CLXXXVI. — 12 mai
Quittance d'Henry Redford pour un quartier de ses gages et de ceux des hommes d’armes de sa compagnie préposés à la garde et défense de la ville de Rouen. (Arch. de la Seine-Inférieure, Fonds Danquin. Original.)
Sachent tuit que nous Henry Redford, chevalier, lieutenant en la garde et cappitainerie de la ville de Rouen pour tres hault et puissant prince monseigneur le duc de York, lieutenant general et gouverneur de France et Normendie, confessons avoir eu et receu de sire Remon Monfault, receveur general de Normendie, la somme de dix huit cens quatre vings dix huit livres quinze solz trois deniers tournois en prest et paiement des gages et regards de six hommes d’armes a cheval, nostre personne comprinse, dix autres hommes d’armes a pié et de quatre vings huit archiers de la retenue de mondit seigneur pour la seureté et sauvegarde de ladicte ville, desserviz par ung quartier d’an commançant le xxix° jour de septembre et fini le xxviij* jour de decembre derrenierement passez incluz, dont monstres ont esté faictes le xxvij° jour dudit moys de decembre par devant Jehan le Moyne, viconte de Rouen, et Jehan Pasquier dit Johannes a ce commis, en laquelle somme sont comprins six cens vingt cinq livres
huit solz quatre deniers tournois qui rabatuz nous ont esté par ledit receveur general, lesquelz nous ont esté paiez par Pierre Baïlle nagueres receveur general de Normendie sur les gages et regards desdictes gens d’armes et de trait, lesquelles gens d’armes et de trait nous promettons paier bien et deuement de leursdiz gages et regards et chascun d’eulx par testes sans fraude, Et avec ce certiffions par ces presentes sur nostre loyaulté et honneur que nous avons tenu a la seureté et sauvegarde de ladicte ville de Rouen par tout le quartier d’an dessusdit le nombre de gens d’armes et de trait dessus decleré et que par icelles gens ne aucuns d’eulx n’ont esté faictes pendent et durant le quartier dessusdit aucunes vâcacions ou faultes de services. De laquelle somme de dix huit cens quatre vings dix huit livres quinze solz trois deniers tournois nous sommes contens et bien paiez et en quittons par ces presentes le Roy nostredit seigneur, ledit receveur general et tous autres. En tesmoing de ce nous avons scellées ces presentes de nostre scel le douziesme jour de may l’an mil cece quarante cinq. — J. Pasquier.
CLXXX VII. — 31 mars 1446 (n. st.).
Mandement de Jean Stanltawe, trésorier de France et Normandie, au sujet du doublement par Aubin Papillon de la ferme de douze deniers pour livre des chevaux vendus à Rouen. (Arch. de la Seine-Inférieure, Fonds Danquin. Original; trace d’un cachet de cire rouge.)
Jean Stanlawe escuier tresorier et general gouverneur des finances du Roy nostre sire en France et Normandie. À Regnault Blondel receveur des aides a Rouen salut. Aubin Papillon, marchant, demourant a Rouen, est venu
devers nous, disant que la ferme de douze deniers pour livre des chevaulx venduz a Rouen est a pris a la somme de trois cens livres tournois et que Colin le Conte et Jehannin Trompecte la tiennent a ce pris pour ceste presente année commençant le premier jour d'octobre derrain passé et a finir l’an revolu et acompli, offrant mectre sur icelle ferme ung doublement de la somme de trois cens livres par condicion et moiennant que dudit doublement il ne sera tenu paier que soixante livres tournois seulement. À quoy actendu que icelle somme de soixante livres tournois vendra franchement et entierement au prouffit du Roy nostredit seigneur oultre et par dessus les trois cens livres tournois a quoy icelle ferme est de present comme dit est, ledit Aubin Papillon a esté presentement receu moiennant et par la condicion dessusdicte. Si vous mandons et enjoingnons par ces presentes expressement que ledit Aubin Papillon et ses pleiges vous tenez quictes et deschargez dudit doublement montant trois cens livres tournois comme dit est en paiant pour icelui doublement de ïijt 1. t. ladicte somme de soixante livres tournois seulement. Et par rapportant ces presentes seulement la somme de deux cens quarante livres tournois pour le residu dudit doublement sera aloée en voz comptes et rabatue de vostre recepte partout ou il appartendra, sans aucun contredit. Donné a Rouen soubz nostre signet le derrain jour de mars avant Pasques l’an mil cece quarante cinq. — N. Du Ru (avec paraphe).
