayant été faicte le mercredy dix-huictiesme ( J ) de ce moys, sur les dix heures du matin, ledict courrier arriva à Grenuich sur les neuf heures du matin, le jeudy dix-neufviesme. Je ne sçay si il parla à la Royne, laquelle se alla proumener ce jour-là à cheval, et au retour parla longtemps au Roy de Portugal. Ledict jour de jeudy, je dépeschis à Vostre Majesté pour luy porter ceste nouvelle, laquelle ne fust pas longtemps célée, car, dès les troys heures après midy, toutes les cloches de la ville commencèrent à sonner et se fist feus de joye par toutes les rues, avec festins et banequetz, en signe de grande réjouissance.

Voylà, Sire, tout ce qui s'y est passé au vray. Les serviteurs de ladicte dame sont encore prisonniers et ne sortiront d'ung moys, guardés plus estroictement que jamais audict chasteau de Fotheringay. Les troys aultrcssont prisonniers toujours en ceste ville, et ne se parle poinct si Ton les fera mourir ou si Ton les délivrera. Depuis ladicte exéquution M. Roger ( 2 ) et moy avons tous les jours envoyé demander passeport pour advertir Vostre Majesté de la mort de ladicte dame ; mais il nous a esté refusé, disant que la Royne ne vouloyt pas que Vostre Majesté fust advertye de ceste exéquution par aultre que par ecluy que elle vous envoyroyt. De faict les porta ont esté si exactement guardés que nul n'est sorty de ce royaume depuis quinze jours que ung nommé Lepintre que la Royne a depesché à M. de Stafort pour advertir Vostre Majesté de ladicte exéquution.

Le bruict est que ladicte dame mourant a persisté de dire que elle estoyt innocente, que elle n'avoyt jamais pensé à faire tuer la Royne, que elle pria Dieu pour la Royne d'Angleterre, et que elle chargea Melvin de dire au Roy d'Escosse, son filz, que elle

(M 8 février, N.S.

(») Valet de chambre du Roi, envoyé |«r Henri III avec des lettres pour la Reine Elisabeth et de« instructions pour M. de Cbâteauncnf ( LabanolT ).

le prioyt de honorer la Royne d'Angleterre comme sa mère, et ne se départir jamais de son amytié ( ! ).

Je vous ay dict cy-dessus, Sire, que le jeune Cherosbery arriva le jeudy sur les neuf heures du matin à Grenuich, que dès le midy nous sceusmes tous cette nouvelle, que toutes les cloches de la ville commencèrent à sonner sur les troys heures, avec feux de joye par toutes les rues, jusques là que ceux du cartier vindrent en mon logis demander du boys pour le feu qui se faisoyt en ma rue. Le vendredy ceux du Conseil envoyèrent ung clerc du signet parler à moy pour les arretz, que ilz prétendent qui ont esté faictz à Dieppe, des pacquetz de la Royne, me disantz que ce jour-là on avoyt amené Jehan Musnier, courrier de Calays, à la court, qui s estoyt trouvé chargé de plusieurs lettres de Voslre Majesté et d'aultres pour moy, lesquelles ilz avoyent retenues, ayant résolu de ne me les délivrer poinct que les arrestz faictz à Dieppe ne fussent levés ; me disant que ilz me prioyent de aviser quelque moyen de faire ouvrir les passages, aultrement que ilz ne me pouvoyent délivrer mes lettres. Je trouvis cela fort eslrange, luy respondis que je m'en plaindroys à Vostre Majesté, que, puisque ilz me retenoyent mes pacquetz, que je ne leur pouvoys respondre si les passages estoyent fermés ny l'occasion. Le lendemain sabmedy ilz renvoyèrent vers moy M. Ouley, conseiller d'Estat, me dire le mesme, me priant d'aviser avec luy quelque expédient de ouvrir les passages, aultrement que je n'auroys poinct mes paquetz. Il me proposa que je eusse à escrire au gouverneur de Dieppe que il laissast passer les pacquetz de la Royne. Luy ayant dict que, si ledict sieur gouverneur avoyt arresté ledict courrier par commandement de Vostre Majesté, comme il estoyt bien à croyre, que ma lectre ne serviroyt de rien, il me dict que ilz se contenteroyent que je misse dans ma lettre que, pourveu que il ne les eust poinct arrestés par commandement exprès de Vostre Majesté, que il les relaschast. Ce que je luy accordis en présence de M. Roger, dont il monstra se contenter.

(«) Cette assertion est «traite de l'avis de M. de La Chaire, indiqué plus haut.

Nous nous plaignismes à luy que M. Roger estoyt icy, passé avoyt quinze jours, sans pouvoyr avoyr audience de la Royne, que il nous estoyt refuzé de pouvoyr advertir Vostre Majesté de la mort de la Royne d'Escosse, que Ton retenoyt nos pacquetz tant allantz à Vostre Majesté que venant de Vostre Majesté à nous; le priant le remonstrer à la Royne et à Messieurs du Conseil. — Il excusa le retardement de l'audience de M. Roger sur les empeschementz de la Royne. Quant à la mort de la Royne d'Escosse, il me dict que Sa Majesté avoyt esté contraincte de venir à ceste exéquution pour la seurté de sa vie et repos de son royaume, comme il s'asseuroyt que je le sçavoys bien, et que je sçauroys bien considérer la nécessité qui avoyt contrainct la Royne ; me faisant là-dessus beaucoup de discours pour veoyr ce que je diroys ; comme de vérité, ilz ne lavoyent envoyé vers moy que pour veoyr ce que je diroys de ladicte exéquution. Apres tous ses discours je luy respondis : Que tant que la Royne d'Escosse avoyt vescu, Vostre Majesté avoyt pris sa protection, et moy, par son commandement , y avoys faict tout ce je avoys peu pour la conserver en vie ; que la poursuy ttc que j'en avoys faicte avoyt tant dépieu à quelques ungs que ilz m'en avoyent dressé une calomnie bien lourde, mais que j'espéroys qui tourneroyt à leur honte quant la Royne auroyt congneu la vérité. Maintenant que ladicte dame Royne d'Escosse estoyt morte, que il ne me restoyt plus rien que d'en avertir Vostre Majesté ; en attendant son commandement, je ne en pouvoys parler ny luy respondre, mais que, m'estant refuzé passeport pour la pouvoyr advertir, que je ne avoys guarde de leur faire responsc de longtemps. Que je les prioys de me renvoyer mes pacquets et de faire donner audience à M. Roger. — 11 s'en retourna fort contant, ce sembla, et le dimanche la Royne envoya quérir ledict Roger, sans toutesfoys nous envoyer nos pacquetz. R alla à la court; où estant arrivé, Ion luy list dire par MM. l'Admirai et Chambellan que la Royne se trouvoyt mal, que elle le prioyt de l'excuser pour ce jour-là, mais que, s'il vouloit donner ses lettres et dire sa créance, que ilz avoyent charge de l'ouyr. 11 leur bailla ses lcclres et leur dit sa créance,

encore que il ne le deust pas faire ; mais pour ce que il y avoyt jà quinze jours que il estoyt icy, nous avions avisé que il la diroyt, joinct que il y avoyt ung second pacquet entre leurs mains, sur lequel nous pensions bien que il auroyt encore à parler à la Royne. Après l'avoyr ouy, lesdicts sieurs allèrent trouver la Royne, puis revinrent et le menèrent chés M. le Grand Trésorier, où, en présence du Conseil, ilz le prièrent d'exposer sa créance ; ce que il fist. 11 n'eust aucune response d'eux, sinon plaincte de Farrest de leurs pacquetz, disantz que ce pendant ilz ne rendroyent poinct les nostres (comme de faict ilz ont encore les miens). Cela passa, Sire, jiisques au dimenche. Le lundy, nous entendismes que la Royne, ayant esté advertie de ceste exéquution, en estoyt fort courroucée, que elle en avoyt pris le deuil, que elle se plaignoyt de ceux de son Conseil, et nommément du secrétaire d'Estat Davison, qui fust envoyé prisonnier en la Tour le rnardy au sçoyr. Le mercredy, la Royne envoya quérir M. Roger (auquel Messieurs du Conseil envoyèrent le jour de devant les lectres de Yostre Majesté qui estoyent pour luy et retinrent les miennes). Là, la Royne luy dict que elle estoyt extrêmement affligée de la mort de la Royne d'Eseosse, que son intention ne avoyt jamais esté de la faire mourir, encore que elle l'eust refuzée à M. de Bellièvre; que Davison l'avoyt surprise, mais que il estoyt en lieu où il en répondroyt; le chargeant de le dire ainsi à Vostre Majesté, avec des démonstrations grandes d ennuy et quasi la larme à l'œil, comme vous dira le dict sieur Roger, avec beaucoup d'aultres propos importantz que il a charge de vous dire.

Or, Sire, voylà tout ce qui s'est passé sus la mort de la Royne d'Escosse, en la narration de laquelle je n'ay rien voullu adjouxter de ce qui me touche, le guardant pour en après. La Royne faict démonstration d'estre fort courroucée de ceste exéquution contre tous ceux de son Conseil qui l'ont précipitée plus que elle ne vouloyt et nommément contre Davisson qui délivra la commission à M. Belc. Car la Royne dict que, en la signant, elle luy dict que il ne la délivrast pas sans parler encore à elle. 1! s'excuse et dict que il n'ouyst pas ce commandement, que il n'a

rien faict que par commandement du Conseil, et notamment de M. le Trésorier, auquel on dict que la Royne est fort courroucée. M. de Vualsingham, qui a esté absent deux moys de la court pour une diette, a esté commandé quérir pour faire cest apoinctement et y est retourné mardy dernier. A son arrivée, la Hoyne luy défendist tout hault de luy parler de Davisson.

