CLXXXV. — 22 mars 1445 (n. st

Certificat de Jean du Doult, sergent, pour du suif saisi chez un chandelier de Rouen par Les gardes du métier et qui a été fondu et vendu au profit du Roi et des dits gardes. (Arch. de la Seine-Inférieure, Fonds Danquin supplément. Original.)

Je Jehan du Doult sergent du Roy nostre sire en la ville et banlieue de Rouen, certiffie que le vi° jour de ce present moys par l’ordonnance et commandement de honnourable homme et saige Jehan le Moiïne, viconte de Rouen, j’ay vendu quarante livres de suif fondu yssus de certaine chandelle dont avoit esté trouvé saisy Colin le Sueur chandelier et avoit esté apportée a justice par les gardes dudit mestier et trouvé forfaicte et pour celle cause refondue et ledit suif vendu au pris de ix deniers tournois la livre, qui valent xxx solz tournois ; sur quoy est a rabatre pour le portaige ix deniers tournois ; 2em pour la fonte dudit suif xv deniers tournois et pour le sallaire des sergens qui ont vacqué a veoir fondre et vendre ledit suif ii] solz vi deniers tournois ; ainsi demeure d’iceulx xxx solz tournois xxiij solz vi deniers

tournois ; en quoy lesdiz gardes prennent le tiers selon les ordonnances dudit mestier, qui monte vij solz x deniers tournois; reste pour le Roy nostre dit seigneur xv solz viij deniers tournois. En tesmoing de ce j’ay signé ces presentes de mon saing manuel le xxij° jour de mars l’an de grace mil ccce xliïij avant pasques. [Signé] J. du Dout (avec paraphe).