CXXXVI. — Rouen, 21 juin

Quittance du duc de Bedford pour sa part des gains de guerre faits par le comte d’Arondel depuis le 1°° mars 1434, n. st. (Arch. de la Seine-Inférieure, Fonds Danquin. Original.)

Jehan gouvernant et regent le royaume de France duc de Bedford confessons avoir eu et receu de nostre tres chier et bien amé Michiel Durant, receveur general de Normendie, la somme de quatre vings deux livres dix solz tournois qu'il a baïlliez et delivrez comptàans en noz privez coffres sur ce qu'il nous peult estre deu a cause des tiers ét autres gaingnes de guerre faiz puis le premier jour de mars ecce xxxlij par deffunt nostre tres chier et amé cousin le conte d’Arundell en son vivant lieutenant de monseigneur le Roy et de nous sur le fait de la guerre es pais d’entre les rivicres de Seine, Loire et la mer et oultre laditte riviere de Loire ou duchié de Thouraiïine, lesquelz tiers et gaings de guerre mondit seigneur le Roy nous a ottroiez avoir et prendre par ses lettres données à Rouen le premier jour de novembre ecce xxxi. De laquelle somme de quatre vingz deux livres dix solz tournois dessusdicte nous nous tenons pour content et bien paié et en quittons

ledit receveur et voulons qu’elle soit allouée en ses comptes et rabatue de sa recepte par tout ou il appartendra. Donne a Rouen soubz nostre scel le xxi®® jour de juing l’an de grace mil cece trente cinq. — Par monseigneur le gouvernant et regent due de Bedford, G. Ferieres (avec paraphe.)