Voylà, Sire, Testât de la chose. L'on dict que le Parlement commencera lundy, qui doibt prendre la protection dudict Davisson, lequel n'a rien faict que exéquuter l'arrest dudict Parlement; joinct que, estant ledict Davisson, conseiller d'Estat, et partant du corps du Parlement, il ne peult estre jugé que par ceux du Parlement, lesquelz l'absoudront ayzément. La Royne a envoyé un gentilhomme en Escosse pour excuser la mort de la Royne d'Escosse sus la surprise qui luy a esté faicte.

Je viendray maintenant, Sire, à ce qui me touche. Vostre Majesté aura veu par une dépesche du xvn e , que porta mon maistre d'hostel, comme M. Roger ne avoyt sceu avoyr audience, encore que, six jours de rang, il fut esté a la court. Le dimanche xxii% comme j'ay dict cy-dessus, il exposa sa créance à Messieurs du Conseil, et nommément se plaignant de la détention de Destrappes et de ce qui s'estoyt passé chez M. le Trésorier. À quoy ilz ne luy firent aulcune response. Le mercredy xxv% la Royne le envoya quérir, où il luy exposa sa créance et luy dict encore celle que Vostre Majesté luy avoyt escritte par sa lettre du xim e , depuis l'audience de Vuade, demandant que elle eust à remettre Destrappes entre mes mains pour l'envoyer à Vostre Majesté, affin de le faire ouyr et le chastier si il se trouve coulpable; aussi que il pleust à la Royne me donner audience pour me justifier envers elle. Elle luy refuza l'ung et l'aultre, disant que elle attendoyt des nouvelles de Vuade. — Luy ayant respondu que Vuade avoyt esté ouy, comme elle voyoit par sa lettre, il n'en sceust avoyr aultrc response sinon que elle escriroyt à Vostre Majesté, se plaignant fort de ce que je n'avoys révélé une conjuration faicte contre elle, sans jamais luy avoyr dict que je l'eusse inventée ny suscitée. Comme aussi jamais ceux du Conseil ne luy

ont jamais parlé que j'eusse suscité ladicte conjuration, tant ilz veoyent cler en ladicte imposture de Staford, qui est icy cogncu pour le plus indigne homme de ce royaume. Ledict Roger demanda aussi les dépositions desdicts Destrappes, Staford et Monde pour les porter à Yostre Majesté, remonstrant que Vuade ne avoyt porté que des extraicts fort briefz sur lesquelz Ton ne pouvoyt asseoyr aulcung jugement. Dont elle fist l'esbahie, luy disant que ledict Yuade avoyt porté les dépositions tout du long, signées de leur main, et que elle l'avoyt ainsi commandé.

Yoylà, Sire, ce que je vous puis mander sus ce faict, sinon que, sortant ledict Roger de l'audience, il alla trouver M. de Yualsingham, auquel il racompta tout ce qui s'estoyt passé à son audience, se plaignant du refus que la Royne luy avoit faict. Il luy pria d'avoyr patience encore pour deux ou troys jours; que la Royne estoit fort en colère pour la mort de la Royne d'Escosse, mais que il parleroyt à elle et aviseroyt de adoulcir le tout.

Je ne puis respondre à la lettre que Yostre Majesté m'a escript du xiiij*, car elle est encore entre leurs mains avec toutes les aultres qui s'adressoyent à moy, chose qui ne fust jamais veue ny ouie. Anfin, Sire, ilz se plaignent fort de l'arrest de leurs marchantz et de ce que les portz sont fermés, leur estant advis que il leur est licite de faire de deçà l'ung et l'aultre, sans que l'on s'en doibve resentir. Et ayant veu ceste longueur, j'ay enfin consenti de envoyer ung des miens avec ung des leurs à Calays, escripvant à M. de Gourdan de laisser passer l'ung et l'aultre, encore que, nonobstant cela, je ne puisse obtenir de avoyr mes pacquetz. Je supplieray tousjours à Yostre Majesté très humblement de vouloyr croyre que tout ce qui m'a esté aposté est une pure calomnie dressée par ceux qui ont bien eu la hardiesse de faire mourir la Royne d'Escosse sans le sceu de la Royne leur rnaistresse, comme le temps le manifestera, et vouloir tenir mon honneur et innocence en sa protection.

Maintenant que, par la mort de ladicte Royne, les terres que elle tenoyt en douaire reviennent à Vostre Majesté avec les parties casuelles, s'il luy plaist me faire qnelque bien sur icelles, je

178 AMBASSADE DE CIIATEAUN'EUF, ETC. 1587

serai toujours accouragé de plus en plus à luy faire très humble service. Priant Dieu, Sire, il donne à Vostre Majesté très longue et très heureuse vie. De Londres, ce xxvn e febvrier 1587. Vostre très humble et très obéissant subject et serviteur,

DE L'AUBESPINE-CHASTEAUNEUF

1587. — 10 Mars. — Paris, service funéraire célébré a paris par ordre du roi en l'honneur

DE LA REINE d'ÉCOSSE.

(Archive* de VEmpire. — Reg. de ÏUÔtel de Ville, n. 1789, f°54. — Extrait.)

Ordre donné par le Roi aux membres du bureau de la ville d'assister au service qui sera célébré en l'église Notre-Dame pour la Reine d'Ecosse, que Dieu vient de rappeler à lui. — Mesures prises en conséquence de cet ordre.

De frar le Roy.

Noz très chers et bien amez. Comme il ayt pieu à Dieu appeller à soy (*) nostre très chère et très aimée la Roync d'Escosse, douarière de France, nostre belle-sœur, et désirant singulière"ment honorer sa mémoire, pour le rang qu'elle tenoit, par la pompe funèbre et service qui se fera pour son âme en l'église Nostre-Dame de ceste ville de Paris, nous voulons et vous mandons que vous, avec le procureur, receveur, greffier, conseillers, quarteniers, quatre notables bourgeois de chacun quartier de nostre dicte ville et autres officiers d'icellc qifadviserez, aïez à assister aux pompe funèbre et service de nostre dicte belle-seuren icelle église Nostre-Dame ; assavoir, vous prévost des marchans et eschevins, procureur, receveur et greffier, habillez en deuil, et y marcher par vous en corps, ainsy que dict est, afin de rendre par vostre présence l'assemblée qui s'i fera plus solennelle ; voulans que sur les deniers des aides par nous et nos prédécesseurs

(«) n n'est pas Inutile de Taire remarquer cette singulière formule, car clic nous parait être une preuve évidente des ménagements excessifs que la cour de France croyait devoir garder vis-a-vis de la Reine d'Angleterre.

à vous donnez et octroïez, destinez tant à l'effect susdict que à autres effectz, vous puissiez ordonner à maistre François de Vigny, receveur de nostre dicte ville, du paiement des sommes de deniers qu'il conviendra, soict pour achapt de serge que autres frais nécessaires pour Teffect susdict, ainsy que vous avez cy-devant faict en pareil cas pour les obsèques et funérailles de feu nostre très chier et très amé frère le duc d'Anjou, que Dieu absolve, mandant à ceste fin à noz amez et féaulx les gens de noz comptes de passer et allouer en la despence de compte des dictz aides, à rendre par iceluy de Vigny, toutes les sommes de deniers qu'il aura païées pour raison de ce, sans aulcune difficulté, car tel est noslre plaisir. Donné à Paris le x e jour de mars, mil cinq cens quatre vingtz sept, et de nostre règne le treiziesme.

Signé HENRY.

Et au dessoubz : Plnart.

Suivant les quelles lettres Messieurs les prévost des marchans et eschevins de la dicte ville auroient faict expédier mandemens à Messieurs les conseillers d'icelle pour les prier de eulx trouver jeudy prochain, une heure de relevée à cheval en l'Hostel de la dicte ville, pour les accompagner à aller à l'église de Paris aux vigilles des morts qui y seront dictes pour l'âme de la dicte feue Royne d'Escosse; et le lendemain, six attendant sept heures du matin, au dict Hostel de ville, pour aussy les accompaigner à aller à la dicte église au service qui y seroit dict pour cest effect.

Et le dict jour de jeudy, douzième jour des ditz mois et an, mes dictz sieurs les prévost des marchans et eschevins, procureur, receveur et'greffier, vestus de robbes de dueil, aïans le chaperon attaché derrière, et aulcuns des dictz sieurs conseillers, quarteniers et bourgeois, partirent de l'Hostel de la dicte ville à cheval, l'heure de deux heures de relevée, marchans devant eulx à pied les archers, arbalestriers, et harquebuziers de la dicte ville, aïans leurs hocquetons de livrées et hallebardes, et sergens en

leurs robbes de livrées, et allèrent à la dicte église où ils prindrent séance aux haultes chairs du costé senestre et assistèrent ausdictes vespres de mortz; et le lendemain sept heures du matin retournèrent en la mesme compagnie, ordre, lieu et séance au service qui y fut dict pour Teffest dessus dict.

1587. — 14 Mars. — Londres.

M. de Chasteauneuf à M. Brulart.

{Bibliolh. impe'r. — Collect. des 500 deColbert, t. CCCJXXVIl, f* 863. — Autographe.)

But dans lequel on a intenté une accusation contre l'ambassadeur. — Son vif désir que la vérité soit connue. — Envoi de trois mémoires. — Instances pour que le Roi exige l'extradition de Destrappes, dont le témoignage peut seul éclairrir toute cette affaire. — Opinion que, jusqu'au retour de Destrappes en France, on doit refuser toute audience à l'ambassadeur Stafford. — Vive recommandation pour que l'on n'accorde pas l'extradition de Morgan.

