CXXXV. — 9 mars 1435 (n. st

Accord passé entre Jean Willemer, anglais, maître des œuvres de charpenierie du Régent duc de Bedford, et Denis du Sauchoy, bourgeois de Rouen, au sujet dé la construction d’une gouttière pour recueillir les eaux de leurs maisons, sises en la paroisse Saint-Etienne-des- Tonneliers. (Reg. du tabellionage de Rouen, 1434, folio 285) (1).

Mercredi ix° jour de mars mil üij® xxxiiij:.........0. Comme il soit ainsi que maistre Jehan Willemer, natif du pais d'Angleterre, maistre des œuvres de carpenterie de tres hault noble et puissant prince monseigneur le gou-

(1) En 1425, Jean Willemer est dit charpentier, demeurant à Harfleur. Un mandement de Jacques Le Vaillant, sergent d'armes du Roi, maître de ses œuvres de maconnerie et général maître des œuvres du Régént duc de Bedford, daté du 21 juin de cette année, lui alloue 16 livres tournois pour avoir fait une porte et logette, avec bois et ferrure, sur le pont dormant devant le pont-levis de l’entrée de la ville devers le havre, et pour avoir tiré hors de la Seine, dans le dit havre, un engin à deux roues et deux grandes pièces de bois « qui musoient et empeschoient les matieres a venir dedans le havre pour les besoignes que l’on y fait ». (Arch. de la Seine- Inférieure, Fonds Danquin. Original.) Jean Willemer fut l’un des experts nommés en 1441 pour étudier les mesures à prendre en vue de consolider l’église Saint-Ouen, menacée par la charge de la grosse tour. (Ch, DE BEAUREPAIRE, Notes sur les Architectes de Rouen, Bulletin des Amis des Monuments rouennais, 1902, p. 91.)

vernant et regent le royaume de France, duc de Bedford, icellui Willemer a present demourant a Rouen, aiant don royal de certaines maisons, tenemens et ediffices assis en ladicte ville de Rouen, en la parroisse de Saint Estienne de la rue aux Tonneliers d'’icelle ville de Rouen, joinenans d’un bout a Jehan Le Tourneur et le chimetiere de ladicte parroisse, d’un costé à Colin Feron et audit chimetiere, d’autre costé a Denis Du Sauchoy et d’autre costé au pavement du Roy nostre sire, lesquelles maisons, tenemens et ediffices sont venus en la main du Roi nostredit seigneur par la rebellion et desobeissance d’aucuns de ses adversaires, jouxte le contenu ou patent d’icellui Willemer aiant avec son droit le droit de messire Guillotin de Lansac, chevalier, qui semblablement en avoit eu don royal; et il soit ainsi que ledit Willemer puis nagueres ait visité lesdictes maisons, tenemens et ediffices, aprés ce que il en ait eu et prins par justice et par vertu de sondit patent saisine et possession, en laquelle il soit de present paisiblement, et par icelle visitacion ait trouvé que il aït une d’icelles maisons d’icellui tenement et ediffices qui joingt d’un costé a ung hostel d’une des maisons, tenement, heritage et ediffice de l’eritage dudit Denis du Sauchoy, icellui tenement et heritage dudit du Sauchoy nommé le tenement de la court Saint Sevestre, assis en ladicte ville de Rouen et parroisse de Saint Estienne de la rue aux Tonneliers, entre laquelle maison dudit Willemer et celle dudit du Sauchoy ait semblablement trouvé qu'il y a deux goutieres, l’un qui porte les eaues qui descendent de dessus le costé de la maison dudit Willemer et les conduit icelle goutiere par dedens icelle maison par certains conduiz de plomb en la court dudit Willemer, qui soit chose moult dommaigable et prejudiciable pour icelle maison dudit Willemer et rent grans dommages et pourretures en plusieurs endroiz de la carpenterie d’icelle

