H — REIMS ET JULES CÉSAR

0 tu, cité très noble et très ancienne, Qui, jadis, fus fondée de Remus !

Reins t'appella de son nom Rancienne :

Rome fonda ses frères Romulus.

Le sénat t'acousina, Quant Julles César ses osts mena Pour conquerre Gaule, France nommée, Et ton confort requist et demanda :

Tu dois estre sur toutes honourée.

Car tu laissas premiers la loy payenne Par saint Rémi, qui de Laon fut dus, Et te meis à la loy chrestienne, Quant le princes nommez Glodoveus

A donc se crestienna, Par la victoire, que Dieux lui donna, Des ennemis estans en sa contrée :

Et comme Dieux tel signe te monstra, Tu dois estre sur toutes honourée.

Lors délaissa toute loy arrienne Par Clothilda garnie de vertus :

En cellui temps estoit la cité sienne.

Ly premier roys chrestiens fut veus ;

Saint Rémi le baptisa ; Et Saint Esperit une empole apporta, Des cieulx lassus, dont sa char fut sacrée. Et quant chascuns de tes roys tel sacre a, Tu dois estre sur toutes honourée (1).

(l) Eustache Deschamps composa cette chanson à l'occasion du sacre de Charles VI, en 1380. — Elle n'est qu'une suite d'allusion* à l'histoire de Reims pendant les premiers