Monsieur, vous entendrés si particulièrement de M. Roger tout ce qui se passe icy et le verrés par les mémoyres que il porte, que vous jugerés assés clairement que Ton m'adresse ceste calomnie pour parvenir à Teffect qui s'en est ensuyvi et me clorre la bouche, ce pendant négotier avec les gens du Roy de Navarre et fournir argent pour les reistres. Je ay escript fort au long à M. de Bellièvre, aflin que il puisse respondre de mon innocence; dont je m'asseure que il fera son raport au Roy et vous communiquera le tout. Je ne demande aultre chose, sinon que la vérité soit congneue. Il y a troys mémoyres, le premier de tout ce qui s'est négotié icy pour le faict de Destrappes, le second de ce qui se passe icy pour les aflëres générales, le tierz est ung mémoyre de mon advis sur ce faict, non que je veuille tant présumer de moy que de vouloyr donner conseil au Roy de ce que il doibt faire, mais, estant sur les lieux et le faict me touchant, je ay pensé que il ne pourroyt que servir à esclaircir le faict. Anfw, puisque Vuade est allé pour m'accuser, il est raisonnable que, en sa présence et avant son retour, faccusation soyt vérifiée; ce qui

ne se peult que par la bouche de Destrappes. Je ay faict ce que j'ay peu pour satisfaire à la Royne, et faire que le Roy ne eust plus la teste rompue de ce faict, mais vous congnoistrés que ilz veullent vous entretenir deux ou troys mois de ceste affère, en fère leur profïit sus ceste mort de la Royne d'Escosse, et s'en prévaloyr, pensant que le Roy envoyra icy tous les jours des courriez. Mais il me semble que Ton leur en doibt coupper la broche fermement et le leur mander par lettres que je leur donneray, et dénier toute audience à M. de Stafort jusques à ce que la Royne ayt envoyé Destrappes. Hz veulent aussi avoyr Morgant, si ilz peuvent. Chose que je vous supplie qui ne soyt poinct sur ceste occasion, car il y va de mon honneur, estant ainsi que je désire que la vérité soit congneue et Destrappes puny s'il a failly. Et sur ce je vous bayseray bien humblement les mains, priant Dieu, Monsieur, que il vous doinct, etc.

De Londres, ce xim a mars 1587.

DE L'AUBESPINE-CHASTEAUNEUF

1587. - Mars.

Mémoire adressé au Roy par M. de Chasteauneuf.

(Biblioth. impér. — Supplém. franç. n. 3303-40, p. 71. — Minute autographe.)

Compte-rendu d'une entrevue de l'ambassadeur avec Walsingham. — Explications données par Walsingham sur la mort de Marie Sluart, dont il impute toute la faute à Davison. — Plaintes d'Elisabeth au sujet des mesures prises en France. — Son désir de conserver l'amitié du Roi. — Nécessité de maintenir une étroite alliance entre les couronnes de France et d'Angleterre contre les projets ambitieux du Roi d'Espagne. — Excuses données au sujet de l'arrestation de Destrappes. — Assurance qu'aussitôt le retour de Wade, Dcstrappes sera mis en liberté. — Réponses faites à ces divers points par l'ambassadeur. — Déclaration que, n'en ayant charge du Roi, il n'a rien à répondre sur le fait de la Reine d'Êcossc. — Réclamations au sujet des secours fournis par la Reine d'Angleterre au Roi de Navarre et aux Protestants de Fiance. — Réponse évasive de Walsingham. — Justifications des intentions du Roi de Navarre. — Commission nommée par la Reine d'Angleterre pour faire justice sommaire aux marchands français en présence de l'ambas-adeur. — Dires de l'ambassadeur au sujet de cette commission; sur la mise en liberté de Dettrappcs; sur l'audience demandée au Roi par

l'ambassadeur d'Angleterre en France et sur l'ouverture des ports. — Fauss? assurance donnée par Walsingham de l'intention de la Keine d'Angleterre de ne plus se mêler des Pays-Bas.

Le mardy xiiii 6 , le sieur V. ( 4 ) me manda par ung des siens qu'il estoyt venu à Londres par commandement de la Royne pour parler à moy, et que il me prioyt de me trouver en une maison sur la rivière, que il me assignoyt, d'aultant que à cause de son indisposition il ne pouvoyt venir en mon logis, ny à pied, ny en chèze. Je le priay de m'excuser et luy manday que, s estant passé ce qui s'étoyt passé depus troys moys, je ne pouvoys sortir de mon logis pour négotier avec aultre que avec la Royne; partant que, s'il luy plaisoyt de venir en mon logis, je orroys ce qu'il voudroyt me dire. Comme, de vérité, je sçavoys que il alloyt tous les jours chés le Grand Trésorier et aultres lieux plus eslongnés de la rivière que mon logis.

Et s'en retourna ce jour-là à la court sans me veoir, seulement manda que le lendemain il me manderoyt de ses nouvelles.

Le lendemain xv e , il revint à Londres, et sur les deux heures me envoyé encore prier de me trouver en ce mesme lieu, pour le respect de sa santé, seulement me mandant qu'il avoyt commandement de la Royne très exprès de venir en mon logis, niais que sa santé en empireroyt tellement que il m'auroyt grande obligation si je vouloys aller en ce lieu-là, où il estoyt seul avec deux serviteurs, et que j'y pouvoys aller de mesme peu suyvi et travesti. Enfin je pensoy, pour le service du Roy, laisser tous aultres respeetz à part, et y allai accompaigné de deux des miens.

Ledict sieur de V. commença à me faire beaucoup d'excuses de ce qui s'estoyt passé sur la mort de la Royne d'Escosse, rejettant toute la faultc sur Davisson. Lequel touteffoys n'avoyt rien faiet que ce que ung homme de bien et bon serviteur de la Royne, aymant son païs, dcbvoit faire; bien estoyt vray que il avoyt oultrepassé le commandement de la Royne, mais que ce avoyt esté avec l'advis du Conseil, médisant jusques là que il avoyt faict

sceller la commission de l'exéquution de mort à M. le Chancelier soubz prétexte d'une commission pour Irlande, de sorte que ledict Chancelier l'avoyt scellée sans l'avoir leue; que la Royne en estoyt si courroucée contre ceux du Conseil que elle ne vouloyt aucunement vcoyr ny le conte de Lecestre, [ny le] Grand Trésorier, ny Hatton vichambellan, d'aultant que ilz avoyentereu au simple raport de Davisson, que elle disoyt que ilz la vouloyent mettre en tutèle de faire telz actes sans son sceu.

Touteflbys que, ayant ladicte exéquution esté nécessaire pour le salut de la Royne et de tout son royaume, que ilz trouvoyent bien estrange que le Roy prist cela en si mauvaise part que leur ambassadeur mandoit de France.

Que ilz avoyent aussi à se plaindre de l'arrest général faict de leurs navires en France;

Que les ports n'estoyent pas libres, ains leurs messagers estoyent fouillés et arrestés à Dieppe et ailleurs ;

Que MM. Stafort et Vuade ne pouvoyent avoyr audience du Roy en sorte aulcune, mesme depuis le restour de M. Roger;

Que ils voyoient par ces déportementz ung commencement de aliénation de l'amytié entre ces deux couroncs à leur grand regret, attendu que la Royne désiroit fort l'amytié du Roy et la vouloyt conserver, tant que elle pourroyt; mais aussi que, si l'on ne vouloyt les traicter que de ceste façon, que la Royne seroyt contraincte de pourvoyr à ses subjetz, qui crioyent tous les jours pour avoyr justice. —Entra a me faire grandz discours sur la grandeur du Roy d'Espagne, combien nous le debvions craindre et nous opposer à luy par une bonne intelligence entre ces deux royaumes, et aultres discours sus ce subject pleins de artifice. Puis vinst à me dire que, oultre cela, il me vouloyt dire que il estoyt très marri de ce qui s'estoyt passé pour Destrappes, lequel il tenoyt pour innocent, comme aussi faisoyt la Royne et tous ceux de son Conseil, ayant congneu la vérité, voyantz clèrement nestre que une afronterie de Staford pour tirer de l'argent de moy; que la Royne me rendroyt ledict Destrappes sitost que le Roy auroit donne audience à Stafort et Vuade, et faict

response à ce que M. Roger avoyt porté; que luy et le Trésorier avoient conseillé à la Royne de le rendre dès lors que ledict Roger le demanda, mais que il y en avoit eu d'aultres qui l'avoyent empesché, disants que, si Ton le rendoyt sitost, que il sembleroyt que légèrement Ton l'eust arresté prisonnier; me prioyt d'excuser le temps auquel il fus pris [et] le naturel de la Royne qui est d'estre colère et assés soupçonneuse, mesme où il va de sa vie ; adjouxta qne je verroys la Royne quand je voudroys, laquelle luy avoyt chargé de me dire que elle ne se plaignoyt de de moy, sinon que je ne luy avoys poinct révélé une conspiration que Ton vouloyt faire contre elle, et que de toute aultre chose elle me tenoyt pour innocent; me prioyt de vouloir faire que les navires fussent relaschés, les ports ouverts et que Stafort et Vuade eussent audience; et, ledict Yuade retourné, il m'asseuroyt de me renvoyer aussitost le sieur Destrappes, lequel cependant estoyt par la Tour en toute liberté, où chacun des miens le pouvoit aller visiter librement.

Voylà le sommaire des propos dudict sieur V. que je ouys tous sans luy interrompre auicunement.

Je luy respondis que je estimoys l'amytié de ces deux couronnes très utile à l'une et à l'aultre, et que à ceste occasion je avoys faict tous les offices que je avoys peu pour l'entretenir, et que cela seul me avoit faict venir le trouver contre mon debvoyr, veu ce qui s'estoyt passé;

Que il faiiloit veoyr d'où venoyt ceste altération de amytié, qui en estoit la cause, affin de y aporter le remède convenable; et que celuy qui avoyt offensé son voysin fust le premier à y sa-

tifitiirp *

Que de tout ce qui se plaignoyt, il y avoit peu de raison, veus leurs déportements; et puys pour le faict de Tarrest faict en France, que ilz avoyent commencé icy, attendu que, ayant les conseillers d'Estat négotié avec M. de Bellièvre et moy sur le faict des déprédations, et [nous] ayant faict plaincte de certain arrest faict à Rouen sur les laines des Angloys pour quinze mil escus seulement et remonztré la justice de leur cause bien au

long, ledict sieur de Bellièvre promist de en parler au Conseil, et, après avoyr ouy nos marchants françoys qui avoyent obtenu lettres de représailles, de faire en sorte que justice seroyt faicte aux Angloys. Et nous estantz départis en ces bons termes, le dimanche xvn* de janvier, qui fust le jour que ledict sieur de Bellièvre passa la mer, le mesme jour au Conseil de la Royne il fust ordonné que tous les biens des Françoys estantz icy seroient arrestés; et le lendemain ledict arrest me fust signifié par Vuade de la part du Conseil, auquel je feis response que je prioys M. le Grand Trésorier de se souvenir de ce que il avoyt négotié avec M. de Bellièvre troys jours auparavant, et de faire surseoyr cest arrest pour ung moys, attendant des nouvelles dudict sieur de Bellièvre.

