JACQUERIE

En ce temps là moult de maulx Furent fais et moult de travaulx, Maint dureté et maint grévance Au povre royaume de France.

Qui par la faulte de son chief Encourut trop grant meschief.

Car toutes nascions estranges Et voisines, hostels et granges Pilloien't et boutoient fu.

Etchascuns ennemis leur fu.

Villes et chasteaux furent pris, Et le royaume fut sourpris De toutes parts des ennemis.

On ne sçavoit qui iert amis.

Moult y ot lors de garnisons, De chasteaux et de traïsons.

Marne, Sayne, Oise et Yonne, Loyre, le Chier et la Dourdonne Estoient prinses par les pas.

Puis se trovôrent trois estas, Qui firent grant division Au peuple et grant commotion Des menuz encontre noblesse.

En Beauvoisin estoit la presse D# tuer femmes et cnfans

De nobles (tels estoit le temps),

Et de leurs maisons démolir,

Ardre, desrober et tolir.

En Valoys fut, en Picardie,

En Champaigne tel Jaquerie.

A Maulx, à Paris, autre part

Maint en furent pendus à harl,

Et maint orent coppées les testes ;

Maint gisoient aux champs com bestes.

Car les nobles se mirent sus

Qui en vindrent à leur dessus

Et desconfirent au derrien

Le peuple de povre merrien (1).

(1) Eustache Deschamps, le Hiroir du mariage, — Ce tableau n'est que trop fidèle : c'est l'œuvre d'un témoin oculaire ; rien n'y faut.