CXLI. — 11 novembre

Quittance de Geoffroy Haiïmel pour fourniture de cidre à la garnison du château de Rouen. (Arch. de la Seine- Inférieure. Fonds Danquin. Original.)

L'an de grace mil ecce trente cinq, le xi° jour de novembre devant nous Guillaume Coudren, lieutenant de honnourable homme et saige Rogier Mustel, viconte de l’eaue de Rouen fut present Gieffroy Haïimel, marchant de cidres, qui congnut et confessa avoir eu et receu de honnourable homme et saige Guy de la Villecte, viconte de Rouen, la somme de vingt neuf livres cinq soulz tournois qui deubz luy estoient a cause de la vendicion et livrement de neuf queues de cidre de luy achatées par ledit viconte pour icelles mectre en garnison eu chastel de Rouen pour la provision et avitaillement d’icelui pour et en lieu de trente queues de cidre ou de partie d’icelles que ledit viconte avoit fait mectre eudit chastel l’année derraine passée avecquez aultres provisions, dont partie d’icelles provisions pour ce qu'ilz tournoient a empirance pour les renouveller ont esté vendues par vertu du man-

j va Lol

dement de Jehan Stanlawe, escuier, tresorier et general gouverneur des finances du Roy nostre sire en Normandie, donné a Rouen le xx cinquiesme jour d’aoust l’an mil iijc trente cinq; lesquelles ix queues de cidre ledit viconte avoit achatées par le prix de soixante et cinq soulz chascune queue pour fust et cidre, qui vallent ensemble ladicte somme de xxix livres v soulz, dont ledit Gieffroy Haïnel se tint pour bien paié et content et en quieta le Roy nostre sire, ledit viconte et tous aultres a qui quictance en appartient. Presens a ce Raoul de Roquemont et Michiel Vassal, marchans et bourgois dudit lieu de Rouen, et Perrin de Gransart, commis a garder les provisions dudit chastel, qui tesmoignerent et relaterent, c’est assavoir lesdiz Roquemont et Vassal qu'’ilz avoient beu et gousté desdiz cidres et qu'ilz valloient bien et loyaument la somme de xxix livres v solz et ‘estoient bons et prouffitables pour la provision et advitaillement dudit chastel, et ledit Gransart confessa que lesdiz cidres luy avoient esté baïllés et livrés eudit chastel et les avoit en sa garde. Donné comme dessus. — G. Coudren (avec paraphe).