Quant aux portz fermés, que je sçavoys que Ton avoyt arresté quattre de mes courriez avec le pacquet du Roy, veu et ouvert les pacquets (mesme que je sçai que ledict Vual. a encore entre ses mains troys lettres escrittes de ma main aux officiers de la Royne d'Escosse, que ilz ne m'ont pas voulu rendre, et lesquelles je suis très ayse que ilz ayent veues et leues).

Que quand à ce que il me disoit de Destrappes, que j'estoys très ayse que la Royne et eux congnussent son innocence, laquelle je sçavoys bien que luy Vual. avoyt bien congneue dès le premier jour (comme de vérité ledict Vual. fust celuy à qui Stafort se alla accuser le premier, et qui le rejecta fort loing; et si Davisson eust faict de mesme, la chose n'eust pas passée si avant : ce qu'il me confessa, m'ad jouxtant que, s'il eust esté à la court, Destrappes neust pas esté pris) ; que je ne luy pouvoys ny vouloys parler de Destrappes, duquel ayant refusé Roger au nom du Roy, je ne pensoys pas en debvoyr faire instance; aussi que en ce faict-là je ne vouloys grâce, faveur, ny miséricorde, ayant supplié le Roy vouloir congnoistre du faict, et pour ledict Destrappes et moy, si nous avions failly; car le Roy est prince si vertueux que je rn'asseure que il chastiera toujours ses ministres qui feront semblables actes que çeluy dont Vuade m'a chargé.

Que en ce faict la Roync l'ayant envoyé pour se plaindre de moy, le Roy l'avoyt ouy bénignement, avoyt envoyé ses principaux serviteurs communiquer avec luy et Stafort. Que la îectre de la Royne portoit que je avoys communiqué avec ceux qui la vouloyent tuer et le luy avoys célé ; mais que Vuade avoyt passé oultre et dict que je avoys suscité Staford : chose bien contraire, mesme en ung ambassadeur qui ne peult estre repris de ouyr et escouter tout ce que Ton luy propose et encore même de le céler, mais bien de l'avoyr suscyté et recherché, môme approuve; que, puisque le Roy avoyt ouy Vuade et désiroyt avérer le faict pour contenter la Royne, il falloyt luy envoyer Destrappes qui seul a négotié ce faict et par lequel seul je puis estre chargé. Devant cela le Roy ne pouvoyt faire response aulcune à Vuade, ny luy donner audience, veu que il n'y avoit poinct de nouvelle accusation, nouvelles preuves ou indices survenues pour l'éclaircissement de ce faict; que dénier de envoyer Destrappes, n'avoyr pas voulu envoyer ses dépositions ny par Vuade ny par Roger, c'estoyt ne vouloyr pas que la vérité fust congneue.

11 me dict que la Roync avoyt envoyé au Roy le procès-verbal de tout, signé de ceux du Consoil. Je luy dis que je l'avoys veu, en ayant eu une copie de France, et que c'estoyt ung escript signé des parties. La Royne m'accuse, partant ne peult pas estre creue. Que les dépositions de Stafort, Monde et Destrappes estoyt ce qu'il falloyt envoyer, et non cest escript qui estoyt tout contraire aux dépositions.

Quant à ce que il me disoyt que je verroys la Royne quand je youdroys, je demandoys s'il avoyt charge de la Royne de me dire que je Tallasse trouver. H me dict que non, que il disoyt cela de soy-mesme. Je luy dis que, lorsque Destrappes fust arresté, je demandis audience qui me fust refuzéc, je escrivis une lettre à la Royne, qui ne la voulust pas veoyr, ce m'a l'on donné à entendre. Estant icy M. Roger, il en avoyt faict instance, dont la Royne l'avoyt refusé : cela estant, je ne avoys poinct depuis son partement pensé à la demander, comme aussi je n'en avoys poinct de commandement du Roy. Quant je auroys commande-

ment du Roy, je la demanderoys, ou bien, si la Royne me mandois, je Tiroys trouver.

Quant à la Royne d'Escosse et la faulte de Davisson, je ne avoys rien à luy respondre là-dessus, n'en ayant poinct charge du Roy.

Mais que, estant ung acte si estrange, il ne pouvoyt pas estre agréable au Roy ny à tout le royaume, comme aussi chacun tenoyt en France pour asseuré que la Royne d'Angleterre estoyt seule cause que nous ne avions pas la paix, et que le Roy de Navarre s'estoyt rendu difficil à s'accomoder à la volonté du Roy ; que par lettres d'Alemaigne et aultres interceptées en France, il aparoissoyt clèrement que la Royne aydoyt d'argent pour faire venir les reistres en France contre les traictés que elle a avec le Roy; que je sçavoys bien que en febvrier dernier elle fist délivrer deux cent cinquante mil livres aux commis de Palavoysin, qui estoyt pour estre offert à Francfort; que cela estant contre les traictés et promesses signées de sa main, le Roy ne pouvoyt estimer que elle désirast son amytié, et partant ne debvoyt s'estonner si il ne donnoyt audience à sondict ambassadeur.

Que venant la faulte de son costé clairement, failloyt premièrement y satisfaire et entretenir les traictés pour guarir le mal qui véritablement estoyt pour croistre plus grand s'ilz n'y remédioient.

Il me respondit, quant au Roy de Navarre, que la Royne véritablement luy aydoyt, mais que c'estoyt contre la ligue et non contre le Roy ; que l'intention du Roy de Navarre estoyt bonne, juste et toute tendante au bien du Roy et de son royaume; que ce faisant la Royne ne contrevenoyt ny aux traictés ny à sa promesse. A quoy il ne demoura sans responce.

Que pour les déprédations, la Rcyne avoyt commis cinq de son Conseil pour faire justice sommaire aux Françoys en ma présence.

Pour Destrappes, que il prieroyt la Reyne le vouloyr envoyer au Roy incontinent, à la charge que je leur prometteroys que, après son retour, les ports seroyent ouvertz, leurs ambassa-

deurs auroyent audience, et ledict Vuade reviendroyt librement.

Pour les déprédations, je luy dictz que ceste nomination de commissaires estoyt bonne pourveu que les effectz s'en ensui vissent, mais que cy-devant il ne s'estoyt faict aulcune exéquution de tout ce que eux-mesmes avoyent ordonné en ma présence, le juge de l'amirauté et aultres officiers es portz se mocquanU de tout ce quy avoyt esté ordonné.

Quant à Destrappes, si la Royne le ranvoyoit au Roy, que je promettoys bien que Vuade reviendroyt librement, mais de donner audience à Stafort et d'ouvrir les portz que je ne en pouvoys asseurer, ne sachant pas ce que le Roy en voudra faire, estant les affaires de son royaume en Testât que elles sont.

Je oublioys à dire que le sieur de V. m'a dist que le Roy catholique traictoyt avec la Royne, et que elle ne se vouloyt plus mesler des Pays-Bas; qui sont tous comptes à plaisir, estant le millord Boucours en Hollande et cerchant, tant que il peult, de traicter avec le Prince (*) sans que ce pendant la Royne laisse de bien fournir les villes que elle tient et contribuer aux frays de la guerre aultant que l'an passé, et Drac [est] en mer vers la coste de Hespaigne.

(') Alexandre Farnèse, prince de Parme, gouTcrncnr des Pars-Bas.

1587. — 7 Avril. — Paris.

Le Roy à M. de Chasteatmeuf.

(Biblioth. impér. — Reg. du secrét. Pinart. — Mi. franç., n. 8808, f> t6 — Copie

officielle du tempe.)

Ferme résolution du Roi d'approfondir l'accusation intentée contre Destrappes et H. de Chateauneuf. — Déclaration faite en conséquence aux ambassadeurs anglais par MM. de Bellièvre et Pinart. — Insistance pour que Destrappes soit envoyé en France pendant le séjour de Wade. — Volonté du Roi d'instruire le procès de Destrappes dans les formes légales, sans s'arrêter aux interrogatoires irréguliers envoyés d'Angleterre. — Vives instances faites par les ambassadeurs anglais pour que le Roi consente de son côté à l'extradition de Morgan. — Décision formelle prise par Henri III de ne pas accéder à cette demande dans la crainte de compromettre un grand nombre de catholiques en Angleterre.

(Extrait.)