et autres ediffices, et aussi ait trouvé et veu que en la maison dudit Du Souchay joingnante a icelle qu'il y ait une goutiere qui porte les eaues dudit Denis en sa court; et aprés icelle visitacion par lui faicte, et tout veu et visité, et lui bien adverti du prouffit et utilité pour le bien desdiz ediffices de trouver voye et moyen avec ledit Denis que entre lesdictes deux maisons dudit Willemer et Denis Du Souchay ediffice nouvel fust fait en telle maniere que pour recevoir et recueillir toutes les eaues des deux costez desdictes maisons d’iceulx Willemer et Du Souchay une seulle goutiere fust faicte et ediffiée de iïij piez de long ou environ qui conduisit toutes lesdictes eaues en une petite goutiere plommée qui est sur l’eritage dudit Denis, laquelle petite goutiere, qui est et appartient comme dit est audit Denis et sur son heritage, recevroit les eaues des deux costez desdictes maisons dudit Willemer et Du Souchay et les porteroit en ladicte court dudit Denis, en fournissant et pour parvenir a son intencion et pour le bien de ladicte maison d'’icellui Willemer et mesmes dudit Denis, que une goutiere entre deux maisons vault mieulx, comme l’on dit, que deux, icellui Willemer soit tourné et trait devers ledit Denis du Souchay et lui remonstré les dessusdiz moïiens ; aprés lesquelles choses ainsi faictes, icellui Denis pour demourer en l’amour et contemplacion dudit Willemer, aprés ce qu'ils oulrent fait venir maiïstres Alixandre de Berneval et Johanson dit Salvart, maistres jurez des œuvres de maçonnerie du Roy nostre sire, et Jaques de Soteville, maistre juré des œuvres de carpenterie d’icellui seigneur en ladicte ville de Rouen, et Colin Faon, Pierres Le Hagais, Martin Le Bourgoy, Robin Riviere, Jehan de Soissons et Colin Le Goys, plommier, voisins desdictes maisons, et leur monstré et fait entendre ledit ediffice de ladicte goutiere, et eulx conseilliers avec iceulx jurez et voisins pour savoir se 4

leurs advis et consciences icelle goutiere vauldroit mielx que lesdictes deux goutieres, comme ilz estoient lors, et que iceulx jurez et voisins leur oulrent dit et affermé que a leurs advis et consciences la seulle goutiere vauldroit mieulx pour le bien et prouffit de la maison dudit Willemer pourveu que les eaues fussent portées en la court dudit Denis, comme dit est, icelles parties par les moiens dessusdiz, c’est assavoir lesdiz Willemer et Souchay fussent demourez d’accord en la maniere qui ensuit, Savoir faisons, ete, furent presens lesdiz Jehan Willemer d’une part et ledit Denis Du Souchay d’autre, lesquels aprés ce que lesdiz jurez et voisins oulrent dit et rapporté par devant ledit tabellion ce que dit avoient ou narratif de ces presentes, congnurent et confesserent avoir appoineté et encores appoincter voulloient et accordoient tant pour eulx, leurs hoirs et ayans cause et en furent d’accord que ledit Willemer feroient (sic) faire entre lesdictes deux maisons bien et deuement au prouffit desdiz ediffices dudit Willemer et du Souchay ladicte goutiere d’icelle longueur comme les ediffices le requierent, laquelle goutiere sera de bois de quesne a deux caves qui porteroit toutes lesdictes eaues desdictes deux maisons, et la feroit toute plommée de neuf plomb bien et deuement, et si feront recouvrir ce qui fauldroit descouvrir sur lesdictes maisons pour asseoir ledit ediffice goutier, le tout a ses propres cousts et despens singullierement et pour le temps advenir sera tenu maintenir et soustenir icelle goutiere de fust et de plomb et de toutes reparacions a cause de ladicte goutiere, lui, ses hoiïrs et ayans cause, pour le temps advenir ses hoirs, ete., y soient tenus en riens contribuer, et par ces moyens ledit Du Souchay tant pour lui que pour ses hoirs, ete., fut d’accord que ledit Guiliemer ait et prengne le fust de la goutiere qui est sur la maison dudit Denis et l’atribuer a son prouffit singulier.

Et aussi sera d’accord ledit Denis, tant pour lui que pour ses hoirs, ete., de porter toutes lesdictes eaues qui affleueront par ladicte neufve goutiere en ladicte petite goutiere qui est et siet sur l’eritage dudit Souchay, et lesquelles eaues seront conduites par ladicte petite goutiere jusques en la court dudit Denis. Et a ce tenir, etc., obligerent lesdictes parties biens, ete. Presens Robin Le Gay et Jehan Baiïller.