CLXXX VIII. — Rouen, 17 juin 1446.
Mandement du roi Henri VI pour la reprise et une nouvelle mise aux enchères des deux branches de la ferme
de la vicomté de l’eau de Rouen, que les fermiers actuels, en raison du malheur des temps, ne peuvent plus exploiter sans perte. (ARCH. Nar., P 1919°, n° 43489. Original.)
Henry etc., au viconte de Rouen ou a son lieutenant, salut. Receu avons l’umble supplicacion de noz amez Michiel Bonté et Cardinot de Brumare, bourgoiz de Rouen, fermiers de la grant ferme de la viconté, contenant comme l’acquit de la viconté de l’eaue dudit lieu de Rouen soit cueilli par deux branches et deux paire de fermiers, dont l’une desdietes branches soit nommée la ferme des quatre piez et l’autre branche soit nommée la grant ferme de la viconté de laquelle lesdis supplians sont tenans et fermiers, comme dit est, par le pris et somme de cinq mil six cens livres tournois avec les autres charges pour trois ans entiers commençans au terme de pasques mil quatre cens quarante quatre, de laquelle la revenue soit principalment fondée sur l’acquit du vin, et il soit ainsi que la premiere d’icelles trois années, obstant la paucité de vendenges qui fut en icelle, a esté de si petite revenue qu'il y a eu perte en ladicte ferme de la somme de six cens livres tournois, et la seconde année finissant a pasques derrenierement passés a esté encores de mendre valeur que la premiere a l’occasion de la gelée et defection de vendenges qui pareïllement furent en icelle, et aussi pour le fait de la bastille de Vauvray et mesmes pour les franchises, libertez, previlieges et autres drois par nous donnez et octroiez a nos bien amez les bourgoiz manans et habitans de noz ville de Rouen et Harefleu, par quoy plusieurs ont delaissié a charger navires et mener esdictes villes et mectes d’icelles a l’occasion des choses dessusdictes, et tant que en icelle seconde année lesdis supplians ont eu perte en ladicte ferme de bien
mil livres tournois, comme ilz dient toutes ces choses clarifier et enseigner tant par le papier de l’acquit de ladicte viconté que par bonne et vraye informacion, se mestier est, et ainsi ont iceulx supplians eu perte en ladicte ferme, durans lesdictes deux premieres années, de seize cens livres tournois ou environ, qui est en leur tres grant prejudice et dommaige et total desercion et pourroit encores plus estre se ladicte ferme estoit et demourroit en leur main en ceste tierce et derraine année, actendu la petite revenue d'’icelle et le grant pris a quoy ilz la tiennent, si comme ilz dient, en nous humblement requerans que la veullons reprendre et mectre en nostre main et les en deschargier. Pourquoy nous ces choses considerées, voulans obvier aux dommaiges et inconveniens de noz subgiez et que a ladicte occasion lesdiz supplians ne leurs pleiges n’aient cause de fuir ne guerpir le pays, te mandons et enjoingnons expressement que ladicte ferme tu prennes et mectes tout de nouvel en nostre main, en faisant crier et baïller a nostre prouffit au plus offrant et derrain encherisseur, ainsi que en tel cas est acoustumé de faire pour trois ans entiers commençans au terme de pasques derrenier passé et finissans iceulx trois ans acomplis et revolus, en tenant iceulx supplians et leursdis pleiges pour quictes et deschargiez d'’icelle ferme au regart et en tant que touche la dicte derraïine année commençant audit terme de pasques derrain passé, de laquelle nous pour les causes dessusdictes les en avons tenus et tenons totalement par ces presentes pour quictes et deschargiez. Donné a Rouen le dix septiesme jour de juing l’an de grace mil cece quarante six et de nostre regne le vingt quatriesme, — Es requestes tenues par messieurs les commis par le Roy ordonnez au gouvernement de France et Normandie, esquelles les maistres des requestes et autres estoient. BURDIN.