Monsieur de Chasteauneuf, lesdicts sieurs de Bellièvre et Pinart leur (*) ont aussi franchement déclairé de ma part que je voullois et entendois que la vérité de la charge et accusation, qui a esté faicte contre vous et le sieur Destrappes, feust bien vériffiée; ayant ce faict fort à cueur, comme je doibz, pour ce qu'il y va grandement de mon honneur et réputation pour la considération de vous qui estes mon ambassadeur, ayant ceste charge et imposture couru par tout, et que aussi falloit-il que ladicte justifïîcation feust de mesme bien entendue; et que, pour ceste cause, je désirois qu'icelle Royne m'envoïast de deçà ledict Destrappes, aflïn qu'il peust estre interrogé pendant que ledict Wade sera icy, et qu'il peust tesmoingner à ladicte Royne comme il aura veu que Ton luy a faict faire et parfaire son procès, ainsi que je veulx qu'il soit exactement faict, et que, s'il se trouve coulpable, j'en feray faire justice exemplaire. Sur quoy ledict ambassadeur et Wade monstroient bien désirer que l'on s'arrestast à l'escript envoyé d'Angleterre, qu'ont signé le Grand Trésorier, le conte de Lestre et Haton, de ce qu'ilz dient s'estre passé par delà en ce faict. Mais, comme il leur a esté remonstré, ce n'est pas la façon de procedder en telz affaires de si grande im-

(') C'est-a-dire aux ambassadeurs anglais, Siaiïord et Wade.

portance; et au contraire, il faut veoir les interrogatoires dudict Destrappes et qu'ilz soient signez de luy. Qu'estant de deçà (comme il est de ma dignité qu'il y soit renvoyé), il sera bien interrogé et signera ses interrogatoires pour luy estre faict et parfaict son procès, et proceddé promptement au jugement d'icelluy, dont de tout sera faict communicquation ausdicts ambassadeur et de Wade que je désirerois, pour ceste occasion, qui demeurast icy jusques ad ce que cela feust faict. Et leur a esté prié d'en faire une dépesche, comme ilz ont promis qu'ilz feront, à icelle Royne leur maistresse, et qu'ilz l'advertiront aussi de ce qui leur a esté dict de ma part par lesdietz sieurs de Bellièvre et Pinart, qu'il fault que doresnavant l'on négotie de toutes choses avec vous par delà comme l'on feroit de deçà avec luy, estant la forme qu'il fault et que l'on a accoustumé de garder, joinct que c'est une chose ordinaire, qu'il est raisonnable d'en uzer ainsi et que les affaires des princes se manient de ceste façon par leurs ambassadeurs. Ce qu'ilz ont aussi trouvé raisonnable et promis d'en advertir ladietc Royne leur maistresse. Mais, sur ce que je demande ledict Destrappes m'estre envoyé, ilz m'ont faict grandes instances d'envoïer aussi Morgant à ladicte Royne, représentant beaucoup de choses sur cela pour m'y induire. Mais c'est chose que je ne feray nullement pour ne luy préjudicier et à tous les Catholliques angloix, dont j'aurois peur que beaucoup feussent en peyne. Au surplus, j'accuzeray la réception de la vostre du xx e jour du mois passé, ayant veu par icelle ce que m'eseripvez des affaires de Flandres et aussi ung mot de celles d'Escosse où je renvoieray mon ambassadeur (M. dEsneval) incontinant que les choses seront ung peu racommodées entre moy, ladicte dame Royne et noz commungs subjeetz, et que je verray qu'il pourra repasser seurement audict païs d'Escossse. Cependant, il est très nécessaire pour le bien de mon service que vous cscripviez souvent à Courcelles et regardiez le moyen qu'il y aura de faire tenir de deçà ses dépesches avec les vostres.

Escript à Paris, le vn e jour dapvril 1587.

1587. — 13 Avril. — Paris.

Le Roy à la Royne d'Angleterre.

(Biblioth. impér. — Reg. du secrét. Pinart. — Us. franc., n. 8808, f* 27 t>o. . copie

officielle du temps.)

Conviction du Roi que la Reine d'Angleterre a reconnu l'innocence de M. de Chltcauneuf. — Son vif désir d'approfondir l'accusation intentée contre Destrappes. — Demande pour que ce gentilhomme soit envoyé en France, afin d'y être jugé en présence des ambassadeurs de la Reine d'Angleterre, Wadcet Stafford.

Très haulte, très excellente et très puissante princesse, nostre très chère et très âmée bonne seur et cousine, nous avons receu par Roger, l'ung de noz valletz de chambre que nous avions dépesché devers vous, les lettres que nous avez escriptes le deuxiesme du mois passé et entendu par luy les propos que luy avez tenuz sur ce que l'avions chargé de vous dire de nostre part pour la forme de procedder contre nostre ambassadeur par delà, de Tinnocence duquel nous estimons que vous estes à présent suffisamment informée; car vous sçavez qu'il a tousjours blasmé, tant s'en fault qu'il ait induict le jeune Stafford ny voullu entendre aux dampnées et pernicieuses ouvertures qu'il luy a faictes, ny à celles que Moodi, prisonnier, a faicle à Destrappes, les menaçant de les vous réveller s ilz persistoient ù luy en plus parler. Aussi semble- il que ne vous arrestez plus sinon à ce que nostredict ambassadeur ne vous a décellé incontinant lesdictes ouvertures. A quoy il vous a faict faire telle responce et déclaration que vous avez occasion d'en demourer satisfaicte. Reste maintenant que, pour nous esclaircir à la vérité de ce qui touche ledict Destrappes, il puisse estre oy de deçà par sa bouche et faire par nous procedder contre luy. C'est l'occasion pour laquelle nous vous avions demandé qu'il nous feust renvoyé avec ledict Roger, et que nous avons bien voullu de rechef vous en faire ceste instance et prier de nous envoïer ledict Destrappes, estant de nostre dignité et bien scéant à nostre mutuelle amityé que nous le renvoïez, avec asseurance que nous le ferons exac-

tement examiner et interroger sur tout le mérite de ce faict, et luy ferons faire et parfaire son procès, dont sera faict communication au sieur de StafTord, vostre ambassadeur par deçà, et à Wade, secrétaire en vostre Conseil, lequel, pour cesle cause, nous désirons demourer icy jusques à ce que cela soit faict, aflln qu'il vous puisse rapporter la vérité. Cependant vous pouvez croire que nous n'avons aultre désir et intention que de persévérer en bonne et scincère amityé, voisinance et alliance avec vous, en attendant le semblable de vostre part, ainsy qne nous escripvons à nostredict ambassadeur résident par delà vous faire plus particullièrement entendre. Priant Dieu, très haulte, etc., vous avoir, etc.... Escript à Paris, le xiii* jour d'apvril 4587.

1587. — Mai. — Taris. Le Rov à M do Chasteauneuf.

™ ^ » ■ 1 ■ mm mm mm mm mm mm mr mm m m

(Bibliolh. impér. — Reg. du ncrél. Pinart. — Ms. franç., n. 8808, f» 28. — Copie

officielle du temps.)

Opinion de Henri III sur la prétendue colère témoignée par Elisabeth contre Davisoti et les autres signataires de l'ordre d'exécution de Marie Stuart. — Conviction de ce prince que l'accusation intentée contre Deslrappcs n'est également qu'une comédie jouée par les Anglais. — Sa résolution d'éclaircir à fond cettr affaire, et d'en tirer satisfaction. — Ménagements recommandés néanmoins à l'ambassadeur, tout en sauvegardant la dignité du Roi. — Postscript um. Avis reçu par le Roi de la mise en liberté de Drstrappes. — Ordre à ce gentilhomme de passer en France immédiatement, afin d'y être interrogé avant le départ de Wade.

Monsieur de Chasteauneuf, cependant je vous

diray que les dernières nouvelles que j'ay eues d'Escosse sont du iij e dudict mois passé, qui ne contiennent aultre chose en substance qu'une partie de ce que m'en touchez. J'ay veu aussi ce que m'cscripvez fort particullièrement de la collaire que ladiete dame Roync a démonstrée contre Davidson et cculx de son Conseil qui avoient signé la mort de la Royne d'Escosse, lesquelz elle chassa de sa présence, commandant leur procès leur estre faict en publicq, selon la mode et loy du païs, et quelle a esté la fin de sesdictes collaires et démonstrations dont tout est tumbé

sur ledict Davidson. La pugnition duquel toutesfois n'a poinct esté si rigoureuse qu'elle puisse faire changer ce que Ton a creu de l'exécution de mort de ladicte dame Roy ne. Vous m'avez aussi amplement desduict et représenté, par le mémoire encloz avec vostredicte dépesche, ce qui s'est passé entre vous et le sieur de Walsinghan le xv e dudict mois passé. Par où j'ay congneu, avec ce que j'en avois jà veu par voz précédentes dépesches, que le faict de Destrappes n'a esté qu'une farce de laquelle ilz ont voullu se servir par delà pour donner plus de coulleur à ce qui s'est depuis ensuivy et exécuté contre la personne d'icelle feue Royne d'Escosse, et que vous et luy estes du tout innocent et hors de calumpnye dudict faict. Mais comme c'est sur moy qu'en tumbe l'offense et déshonneur, aussi ne me veulx-je pas lascher sans en avoir satisfaction et justiffîer à ung chacun que ma réputation n'y est poinct engaigée, persistant tousjours ad ce que ledict Destrappes me soit envoïé pour le faire interroger pendant que Wade est icy, suivant ce que je vous ay amplement escript par ma dernière dépesche. Ce sera bien faict toutesfois, en retenant tousjours ce qui est de ma dignité, de traicter les affaires de delà le plus doulcement et à l'amiable que faire ce pourra et ne rien aigrir, faisant tout ce que vous pourrez pour disposer ladicte Royne d'Angleterre à se remectre la première en debvoir, comme les premières altercations sont venues de sa part, se départant du tout de la faveur et assistance qu'elle a faict et donnée à mes subjectz de la nouvelle oppinion; l'asseurant que, se comportant envers moy et mes subjectz comme elle doibt, je n'ay rien changé en la volunté que j'ay tousjours eue de demourer avec elle en bonne paix et amityé, moïennant que de sa part elle y procedde aussi scincèremcnt que j'ay faict et veulx faire de la mienne. . . Escript à Paris, le .... de may 1587.

