Ms. lentescit

debuerunt freno temperantie mitigare, sicut sibi furor seu impetus persuasit, in odium divine majestatis, Nostri honoris pariter et contemptum, congregato per eos exforcio gentis armigere, equestris et pedestris,

. more predoneo et hostili invaserunt castrum Podii de Valle et alia castra et loca viri nobilis Antonucii de Popleto, cambellani et fidelis nostri dilecti, illaque seu illorum aliqua arcius obsederunt ceperuntque violenter castrum Sancti Donati illudque exposuerunt in predam, eripiendo spolia, trucidando, captivando, reddimi cogendo et non parcendo sexui vel etati, ceperunt etiam in ipso furore hostico nonnullos vassallos Antonucii supradicti et certos signanter ad ipsius Antonucii servitia existentes, inter quos cepisse dicuntur notarium Bucium de Coppa, vicarium Antonucii supradicti, illosque captivos detinent [in] scualoribus carceris et compedibus macerando, guerram in regno exinde puplice et notorie commictendo. Cum igitur ... satis derogetur honori Nostro et glorie si ad o[b]viandum incun{c]tanter tam violentis et apertis sceleribus non insurgeremus gladio puplice discipline, propterea fidelitate tue presencium tenore de certa Nostra sciencia districte precipiendo mandamus quatinus, statim receptis presentibus, non commictendo in hoc desidiam, negligentiam vel defectum, quantum habes gratiam Nostram caram, mandes sub certa formidabili pena quam proinde videris expedire dictis Raynaldo et Johanni, si comode per te vel alium pro parte tua, immo verius Nostra, eis dictum mandatum fieri poterit, vel si ex facto suo ad se non pateret aditus :, de quo tue consciencie totaliter inheremus, mandes similiter eisdem Raynaldo et Johanni sub certa formidabili pena per edictum in scriptis puplice et notorie affigendum in aliqua terra vel loco suo vel alterius fidelis Nostri eisdem Raynaldo et Johanni vicino, unde dicti edicti vel mandati ad ipsos Raynaldum et Johannem possit, sicut tibi videbitur, noticia pervenire, quod statim post mandatum tuum, immo verius Nostrum, nullo intervallo temporis expectato, removeant campum seu exercitum et gentem armigeram liberentque ab hosidione castra et loca dicti Antonucii ac castra et loca ipsius Antonucii capta per ipsos Raynaldum et Johannem et presertim dictum castrum Sancti Donati restituant et assignent cum integro statu suo eidem Antonucio liberentque captivos quos habent de terris et locis Antonucii memorati et potissime dictum notarium Bucium cum rebus et bonis ipsorum eis assignandis... Quod si fortasse Raynaldus et Johannes ipsi dictorum mandatorum fuerint contumaces vel negligentes et illa non curaverint realiter et plenarie adimplere, cum adversus hujusmodi scelerates et reprobos, quos flectere non potuit admonitio regia,