CLXXXII. — 1°" juin

Certificat de Simon le Noir, maître des œuvres de charpenterie du Roi, pour travaux exécutés par Jean le Camus, plätrier, au château de Rouen. (Arch. de la Seïne- Inférieure, Fonds Danquin, supplément. Original.)

Je Symon le Noir, maistre des œuvres de charppenterie du Roy nostre sire eu baïllyage et viconté de Rouen, certiffie a tous a qui il appartient que par l’ordonnance et commandement de tres hault et puissant prince monseigneur le due d’York, lieutenant general gouverneur de France et Normendie, Jehan le Camus, luy ij°, ouvriers du mestier de plastrerie, ont fait au chastel du Roy nostredit seigneur audit Rouen certaines repparacions dudit mestier de plastrerie qui estoient necesseres estre faictes es lieux et es places qui ensuivent : Et premierement es galleries sur les murs devers Saint Patrix ung carnel d’iceux murs estouppé de bloe et de plastre viel, ainsy que mestier estoit, de deux piez de lay sur trois piez de hault ou environ et fait la bée d’une fenestre d’un pié en escarrye ou environ. {tem en l’alée dessus les murs devers

ies champs estouppé plusieurs troux de planchers de bloc et de plastre viel, ainsy que mestier estoit. Zfem en la grant gallerie devers le belle semblablement restouppé de bloc et de plastre viel plusieurs troux de planchers. Ztem semblablement en la bouteillerie reffait et estouppé de bloc et de plastre viel ung grant cours de planché et plusieurs troux de planché en plusieurs lieux ou mestier estoit. Ztem en la grant salle de commun reffait et estouppé plusieurs troux de planchers de bloc et de plastre, ainsy que mestier estoit. {tem iceulx ouvriers ont reffait et haulcé tout de neuf et de plastre neuf la grant cheminée d’icelle salle depuis la couverture d'’icelle salle sur la haulteur de trois toizes de hault, de deux toizes de pourtour ou environ garnie de ses lermiers, ainsy qu’elle estoit ouparavant, laquelle cheminée estoit cheue et romppue par force de vent et fortune de temps par la fortune du temps qui fu le jour Saint George derrain passé, ainsy qu'il appert en plusieurs lieux, lesqueulx lermiers dessusdis sont lyés de grosse corde de baast envolleppées en plastre et en iceulx lermiers pour mieulx tenir en lyeson icelle cheminée ainsy qu'il appartient et comme faicte estoit. Pour toutes lesquelles repparacions dessusdictes avoir faictes et acomplies ainsy que dit est et que mestier estoit du mestier de plastrerie, icelluy le Camus, luy ij° comme dit est, y ont esté et beisongné chacun l’espasse de sept jours, chacun v solz pour jour, vallent Ixx solz tournois. Ztem deux varlés de bras pour les servir chacun, chacun vij jours, chacun ïij solz pour jour, vallent xlij solz tournois. /tem y a esté mis et emploié xiij mynes de plastre neuf, du pris de x solz la myne, vallent vi livres x solz tournois. {tem xvi mynes de plastre viel, du pris de üïij solz vi deniers tournois la myne, vallent Ixxij solz tournois. {tem pour corde baast [..... ] iij solz ix deniers. Item pour cordaille, eschielles, establies et clou a faire les

[dictes] establies, pour ce xx solz. Montent et vallent ensemble toutes [les choses] dessusdictes la somme de saize livres dix sept soulz neuf deniers tournois. [En tesmloing de ce j’ay scellé ces presentes de mon scel dont je [use en mondit office le] premier jour de juing l’an mil iïij® xliiij.

CLXXXIII. — Rouen, 22 décembre 1444.

Certificat de Talbot, relatif à une chapelle de damas blanc qu’il a donnée à l’église du Sépulcre de Rouen pour servir le jour de la fête Saint-Georges. (Arch. de la Seine-Inférieure, G 9336. Original.)

Jehan conte de Shrosbery et de Wefford, sire de Talbot et de Furnyvall, mareschal de France, A tous ceulx qui ces presentes verront salut. Comme pieça par devocion nous ayons donné a l’esglise du Sepulcre, pour honneur et reverence de Dieu et de monsieur Saint George qui en icelle est honnoré, reveré et servy, une chapelle fournie de chasuble, tunique, dalmatique pour dyacre et soubz dyacre, deux chappes et deux paremens d’autel autrement nommez contre autielx de drap de damas blanc semez de jartiers pers, et soit ainsi que parolles se soient meues par fourme de controversie par entre les chanoïnes d’icelle esglise, d’une part et les freres de la cinquanteine de ceste ville de Rouen d’autre, iceulx chanoïnes disans les aournemens dessusdiz appartenir a ladicte esglise et lesdiz freres disans au contraire iceulx appartenir a leur confrarie ; sur quoy ayons esté requis dire et desclairer nostre volenté et intencion ; Savoir faisons et certiffions que les vestemens, aournemens et paremens dessusdiz, en tant que donné en y avons, nous l’avons fait en propos, intencion et volenté qui soient gardez et usez pour la decoracion et

service d’icelle esglise et non d’autre, especialment a la feste de mondit seigneur Saint George toutesfois qu’elle escherra et a telles autres festes comme lesdiz chanoines adviseront estre a faire, en la garde desquelz voullons et entendons que lesdiz vestemens, aournemens et paremens soient et demeurent comme appartenans a ladicte esglise. Desquelles choses iceulx chanoines nous ont requis ces presentes, que leur avons accordées pour leur valloir en temps et lieu ce que de raison et justice appartendra. Donné en tesmoing de ce soubz nostre seel et signe manuel, a Rouen le xxij° jour de decembre l’an de grace mil cecc quarante quatre. — Talbot (1).