Postscript. Monsieur de Chasteauneuf, depuis ceste lettre escripte, j'ay receu la vostre du dernier du mois passé, ayant veu par icelle comme la Royne d'Angleterre vous a faict renvoyer Destrappes, dont je suis bien ayze, et qu'elle vous ait aussi d'ellemesme faict inciter d'aller à l'audiance. J'estime que de ceste

194 AMBASSADE DE CHATEAUXEl'F, ETC. 1587

heure vous l'aurez veue, et que me dépescherez incontinant ledict Destrappes, lequel, suivant ce que je vous ay escript, je veulx estre interrogé avant que Wade s'en retourne, et que jugement soit donné sur les charges faictes et proposées allencontre de vous et de luy, afïîn que chacun congnoisse l'imposture qui vous a esté faicte et l'innocence et justification de vous deux, ce que ledict Wade remportera

1587. — 13 Mai. — Londres.

H. de Chasteauneuf au Roi.

(Biblioth. impér. — Fonds de Be thune, n. 8880, f> 1 6. — Original tiçné.)

Compte-rendu d'une audience accordée par Elisabeth à M. de Chatcauncuf. — Résolution qu'il avait prise de garder un silence absolu sur l'affaire de De^trappes et la mort de la Reine d'Ecosse. — Vif dé^r d'Elisabeth d'amener la conversation sur ce double sujet. — Moyens qu'elle a employés pour y parvenir. — Hommage rendu par elle à l'innocence de Dcstrappcs et à celle de l'ambassadeur. — Vif chagrin qu'elle a témoigné de la mort de Marie Stuart. — Protestation qu'elle n'a jamais eu l'intention d'ordonner la fatale exécution, dont elle rejette toute h faute sur Davison. — Explications qu'elle a chargé l'ambassadeur de transmeltr* au Roi de France. — Son intention d'envoyer vers Henri III un gentilhomme d'importance avec mis>ion de resserrer l'alliance qui unit les deux royaumes. — Réponses que lui a faites M. de Chàteauneuf. — Instances de l'ambassadeur pnur que le Roi fasse entendre par son Conseil la justification de Deslrappes. — Prière pour qu'alin de bien établir son innocence et celle de l'ambassadeur, le Roi veuille bien gratifier Destrappes d'une charge de conseiller au parlement. — Motifs qui déterminent la Reine d'Angleterre à rechercher l'alliance du Roi de France. — Négociations entamées par le Roi do Danemark pour marier m fille avec le R« d'Ecosse. — Audience accordée par Elisabeth à M. du Bartas, envoyé du Roi de Navarre. — Précaution qu'elle a prise de faire en public un mauvais accueil i cet ambassadeur pour faire croire à la sincérité de ses protestations à l'égard du Roi de France. — Avis que ce gentilhomme a pour charge principale de se rendre auprès du Roi d'Ecolo. — Engouement de Jacques VI pour les œuvres du sieur •lu Bartas qu'il a traduites en vers écossais. — Conviction de l'ambassadeur qu'on se servira de ce prétexte pour entretenir auprès du jeune Roi un huguenot tout à la dévotion de ses coreligionnaires.

Sire, Vostre Majesté aura sceu par ma dernière dépesche comme la Royne d'Angleterre me renvoya Destrappes, le xxrx* du passé. Depuis, aïant eu beaucoup de conférences avecq le sieur de Walsyngham pour vostre service, ladicte dame me manda

l'aller trouver à Croydon, maison de l'archevesque de Canturbery, où elle estoit allée prendre l'air pour quatre ou cinq jours. Ce que je feys samedy, vi* de ce moys, qui estoit ce jour qu'elle nïavoit donné. (Après des détails assez étendus sur la bonne réception qui lui a été faite par les membres du Conseil et par la Reine elle-même, l'ambassadeur rend compte du commencement de son audience, dans laquelle il s'est appliqué à ne traiter que de matières publiques, réclamations pour déprédations, transports de troupes, etc.) La Royne désiroit infiniement me parler de la mort de la Royne d'Escosse; et moy, au contraire, désirois sortir sans entrer en cela ny au faictde Destrappes. Elle ne se peust tenir d'appeller le sieur de Walsingham pour luy dire qu'il me menast en la chambre du Conseil, et, me prenant par le bras en riant, dict : « Voicy noslre homme qui m'a voulu faire tuer, d Et me voyant sourire, elle dict que c'estoit chose qu'elle n'avoit jamais creu, comme tesmoignoit la lectre quelle avoyt escripte à Yostre Majesté; qu'elle ne s'estoit jamais plainte au sieur Roger, sinon que j'avoys dict n'estre point tenu de luy révéler chose aucune, quand bien il seroit question de sa mort; que j'avoys parlé comme ambassadeur, mais qu'elle m 1 avoyt tousjours tenu pour gentilhomme d'honneur qui l'aymoit et auquel elle vouldroit fier sa vye; qu'en ceste qualité elle s'estoit plainte de moy, non pas comme d'un ambassadeur; qu'elle avoyt cogneu la vérité; que ce n'estoit qu'une affronterye de deux coquins, dont l'un, Mondé, estoyt mauvais garson assez pour faire ung meschant coup pour de l'argent, de l'autre elle n'en vouloit point parler, pour apartenir à ceulx qu'il apartient. Mais que maintenant elle m'aymoit et estimoit plus que jamais, me priant vouloir estre ministre pour la restreindre en amityé avec Vostredicte Majesté mieulx que auparavant. Que le temps estoit tel que l'un et l'autre en aviez plus de besoing que jamais. Qu'il falloit excuser le temps et la colère des princes. Que, comme elle vous avoyt cy-devant escript contre moy, aussi vouloit-elle maintenant escrire pour moy et asseurer Vostre Majesté combien elle m'estimoit innocent d'un tel acte. Par là elle feroyt cognoistro

qu'elle vouloit céder la première, afin que vous eussiez occasion de l'aimer et donner audience à son ambassadeur, et faire aussi relascher les navires de ses subjeetz. Tout cela avec un fil d'oraison préparé pour sortir de ceste affaire. — Je luy respondis : « Madame, je suis ici venu pour traicter des affaires du Roy mon maistre, et non pour autre chose. Je n'ay jamais pensé que l'office d'un homme de bien et d'un ambassadeur fussent séparez. Je ne feray jamais acte contraire à la dignité de ma charge ny à mon honneur. Je n'ay pas dict que je ne vous révéleroys pas une conjuration contre votre personne, lorsque j'y verroys du danger, mais bien qu'un ambassadeur n'estoit subject à rien révéler s'il ne luy plaisoit, et que, pour cela ny pour autre chose, il ne pouvoit estre subject aux loys du pays. Que, puisque vous m'estimez innocent du faict, ce m'est un grand contentement, mesmes qu'il vous plaist le tesmoigner au Roy, mais toutesfois je vous suplie me donner congé de luy renvoïer Destrappes, affîn que, par sa bouche, le faict soit esclaircy pour le contentement de Sa Majesté et pour ma descharge. » — Elle respondit qu'il n'estoyt point besoing d'autre descharge. Que Destrappes s'en pouvoit aller librement quand il vouldroyt, et luy feroit bailler passeport, adjoustant qu'il estoit tumbé en ceste peyne par malheur, dont elle estoit bien marrye, cognoissant certainement qu'il estoit innocent. — Puis dict ces mots : « Je me suis enquise de luy, et ay sceu qu'il est homme de loy et qu'il veult suivre le palais de Paris. Je suis maryc que je luy ay esté cause de ce mal, car il nie vouldra mal toute sa vye, mais vous luy direz que je n'espère pas jamais plaider ung procès à Paris où il se puisse venger du tort que je luy ai faict. i>

Voilà, Sire, les propres motz que j'ay voulu représenter à Vostre Majesté afin qu'elle cognoisse estre vray ce que je luy ay toujours mandé que ceste calomnie ne m'avoyt esté aposée par ces gens icy que pour faire leurs affaires, et que après ilz feraient passer le tout en fumée.

Je pensois prandre congé de ladicte dame sans luy faire autre responce sur le faict de Destrappes, ny entrer à parler de la

Royne d'Escosse. Mais comme j'cstoys debout, elle me prit par la main et me retira en ung coing de sa chambre et me dict que, depuis que je ne l'avoys veue, il luy estoit advenu le plus grand malheur et ennui que jamais elle eust receu, qui estoit la mort de sa cousine germaine, de laquelle elle juroyt Dieu, avecq beaucoup de serments, quelle estoit innocente. Que véritablement elle avoit signé la commission, mais que c'estoit pour contenter ses subjectz; quelle Ta voit refusée aux ambassadeurs de France et d'Escosse pour la mesme occasion; mais que, pour cela, elle n'avoyt jamais eu intcncion de la faire mourir, sinon en cas qu'elle vist une armée estrangère descendre en Angleterre ou bien un grand soulèvement de ses subjectz en faveur de ladicto Royne d'Escosse. Auquel cas me confessoit que peult-estre l'eustelle faict mourir, mais que autrement elle ne l'eust jamais consenty. Que ceulx de son Conseil, entre autres quatre qui là estoient présents, lesquelz toutesfois elle ne nomma poinct, luy avoient faict ung tour dont elle ne se pouvoit apaiser ; et jura Dieu que, n'eust esté le long temps qu'il y a qu'ilz luy faisoient service, aussi que ce qu'ilz en avoient fait avoit esté pour le bien et salut de sa personne et de son Estât, elle leur eust faict trancher la teste. Me prioit de croire qu'elle n'est point si meschante que de vouloir rejecter la faulte sur ung petit secrétaire, s'il n'estoyt vray. Que ceste mort-là luy toucheroit au cœur toute sa vye pour plusieurs raisons, mais principalement pour vostre respect, Sire, de la Royne vostre mère, de feu Monseigneur vostre frère qu'elle avoyt tant aymé; qu'elle estoit preste de vous en satisfaire, et me pria particulièrement de vouloir en ce faict y faire tous les offices qu'un ministre affectionné à la paix de ces deux couronnes doibt faire, qu'elle m'en sçauroit gré à jamais; ni'ajoustant que, si je le trouvoys bon, elle délibéroitenvoïer vers Vostre Magesté ung seigneur d'importance pour ce faict-là et restraindre avecq elle plus d'amitié que jamais, dont elle vouloit que je fcusse le ministre de deçà; réitérant ces propos qu'elle vous aymoit, honoroit et désiroit vostre bien, grandeur et santé plus que de soy- mesme; qu'elle vous olîroit ses gens, argent et navires

contre voz ennemys, mcsme l'amitié de quatre princes d'Allemaigne qui luy avoient escript qu'ilz cstoient prestz de la servir contre ceulx de la ligue avecque une bonne trouppe toute preste, qui fust desjà entrée en vostre royaume 3i elle ne les eust retenuz. Que si Vostre Majesté se vouloit servir des ces forces-là, elle se faisoit forte de vous en faire accommoder; si aussi vous vous laissiez aller aux conseils de ceulx de la ligue, qu'elle me protestoyt [qu'elle] ne se mesleroyt poinct des affaires de vos subjectz, mais aussi qu'elle adviseroyt à se conserver; que le Roy catholique la rccherchoit, tous les jours, de paix et d'amitié, chose à quoy elle n'avoit point voulu entendre, cognoissant son ambition, au contraire avoyt envoyé Drak le travailler jusques en ses costes, et délibéroyt faire repasser le comte de Lecestrc en Rolande pour faire paroistre qu'elle ne le craint guères; avecq tant d'autres propos contre ceux de la ligue que Vostre Majesté peult croire, par la longueur de ceste dépesehe, quelle s'estoit bien préparée pour ceste audience où elle me tint trois bonnes heures.

