PAR LES BARONS LIGUÉS CONTRE THIBAULT IV

— Gautiers, qui de France venés Et fustes aveuc ces barons, Qu'or me dites , se vos savés, Quels est la lor entensions ?

Durra mais tous jors lor tensons, Que ja n'es verrons acordés?

Ne ja n'es verront si mellés Que perciés en soit uns blasons ?

— Pières, se nostre cuens Henris En est créus , et li Bretons , Et les Bretons qu'est si osés, Etli sires des Bourguignons, Ainçois que paissent rouvesons , Verres Baicles si raussés Que lors bobans sera matés :

Ja rois ne lor iert guérisons.

— Gautiers, trop dure longuement Cist menacier, et si volt pou , Mal semble qu'il aient talent D'eus vengier : si ont ils par fois ! Chascun jor assemblés les voy De loing venir à tout grant gent :

Bien perdent honor et argent, Quant il ne font ne ce ne quoi.

Pières, on a véu sovent

Mèsavenir par grant desroi :

Honor ont fait à escient

Et li chardenalet li roi,

Qui les a menés en besloi

Par le conseil dame Hersant.

Dès ore ira la paille avant (à vent) :

Ce puet chascuns penser àsoy.

— Gautiers, je ne m'i os fier :

Trop les voi lens à cest mestier.

Lou bel tens ont laissié passer ; Tant que doit plovoir et negier.

Et quant plus les voi corrécier Et de la cort por mal torner, S'en font .11. ou .111. demorer Por treuve en covert reloignier.

—Pières, ne font pas à blâmer Cil qui en partirent premiers, Qu'ainspuis ne vorent demorer; Mais nostre coronés légiers Por le chardenal losengier, Qui il n'osèrent rien véer :

Et por ceuls de blâme geter Firent la femme un pou laissier (!)..

(ij Thibault IV, après avoir trahi tous les partis, s'était enfin rallié à la couronne de France pour la défendre contre les barons. Ceux-ci se liguèrent contre Blanche et son incertain allié, et commencèrent les hostilités.— C'est à cette guerre que fait allusion cette chanson dialoguée. Elle est attribuée à l'un des ligueurs, Henri, comte de Bar. (Manuscrit de la Bibliothèque Nationale, fonds Mouchet 8, fol. 90.) —Le sire des Bourguignons est Hugues IV, qui assiégea Troyes.— Baicles est un surnom donné aux, partisans du roi