CLXXXIV. — 16 mars 1445 (n. st

Quittance de Guillaume Gucrould, maçon, pour travaux exécutés à la grande porte de pierre qui ferme l’entrée du pont de Seine, du côté de Saint-Sever. (Arch. mun. de Rouen, ms. P 105 (54). Original.)

L'an de grace mil cece quarante quatre, le xvi® jour de mars devant nous Guillaume Coudren, lieutenant de honnorable homme et saige Jehan Surreau, viconte de l’eaue de Rouen, fut present Guillaume Guerould, ouvrier du mestier de maçonnerie, demourant a Rouen, lequel congnut et confessa avoir eu et receu de Jehan le Moyne, viconte dudit lieu de Rouen, la somme de traize livres unze solz tournois qui deubz lui estoient pour avoir fait, lui et ses aides, dudit mestier, ou pont dormant de la crant porte de pierre du bout du pont de Saine dudit Rouen vers Saint Sever l’ouvrage et opperacion de machonnerie neccessere estre faicte oudit pont dormant pour asseoir icellui, plus a plain contenue, declerée et spe-

(1) Ce document a été publié par M. de Beaurepaire, Derniers Mélanges historiques, ete., pp. 46-48.

ciffiée es lettres certifficatoires données de Simon le Noir, maistre des œuvres de maçonnerie du Roy nostre sire ou baïlliage de Rouen, parmy lesquelles ces presentes sont annexées. De laquelle somme de xiij livres xi solz tournois dessusdicte ledit Guillaume Guerould se tint pour content et bien païé, et en quicta et quicte le Roy nostredit seigneur, ledit Jehan Le Moyne, viconte et tous autres a qui quictance en appartient. Donné comme dessus. [Signé] G. Coudren (avec paraphe).