Luy aïant laissé dire tout ce qu'il luy pleust, je pensé ne debvoir pas demeurer sans responce, et luy dicts que j'estois très aise qu'elle désirast l'amitié de Vostredicte Majesté, recognoissant combien elle luy avoit esté utile cy-devant; que je pensois vous aviez pareille volunté en son endroit, comme j'estois tesmoing depuis deux ans que Vostre Majesté ne s'en estoit jamais départye; que ce me seroyt beaucoup d'honneur d'estre ministre d'un si sainct œuvre pour tout le bien de laChrcstienté, et puisqu'il luy plaisoit que, pour m'estre trouvé en ceste charge en temps si trouble, je fusse aussi instrument de restablir les choses en meilleur train qu'il sembloit elles n'estoient, je le désiroys, mais qu'il falloitdonq que je luy disse franchement que, si elle désiroit vostre amitié, il falloit la vouloir d'effect et non de paroles ; que d'ayder d'argent et munitions à ceulx qui portent les armes contre vostre service, soliciter les reistres pour entrer en France, ne faire justice à voz subjectz dérobez, traicter votre ambassadeur comme elle m'avoyt traicté depuis quatre moys, ce n'estoit pas vouloir vostre amityé de la façon qu'il la fault vouloir. « Il ya trois princes en la

Chrestienté, Madame, luy dis-je, le Roy mon maistre, le Roy catholique et Vostre Majesté ; souz ces trois la Chrestienté se remue. Vous ne pouvez, Madame, avoir querelle avecq les deux sans vostre grand mal. Vous faictes la guerre à l'un ouvertement, et l'autre a grande occasion de croire que la guerre qu'il a en son royaume est suscitée et fomentée par vos moïens et conseils, partant il fault luy oster cette opinion par effect et non de paroles. Nous croyons bien que vous aurez la paix avecq le Roy catholique, quand vous vouldrez, mais ce sera en rendant tout ce que vous tenez es Pays-Ras, auquel cas vous aurez plus de besoing de l'amitié du Roy, mon maistre, que jamais; et pour ce, Madame, advisez de contenter le Roy, s'il vous plaist, puisque vous désirez tant son amityé. » — En toute ceste response, Sire, je ne touchey en rien de la mort de la Royne d'Escosse, tout exprès, pour n'en avoir aulcun commandement de vous; aussi que je sçay qu'ilz sont en extrême peine de sçavoir ce que Vostre Majesté en dira au sieur de Staflbrt, lorsqu'il excusera le faict. — Ladite Dame me respondit qu'elle n'aydoit point au Roy de Navarre contre Vostre Majesté, ains contre ceulx de Guise qui le vouloient ruiner, pour puis s'attacher à elle par la suscitation du Roy catholique ; que le prince de Parme s'estoyt vanté, depuis quinze jours, qu'il passeroit en France, pour se joindre avecq eulx, et delà luy venir faire la guerre en son royaume, mais qu'elle l'en empescheroyt bien ; qu'elle n'estoy t pas preste à rendre ce qu'elle tenoyt au Pays-Bas ; jurant Dieu, qu'elle empescheroyt bien le Roy d'Hespaigne et ceulx de Guise de se mocquer de cette pauvre vielle, qui avoyt un corps de femme, accompagné d'un cœur d'homme; que, pour cest eflect, elle désiroyt l'amitié de Vostre Majesté, lui priant de rendre au Roy de Navarre et ceulx de la religion l'édict qui leur avoyt esté osté il y a deux ans, sinon pour tousjours, au moins pour quelque temps, durant lequel, par ung bon concile, où elle offre se trouver, l'on accordera des différents de la religion, qui ne sont pas si grands que l'on pense; luy estant advis, que deux princes de la Chrestienté bien d'accord ensemble y pourroient prandre un bon expédient, et y attirer

tous les autres par leur autorité, sans s'arrester aux prestros ni aux ministres; me donnant à cognoistre qu'elle entendoyt de Vostre Majesté et d'elle, comme chefs des deux religions qui sont maintenant en la Chrestienté; me réitéra le désir qu'elle avoyt d'envoyer ung seigneur d'importance vers vouz, m'en demandant encore mon advis. — A quoy je luy répondis, que tout ce qui estoit envoyé de sa part en France avoit toujours esté bien reçu; que, par ceste heure, estant les armes levées en France de toutes partz, je ne luy pouvois pas respondre, mais que M. de Staflbrt luy en pourroit donner advis mieux que moy. Quand aux autres poincts, que d'ayder au Roy de Navarre, et de dire que c'est contre ceulx de Guise, c'estoit se vouloir mesler des affaires de Vostre Majesté plus avant qu'elle ne vouldroit que l'on feist au sien ; bien le pouvoit-elle conseiller de s'accommoder pour quelque temps à la volonté de Vostre Majesté aux faicts de la religion, attendant ce concile dont elle parle, auquel véritablement on pourroit accommoder les diflërens de la religion, non par deux princes seuls, mais par le consentement général de la Chrestienté, qui aultrement se diviseroyt toute en partz, chaque prince, jusques aux petits, établissant nouvelle forme de religion chez soy, qui enGn tourneroyt en une extrême confusion, à la ruyne totalle de la religion chrestienne : partant que je la suppliois d'adviser à ces quatre difficultés qui seules pourroient einpeschcr cest estroict lien d'amitié avec Vostre Majesté qu'elle désiroit. — Elle me dict : quand au secours du Koy de Navarre, qu'elle m'y avoit satisfaict; des reistres, qu'elle ne son mesloit point; pour les déprédations, qu'elle y mectroict ordre à lad venir; que je partiroys d'avecq elle le plus content que jamais ambassadeur sortit de ce royaume, et me commanda de rechef vous assurer de son amityé, comme elle vous le tesmoigneroyt en bref par lettres et homme exprès ; et me bailla entre les mains de MM. Lecestre et Walsingham, pour me mener en la chambre du Conseil, où nous traictâmes ce que Vostre Majesté verra en ung mémoire qui est à part.

Or, Sire, par la longueur de ceste dépesche, laquelle je vous

suplye très humblement vouloir excuser, Vostre Majesté voyt premièrement, pour le regard de Destrappes, que la Royne désire que cela demeure assopy ; toutesfoys je la suplye très humblement vouloir faire ouyr ledict Destrappes, et après qu'il aura esté ouy par Messieurs de vostre Conseil qu'il luy plaira députer, vouloir faire instance que Stafort soyt puny pour sa faulce accusation; ce que toutesfoys je n'espère pas, pour appartenir à la Royne mesme et aux premiers de ceste court.

Et d'aultant, Sire, que ledit Destrapes est tumbé en cest inconvénient par disgrâce et malheur, je prendré la hardiesse de supplier très humblement Vostre Majesté, à cause que ceste accusation a volé par toute la Chrestienté, le vouloir déclarer innocent et le gratifier du premier estât de conseiller en vostre court pour ung prix modéré, tant pour estre très digne de ce lieu-là, que pour aultant [que] cela importe infiniment à ma descharge de croire que, à son retour, Vostre Majesté lui aura faict du bien.

Pour le reste, la vérité est, Sire, que la Royne d'Angleterre se trouve fort empeschée, aïant mauvaises nouvelles du costé du Roy de Danemarch, qui semble rechercher le Roy d'Escosse pour le mariage de sa fille , et que le duc de Parme intervient en cela par le commandement de son maistre ; de sorte que ladite Dame a une extresme envie de vostre amitié, du moins de faire paroistre qu'elle est très bien avec vous au Roy d'Escosse ; car, ces jours passés, elle a faict ce qu'elle a peu pour faire courir le bruict en Angleterre et Escosse qu'elle estoit d'accord avec le Roy catholique; mais, par les lettres d'Envers, cela s'en est allé en fumée, et croy que le duc de Parme a rejecté toute négociation ; et cela leur estant failly, ils ont recours à publier le mesme de vostre part, car je fus receu à la court avec toute la cérémonie du monde, et, au sortir de là, M. le comte de Lecestre me vint atendre en la salle de présence, et tout hault me dict : que toute la court se réjouissoit de ce que j'avois esté si bien receu de la Royne; que luy particulièrement, et tous les seigneurs, avoienl depuis quatre moys porté ung ennuy extresme de ce qui s'estoit passé, voyant bien que c'estoit sans subject ny occasion ; avecq des pro-

po8 en ma louange que j'aurois honte de vous escrire, et me pria d'assurer Vostre Majesté qu'il estoit son serviteur, et le seroyt toute sa vie. Après luy tous ces aultres seigneurs elgentilzhommes me vindrent saluer et caresser comme ung nouveau venu : chose faicte par artifice et exprès commandement de leur maistresse...

