CXXXIV. — 13 décembre
Mandement du vicomte de Rouen au sujet d’un mur en ruine silué derrière l'hôtel de l’Aigle d’Or, sur la rivière de Robec, et qui, d’après le rapport d'Alexandre de Berneval et de Jehanson Salvart, experts, menace d’endommager en tombant le moulin des religieuses Emmurées et des Célestins de Mantes. (Cartulaire des Emmurées. — Arch. de la Seine-[Inférieure, H (non répertorié), folio 122.)
L'an de grace mil iij° xxxitij le xüij° jour de decembre devant nous Guy de la Villecte, viconte de Rouen, se presenterent maistres Alexandre de Berneval, maistre des œuvres du Roy nostre sire eu baïlliage de Rouen et Jehanson Salvart, maïstre ouvrier du mestier de machonnerie en la ville et banlieue dudit Rouen, lesquelz nous distrent et rapporterent par leurs seremens que par la semonce et contraincte de Laurens Du Val, sergent du Roy nostre sire en la ville et banlieue de Rouen, 1ilz estoient allés veoir et visiter certain mur estant eu derriere de l’ostel de l’Egle d’Or, assis en la parroïsse Saint Estienne de la
PRRER PERS
nn he mi
Le
grant eglise, euquel est de present demourant Guillaume Le Saunier, icelui mur estant sur la riviere de Robe, lequel les religieux des Celestins de Mante et le procureur des Ammurées dudit lieu de Rouen disoient estre en telle decadence que de bref ilz estoient en adventure de cheoir, qui leur pourroit porter grant dommage et prejudice parce que se il cheoït il cheroïit sur leur moulin assis sur icelle riviere de Robec et escluseroit l’eaue d’icelle riviere (1), et avoient requis a justice que icellui mur fust veu et visité, et par ce avoit esté commandé audit Du Val sergent fere icelui mur veoir et visiter par ouvriers et gens en ce recongnoissans, et a celle fin y avoit menés iceulx ouvriers, lesquelx en faisant ladicte visitacion avoient trouvé icelui mur, lequel est hault et emply de terres par devers le jardin dudit hostel de l’Egle d’Or, estre de present pendant et acanté par devers ladicte riviere d’un pié ou environ, parce que lesdictes terres l’ont foullé et bouté tellement que se de bref remede n’y est mis, icelui mur est en adventure de cheoir, et se il cheoït, porteroit grant dommage et prejudice ausdiz Celestins et aux Ammurées ; et pour eschiver aux inconveniens qui en pourroient ensuir est de neccessité que reparacion soit mise en icelui mur. Aprez lequel rapport ainsi fait donné fu en mandement audit sergent et au premier autre sergent ou sous sergent de ladicte viconté sur ce requis en commectant, se mestier est, audit Guillaume le Saunier demourant audit hostel fere exprez commandement de par le Roy nostre sire que icelui mur il face mectre en tel estat que ausdiz Celestins et Ammurées ne aux [autres]
(1) Le moulin Maheult de Dieppe, sis dans la ville de Rouen, avait été donné aux religieuses Emmurées par Thomas Le Tourneur, archidiacre de Tournai, conseiller et premier secrétaire du roi Charles V. Ce dernier avait amorti la dite donation par lettres datées de son hôtel de Saint-Pol, en janvier 1376, n. st. (Cartulaire des Emmurées, fol. 286-287.)
ii ne porte ou face aucun prejudice ou dommage sur ies paines et perilz qui au cas appartient, o intimacion que [se] ce il ne fait dedens temps deu il y sera pourveu par raison et justice ainsi qu'il appartendra, et de ce que fait en auront viengnent fere record devant nous ou nostre lieutenant.
