VI. — D'vn certain Vsage. qui ne consiste qu^aux particules

Il reste encore à parler dVn certain Vsage^ qui n'est point différent de celuy que nous auons defîny, puis qu'il n est point contraire à la façon de parler de la plus saine partie de la Cour, et qu'il est selon le sentiment et la pratique des meilleurs Autheurs du temps. C'est rVsage de certaines particules qu'on n'obserue gueres en parlant, quoy que si on les observoit, on en parleroit encore mieux ; mais que le stile qui est beaucoup plus seuere demande pour vne plus grande perfection ; et c'est ce que l'on ne sçauroit iamais, quand on auroit passé toute sa vie à la Cour, si l'on n'est consommé dans les bons Autheurs. Ce sont proprement les délicatesses et les mystères du stile. Vous en trouuerez divers exemples dans ces Remarques. Il suffira d'en donner icy vn ou deux pour faire entendre ce que c'est, comme d'escrire tousiours si Von, et non pas si on, si ce n'est en certains cas qui sont exceptez, et de mettre aussi tousiours Von après la conionction et y parce que le <, ne se prononce pas en cette conionctiue.

VIL — 1. Que le bon et le bel Vsage ne sont qv'une mesme chose. — 2. Que les honnesles gens ne doiuent iumais parler que dans le bon Vsage, liy les bons Escrivains escrire que dans le bon Vsage. — 3. Que pour ceux qui veulent parler et escrire comme il faut, Testendué du bon Vsage est trcs-grande, et celle du mauuais très-petite, et en quoy elle consiste.

1. Au reste quand ie parle du bon Vsage, j'entens parler aussi du bel Vsage, ne mettant point de différence en cecy entre le bon et le beau ; car ces Remarques ne sont pas comme vn Dictionnaire qui reçoit toutes sortçs de mots, pourueu qu'ils soient François, encore qu'ils ne soient pas du bel Vsage, et qu'au contraire ils soient bas et de la lie du peuple. Mais mon dessein en cet Oeuure est de condamner tout ce qui n'est pas du bon ou du bel Vsage, ce cpii se doit entendre sainement, et selon mon intention, dont ie pense auoir

fait vne déclaration assez ample au commencement de cette Préface. — 2. Pour moy i'ay creu iusqu'icy que dans la vie ciuile, et dans le commerce ordinaire du monde, il n'estoit pas permis aux honnestes gens de parler iamais autrement que dans le bon Usage, ny aux bons Escriuains d'escrire autrement aussi que dans le bon Vsage ; le dis en quelque stile qu'ils escriuent, sans mesme en excepter le bas ; mais bien que ce sentiment que i'ay du langage et du stile m'ait tousiours semblé véritable, neantmoins comme on se doit defiier de soy-mesme, i'ay voulu sçauoir l'opinion de nos Maistres, qui en demeurent tous d'accord. — 3. Ainsi ce bon Vsage se trouuera de grande estenduë, puis qu'il comprend tout le langage des bonneste^ gens, et tous les stiles des bons Escrivains, et que le mauuais Vsage est renfermé dans le Burlesque, dans le Comique en sa propre signification, comme nous auons dit, et le Satyrique, qui sont trois genres où si peu de gens s'occupent, qu'il n'y a nulle proportion entre l'estenduë de l'vu et de l'autre. Et il ne faut pas croire, comme font plusieurs, que dans la conuersation, et dans les Compagnies il soit permis de dire en raillant un mauvais mot, et qui ne soit pas du bon Vsage ; ou si on le dit, il faut auoir vn grand soin de faire connoistre par le ton de la voix et par l'action, qu'on le dit pour rire ; car autrement cela feroit tort à celuy qui l'auroit dit, et de plus il ne faut pas en faire mcstier, on se rendroit insupportable parmy les gens de la Cour et de condition, qui ne sont pas accoustumez à ces sortes de mots. Ce n'est pas de cette façon qu'il se faut imaginer que l'on passe pour bommede bonne compagnie ; entre les fausses galanteries, celle cy est des premières, et i'ay veu souuent des gens qui vsant de ces termes et faisant rire le monde, ont creu auoir réussi et neantmoins on se rioit d'eux, et l'on ne rioit pas de ce qu'ils auoicnt dit, comme on rit des choses agréables et plaisantes. Par exemple ils disoient, boiUez-vous là, pour dire, mettez-vous là, ne demurez point, pour dire, ne bougez de vostre place, et le disoient en raillant, sçachant bien que c'estoit mal parler, et

ceux qui royoicnt, ne doutoient point que ceux qui le disoient ne le sceussent, et auec tout cela, ils ne le pouvoient souflrir. Que s'ils repartent qu'il ne faut pas dans la conuersation ordinaire parler vn langage soustenu, ie Tauouë ; cela seroit encore en quelque façon plus insupportable, et souuent ridicule; mais il y a bien do la diflbrence entre vn langage soustenu, et un langage composé de mots et de phrases du bon Vsage, qui comme nous auons dit, peut estre bas et familier, et du bon Vsage tout ensemble; Et pour escrire, l'en diray de mosme, que quand i'escrirois à mon fermier, ou à mon valet, je ne voudrois pas me seruir d'aucun mot qui ne fust du bon Vsage, et sans doute si ie le faisois, ie ferois vne faute en ce genre.