Le Roy de Navarre a envoyé icy le sieur du Bartas (*) vers ladite Dame, de laquelle il eust audience le x e de ce moys, où elle luy feist assez mauvais recueil en apparence, afin que je le seusse, et que cela, joint avecq la bonne chère qu'elle m'avoit faicte le jour de devant, me feist croire estre vray tout ce qu'elle m'avoit dict. Ledict du Bartas Ta asseurée que le Roy de Navarre est en campaigne avecq bonnes troupes, et qu'il se va joindre avecq M. de Momorency, pour s'acheminer ensemble au-devant de leurs reistres, luy faisant grand estât des forces dudit sieur Roy. L'occasion principale de la venue dudit du Bartas est pour le faire passer en Escosse, vers le Roy, qui jà, par plusieurs foys, l'avoit demandé au Roy de Navarre, pour estre ledit Roy d'Escosse si amoureux des œuvres dudit Bartas qu'il en a tourné la plus grande part en vers escossoys, et a dict souvent que, s'il avoit ledit du Bartas près de soy, il s'estimeroyt le plus heureux prince du monde. Je ne doubte point que ce ne soit ung artifice de ces gens, qui veulent avoir près dudict Roy, en ce temps, ung homme du tout huguenot et à leur dévotion.

Sire, je prie Dieu donner à Vostre Majesté, en très parfaite santé , très longue et très contente vie.

A Londres, ce xim e jour de may 1587.

Vostre très humble et très obéyssant subject et serviteur.

DE I/AUBESPINE CHASTEONEUF.

(*) Guillaume Saluste du Bartas, l'an des poètes les plus féconds du X>T siècle, auteur de la Première Semaine, Vranie, Judith, la Seconde Semaine, etc. Ce dernier ouvrage, qui est une histoire versifiée de l'Ancien Testament, eut en quelques années plus de trente éditions, et fut traduil dans la plupart des langues de l'Europe. Le uom de du Bartas n'en est pas moin* passé eu proverbe pour exprimer la barbarie et le mauvais goût du style. Les o uvres de ce pofte ont été réunies et publiées, avec de longs commentaires, par Simon Goulard ; Paris, 1610, î vol. in-P.

1587. — 21 Mai — Londres.

M. de Chasteauneuf an Roy.

(Biblioth. impér. — Fond» de Béthune, n. 8880, f* 23. — Original signé.)

Rupture des négociations entre Elisabeth et Philippe II. — Tentatives de la Reine d'Angleterre pour se rapprocher de Jacques VI. — Embarras que l'or d'Elisabeth suscitera à ce prince dans ses Etats, de manière qu'il ne puisse s'occuper des affaires d'Angleterre. — Ordre d'arrestation donné par Jacques VI contre Gray son principal favori. — Conviction du Roi d'Ecosse que Gray a grandement contribue à la mort de la Reine sa mère. — Convocation des États en Ecosse pour le i« r juin.

f Extrait.)

Sire . il semble que toute l'espérance que ilz

avoient icy de négocier avec le Roy catholique soit rompue, qui est cause que ilz désirent fort conserver l'amitié de Vostre Majesté et la renouer plus forte que devant ; dont je m'apperçoy assés par les caresses et recherches que ilz font maintenant du costé du Roy d'Escosse. La Royne s'i gouverne si prudemment que je croy que, avec ses angelotz, elle le embrouillera chez luy tellement que à peine aura-il moyen de lui faire grand mal. Il a faict mectre prisonnier M* Gray, son principal favory, pour soupçon que il eust quelques intelligences delà la mer, comme le bruict court. De moy, je croy que il a opinion que il n'a pas nuict à advancer la mort de la Royne sa mère, estant icy envoyé chef des trois qui arrivèrent lors du partementde Monsieur de Belièvre, où plusieurs ont opinion que il se laissa aller à la volunté de la Royne d'Angleterre, de laquelle il est certain que il est partisan et pensionnaire. Toutefois je ne m'apperçus poinct que il feist de mauvais offices. Les Estatz dudict royaume sont assignez au premier de juing, qui pourront, en mon advis, estre retardez par ceulx de la faction d'Angleterre, comme, depuis la mort de la Royne d'Escosse, ils les ont toujours faict remettre, craignans que, sur l'ardeur de ceste exécution, il se conclud quelque chose au préjudice de l'amitié d'Angleterre. Je supplie le Créateur; etc.

DE L'AUBESPINE CHASTEAUNEUF

1587. — 26 Août. — Londres.

H. de Chasteauneuf au Roi.

(Mblioth. imvér. — Fonds de Uesmes, n. 9$ là, t. CCC.Ï/, f° \ H (').

Obsèques de la Reine d'Ecosse, qui a été placée dans la cathédrale de l'eterborough vis-à-vis de la reine Catherine, première, femme de Henri VIII. — Départ des serviteurs de Marie Stuart après avoir assisté à la cérémonie. — Avis que le médecin de la Reine, M. Bourgoin.se rend en France. — Charge que sa maîtresse lui a laissée en mourant d'aller remettre de sa part quelques souvenirs au Roi de France, à la Reine et à la Reine mère. — Mise en liberté de Nau et de Curie, auxquels on a rendu tout ce qui leur appartenait.

Sire, le Royne d'Angleterre a faict faire les obsèques de la feue Royne d'Escosse, le xj p de ce moys( 2 ), à Peterbourg, ville épiscopale de la province où est morte dadicte dame; et a esté enterrée en l'église cathédralle, au costédroictdu chœur; viz-à-vis de la royne Catherine, première femme du roy Henry VIII e . Les obsèques ont esté assez solennelles, et y ont assisté tous les serviteurs ( 3 ) de ladicte défuncte, lesquels s'en retournent présentement, et entre autres, son médecin, qui, l'ayant assistée depuis le premier jour de sa plus estroicte prison jusques à l'heure de sa mort, a charge et commandement d elle de baiser les mains de Vostre Majesté, de la Royne, et de la Royne sa mère, et leur présenter quelque souvenance de sa part. La Royne d'Angleterre est toujours icy près, ès maisons des seigneurs, ne s'estant poinct encores réduicte à AVindsors, où tout son Conseil se doibt rasssembler. Et ne se passe rien icy que ce que Vostre Majesté verra par un mémoire que jay mis avec la présente, dont est porteur le jeune Pasquier qui servoit ladicte delTunte. Ses secrétaires, Nau et Curlle, ont esté eslargis à pur et à plain ; et leur a esté rendu tout ce qu'ilz avoient auparavant, après leur avoir faict signer, en plain Conseil, que les dépositions qu'ilz avoient faictes cy-devant es-

(') Celte indication, donnée par Égcrton, n'est pas exacte. Il n'a pas été possible de retrouver l'original de cette pièce.

(') Suivant le prince LabanolT, ftervell des lettres de Mnr'ic Stnarl, t. VI, p. iî*>, cette cérémonie aurait eu lieu le 31 juillet.

(») A l'exception de Nau et Curie, ses secrétaires, qui n'osèrent point y venir (Labanoff?.

toient vrayes, et qu'ils avoient déposé sans aulcune force, contrainte, ny corruption d'argent. — Sire, je suplie le Créateur donner à Yostre Majesté, en parfaicte santé et prospérité, très longue et très heureuse vye.

Pl Londres, ce xxvr 5 jour d'aoust, 1587.

Vostre très humble et très obéissant serviteur et subject,

DE L'AUBESPINE-CHASTEAUNEUF

Parties deues par le Roy à la deffuncte Royne d'Escosse douairière de France.

(Blblioth. imper. — Fonds de St-Germ. Harl., n. 222, t. XI, f 10. — Cop. du temps.)

Les parties vérifiées en la Chambre des comptes montant. . . . xxui.m.xxx écus. xlvhi s. un d.

La partie de la récompense du greffe de Poictiers, du temps

que M. de Grandmont le lenoit. xin.c.LXVi é. u t. (tiers). Les offices qui ont vacqué durant

Tannée intermédiat de la non

jouissance des terres de la récompense de Touraine iii.m.c. iui.xx.xv. é.

L'office de lieutenant général de

Poictou vi.m.vi.c.lxvi é.u t.

Le greffe et tabellionage d'Es-

pernay xvi.c.lxxi é. vi s. vu d.

La pension de la Royne vi.xxu.m.ix.c.xliiii é.

La partie prestée au Roy par la

feue Royne régente, douairière

d'Escosse, montant iii.m.iii.c.xxxiii écus, xx s.

Les arrérages de la rente de Messieurs et dame de Nevers, escheus le dernier de décembre

1587, montant xix.c.mr.xx.im é. xlvii s. i d.

L'erreur de la vérification et calcul des deniers des ventes des

bois (TEspernay et Sainte-Menehoult, et les frais desdio tes ventes» . .

iiii.c. u é. xlviii s. v d.

VllI.XX.IIII.M.V.C.IIIl.XX.XVé.XXXVlI

Somme

s.id.( l ).

f164,595 écu$, 27 nous, 1 denier.)

(') Par ordonnance du mois de septembre 1577, Henri III avait établi* que la monnaie t'e compte serait dorénavant l'écu d'or soleil, a 2 deniers 15 grains de poids et 23 tarais de la loi, valant 3 livres ou GO sols. Le total des sommes dues a M.irie Sluart au moment de sa mort était donc, en livres, de 495,742 1. 14 s. 3 d., qui valaient, de valeur intrinsèque, 1,322,138 fr. 58 c et qui représenteraient aujourd'hui, de valeur relative, conformément a la table d'appréciation de M. Leber -, la somme considérable de 2,044,277 fr. 16 c, ou environ 100,800 liv. sterl.

* Vojei I.». blanc, Traité dm monnoitê, p. 351.

" Mém. présenté* psr divers savants à l'Académie des inscriptions, U I, p. 190

APPENDICE