CXXXIX. — Mantes, 19 octobre

Mandement du roi Henri VI taxant à 10 livres tournois par jour les fais de voyage de Pierre Cauchon, évêque de Lisieux, qui est venu de Bâle à Arras et d'Arras à Rouen pour traiter des affaires de la paix. (BrBz. NarT., Franc. 20884, n° 63. Original.)

Henry par la grace de Dieu roy de France et d’Angleterre À nostre amé et feal Jehan Stanlawe, tresorier et general gouverneur de toutes noz finances en Normandie, salut et dilection. Comme pour vaquer, besongner et entendre en la matiere de paix generale de noz royaumes de France et d'Angleterre que nagaires esperions avoir par le moyen de la convencion qui derrenierement a esté en la ville d'Arras, tant de pluseurs de nostre sang et lionage et autres gens notables de notre conseil et de noz serviteurs et subgez comme des ambassadeurs de nostre adversaire, nous eussions ordonné nostre amé et feal conseillier l’evesque de Lisieux, lequel pour obeïir a nostre commandement parti de la cité de Baale pour venir a ladite convencion audit lieu d’Arras, ouquel lieu ïl a esté par plusieurs jours et d’ilee par l’ordonnance de tres reverend pere en Dieu nostre tres chier et tres amé onele le cardinal d'Angleterre et de noz autres conseilliers et am-

bassadeurs est venu en nostre ville de Rouen pour faire rapport par devers les gens de nostre conseil en France et Normandie des choses faictes et communiquées audit lieu d'Arras, pour raison duquel voiage aucune tauxacion ne lui a esté faicte; Et pour ce que nous le voulons recompenser des frais, missions et despens qu'il a fais a l’occasion dudit voiage nous lui avons tauxé et ordonné, tauxons et ordonnons par ces presentes la somme de dix livres tournois pour chascun jour qu'il a vaqué en icellui voyage. Si vous mandons, commandons et enjoingnons expressement que par nostre bien amé Michiel Durant ou autre receveur general desdictes finances, vous faictes paier, baïller et delivrer a nostredit conseillier la somme de dix livres tournois pour chascun jour quil affermera avoir vaqué en icellui voiage a compter du jour qu'il se parti dudit lieu de Baale jusques au jour qu'il arriva en nostredicte ville de Rouen, l’un et l’autre inclus, et par rapportant ces presentes et quictance de nostredit conseillier, par laquele il certiffie et afferme les jours qu’il a vacqué oudit voiage par la maniere dessusdicte, tout ce que païé lui aura esté a ladicte cause sera aloué es comptes et rabatu de la recepte dudit Michiel Durant ou autre receveur general par noz amez et feaulx gens de noz comptes a Paris, ausquelx nous mandons et commandons que ainsi le facent faire sans aucune difficulté ou contrediet. Donné a Mante le xix° jour d’octobre l’an de grace mil ecce trente cinq et de nostre regne le xiij®®. — Par le Roy a la relacion du Grant Conseil GERVAIS (1).

(1) Le 17 octobre 1436, Pierre Cauchon donne quittance de 670 livres tournois qu’il a recues de Pierre Baille pour ses frais de voyage de Bâle à Arras, où il a besogné sur le fait de la paix, et d'Arras à Rouen, où il est venu conférer sur le même sujet avec le Grand Conseil — voyage qu'il affirme sur sa conscience avoir duré soixante-sept jours, du 23 juillet 1435, date de son départ de Bâle, jusqu’au 27 septembre suivant, date de son arrivée à Rouen — ce

CXL, — 22 octobre 1435.

Quittance de dix sacs de charbon livrés par Jean Hachier pour la provision du château de Rouen. (Arch. de la Seine-Inférieure, Fonds Danquin. Original.)

L’an de grace mil ccte trente cinq le xxij° jour d’octobre devant nous Guillaume Coudren, lieutenant de honnourable homme Rogier Mustel, viconte de l’eaue de Rouen, fut present Jehan Hachier, carbonnier, qui congnut et confessa avoir eu et receu de honnourable homme et sage Guy de la Villecte, viconte de Rouen, c’est assavoir la somme de cinquante solz tournois qui deubz lui estoient a cause de la vendicion et livrement de dix sacqs de charbon de lui achetez par ledit viconte pour mectre en garnison eu chastel de Rouen pour la provision d’icelui selon l’ordonnance et par vertu du mandement de Jehan Stanlawe, escuier, tresorier et general gouverneur des finances du Roy nostre sire en Normandie, donné a Rouen le inj° jour d’octobre l’an mil iüij° trente cinq, duquel charbon ledit viconte avoit achaté chascun sacq par le prix de cinq solz tournois qui vallent ensemble ladicte somme de cinquante solz tournois, dont ledit Hachier se tint pour bien poié et comptent et en quicta le Roy nostre sire et tous aultrez a qui quictance en appartient. Pre-

qui fait 670 1. tourn. à raison de 10 1. t. par jour. (Zbid., p. 64. Original.) — 15 février 1437 (n. s.), Quittance de Pierre Cauchon, évêque de Lisieux : 557 I. 1 s. 8 d. pour ses gages de conseiller du roi, qui sont de 1.000 I. par an, pour les mois de mai à décembre 1456. Le total pour ces huit mois devait monter à 666 I. 13 s. 4 d. t.; mais il faut en déduire quarante jours, qu’il a vacqué à ses affaires personnelles, le reste ayant été employé aux affaires du roi, ce qui fait 105 1. 11 s. 8 d. à retrancher : total 557 I. 15. 8 d, (Ibid., p. 66. Original.) — 13 juillet 1438. Autre quittance de 250 1. pour ses gages dedit office pour avril, mai et juin 1438, pendant lesquels il a servi le roi en son Grand Conseil à Rouen. (7bid., n° 67. Original.)

sens a ce Thibault Lemercier, canonnier dudit chastel et Perrin Grantsac commis a garder les provisions dudit chastel, qui tesmoingnerent et relaterent, c’est assavoir ledit canonnier qu’il avoit veu et visité ledit carbon, esté present a l’acheter et estoit bon et prouffitable pour la provision dudit chastel et valloit bien et loyaument ladicte somme de cinquante solz tournois, et ledit Gransac confessa que lesdiz dix sacqs de charbon lui avoient esté baïlliés et livrez eudit chastel et les avoit en sa garde. Donné comme dessus. — G. Coudren (avec paraphe).